(12.12.1960, Göyçay ş.) – həkim-onkoloq, Azərb. Resp. Səhiyyə Nazirliyinin baş onkoloqu (2011), Əməkdar həkim (2013), tibb ü.f.d. (2009).

N.Nərimanov adına ATU-nun Müalicə-profilaktika fakültəsini bitirib (1989). Gəncə ş. Onkoloji Dispanserində əmək fəaliyyətinə başlayıb (1990-91), sonra isə 32 saylı Birləşmiş Bakı ş. Xəstəxanasında həkim-onkoloq (1991-93), Xərçəng Əleyhinə Elmi-Tədqiqat Assosiasiyasında tibb məsələləri üzrə müdir müavini (1993-97), MOM-un abdominal onkologiya şöbəsində həkim-onkoloq (1997-99) vəzifələrində çalışıb. 2001-06 illərdə MOM-da onkologiya üzrə dissertant olub. Daha sonra Abdominal onkologiya bölməsində kiçik elmi işçi (2004-08) və Abdominal onkologiya şöbəsinin müdiri (2008-09) vəzifəsini daşıyıb. 2010 ildə Abdominal onkologiya şöbəsində elmi əməkdaş kimi fəaliyyət göstərib, ardınca isə Azərb. Resp. Səhiyyə Nazirliyinin baş onkoloqu vəzifəsinə təyin edilib (2011). 42 elmi işi dərc olunub.

Mənbə: Milli Onkologiya Mərkəzi (mom.gov.az)

(12.12.1947, Göyçay r-nu) – iqtisad e.d. (1994), prof., AMEA-nın İqtisadiyyat İnstitutunun Xarici iqtisadi əlaqələr bölməsinin baş elmi işçisi, Əməkdar müəllim (2020).

1961 ildə orta məktəbin 8-ci sinfini bitirərək, Göyçay Kənd Təsərrüfatı Texnikumuna daxil olub. Texnikumda oxuyarkən 1963 ilin dekabr ayından Göyçay avtobazasında ilk əmək fəaliyyətinə başlayıb. Azərb. Xalq Təsərrüfatı İnstitutunda (indiki ADİU) təhsil alıb. 1971 ildə təhsil aldığı institutun elmi, ictimai-siyasi həyatında fəal iştirak etdiyinə və institutu fərqlənmə ilə bitirdiyinə görə gənc mütəxəssis kimi institutda saxlanılıb. Bir il kafedrada laborant, baş laborant vəzifələrində işlədikdən sonra istehsalatdan ayrılmaqla aspiranturaya daxil olub. Aspiranturanı müvəffəqiyyətlə bitirdikdən sonra gənc mütəxəssis kimi Azərb. Xarici Dillər İnstitutunun “Siyasi iqtisad” kafedrasına baş müəllim göndərilir.

(2.9.1940, Göyçay r-nunun Bığır k. – 12.3.1997, Bakı ş.) – həkim, tibb ü.f.d. (1967).

1957 ildə kənd orta məktəbini bitirib. 1958 ildə N.Nərimanov adına ATİ-nin Müalicə-profilaktika fakültəsinə daxil olub. 1964 ildə oranı bitirdikdən sonra RF-nin Krasnoyarsk vilayətinə yollanıb, hərbi həkim kimi fəaliyyət göstərib, xidməti borcunu yerinə yetirib.

(5.1.1961, Bakı ş.) – riyaziyyatçı alim, Türkiyənin Bilkənt Universitetinin prof., fizika-riyaziyyat e.d.

Orta təhsilini Moskvada Fizika-riyaziyyat təmayüllü məktəbdə alıb. Moskva Dövlət Universitetinin Riyaziyyat fakültəsinin məzunudur. Hazırda Türkiyə Riyaziyyat Olimpiada komitəsinin sədridir.

Əsərləri:

A.Kerimov and S. Mallak, ‘Density Gibbs states and uniqueness condition in one-dimensional models, J. Phys. A: Math. Gen. 32 pp. 3711-3716 (1999);

A. Kerimov and M.A. Sahin, A one-dimensional model exhibiting phase transition, Physica A 265, pp. 169-175 (1999).

Mənbə: Azer Kerimov’s home page (bilkent.edu.tr)

(fevral, 1927, Göyçay qəz. – 2006) – güləşçi, Əməkdar idman ustası, Azərbaycan və SSRİ-nin Əməkdar məşqçisi.

Güləşdə ilk addımlarını Göyçayda atıb, sonralar təhsilini Bakıda davam etdirib. Azərb.-da yunan-Roma güləşinin banilərindən biridir. Məşqçiliklə məşğul olub, adı iyirminci əsrdə Azərb.-ın ən yaxşı idman xadimlərinin adları sırasında yer alıb.

(5.9.1955, Göyçay r-nu) – rəssam, pedaqoq.

Göyçayın ictimai-mədəni həyatında fəal iştirak etmiş ziyalılardan biri olan E.Kərimov 1973 ildə Göyşay ş. 7 saylı tam orta məktəbi bitirib Göyçay r-nu Əlövsət Məmmədov adına kino klubunda rəssam kimi çalışmış, sonra isə əsgəri xidmətdə olmuşdur.

(23.11.1938, Göyçay ş. – 6.4.2017, Bakı ş.) – tibb e.d. (1989), prof., Əməkdar elm xadimi (2010).

1956 ildə Göyçay ş. 3 saylı orta məktəbi bitirib ATU-nun Stomatologiya fakültəsinə daxil olub. 1964 ilədək həmin fakültədə təhsil alıb. 1964-68 illərdə ATU-nun və Kiyev Tibb İnstitutunun aspirantı olub. 1968-87 illərdə ATU-da dos., Stomatologiya fakültəsinin dekanı, institutun elmi katibi vəzifələrində çalışıb. 1989 ildə Kiyev Tibb İnstitutunda doktorluq dissertasiyası müdafiə edib. E.Kərimov Səhiyyə Nazirliyi Həkimlərin Attestasiyası Komissiyasının sədri, ATU-nun Ortopedik stomatologiya kafedrasının prof.-ru, Azərb. Stomatoloji Assosiasiyasının üzvü olub.

Alim 100-dən artıq elmi məqalənin, dərs vəsaitinin, səmərələşdirici təkliflərin müəllifi olub.

Məlumat V.Abdullayevdən alınıb.

(4.4.1931, Göyçay r-nunun Potu k. – 22.7.2011, Bakı ş.) – teatrşünas, AYB-nin üzvü (1980), sənətşünaslıq e.d. (1988), prof. (1989), AMEA-nın müxbir üzvü (2001).

Azərb. Dövlət Teatr İnstitutunun Teatrşünaslıq fakültəsini bitirib (1953). Kərimov 1957 ildən taleyini AMEA-nın Memarlıq və İncəsənət İnstitutu ilə bağlayıb. Burada kiçik elmi işçi, baş elmi işçi olub. Alim-tədqiqatçı 1968 ildən ADMİU-da teatr tarixi, teatr tənqidi və dram nəzəriyyəsi fənlərini tədris edib. Həmin universitetin prof.-u olub. “Sovet Azərbaycanının gənclər teatrı” adlı namizədlik dissertasiyasını 1963 ildə müdafiə edib.

(10.2.1959, Bakı ş.-25.1.2024, Bakı ş.) – filologiya e.d., prof., ədəbiyyat tarixinin tədqiqatçısı, mətnşünas alim.

1981 ildə ADU-nun (indiki BDU) Filologiya fakültəsini bitirib. 1982 ildən Əlyazmalar İnstitutunda əmək fəaliyyətinə başlayıb. AMEA Əlyazmalar İnstitutunun direktor müavini (2014), Multidistiplinar əlyazmalar və çap kitabları şöbəsinin müdiri (2015), AYB-nin üzvü (1998), YUNESKO-nun Dünya yaddaşı proqramı üzrə Azərb. Milli Komitəsinin sədr müavinidir.

(21.5.1955, Göyçay r-nu) – rəssam, fəxri mədəniyyət işçisi (2018).

1973 ildə Göyçay ş. 7 saylı orta məktəbi bitirib. 1974 ildə Ə.Əzimzadə adına Azərb. Dövlət Rəssamlıq Məktəbinin Bədii tərtibat fakültəsinə daxil olub. 1975-77 illər ərzində hərbi xidmətdə olub. Hərbi xidməti bitirdikdən sonra təhsilini davam etdirib. 1981 ildə təhsilini bitirdikdən sonra Göyçay r-n Mədəniyyət şöbəsinin nəzdində olan rəssamlıq emalatxanasında baş rəssam kimi fəaliyyət göstərib. R-nun bütün tərtibat işləri həmin emalatxanada icra olunub. 2001 ildən Azərb. Reklamçılar İttifaqının üzvüdür. 2004 ildə Azərb. Dövlət Akademik Milli Dram Teatrının dekor sexində dekorçu rəssam kimi fəaliyyətə başlayıb. 2011 ildən dekor sexinin rəisi vəzifəsində çalışır. 2018 ildə Fəxri mədəniyyət işçisi adına layiq görülüb.

Məlumat T.Kərimovdan alınıb.