(22.11.1944, Göyçay r-nunun Kürdəmiş k.–20.12.2001, Şəmkir r–nu ərazisində) – Azərb. hüquq–mühafizə orqanlarının tanınmış nümayəndəsi, Birinci Qarabağ savaşında hərbi əməliyyatların fəal iştirakçısı.

Orta məktəbi bitirəndən sonra Rusiya Federasiyasında hərbi xidmət keçib. Daha sonra Daxili işlər orqanlarında fəaliyyətə başlayıb. Orta milis məktəbini bitirəndən sonra Nəqliyyatda Polis İdarəsində polis nəfəri, daha sonra isə sahə rəisi vəzifəsində çalışıb. 1966 ildə vətənə qayıdan Bakı ş. Baş Polis İdarəsində, daha sonra BCAİ–də xidmətini davam etdirir. Polis polkovniki sonradan Cəbrayıl, Ağdam, Lənkəran və Qəbələ R-n Polis Şöbələrinin rəisi vəzifəsinə irəli çəkilir. Amma onun xidməti fəaliyyətinin ən gərgin illəri Qarabağ zonasında fəaliyyət göstərdiyi vaxtlara düşdü. Həmin illərdə M. Cəbrayıl r-n Daxili İşlər şöbəsinin rəisi kimi r-da ictimai asayişin qorunmasından əlavə həm də döyüş bölgəsində müstəsna xidmətlər göstərmişdi. O, 2001 ildə xidməti vəzifəsini yerinə yetirərkən avtomobil qəzasında həyatını itirib.

Məlumat ailəsindən alınmışdır

(2.8.1963, Göyçay ş.) – Azərb. Ordusunun polkovnik-leytenantı, Birinci Qarabağ müharibəsi iştirakçısı.

1983 ildə hərbi xidmətdən qayıdandan sonra Kuybışev ş. Sənaye Pedaqoji Texnikumuna qəbul olunub, 1989 ildə isə Sverdlovsk vilayətində Polis məktəbini bitirib Boqdanoviç ş.-də post-patrul nəfəri kimi işə başlayıb. 1992 ildə Qarabağ uğrunda gedən döyüşlərdə könüllü surətdə iştirak etmək üçün Azərb. Resp. DİN-ə yazılı müraciət edir, həmin ilin avqustundan etibarən Ağdərə polis şöbəsində işə başlayır. Oktyabr ayında isə Çıldıran və Drambonda gedən döyüşlərdə sağ qolundan və ayağından yaralanır.