Dövlətimizin başçısı 2005-ci il iyulun 8-də əvvəlcə “Göyçay-Konserv” Açıq Səhmdar Cəmiyyətinin yerləşdiyi əraziyə gəldi.
Prezident İlham Əliyev və ailə üzvləri binanın qarşısında böyük hörmət və ehtiramla qarşılandı, onlara gül dəstələri təqdim olundu.
Xəbər verdiyimiz kimi, Azərbaycan Respublikasının Prezidenti İlham Əliyev 2005-ci il iyulun 7-də Göyçay rayonunda olmuşdur.
Prezident İlham Əliyevi, xanımı Mehriban Əliyevanı və qızı Leylanı qarşılamaq üçün küçə və meydanlara çıxan göyçaylılar onlara böyük sevgi-məhəbbətlərini, istəklərini gül-çiçəklə, səmimi sözlərlə bildirirdilər. Yol boyu minlərlə sakinin əllərində ümummilli liderimiz Heydər Əliyevin və Prezident İlham Əliyevin portretləri, dövlətimizin başçısını salamlayan şüarlar var idi.
