(26.3.1926, Bakı ş. – 27.2.2013, Bakı ş.) – tarixçi-şərqşünas, AMEA-nın müxbir üzvü (2001), tarix e.d. (1969), prof. (1993).

ADU-nun Şərqşünaslıq fakültəsində (1945) təhsil alıb, sonra Moskva Şərqşünaslıq İnstitutunun İran bölməsində (1946-50) və SSRİ EA-nın Şərqşünaslıq İnstitutunun aspiranturasında (1951-55) təhsilini davam etdirib. 1955 ildə Moskvada dissertasiya müdafiə edərək fəlsəfə doktoru adını alıb. Həmin il Bakıya qayıdaraq Azərb. EA-nın Tarix İnstitutunun Qədim və Orta əsrlər tarixi şöbəsində fəaliyyətə başlayan O.Əfəndiyev 1957-58, 1970-72 illərdə həmin şöbənin rəhbəri vəzifəsini icra edib. 1975 ildən isə “Azərbaycanın orta əsrlər tarixi” şöbəsinin müdiri kimi fəaliyyət göstərib.

(1922, Göyçay qəz. Ləkçıplaq k. – 1986) – müəllim.

İlk orta təhsilini Ləkçıplaq k. alıb. Göyçay Pedaqoji Texnikumunu bitirib. 1940 ildə Əfəndiyev Əhmədlə ailə həyatı qurub və 1941 ildən Göyçay r-nu Qaraman k. 7 illik məktəbində ibtidai sinif müəllimi kimi fəaliyyətə başlayıb. 1986 ilə qədər müəllim işləyib. Müəllimlik fəaliyyəti dövründə xidmətlərinə görə Xalq Maarifi Nazirliyi tərəfindən müxtəlif təşəkkürnamələr, medal və ordenlərə layiq görülmüşdür. “Şərəf nişanı” ordeni ilə təltif edilib (1960).

Məlumat S.Əfəndiyevanın övladlarından alınıb.

Əsgərov Əhməd Məhəmməd oğlu (28.7.1955, Göyçay r-nun Alıkənd k.) – Əməkdar jurnalist (2020).

ADMİU-nun Sənətşünaslıq fakültəsini bitirib (1981). Daha sonra mütəmadi olaraq Azərb. Dövlət Televiziyasında işləməklə, “Telefilm”in və “Bakı” teleradiosunun baş redaktoru olub. 2001 ildən “Space” Müstəqil Teleradio Yayımları Şirkətində baş redaktor kimi fəaliyyət göstərib. Hazırda təqaüddədir.

Məlumat V.Abdullayevdən alınıb.

(20.3.1958, Göyçay ş.) – filologiya ü.f.d. (2014), dos. (2021).

Orta təhsilini Göyçay r-nunda başa vurduqdan sonra 1977–1981 illərdə indiki N.Tusi adına ADPU-da ali təhsil alıb. Universiteti bitirdikdən sonra təyinatı üzrə Göyçay r-nunun İnçə k. orta məktəbində dil və ədəbiyyat müəllimi kimi əmək fəaliyyətinə başlamışdır. Təyinat müddəti bitdikdən sonra yenidən Bakıya qayıtmış, 1986 ildən AMEA-nın nəzdindəki “Elm” nəşriyyatında fəaliyyətini davam etdirmişdir. O burada kiçik redaktor və redaktor vəzifələrində çalışmışdır. 2003 ildən AMEA-nın yeni təsis olunmuş Folklor İnstitutunda fəaliyyət göstərməyə başlamışdır. Əvvəlcə kiçik elmi işçi, sonra elmi işçi, daha sonra böyük elmi işçi vəzifələrində çalışmışdır.

(15.9.1955, Bakı ş.) – əslən Azərb.-dan olan rusiyalı iş adamı, siyasi xadim, mesenat və filantrop, “Dostluq” ordeni kavaleri (2020).

F.Əhmədov kökləri tarixi Azərb.-ın Qərb (Zəngəzur) regionuna gedib çıxan qədim nəsildəndir. Uşaqlığı Azərb.-ın mərkəzi regionunda yerləşən, atasının işlədiyi Göyçay ş.-də keçib. Orta məktəbi orada bitirib (1961-71). Moskvada 85 saylı Texniki Peşə Məktəbinə (çilingər-montajçı) daxil olur, məktəbi bitirdikdən sonra hərbi xidmətə çağırılır (1975-77). 1978 ildə F.Əhmədov K.İ.Skryabin adına Moskva Baytarlıq Akademiyasına daxil olur və oranı 1983 ildə “Xəz məmulatlarının texnologiyası və əmtəəşünaslığı” ixtisası üzrə qiyabi bitirir.

Məzahir Əhmədoğlu (1.6.1950, Göyçay r-nunun Ləkçıplaq k.) – yazıçı-publisist, AJB-nin üzvü, “Qızıl qələm” (1995) və “Ali Media Mükafatı” laureatı (2011).

1966 ildə Göyçay ş. 9 saylı orta məktəbini bitirmiş, 1966-68 illərdə Göyçay ş. Ticarəti İdarəsində satıcı-şagird və Göyçay r-n Mədəniyyət evində fəhlə işləmişdir. 1968-76 illərdə Azərb. LKGİ Göyçay r-n Komitəsində müxtəlif vəzifələrdə işləmiş, həmin dövrlər üçün respublikada ən gənc rəhbər komsomol işçilərindən olmuş, 18 yaşında seçkili orqanın – azad komsomol komitəsinin katibi seçilmişdir.

(1963, Göyçay ş.) – kimyaçı alim, kimya ü.f.d. (2016).

1981-86 illərdə ADNSU-nun Kimya-texnologiya fakültəsində təhsil alıb. Əmək fəaliyyətinə 1989 ildə Bakı Maşınqayırma Zavodunun kimya laboratoriyasında aparıcı mühəndis kimi başlayıb. 2006 ildə ADNSU-nun Fiziki və analitik kimya kafedrasının Ekoloji kataliz Elmi Tədqiqat Laboratoriyasında aparıcı mühəndis işləyib. 2008 ildə həmin laboratoriyada kiçik elmi əməkdaş, 2017 ildə isə baş elmi əməkdaş təyin olunub. Onun əsas tədqiqat sahəsi “Propen, izobuten və heksen-1-in pentasil tipli yüksək silisiumlu seolit katalizatoru üzərində çevrilməsində sıxlaşma məhsullarının rolu” olub. 2018 ildən Sənaye təhlükəsizliyi və əmək mühafizəsi kafedrasında assistent vəzifəsində çalışır.

Məlumat V.Abdullayevdən alınıb.

Əhmədov (?, Göyçay qəz. – 26.7.1938, Bakı ş.) – AXC Parlamentinin üzvü.

Azərbaycan Milli Şurasının “Azərbaycan Məclisi-Məbusanının təsisi haqqında qanun”una (19 noyabr 1918 il) əsasən, Ticarət-sənaye ittifaqından AXC Parlamentinin tərkibinə daxil edilmişdi. Parlamentdə “Müsavat” və bitərəflər fraksiyasını təmsil edirdi. Lakin onun adı Azərb. istiqlal tarixində digər bir xidməti ilə də yadda qalıb. Belə ki, 1919 ilin fevralında ingilislər tərəfindən Batumidə həbs edilmiş Nuru paşanı xilas etmək lazım idi. Bu mövzuda müxtəlif versiyalar irəli sürülməkdədir. Bu versiyaların birində qeyd olunur ki, İbrahim bəy Heydərov və silahdaşları Nuru paşanın xilasını çətinliklə də olsa təşkil etməyi bacarmış və onu azad etdirib Bakıya gətirmişdi. Bu işin əsas təşkilatçısı isə əslən göyçaylı, Azərb. Parlamentinin üzvü Əhmədov idi. O, otuzuncu illərdə repressiyaya məruz qalmış, həbs olunaraq güllələnmişdi.

Məlumat V.Abdullayevdən alınıb.

(1914, Göyçay ş. – 1995, Bakı ş.) – İctimai-siyasi xadimi, Əməkdar hüquqşünas.

1931-37 illərdə Azərb. Neft və Kimya İnstitutunu (1937) və Moskva Ümumittifaq Hüquq İnstitutunu (1948) bitirib. Böyük Vətən müharibəsindən əvvəl Bakıda neftayırma sənayesində bir sıra mühüm vəzifələrdə çalışıb. Müharibədən sonra isə Respublika Prokurorluğunun qısamüddətli hüquq kursunu bitirərək prokurorluğun Mərkəzi aparatında ümumi nəzarət şöbəsinə işə qəbul olunub. Sonralar Bakı ş. keçmiş Orconikidze (indiki Suraxanı) rayonunda, Gəncə ş.-də prokuror, Naxçıvan MR-in prokuroru vəzifələrində çalışıb. 1951-63 illərdə resp. prokuroru vəzifəsində işləyib. Azərb. SSR Baş prokuroru, II dərəcəli Dövlət ədliyyə müşaviri (Ədliyyə general-leytenantı) (1959), Azərb. SSR Ali Soveti Rəyasət Heyətinin hüquq şöbəsinin müdiri, Azərb. SSR Ali Məhkəməsinin üzvü (1976-80), Azərb. SSR Ədliyyə Nazirliyində baş məsləhətçi (1985-87) vəzifələrində işləyib.

Məlumat V.Abdullayevdən alınıb.

Səmədov Əli (1870 – 1938, Göyçay r-nunun Bığır k.) – XX əvvəllərində Göyçayda yaşayıb fəaliyyət göstərmiş maarifpərvər ziyalı.

Türkiyədə mükəmməl təhsil alıb vətənə qayıdandan sonra 1900 ildə öz evində məktəb açır. Bu məktəbdə qızlar da təhsil alırdı. İlk vaxtlarda yalnız şəriət dərslərinin keçilməsi sonralar Əli Əfəndini qane etmir, o, qəza mərkəzinin və Bakı ş.-nin rəhbərlərinə müraciət edərək yeni tipli məktəbin açılmasına nail olur (1909). Əli Əfəndi əmisi, kənd yüzbaşısı Şərifin köməyi ilə məktəb üçün bina da tikdirir. Şəkidən, İsmayıllıdan buraya müəllimlər dəvət edir. 1914 ildə məktəbin ilk buraxılışı olur. Həmin illərin yetirmələri arasında sonralar Lenin ordeni almış N.İsmayılov, Ə.Əliyev, İ.Rəsulov kimi pedaqoqların adlarını çəkmək olar. Əli Əfəndi sonralar təhsilə getdikcə artan marağı görərək Xalq Komissarları Sovetinin sədri N.Nərimanova məktəb üçün yeni binanın tikilməsi məqsədilə müraciət edir. Müraciətə müsbət cavab verilir. 1924 ilin sonunda 6 sinif otağı və 2 yardımçı otaqdan ibarət yeni bina hazır olur. Əli Əfəndi kəndli balalarının maariflənməsi yolunda əvəzsiz xidmət göstərib.

Məlumat ailəsindən alınıb.