(17.7.1958, Göyçay ş.) – şair, yazıçı, tərcüməçi, AYB-nin üzvü (1996).

Göyçay ş. 1 saylı orta ümumtəhsil məktəbini (1975), BDU-nun Filologiya fakültəsini (1985), Jurnalist Sənətkarlığı İnstitutunu (1987) bitirib. 1976-78 illərdə hərbi xidmətdə olub. 1979-89 illərdə AMEA-nın “Sovetskaya türkologiya” elmi-kütləvi jurnalında işləyib. 1989-94 illərdə AMEA-nın “Elm” və “Tarix” qəzetlərində, Milli Məclisin orqanı olan “Azərbaycan” qəzetində, “ABS” və “Cümə” müstəqil nəşrlərində çalışıb. 1994-96 illərdə “Yol” ədəbi qəzetinin və “WEEK-END” həftəliyinin redaktoru, Azərb. Tərcümə Mərkəzinin nəşriyyat redaksiyasının baş redaktoru olub. 1996-99 illərdə Azərb. Resp. Mədəniyyət Nazirliyinin mətbuat xidmətinin rəhbəri vəzifəsində çalışıb. 1999-2014 illərdə “Antinarkotizm” Beynəlxalq elmi-analitik Mərkəzin direktoru və “Azərbaycan-Rumıniya Dostluq Cəmiyyəti” ictimai birliyinin sədri vəzifələrini icra edib. 2014 ildən Azərb. Resp. Nazirlər Kabineti yanında Tərcümə Mərkəzinin Dünya ədəbiyyatı şöbəsinin müdiri vəzifəsində çalışır. “Tənhalıq” (2008), “Poetik silsilələr toplusu” (2011), “Sonuncu korifey” (2022) kitablarının müəllifidir. F.Kafka, Q.Markes, E.Heminquey, U.Folkner, A.Kamyu, P.Modiano, M.Lermontov, O.Suleymenov, A.Voznesenski və digər bir çox görkəmli ədiblərin əsərlərini tərcümə etmişdir.

Məlumat M.Qarayevdən alınıb.

(11.2.1926, Göyçay r-nunun Ləkçıplaq k. – 27.11.1982) –şərqşünas alim, filologiya ü.f.d. (1971).

ADU-nun (indiki BDU) Şərqşünaslıq fakültəsini bitirib, ömrünün sonuna kimi AMEA-da müxtəlif vəzifələrdə işləyib. Qarayev 1960-66 illərdə Respublika Əlyazmalar Fondunda (indiki Məhəmməd Füzuli adına Əlyazmalar İnstitutu), 1966-72 illərdə Nizami adına Ədəbiyyat İnstitutunda işləyib. Qarayev 1971 ildə “XIX əsr Azərbaycan ədəbi məclisləri” mövzusunda namizədlik dissertasiyası müdafiə edib.

(8.12.1963, Göyçay ş.) – riyaziyyat ü.f.d.

BDU-nu bitirib (1985). Elmi fəaliyyəti dövründə Banax fəzasında sonsuz defektə malik sistemin bazisliyi üçün kriteriya vermiş və kafi şərtlər tapmışdır. Multiplikator dilində həyəcanlanmış eksponent sistemə və sinus, kosinus sistemlərinə nəzərən “1/4-Kadets” teoreminin Lp-analoqunu tapmışdır. Sinus-kosinus tipli sistemlərin çəkili Lebeq fəzalarında bazislik xassələri arasında əlaqələr vermişdir. Hazırda AMEA-nın Riyaziyyat və Mexanika İnstitutunda çalışır.

Mənbə: https://science.gov.az

(1932, Göyçay r-nunun Alxasava k.) – pəhləvan, Azəb. Çempionu.

Gənc yaşlarından fiziki gücü ilə yaşıdlarından fərqlənib və pəhləvan kimi tanınmağa başlayıb. 17 yaşında Göyçay idman klubuna dəvət edilib, klubunun sədri Hətəm Abuşalamovun rəhbərliyi ilə bir həftəlik təlim-məşq toplantısında iştirak etdikdən sonra 1950 illərdə Xankəndidə keçirilən Azərb. çempionatında Göyçay komandasının tərkibində çıxış edib və öz çəki dərəcəsində birinci yeri qazanıb. Sonrakı illərdə Bakıda və respublikanın digər yerlərində keçirilən yarışlarda iştirak edib və qələbə qazanıb. Göyçaylı olan Çingiz pəhləvan və Eldar pəhləvanla bir neçə yarışlarda iştirak edib.

(25.9.1909, Göyçay r-nunun Qızılağac k. – 1.10.1989, Göyçay ş.) – dövlət qulluqçusu, partiya işçisi, kolxoz sədri, 5-ci və 6-cı çağırış SSRİ Ali Sovetinin deputatı (1958, 1962). Qızılağac k. 7 illik məktəbini, Pedaqoji Texnikumu (1932), Azərb. Ali Kommunist Məktəbini (1936) bitirib. Zərdab r-n Komsomol Komitəsinin katibi (1936), Zərdab r-n Xalq Maarif Şöbəsinin müdiri (1937), Zərdab r-n Zəhmətkeş Deputatları Soveti İcraiyyə Komitəsinin sədr müavini (1938), Ucar qəsəbə Sovetinin sədri (1939), Azərb. Biyan Kombinatının Ucar filialının direktoru (1940-41) vəzifələrində işləyib. 1941 ilin iyul ayında hərbi xidmətə gedib. 1941 ildə Bakı ş.-də siyasi rəhbər hazırlayan kursu, 1944 ildə özüyeriyən artilleriya kursunu bitirib. 1942 ilin yanvar ayından cəbhədə olub. Krım (1942), Stalinqrad (1943), 4-cü Ukrayna cəbhələrində vuruşub. Krım (1942) və Ukrayna cəbhələrində (1943) yaralanıb. 1944 ilin sonunda səhhəti ilə əlaqədar hospitala göndərilib, 1945 ildə baş leytenant rütbəsində ordudan tərxis olunub.

(22.7.1980, Göyçay ş.) – şairə, AYB-nin üzvü (2010).

Bakı ş. Nərimanov r-nu 39 saylı orta məktəbdə təhsil alıb. Daha sonra təhsilini Nizami r-nu 289 saylı Zəngi liseyində davam etdirib.1997 ildə həmin liseyi bitirərək 1 saylı Bakı Tibb Məktəbinə daxil olub, tibb bacısı ixtisasi alıb. 2012 ildə BSU-nun Yaradıcılıq fakültəsinə daxil olub. Şeirləri “Azərbaycan”, “Ulduz”, “Literaturnıy Azerbaydjan” jurnallarında, “Ədəbiyyat qəzeti”, “525-ci qəzet”, “Ədalət”, “Kaspi” qəzetlərində, “Poeziya günü” almanaxında (2010), ingilis dilində “Buta” (2010) poeziya antologiyasında və digər mətbu orqanlarda müntəzəm çap olunur. Radio və televiziya dalğalarında müntəzəm çıxışları olur. Şeirləri bir neçə xarici dilə tərcümə edilib.

Əfəndizadə Qazi Mahmud Abdulqədir oğlu (1842, Göyçay qəz. Məlikkənd k. – 1900, Tiflis ş.) – din xadimi, maarifçi.

Qazi Mahmud Əfəndi ilk təhsilini atası Abdulqədir Əfəndidən almışdır. Osmanlı dövlətində mükəmməl dini təhsil almışdır. Şamaxı quberniyasında müfti və qazi olmuşdur. Sonralar Tiflisə dəvət olunmuş, Zaqafqaziya Müsəlmanları İdarəsinin sünni icmasının qazisi vəzifəsinə təyin olunmuşdur. Qazi Mahmud Əfəndi maarifpərvər şəxs olmuşdur. Türk, ərəb, fars və rus dillərini mükəmməl bilən Qazi Mahmud Əfəndi Qori Müəllimlər Seminariyasında şəriət və tatar (Azərbaycan) dili müəllimi olmuşdur. Onun sənədləri Gürcüstan Dövlət arxivində saxlanılır.

(1825, Göyçay mahalının Qaraxıdır k. – 1855) – XIX əsrin birinci yarısında yaşamış şair.

Dövrünün açıqfikirli ziyalısı olub. Gözəl təbə malik Qəbuli o dövrdə Şirvanda fəaliyyət göstərən ədəbi məclislərin fəal iştirakçısı olub. Şeirləri ilə müasirlərinin diqqətini çəkib.

Mənbə: S.Ə.Şirvaninin seçilmiş əsərləri, 3 cilddə. III cild, “Elm”, Bakı, s. 134;

S.Qəniyev. Şirvan aşıq və şairləri haqqında biblioqrafik məlumat. “Təhsil”, Bakı, 1996.

(5.4.1946, Göyçay ş.) – rabitə sahəsi üzrə tanınmış ekspert, texnika e.n. (1981).

A.Qəhrəmanzadə 1965 ildə Göyçay ş.-də 3 saylı rusdilli orta məktəbi gümüş medalla bitirib, həmin il AzPİ-yə (indiki AzTU) daxil olub və 1971 ildə telekommunikasiya mühəndisi kimi buranı bitirib.

1972 ildən Azərb. Resp. Rabitə Nazirliyi sistemində elmi-texniki informasiya mühəndisi, nazirliyin texniki şöbəsində böyük mühəndis, 1973 ildən isə nazirliyin Şəhər telefon şəbəkəsi şöbəsinin rəisi vəzifələrində çalışıb. 1974-77 illərdə Leninqrad Elektrotexniki Rabitə İnstitutunun aspiranturasında təhsil alıb.

(22.4.1952, Göyçay r-nunun Qarabaqqal k. – 27.3.2007, Göyçay r-nunun Qarabaqqal k.) – güləşçi, məşqçi-müəllim, SSRİ idman ustası (1979), klassik (Yunan-Roma) güləş üzrə SSRİ çempionu (1979), VII Respublika Spartakiadasının qalibi (1979).

B.Quliyev 1969 ildə orta məktəbi bitirmiş, 1971-72 illərdə Macarıstan Resp.-da hərbi xidmətdə olmuşdur. 1990 ildə ADBTİ-ni bitirmişdir. Birinci Qarabağ müharibəsinin iştirakçısı, Azərb. Mübariz Müharibə Veteranları Birliyinin üzvü olmuşdur. İdmançı kimi bir çox uğurlar əldə etmişdir. Yeniyetmələr arasında Bakı ş. birinciliyində 1-ci (1970), Ümumittifaq Ehtiyat Əmək Qüvvələri Könüllü İdman Cəmiyyətinin yeniyetmələr arasında 1-ci Respublika Spartakiadasında 2-ci (1969), Ehtiyat Əmək Qüvvələri Könüllü İdman Cəmiyyətinin gənclər arasında X Spartakiadasında 1-ci (1970) yerləri tutmuşdur.

Məlumat A. Məmməddən alınıb.