(1927, Göyçay ş. – 1972, Bakı ş.) – el pəhləvanı, sərbəst güləş üzrə Azərb. çempionu.

Gəncə Bədən Tərbiyəsi Texnikumunu, daha sonra isə ADBTİ-ni (indiki ADBTİA) bitirib (1955). Təhsil illərində bir sıra məsul yarışlarda iştirak edib. O, sərbəst güləş üzrə Azərb. yığma komandasına üzv qəbul olunub. Sultanov 1958 ilədək Azərb. Dövlət Sirkinin səhnəsində idman-sirk fəaliyyəti ilə də məşğul olub. Təsadüfi zədələnmə nəticəsində həmin il bu fəaliyyətindən uzaqlaşsa da, idmanla vidalaşmayıb. Ömrünün sonunadək 6 saylı Texniki Peşə Məktəbində bədən tərbiyəsi müəllimi və güləş bölməsinin məşqçisi kimi öz işini davam etdirib.

Mənbə: Ə.Əsgəroğlu. “Göyçaydan başlanan ömür yolu”. “Azərbaycan” nəşriyyatı, Bakı, 2000, s. 115.

Eldar Göyçaylı (1908 – 1970, Göyçay ş.) – el pəhləvanı.

Gənc yaşlarından məşhur güləş ustası Rəşid Yusifovun yanında topladığı təcrübə onu istər idman, istərsə də sirk aləmində tanınmış sənətçilərdən birinə çevirib. O, 1933 il sentyabrın 14-17-də Gəncədə keçirilən fransız güləşi üzrə peşəkar pəhləvanların yarışına dəvət olunub. O dövrün ən güclü və məşhur pəhləvanlarının iştirak etdiyi bu çempionat yeni bir güclü rəqibi – Eldar Göyçaylını üzə çıxarıb. Hər bir çıxışı gurultulu alqışlara səbəb olan Eldar bu yarışlarda bacarıqlı və mahir atlet kimi tanınaraq birinci yeri tutub. Çempionatın I dərəcəli diplomunu və priz alıb. 1934 ildə E.Göyçaylı yenidən Gəncəyə dəvət olunub. SSRİ-nin məşhur hakimi Pyotr Yelizarovun rəhbərliyi altında keçən bu yarış böyük sensasiyaya səbəb olub. Burada güləşlə yanaşı, ağırlıqqaldırma üzrə də yarışlar keçirilirdi. Göyçaylı ağırlıqqaldıranlar arasında birinci yeri tutub. Yarışların növbəti mərhələsində güləş başlanıb. Göyçaylı bütün peşəkar pəhləvanlarla güləşib və əksəriyyətinə qalib gəlib. Rəşid Yusifov və Pavel Zaqoruyko ilə görüşü isə heç-heçə qurtarıb. Göyçaylı elə həmin dövrdə özünün güləş texnikası və səhnə mədəniyyəti ilə gənclərin məhəbbətini qazanıb.

(1880–1937) – AXC ordusunun zabiti, polkovnik.

Cümhuriyyət ordusunun sıralarında 1918 ildən xidmət edirdi. 1919 il yanvarın 4-də hərbi nazirin əmri ilə podpolkovnik Sultanov Ləki topçu anbarının rəisi təyin edildi. Azərb. hökumətinin 1919 il 24 noyabr tarixli qərarı ilə ona polkovnik rütbəsi verilmişdi. Hərbi nazirin 1920 il 9 yanvar tarixli əmri ilə o, 6-cı Göyçay piyada alayının komandiri təyin edilmişdi.

Mənbə: Nəzirli Ş. “Arxivlərin sirri açılır”. Bakı, 1994;

Süleymanov M., “Azərbaycan ordusu (1918-1920)”. Bakı, 1998;

“Azərbaycan Xalq Cümhuriyyəti Ensiklopediyası”. II cild, Bakı, “Lider nəşriyyat”, 2005, s. 358.

(1931, Göyçay r-nunun Şəhadət k. – 1985, Bakı ş.) – pedaqoq alim, pedaqogika ü.f.d. (1980), atıcılıq üzrə idman ustası, yüngül atletika üzrə beynəlxalq dərəcəli hakim.

ADBTİ-ni bitirib (1958). Həmin təhsil ocağında saxlanan N.Sultanov elmi fəaliyyətlə ciddi məşğul olmağa başlayır. 1968-70 illərdə institutun partiya təşkilat katibi kimi fəaliyyət göstərib. Bakıda dəfn olunub.

Məlumat V.Abdullayevdən alınıb.

(8.8.1959, Sumqayıt ş.) – Azərb. Hərbi Dəniz Qüvvələrinin sabiq komandanı (1999–2015), vitse-admiral (2005).

Bakı Ali Hərbi Dənizçilik Məktəbini və RF-nin Frunze adında Hərbi Akademiyasını bitirib. Azərb. müstəqilliyini əldə etdiyi dövrdən bu günədək Sultanov Azərb. tarixinin ilk və yeganə vitse-admiralıdır. 1981 ildə ballistik raketli sualtı nüvə qayıqlarında mühəndis-şturman ixtisası üzrə Ali Dənizçilik Məktəbini bitirib və leytenant rütbəsi alıb. 1981 ildə mina-tral gəmisində komandirin köməkçisi və şturman döyüş hissənin komandiri vəzifəsində xidmət edib. 1983 ildə SSRİ cənub sərhədlərində HH müdafiəsində döyüş növbəsini aparan xüsusi təyinatlı “Hava hücumundan müdafiə gəmisi”nin komandiri vəzifəsinə təyin edilib.

(7.12.1924, Göyçay – 27.9.2003, Bakı ş.) – neftçi-geoloq.

Əmək fəaliyyətinə 1949 ildə “Artyomneft” trestinin neft mədənlərində başlayan S.Sultanovun ömrünün bir hissəsi Türkmənistanla bağlı olub. Burada o, neft-qaz sənayesi sahəsində çalışıb. Türkmənistanda fəaliyyət göstərdiyi müddətdə o, həm də İ.M.Qubkin adına Moskva Neft və Qaz İnstitutunun qiyabi şöbəsində təhsil alıb. Türkmənistanın yeni neft-qaz yataqlarının açılmasında fəal iştirakına görə S.Sultanov SSRİ Neft və Qaz Sənayesi Nazirliyinin fəxri fərmanları, medalları, digər dövlət mükafatları ilə təltif olunub.

(8.4.1936, Göyçay ş. – 20.10.2017, Sumqayıt ş.) – pedaqoq, Əməkdar müəllim (2000).

1954 ildə APİ-nin (indiki ADPU) Tarix fakültəsinə daxil olub. 1959 ildən taleyini Sumqayıtla bağlayıb. Əvvəlcə 12 saylı məktəbdə ibtidai sinif müəllimi, sonra indiki 10 saylı məktəbdə direktor müavini, 23 saylı məktəbdə direktor işləyib. Sumqayıt ş. Təhsil Şöbəsinin müdiri (1981-83), Sumqayıt ş. Partiya Komitəsinin katibi (1983-86), N.Gəncəvi adına Texniki Təmayüllü Elitar Liseyin direktoru (1987-2011) vəzifəsində çalışıb.

“Əmək igidliyinə görə”, “Əməkdə fərqlənməyə görə”, “SSRİ təhsil əlaçısı”, “Respublika qabaqcıl maarif xadimi” döş nişanları ilə təltif olunub. “Şöhrət” ordeninə layiq görüılüb (2006), Prezident təqaüdçüsü olub (2004).

Məlumat V.Abdullayevdən alınıb.

Mustafayeva Ülviyyə Tahir qızı (15.11.1980, Göyçay r-nunun Bəydövül k.) – yazıçı, tərcüməçi və publisist.

BDU-nun Tarix fakültəsini (2002) və Azərb. Dillər Universitetinin İngilis dili fakültəsini bitirib. 150-yə yaxın hekayə, araşdırma məqalənin və tərcümə kitablarının müəllifidir. “Stokholm Sindromu” hekayəsi ilə “Ədəbi Azadlıq–2015” müsabiqəsində iştirak edib. “Şeytanın missiyası”, “Buqələmun”, “Ortaq şəhər (hekayələr kitabı)”, “ALJİR”, “Şükriyyə taleyim” və s. kitabların, o cümlədən “Bədən dili” (Co Navarra, Marvin Karlins) və “Qadın psixologiyası” (Nevzat Tarhan) tərcümə kitablarının müəllifidir.

Məlumat ailəsindən alınıb.

(20.1.1973, Göyçay r-nunun Ləkçıplaq k.) – aktyor, Əməkdar artist (2002).

M.Əliyev adına ADİİ-nun (indiki ADMİU) Dram və kino aktyorluğu fakültəsini bitirib (1994). 1991 ildən Bakı Kamera Teatrının, 2009 ildən Azərb. Dövlət Gənc Tamaşaçılar Teatrının aktyorudur, ADMİU-nun müəllimidir.

ADGTT-da və Türkiyədə tamaşalara quruluş verib. “Sabiqlər” (1999), “Boyunbağı” (2005), “Maestro Niyazi” (2007), “Bir addım” (2009, q/m), “Səndən sonra” (2013-2014, b/s) film və fılm-tamaşalarında çəkilib. F.Dostoyevski adına Beynəlxalq Festivalın laureatıdır (2006, RF).

(18.8.1935 –11.4.2011, Göyçay r-nunun Potu k.) – mexanizator, SSRİ Ali Sovetinin deputatı.

Orta məktəbi bitirdikdən sonra traktorçu-sürücü peşəsinə yiyələnmiş, hərbi xidmətdən sonra isə 1970 ilədək Potu k. Kalinin adına kolxozda mexanizator işləmişdir. Elə həmin il 205 saylı dairədən SSRİ Ali Sovetinə deputat seçilmişdir. İşlədiyi müddətdə səmərəli fəaliyyətinə və əldə etdiyi yüksək nailiyyətlərə görə bir çox orden və medallarla, o cümlədən “Qırmızı əmək bayrağı” ordeni ilə təltif olunub. Vəliyev 1972-78 illərdə Azərb. Kənd Təsərrüfatı İnstitutunda (indiki Azərb. Dövlət Aqrar Universiteti) qiyabi yolla təhsil alıb. Bundan sonra uzun müddət Potu k. Ə.Kərim adına kolxozda baş mühəndis vəzifəsində çalışıb.

Məlumat ailəsindən alınıb.