Mir Sədi Seyid Müslüm oğlu (1908 – 1954, Göyçay ş.) – ötən əsrin ortalarında Göyçayın tanınmış din xadimi, Göyçay Əbülfəzlil Abbas məscidinin axundu.

Nəsil şəcərəsi VII İmam Musa Kazım əleyhissalam vasitəsilə Həzrəti Peyğəmbərimizə qədər gedib çıxır. Mir Sədi ağa 1937-53 illərdə Göyçay r-n Dövlət Taxıl Tədarükü İdarəsinin müdiri vəzifəsində çalışıb. Səxavəti, əliaçıqlığı və comərdliyi ilə insanlığa nümunə olan Seyid Mir Sədi müharibəyə gedən qohum-əqrəba uşaqlarının, həmçinin Göyçayın bütün kasıb və yetim uşaqlarının ümid yerinə çevrilmişdi. O, aclığın tüğyan etdiyi müharibə illərində və müharibədən sonrakı dövrdə bir çox başsız ailələrin sağ qalması üçün əlindən gələni əsirgəməyib.

(18.7.1937, Vedi r-nunun Şirazlı k. – 21.5.2011, Bakı ş.) – dövlət xadimi, iqtisad e.d. (1984), prof. (1986); Azərb. Resp. Milli Məclisinin I və II çağırış deputatı, “Şöhrət” ordeni laureatı (2007).

1959 ildə ADU-nun Tarix fakültəsinə daxil olub və 1964 ildə müvəffəqiyyətlə bitirib. 1966 ildən AZNKİ-nin “Siyasi iqtisad” kafedrasında müəllim işləyib. 1967 ildə Azərb. Xalq Təsərrüfatı İnstitutunda aspirant olmuş, 1970 ildə aspiranturanı bitirmişdir, 1970 ildə həmin institutun Elmi Şurasında “İş gününün qısaldılmasının iqtisadi əsaslarına dair” namizədlik dissertasiyası müdafiə etmişdir.

(1.9.1930, Göyçay r-nunun Mallı-Şıxlı k. – 30.5.2006) – yazıçı, AYB-nin üzvü (1974), Azərb. Jurnalistlər Birliyinin üzvü (1962), Teatr Xadimləri Birliyinin üzvü (1957).

O, 1948 ildə Göyçay ş. orta təhsilini başa vurub, M.Əliyev adına İncəsənət İnstitutunun (indiki ADMİU) Teatrşünaslıq fakültəsinə daxil olub. 1953 ildə institutu bitirdikdən sonra Pirallahı adasında fəhlə yataqxanasında tərbiyəçi müəllim kimi əmək fəaliyyətinə başlayıb. Sonra İncəsənət Universitetində çalışıb, Azərb. SSR Mədəniyyət Nazirliyində inspektor, Respublika Kinoprokat İdarəsində rəis müavini, Azərb. Kinematoqrafçılar İttifaqında sovet incəsənətinin təbliği bürosunun direktoru, “Azərbaycan pioneri” qəzeti redaksiyasında “Ədəbiyyat və incəsənət” şöbəsinin müdiri olmuş (1954-73), Azərb. Dövlət Televiziya və Radio Verilişləri Komitəsində ədəbi-dram redaksiyasında redaktor (1973-87) işləmişdir. Göyçayda “Arvan” alı kitabxana-muzey açaraq öz şəxsi kitabxanasını (iyirmi mindən artıq kitab), yüzlərlə tarixi-etnoqrafik əşyasını, uzun illər ərzində topladığı xeyli rəssamlıq və heykəltəraşlıq əsərlərini uşaqlara hədiyyə edib.

Yəhyazadə (21.3.1902, Göyçay qəz.-nın Qaraxıdır k. – 2.1.1944, Ukrayna SSR, Zaporojye vilayəti) – pedaqoq, Böyük Vətən müharibəsi iştirakçısı.

Şəki seminariyasını (1920) və APİ Riyaziyyat fakültəsini bitirib (1924). Daha sonra Göyçay qəz.-nın Məlikkənd, Alpout, Bığır, Qaraxıdır k.-də pedaqoji fəaliyyət göstərib. 1933-42 illərdə Qaraxıdır k. məktəbində direktor vəzifəsində çalışıb. Böyük Vətən müharibəsinin ilk illərindən – 1942 ilin martında cəbhəyə yola düşüb. 416-cı Taqanroq diviziyasının tərkibində Şimali Qafqazdan Ukraynanın şərq ərazilərinə qədər döyüş yolu keçib. Ölümündən sonra bir sıra orden və medallarla təltif edilib.

Mənbə: Ukrayna SSR. Zaporojye vilayəti. ЦАПО. Фонд 58.

Rusiya Federasiyası. Mərkəzi Hərbi Arxiv. Moskva (Podolsk) İnformasiya Mənbəyi Fondu 18002. İş.41.

(23.2.1901, Göyçay qəz. Mallı-Şıxlı k. – 21.1.1991, Göyçay ş.) – pedaqoq.

İlk təhsilini evdə atasından alıb. 1921 ildə Mallı-Şıxlı k.-də müəllimlik fəaliyyətinə başlayıb. Pedaqoji kurslarda təhsil alıb, 2 illik Müəllimlər İnstitunu bitirib. Mallı-Şıxlı k. 7 illik və Göyçay ş. 5 saylı 7 illik məktəblərində müəllim və direktor işləyib. Ucar r-nunun Qazıqumlaq, Ramal, Şahlıq k. məktəblərinin təşkilində iştirak edib, həmin məktəblərdə müəllim və direktor işləyib. 1939 ildə “Qırmızı əmək bayrağı” ordeni ilə təltif edilib. 1941 ildə hərbi xidmətə çağırılıb, zabit hazırlayan kursda oxuyaraq leytenant rütbəsi alıb. 1943 ildə baş leytenant rütbəsində ordudan tərxis olunub. 1943 ildən yenidən pedaqoji fəaliyyətini davam etdirib. Göyçay r-nunun Mallı-Şıxlı və Xəlitli k. məktəblərində müəllim və direktor işləyib. 1945 ildə “1941–1945-ci illər Böyük Vətən müharibəsində fədakar əməyə görə” medalı, 1985 ildə 1-ci dərəcəli “Vətən müharibəsi” ordeni ilə təltif olunub.

Məlumat A.Məmməddən alınıb.

Vəlizadə Şərif Hacı Veysəl oğlu (1881, Göyçay qəz.-nın Mırtı k. – 1966, Bakı ş.) – Qafqaz müsəlmanlarının VIII müftisi.

İlk təhsilini atasından alan Ş.Əfəndi dini elmlərlə bərabər, dünyəvi elmlərin də kamil bilicisi olmuşdur. Əfəndi kimi tanınan Şərif Vəlizadənin maarif sahəsində çox böyük xidmətləri olmuşdur. 1922 ildə bir müddət Göyçay qəz.-nın maarif şöbəsinin müdiri işləmişdir. Öz dininə könüldən bağlı olan Ş.Əfəndi hər zaman çox böyük hadisələrlə üz-üzə qalmışdır. Həyatı faciələrlə dolu olan Şərif Əfəndi bu çətinliklərə sinə gərərərək bütün sınaqlardan hər zaman üzüağ çıxmışdır.

(20.3.1909, Göyçay qəz. Bığır k. – 5.9.1969, Bakı ş.) – alim, tarix e.d. (1965), prof.

Orta məktəbdə təhsilini başa vurduqdan sonra 1924-35 ilədək uzun müddət ərzində maarif sahəsində işləmiş, Azərb.-ın bir çox r-larında (Göyçay, Qonaqkənd, Şuşa) müəllimlik etmişdir. 1931 ildə Ali Pedaqoji İnstitutun Tarix fakültəsinə daxil olmuş, 1935 ildə institutu fərqlənmə diplomu ilə bitirmişdir. Tələbəlik illərində fars, ərəb, türk dillərini öyrənmişdir.

(20.1.1938, Bakı ş. – 23.4.2018, Bakı ş.) – filoloq alim, filologiya e.d. (1991).

Əslən göyçaylı olan T.Şərifli görkəmli Azərb. tarixçisi Məmmədəli Şəriflinin qızıdır. ADU-nun Filologiya fakültəsini bitirib (1961). Sonra Azərb. EA Nizami adına Ədəbiyyat İnstitutunun Ədəbi əlaqələr şöbəsinə baş laborant vəzifəsinə qəbul edilib. Müsabiqə üzrə institutun aspiranturasına daxil olub (1965). 1970 ildə namizədlik, 1991 ildə isə doktorluq dissertasiyası müdafiə edib. T.Şərifli 1968 ildə aspiranturanı bitirdikdən sonra institutun Ədəbi əlaqələr şöbəsinə kiçik elmi işçi vəzifəsinə qəbul edilib. 1978 ildən böyük elmi işçi vəzifəsində çalışıb. Onun Azərbaycan-rus və Azərbaycan-Ukrayna ədəbi əlaqələrinin tədqiqi sahəsində məhsuldar və səmərəli elmi işləri var. O, Azərb.-ın müxtəlif ali məktəblərində (ADU, M.F.Axundov adına Pedaqoji İnstitut, Təfəkkür Universiteti, Avropa Liseyi və s.) filoloji-linqvistik və pedaqoji metodik, həmçinin Azərb. dili, Azərb. ədəbiyyatı, rus dili, rus ədəbiyyatı, Azərbaycan–rus ədəbi əlaqələri və sair fənlərdən mühazirələr oxuyub və dərs deyib. Çoxillik məhsuldar elmi fəaliyyəti nəzərə alınaraq T.Şərifli AMEA-nın 70 illik yubileyi münasibətilə Humanitar Elmlər Bölməsi tərəfindən Fəxri fərmanla təltif olunub. O, ömrünün sonuna qədər AMEA Nizami adına Ədəbiyyat İnstitutunun Dünya ədəbiyyatı və komparativistika şöbəsində baş elmi işçi vəzifəsində çalışıb.

Mənbə: http://www.anl.az/down/meqale/525/2018/may/593702.htm

(20.3.1982, Göyçay r-nunun Bığır k.) – yunan-Roma güləş növü üzrə Azərb. çempionu, Əməkdar məşqçi (2015).

ADBTİA-nı bitirib (2004). Daha sonra hərbi xidmət müddətində hərbçilər arasında Azərb. çempionu adına layiq görülüb. O, Azərb. yığma komandası tərkibində bir sıra dövlətlərdə, o cümlədən Fransa, Rusiya, Türkiyə, İran, Özbəkistan və Gürcüstanda keçirilən nüfuzlu yarışlarda ölkəmizi uğurla təmsil edib. 2008 ildən məşqçiliklə məşğul olan Şirinov bu sahədə fəaliyyət göstərdiyi müddətdə böyük uğurlara imza atıb. Onun yetirmələri arasında Azərb. çempionu, Yeniyetmələrin Olimpiya Oyunlarında ikinci yerin sahibi, habelə beynəlxalq turnirlərin qalibi və mükafatçısı adına layiq görülən xeyli idmançı yer alıb. Şirinov 2016 ildən Göyçay Güləş Məktəbinin direktorudur.

Məlumat N.Şirinovdan alınıb.

(14.6.1988, Bakı ş.) – diplomat.

Orta təhsilini M.Şəhriyar adına 193 saylı tam orta məktəbdə alıb (1994-2005). 2005-11 illərdə BDU-nun beynəlxalq münasibətlər ixtisası üzrə təhsil alıb. 2008-09 illərdə Fransada Lion Siyasi Elmlər İnstitutunun siyasi elmlər ixtisası üzrə bakalavr təhsili alıb. 2011-14 illərdə BDU-nun beynəlxalq münasibətlər ixtisası üzrə magistr dərəcəsi (fərqlənmə ilə) alıb. 2022 ildən Azərb. Resp. Prezidenti yanında DİA-nın “Dövlət və bələdiyyə idarəetməsi” ixtisası üzrə magistratura pilləsinin tələbəsidir. 1.11.2012 – 31.1.2013 illərdə AR XİN-də Birinci Ərazi (qərb) İdarəsinin referenti, 1.2.2013 – 31.3.2015 illərdə Birinci Avropa idarəsinin attaşesi (XİN), 1.4.2015 – 31.1.2018 illərdə Birinci Avropa İdarəsinin üçüncü katibi (XİN), 1.2.2018 – 30.9.2018 ildə Birinci Avropa İdarəsinin ikinci katibi (XİN), 1.10.2018 – 30.12.2021 illərdə Azərb.-ın Fransa Resp.-dakı Səfirliyində ikinci katib (siyasi məsələlər) vəzifələrində çalışıb. 2021 ildə “Diplomatik xidmətdə fərqlənməyə görə” medalı ilə təltif edilib. 2022 ildən Avropa İdarəsinin birinci katibidir.

Məlumat F.Soltanovdan alınıb.