(27.11.1956, Göyçay ş. – 21.3.2017, Bakı ş.) – aktyor, Əməkdar artist (2012).

M.Əliyev adına ADİİ-nin Dram və kino aktyorluğu fakültəsini bitirib (1979). S.Vurğun adına Dövlət Rus Dram Teatrında (ADRDT) çalışıb (1978-88). Sonradan Bakı Kamera Teatrında aktyor vəzifəsində işləyib. 2005 ildə yenidən S.Vurğun adına ADRDT-yə qayıdıb. Bu illər ərzində teatr səhnəsində bir çox rollarda yer alıb: “Şahid qız” (1990), “Şirbalanın məhəbbəti” (1991), “Nə gözəldir bu dünya…” (1999), “Qız qalası” (2000).

(15.5.1931, Göyçay r-nunun Mırtı k. – 14.2.2006, Göyçay r-nunun Yeniarx k.) – Əmək veteranı (1986).

Sadə kəndli ailəsində anadan olub. Mırtı k. orta məktəbini bitirib. 1949-51 ildə Nuxa ş. (indiki Şəki ş.) Müəllimlər Texnikumunda təhsil alıb. Təhsilini bitirdikdən sonra Göyçay r-nunun Bığır k.-də riyaziyyat müəllimi kimi əmək fəaliyyətinə başlayıb. 1953-55 illərdə hərbi xidmətdə olub, 1955 ildə baş leytenant rütbəsi ilə ehtiyata buraxılıb.

1955–2005 illər ərzində Göyçay r-nunun Yeniarx k. tam orta məktəbində çalışmağa başlayıb. 1957-62 illərdə əmək fəaliyyəti ilə yanaşı, APİ-də qiyabi təhsil alaraq ali təhsilə yiyələnib. Yeniarx k. tam orta məktəbində çalışarkən öz nizam-intizamı ilə seçilib. Əvvəlcə tədris hissə üzrə direktor müavini, 1969-81 illərdə direktor vəzifəsində çalışıb. Direktor işlədiyi müddətdə yeni məktəb binasının tikilməsinə və məktəbin oraya köçürülməsinə nail olmuşdur. 1986 ildə “Əmək veteran” medalı ilə təltif olunub.

Məlumat X.Rəhimovun ailə üzvlərindən alınıb.

(1955, Göyçay r-nunun Mırtı k. – 22.4.1987, Bakı ş.) – hidroloq, texnika e.ü.f.d. (1987).

Azərb. İnşaat Mühəndisləri İnstitutunu (indiki Memarlıq və İnşaat Universiteti) mühəndis-hidrotexnik ixtisası üzrə bitirib (1977). Əmək fəaliyyətinə Azərb. Elmi Tədqiqat Hidrotexnika və Meliorasiya İnstitutunun (AzETH və Mİ) “Yuma və drenaj” şöbəsində kiçik elmi işçi kimi başlayıb, sonra bir müddət Şirvan Dayaq Məntəqəsinin müdiri işləyib. 1979-83 illərdə AzETH və Mİ-nun aspiranturasında qiyabi təhsil alıb, apardığı elmi-tədqiqat işləri əsasında hazırladığı “Şirvan düzündə mövcud horizontal drenajın müasir vəziyyəti, onun meliorativ və istismar effektliyinin artırılması yolları” mövzusunda dissertasiya işini AzETH və Mİ-də fəaliyyət göstərən İxtisaslaşmış Şurada müdafiə edərək texnika e.n. elmi dərəcəsi alıb. Onun apardığı elmi-tədqiqat işlərinin nəticələrinə əsasən drenaj işinin effektivliyi və etibarlılığı yeni yanaşma tərzi ilə qiymətləndirilib.

Məlumat V.Abdullayevdən alınıb.

(28.9.1949, Göyçay ş.) – iqtisad e.d. (2010), prof. (2014).

1967 ildə Bakıdakı 189 saylı məktəbi bitirib indiki BDU-ya daxil olub. 1973 ildə həmin təhsil müəssisəsini tarix və cəmiyyətşünaslıq ixtisası üzrə bitirib. 1973-78 illərdə Moskva Dövlət Universitetinin İqtisadiyyat fakültəsinin aspirantı olub. 1978 ildən BDU-nun “İqtisadi nəzəriyyə”, 1998 ildən isə “Beynəlxalq iqtisadi əlaqələr” kafedrasının dos. olub. 2010 ildə “Milli iqtisadi mənafelər: ilkin şərtlər, məqsədlər və nailolma vəsaitləri“ mövzusunda doktorluq dissertasiyasını müdafiə edib. Hazırda BDU-nun “Dünya iqtisadiyyatı” kafedrasının müdiridir.

Məlumat V.Abdullayevdən alınıb.

(13.5.1939, Göyçay r-nunun Bığır k. – 1.9.2010, Bakı ş.) – həkim, tibb ü.f.d.

1946-56 illərdə Göyçay ş. orta məktəbdə təhsil alıb və məktəbi qızıl medalla bitirib. Həmin ildə Azərb. Dövlət Tibb İnstitutuna Müalicə işi fakültəsinə daxil olub. Həmin institutu fərqlənmə diplomu ilə bitirib və “Ümumi Cərrahiyə” kafedrasında assistent kimi fəaliyyətə başlayıb. İşlədiyi müddətdə “Tibb elmləri namizədi” dərəcəsinə yiyələnib və dosent vəzifəsində çalışıb. V.Rüstəmov 43 il “Semaşko” adına Təcili Tibbi yardım xəstəxanasında işləyib. Çoxsaylı tibbi nəşrlərin və məqalələrin müəllifi olub.

Məlumat ailəsindən alınıb.

Lətifbəyov Rza bəy (? – ?) – pedaqoq, yazıçı.

Şəki ş.-də üsuli-cədid məktəbində, Batumda Anxazi məktəbində, Gəncə Ruhani Seminariyasında (1906-09), Göyçayda müsəlman cəmiyyətinin “İqbal” məktəbində (1910), Hacı Zeynalabdin Tağıyevin fabrik məktəbində (1910-14) və rus-Azərbaycan (rus-müsəlman) məktəbində (1915-20) Azərbaycan dilindən və şəriətdən dərs demişdir.

Rza Zaki XX əsrin əvvəllərində bədii yaradıcılıqla məşğul olmuş, “Zavallı Cavad” (1912), “Fədayi-eşq” (1912), “Koroğlu” (1913) romanlarını, “Sultan Ədbülhəmidin xəli” (1913) pyesini yazıb nəşr etdirmişdir. Azərbaycanın istiqlal yazıçısı Seyid Hüseyn Rza Zakinin nəsr əsərlərinin ideya-bədii cəhətdən zəifliyini, xüsusilə Avropa məişətinin Azərb. adət-ənənəsi kimi təsvir olunmasını, xalq ədəbiyyatı nümunələrinin bəsit əksini kəskin surətdə tənqid etmişdir.

(4.2.1949, Göyçay r-nunun Alpout k – 12.5.2018, Gəncə ş.) – texniki e.d. (1992).

Ziyalı ailəsində anadan olub. 1956 ildə Alpout k. məktəbində 1-ci sinfə gedib. Bir müddət orada oxuduqdan sonra 1967 ildən təhsilini Sumqayıt ş. 4 saylı Fəhlə gənclər orta məktəbində davam etdirib, oranın tam kursunu əla qiymətlərlə bitirib. 1967 ildə AzPİ-yə daxil olmuş, 1972 ildə İstilik və qaz təchizatı utilizasiyası fakültəsini bitirmişdir.

Sonradan Gəncə Dövlət Texnologiya İnstitutunda kafedra müdiri və dekan müavini vəzifəsində işləməyə başlayıb. Bu institutda işlədiyi müddətdə 21 ixtiranın və bir neçə elmi kitabın müəllifi olub. 1987 ildə texniki e.n. adına layiq görülüb. 1992 il avqustun 10-da Moskva ş.-nə gedərək Kosıgin adına İnstitutda doktorluq dissertasiyasını müdafiə edib, həmin ildə e.d. adına layiq görülüb.

Məlumat A.Rzayevin həyat yoldaşından alınıb.

(9.6.1964, Bakı ş.) – İctimai xadim, yazıçı-jurnalist, rəssam, Fövqəladə və Səlahiyyətli Səfir, AYB-nin, AJB-nin, Azərb. Rəssamlar İttifaqının üzvü.

1981 ildə Bakı ş. 7 saylı orta məktəbi bitirərək ADU-nun (indiki BDU) Şərqşünaslıq fakültəsinin ərəb filologiyası şöbəsinə daxil olub, 1987 ildə fərqlənmə diploma ilə məzun olub. 1984-85 illərdə SSRİ Müdafiə Nazirliyinin xətti ilə Liviya Ərəb Xalq Cəmahiriyyəsində ərəb dili tərcüməçisi vəzifəsində işləyib.1987 ilin avqust-dekabr aylarında Azərb. SSR EA-nın Tarix İnstitutunda başlaborant işləyib.

(6.3.1972, Bakı ş.) – yazıçı-publisist

1979-90 illərdə Bakıda Bülbül adına orta ixtisas musiqi məktəbində təhsil alıb. 1990-95 illərdə BDU-nun Şərqşünaslıq fakültəsinin türk bölümündə oxuyub, buranı qırmızı diplomla bitirib. 1996 ildən əmək fəaliyyətinə başlayıb. ANS şirkətlər qrupuna daxil olan ANS-Pressdə redaktor (1996-97), İmair şirkətində reklam üzrə mütəxəssis (1998–2002) işləyib. 2002-04 illərdə ANS-Pressin Prezidenti və “El” jurnalının baş redaktoru vəzifələrində çalışıb. 2006-07 illərdə AR Mədəniyyət və Turzim Nazirliyinin Nəşriyyat, reklam işinin təşkili və informasiya şöbəsində işləyib, 2007 ildən həmin nazirliyin təsis etdiyi “Pəncərə (mədəniyyətə baxış)” jurnalının baş redaktoru vəzifəsində işləməyə başlayıb.

Əhmədov Sabir Xasay oğlu (12.5.1950, Göyçay r-nunun Bəydövül k. – 7.2.2005, Bakı ş.) – şair, yazıçı-ssenarist, AYB-nin üzvü (1988).

Kənd orta məktəbini bitirib. Əmək fəaliyyətinə doğma kənd məktəbində pioner baş dəstə rəhbəri kimi başlamışdır (1967-69). ADU-nun (indiki BDU) Tarix fakültəsində təhsil alıb (1974). Təyinatla İsmayıllı r-nu Qalıncaq k. orta məktəbində tarix müəllimi işləmişdir (1974-76). Sonra C.Cabbarlı adına “Azərbaycanfilm” kinostudiyasinda ssenarist (1977-79), Göyçay r-nunun orta məktəb müəllimi (1981-84) olmuşdur. H.Ərəblinski adına Sumqayıt Dövlət Dram Teatrında ədəbi hissə müdiri, AYB-də məsləhətçi, həmçinin müxtəlif mətbuat orqanlarında işləyib. Tələbəlik illərindən ədəbi fəaliyyətə başlayıb. Onun ssenarisi əsasında “Papaq” (“Evlənmək istəyirəm”) bədii fılmi çəkilib. Şeirləri və digər yazıları “Azərbaycan”, “Ulduz”, “Qobustan” jurnallarında, “Ədəbiyyat” qəzetində və digər mətbuat orqanlarında çap olunub. “Üz tutduğum adamlar” (1986), “Ağlayan divarlar” (2003) şeirlər kitabının və “Yüz böyük türk” tərcümə kitabının müəllifidir. Bir çox şeirləri rus dilinə tərcümə edilib. Azərb. Teatr Xadimləri İttifaqının və Azərb. Kinematoqrafçılar İttifaqının üzvü olub.

Mənbə: T.Əhmədov. “Azərbaycan yazıçıları (XX–XXI yüzillikdə). Ensiklopedik məlumat kitabı.”, Bakı, “Nurlar”, 2011, s. 799.