(1.7.1959, Göyçay ş.) – jurnalist-tədqiqatçı, sənətşünaslıq ü.f.d. (2007), AYB-nin (1995), AJB-nin üzvü (1987) və Azərb. Resp. Kinematoqrafçılar İttifaqının üzvü (2013), Əməkdar mədəniyyət işçisi (2016).

ADU-nun Jurnalistika fakültəsini fərqlənmə diplomu ilə bitirib (1985). Mülki və hərbi jurnalistika sahəsində fəaliyyət göstərib (1993–2007). “Bakı”, “Yeni fikir”, “Müstəqil qəzet”, “Ülfət” qəzetlərində, Dövlət Teleradio Verilişləri Şirkətində işləyib. “Azərbaycan ordusu” (1993-95) qəzetinin və “Hərbi Nəşriyyat”ın baş redaktoru (1995–2003) vəzifəsində çalışıb.

(4.4.1948, Göyçay ş.) – fizika-riyaziyyat e.d., prof.

BDU-nu bitirib. Əmək fəaliyyətinə 1970 ildə AMEA Kibernetika İnstitutunda kiçik elmi işçi kimi başlayan F.Hüseynov sonralar bu institutda və Moskva Dövlət Universitetində böyük elmi işçi kimi, habelə Bakı Dövlət Universitetinin Tətbiqi riyaziyyat və Orta Şərq Universitetinin Riyaziyyat fakültəsində, 1994–2013 illərdə Bilkent Universitetinin İqtisadiyyat fakültəsində çalışıb. 2013 ildən ADA-da işləyir.

Məlumat V.Abdullayevdən alınıb.

(21.6.1926, Göyçay r-nunun Qarabaqqal k. – 25.7.1995, Bakı ş.) – texnika e.d. (1961), prof. (1964).

1932-39 illərdə k. məktəbində təhsil alıb. 1939 ildə Göyçay Pedaqoji Texnikumuna daxil olub və oranı bitirdikdən sonra müharibə dövründə müəllimlik fəaliyyətinə başlayıb. 1945 ildə Azərb. Dövlət Universitetinin (indiki BDU) Fizika-riyaziyyat fakültəsinə qəbul olub və oranı 1950 ildə “riyaziyyat” ixtisası üzrə fərqlənmə ilə bitirib. 1950-53 illərdə akad. İ.M.Qubkin adına Moskva Neft-Kimya və Qaz Sənayesi İnstitutunun aspiranturasında təhsil alıb. 1954 ildə alim B.N.Şelkaçevin rəhbərliyi altında “Qazlı mayelərin məsaməli mühitdə hərəkəti məsələlərin hidrodinamik tədqiqatları” mövzusunda namizədlik dissertasiya işini müdafiə edib. H.Hüseynov həmin ildə AzNQSDETLİ-də böyük elmi işçi kimi fəaliyyətə başlayıb. Onun təşəbbüsü ilə 50 illərin ortalarında resp.-da ilk dəfə bu institutda yeraltı hidrodinamika laboratoriyası yaradılıb.

(12.6.1940, Göyçay ş. – 21.2.2019, Bakı ş.) – riyaziyyatçı, riyaziyyat e.d. (1999), prof. (2009), AMEA-nın müxbir üzvü (2007).

ADU-nun Mexanika-riyaziyyat fakültəsini bitirib (1964). M.Lomonosov adına MDU-nun aspirantı (1964-67) və həmin universitetin doktorantı (1991-94) olub. Hüseynov H.Zərdabi adına Gəncə Pedaqoji İnstitutunda müəllim, baş müəllim, dekan müavini vəzifələrində çalışıb (1972-79), Ç.İldırım adına Politexnik İnstitutunun Gəncə filialında müəllim, dos., “Ali riyaziyyat” kafedrasının müdiri vəzifələrində işləyib (1979-90). Alim AMEA Riyaziyyat və Mexanika İnstitutunun böyük elmi işçi, aparıcı elmi işçi, baş elmi işçi, “Funksional analiz” şöbəsinin müdiri işləyib (1990-2002). Hüseynov M.Lomonosov adına MDU-nun funksional analiz məktəbinin yetirməsidir. Onun elmi rəhbəri prof. Q.Şilov olub.

(1.1.1967, Göyçay r-nunun Qarabaqqal k.) – iqtisadçı alim, iqtisad ü.f.d. (2008), dos. (2011).

SDU-nun Kimya istehsalının maşın və aparatları fakültəsini “Mühəndis-mexanik” ixtisası üzrə bitirib (1992). M.Hüseynova 1992–2005 illərdə SDU-nun Standartlaşdırma və sertifikatlaşdırma kafedrasında assistent, 2005 ildən isə SDU-nun “Tədris Metodiki” şöbəsində istehsalat təcrübə rəhbəri vəzifəsində çalışıb. 2008 ildə Az.ETKTİ və Texnlologiya İnstitutunda “Yeni iqtisadi sistemdə aqroemal bazarının inkişafı və idarə edilməsinin təkmilləşdirilməsi” mövzusunda namizədlik dissertasiyasını müdafiə edib. 2009 ilin sentyabr ayının 10-dan hal-hazıra kimi SDU Biznesin təşkili və idarə edilməsi kafedrasında baş müəllim vəzifəsində çalışır. M.Hüseynovanın tədqiqatları əsasən aqroemal sahələrinin inkişafı, ərzaq məhsullarının ekoloji təhlükəsizliyi, aqroemal sahələrinin idarə olunması və inteqrasiyası məsələlərinə həsr olunub. 2,9 çap vərəqi həcmində 7 elmi məqalənin müəllifidir.

Məlumat V.Abdullayevdən alınıb.

(1.1.1975, Göyçay ş.) – iqtisadçı alim, iqtisad ü.f.d. (2009), dos. (2017).

1991 ildə Azərb. Texnologiya İnstitutuna daxil olub, 1996 ildə Bakı Dövlət Əmtəəşünaslıq Kommersiya İnstitutunun “Qeyri-ərzaq malları əmtəəşünaslığı” ixtisasını fərqlənmə diplomu ilə bitirib. 1996–2001 illərdə bitirdiyi institutda laborant, baş laborant, müəllim və baş müəllim vəzifələrində işləyib. 2002-13 illərdə UNEC-in İqtisadi nəzəriyyə kafedrasında baş müəllim, 2013-15 illərdə həmin kafedrada, 2015-17 illərdə UNEC-in Nəzəri və praktik iqtisadiyyat kafedrasında işləyib, 2017 ildən bu günə qədər isə UNEC-in Rus İqtisad Məktəbinin İqtisadiyyat kafedrasının dosenti və həmin kafedrada “İqtisadiyyat” ixtisasının rəhbəri vəzifəsində çalışır. 41 çap vərəqi həcmində 26 elmi əsərin müəllifidir. Ş.Hüseynova 2008 ildə “Müxtəlif təsərrüfat formaları şəraitində ixtisaslı kadr hazırlığı və hazırlıq sistemlərinin təkmilləşdirilməsi” mövzusunda dissertasiya işi müdafiə edib.

(6.12.1967, Göyçay r-nunun Bığır k.) – filologiya ü.f.d. (2006).

1975 ildə Bığır k. 1 saylı orta məktəbin birinci sinfinə daxil olub, 1985 ildə əla qiymətlər və tərifnamə ilə bitirib. Orta məktəbin səkkizinci sinfindən etibarən r-da çıxan “Yeni həyat” qəzetində müntəzəm olaraq, şeir və məqalələri çap olunub.

(1961, Göyçay r-nunun Potu k.) – pedaqoq, Əməkdar müəllim (2021).

ADPİ-nin Coğrafiya fakültəsini bitirib (1983). 1983-84 tədris ilində Göyçay r-nunun Kürdşaban k. orta məktəbində, 1984-92 illərdə Göyçay r-nunun Şıxbəy k. natamam orta məktəbində coğrafiya müəllimi işləyib. 1992 ildən R.Rza adına Göyçay ş. 1 saylı tam orta məktəbdə müəllim kimi çalışır.

Mənbə: Ə.Əlioğlu. “Seçilmişlər”. Bakı, 2018.

(1.1.1934, Göyçay r-nunun Alxasava k. – 26.7.2008, Bakı ş.) – riyaziyyatçı, pedaqoji e.d. (1996), prof. (1998).

1958 ildə APİ-nin Fizika-riyaziyyat fakültəsini bitirib. İnstitutu bitirdikdən sonra 1961 ilə qədər Göyçay r-nunun Alpout k., Göyçay ş. 4 saylı orta məktəbdə müəllim, Göyçay r-n partiya komitəsində təlimatçı işləyib. 1961-64 illərdə S.Kirov adına ADU-da Mexanika-riyaziyyat fakültəsində laborant, baş laborant işləyib. 1964-70 illərdə Göyçay r-nunun Alxasava k. məktəbinin direktoru olub.

(5.7.1957, Göyçay ş. – 3.12.2020, Bakı ş.) – hüquqşünas, vəkil, Azərb.-da ilk müstəqil hüquq mərkəzinin rəhbəri, Azərb. Resp. Vəkillər Kollegiyasının üzvü.

ADU-nun (indiki BDU) Hüquq fakültəsini bitirib (1978). Əmək fəaliyyətinə prokurorluq orqanlarında başlayıb. Sumqayıt ş. prokurorluğunda baş müstəntiq (1978-83), daha sonra Baş Prokurorluqda mühüm işlər üzrə müstəntiq (1983-91) kimi çalışmışdır. 1991 ilin sentyabrında öz xahişi ilə prokurorluq orqanlarından ayrılmış, fəaliyyətini vəkil olaraq davam etdirmişdir. 1995 ildə “ADİSAD” hüquq firmasını təsis etmişdir. A.İsmayılov həm də ictimai xadim kimi tanınıb və mütəmadi olaraq dövri mətbuatda məqalələrlə çıxış edib.

Məlumat V.Abdullayevdən alınıb.