(17.11.1954, Göyçay ş.) – musiqiçi, tarzən.

1973 ildə A.Zeynallı adına Bakı Musiqi Məktəbini tar ixtisası üzrə bitirdikdən sonra əmək fəaliyyətinə başlamış və Göyçay Uşaq Musiqi Məktəbində öz ixtisası üzrə tədris etmişdir. 1982-87 illərdə Ü.Hacıbəyli adına Azərb. Dövlət Konservatoriyasında (indiki Bakı Musiqi Akademiyası) Azərb. Resp.-nın Xalq artisti Ramiz Quliyevdən dərs alıb.

(17.7.1939, Göyçay ş. – 15.3.2010) – fizika-riyaziyyat e.d. (1991), prof., AYB-nin üzvü (2003).

1961 ildə APİ-nin Fizika fakültəsini bitirib. Əmək fəaliyyətinə 1961 ildən Göyçayın 3 saylı məktəbində fizika müəllimi kimi başlamışdır. 1964 ildə AMEA-nın Fizika İnstitutunun aspiranturasına daxil olub. Burada fəlsəfə doktoru dissertasiyası müdafiə etmişdir (1969). AMEA-nın Fizika İnstitutunda laborant, kiçik elmi işçi, baş elmi işçi, aparıcı elmi işçi, şöbə müdiri olmuşdur. 1994 ildən Azərb. Texniki Universitetində dos., prof. vəzifələrində işləyib. Azərb.-da və xarici ölkələrdə 100-dən çox elmi əsəri çapdan çıxıb. 10-dan çox ixtirasının müəlliflik şəhadətnaməsi var.

(1.7.1923, Göyçay ş. – 1.7.1985, Bakı ş.) – səhiyyə xadimi, tibb ü.f.d. (1966), dos. (1970).

1940 ildə Göyçay ş. 4 saylı orta məktəbi bitirib. ATU-nun Müalicə fakültəsini bitirib (1945). 1945-46 illərdə Naxçıvanda hökm sürən epidemiyanın törətdiyi fəsadların qarşısının alınmasında fəal iştirak edib. 1946 ildə Göyçayın Qaraməryəm k. gələrək 25 yerlik xəstəxanaya rəhbərlik edir. Daha sonra 1950-54 illərdə Mingəçevir xəstəxanasında baş həkim, 1954-57 illərdə isə Mingəçevir, Xaldan və Yevlax ərazilərini birləşdirən səhiyyə mərkəzinin rəisi vəzifələrində işləyir. 1957 ildə Zeynalov Bakıya köçür və ADU xəstəxanasında baş həkimin müavini vəzifəsində işə düzəlir. 1966 ildə ATU-nun Daxili xəstəliklər kafedrasında assistent, 1970 ildə isə dos. vəzifələrinə təyin olunur. İstedadlı alim həm də ictimai fəaliyyətlə məşğul olur. 1968-84 illərdə o, universitet partiya komitəsinin katibi vəzifəsini icra edib.

Mənbə: http://goychay.cls.az/

(4.6.1933, Göyçay ş. – 1989, Bakı ş.) – jurnalist, ədəbiyyatşünas, filologiya e.d. (1988).

1956 ildə BDU-nun Jurnalistika şöbəsini bitirib. İstedadı, təşəbbüskarlığı və çalışqanlıq keyfiyyətləri nəzərə alınaraq universitetin mətbuat tarixi kafedrasında müəllim saxlanılıb. Paralel olaraq “Xalq qəzeti”ndə (ozamankı “Kommunist” qəzeti) ədəbi işçi, şöbə müdiri vəzifələrində çalışıb. Sonrakı illərdə taleyini BDU-nun Jurnalistika fakültəsi ilə bağlayan Zeynalov “Molla Nəsrəddin” jurnalının tarixi ilə bağlı 1967 ildə namizədlik, 1988 ildə isə doktorluq dissertasiyaları müdafiə edib. Azərb. mətbuat tarixi ilə bağlı 2 cildlik dərslik hazırlayıb. Zeynalov peşəkar fəiliyyətində jurnalistikanın nəzəri və praktik sahələrinə paralel surətdə diqqət ayırıb. O, 1977 ildən başlayaraq 10 ilə qədər “Sovet kəndi” qəzetinə redaktorluq edib. Ömrünün son illərində doğma Jurnalistika fakültəsinə qayıdan Nəriman müəllim dekan seçilib. Azərb. jurnalistikasının tanınmış nümayəndəsi Zeynalov 1989 ilin yazında dünyasını dəyişib. O, fədakar mətbuat tarixçisi olmaqla yanaşı, həm də istedadlı publisist, gənc yazarlar üçün ustada çevrilmiş bir qələm sahibi idi. 1971 ildə oçerkləri “Qızıl qələm” mükafatına layiq görülüb. “Gümüş dəstəkli qılınc” romanının, “Oğul o kəsdir ki”, “Dağlar oğlu”, “Bərəkətli torpaq” oçerklər kitablarının müəllifi olub. Dövri mətbuatdakı bir çox hekayə və məqalələri dərc olunub.

Məlumat V.Abdullayevdən alınıb.

(19.8.1955, Göyçay ş.) – tarix e.d. (2018), prof. (2022)

1972 ildə 2 saylı Ucar ş. orta məktəbini fərqlənmə ilə bitirib və həmin il ADU-nun (hazırda BDU) Tarix fakültəsinə daxil olub. 1977-80 illərdə Dövlət təyinatı ilə Saatlı r-nu Nərimankənd orta məktəbində müəllim, 1980-81 illərdə Azərb. SSR EA Tarix İnstitutunda baş laborant, 1981-92 illərdə AZNKİ-nin Sumqayıt filialında əvvəlcə müəllim, sonra isə baş müəllim, 1992-93 illərdə Sumqayıt Şəhər İcra Hakimiyyəti başçısı aparatında humanitar məsələlər üzrə şöbə müdiri vəzifəsində, 1998–2000 illərdə BDU-da baş müəllim, 2000-01 illərdə Bakı Biznes Universitetində baş müəllim, “Magistratura şöbəsi”nin müdiri vəzifələrində çalışıb. 2017-20 illərdə ADPU-da “Azərbaycan tarixi” fənnini tədris edib.