(17.7.1958, Göyçay ş.) – şair, yazıçı, tərcüməçi, AYB-nin üzvü (1996).

Göyçay ş. 1 saylı orta ümumtəhsil məktəbini (1975), BDU-nun Filologiya fakültəsini (1985), Jurnalist Sənətkarlığı İnstitutunu (1987) bitirib. 1976-78 illərdə hərbi xidmətdə olub. 1979-89 illərdə AMEA-nın “Sovetskaya türkologiya” elmi-kütləvi jurnalında işləyib. 1989-94 illərdə AMEA-nın “Elm” və “Tarix” qəzetlərində, Milli Məclisin orqanı olan “Azərbaycan” qəzetində, “ABS” və “Cümə” müstəqil nəşrlərində çalışıb. 1994-96 illərdə “Yol” ədəbi qəzetinin və “WEEK-END” həftəliyinin redaktoru, Azərb. Tərcümə Mərkəzinin nəşriyyat redaksiyasının baş redaktoru olub. 1996-99 illərdə Azərb. Resp. Mədəniyyət Nazirliyinin mətbuat xidmətinin rəhbəri vəzifəsində çalışıb. 1999-2014 illərdə “Antinarkotizm” Beynəlxalq elmi-analitik Mərkəzin direktoru və “Azərbaycan-Rumıniya Dostluq Cəmiyyəti” ictimai birliyinin sədri vəzifələrini icra edib. 2014 ildən Azərb. Resp. Nazirlər Kabineti yanında Tərcümə Mərkəzinin Dünya ədəbiyyatı şöbəsinin müdiri vəzifəsində çalışır. “Tənhalıq” (2008), “Poetik silsilələr toplusu” (2011), “Sonuncu korifey” (2022) kitablarının müəllifidir. F.Kafka, Q.Markes, E.Heminquey, U.Folkner, A.Kamyu, P.Modiano, M.Lermontov, O.Suleymenov, A.Voznesenski və digər bir çox görkəmli ədiblərin əsərlərini tərcümə etmişdir.

Məlumat M.Qarayevdən alınıb.

(22.7.1980, Göyçay ş.) – şairə, AYB-nin üzvü (2010).

Bakı ş. Nərimanov r-nu 39 saylı orta məktəbdə təhsil alıb. Daha sonra təhsilini Nizami r-nu 289 saylı Zəngi liseyində davam etdirib.1997 ildə həmin liseyi bitirərək 1 saylı Bakı Tibb Məktəbinə daxil olub, tibb bacısı ixtisasi alıb. 2012 ildə BSU-nun Yaradıcılıq fakültəsinə daxil olub. Şeirləri “Azərbaycan”, “Ulduz”, “Literaturnıy Azerbaydjan” jurnallarında, “Ədəbiyyat qəzeti”, “525-ci qəzet”, “Ədalət”, “Kaspi” qəzetlərində, “Poeziya günü” almanaxında (2010), ingilis dilində “Buta” (2010) poeziya antologiyasında və digər mətbu orqanlarda müntəzəm çap olunur. Radio və televiziya dalğalarında müntəzəm çıxışları olur. Şeirləri bir neçə xarici dilə tərcümə edilib.

(1825, Göyçay mahalının Qaraxıdır k. – 1855) – XIX əsrin birinci yarısında yaşamış şair.

Dövrünün açıqfikirli ziyalısı olub. Gözəl təbə malik Qəbuli o dövrdə Şirvanda fəaliyyət göstərən ədəbi məclislərin fəal iştirakçısı olub. Şeirləri ilə müasirlərinin diqqətini çəkib.

Mənbə: S.Ə.Şirvaninin seçilmiş əsərləri, 3 cilddə. III cild, “Elm”, Bakı, s. 134;

S.Qəniyev. Şirvan aşıq və şairləri haqqında biblioqrafik məlumat. “Təhsil”, Bakı, 1996.

(1790, Göyçay qəz. Məlikbalı k. – 1865) – Azərb. şairi, aşıq.

Mədrəsə təhsili almışdır. Aşıq şeiri üslubunda şeirlər yazmışdır. S.Mümtaz “El şairləri” kitabında Məlikballı Qurbanın qoşma, müxəmməs, təcnis və s. formalı şeirlərini vermişdir. F.Qasımzadə onu həm xalq şeiri, həm də klassik üslubda yazan sənətkar kimi təhlil etmişdir. XIX əsrdə xalq şeiri üslubunda yazıb-yaradan şairlər sırasında daha çox təhlil olunur. Şeirləri “Azərbaycan aşıqları və el şairləri” kitabında və digər toplularda verilmişdir. Onun məşhur “Vücudnamə”si aşıqlar arasında geniş yayılmışdır.

Mənbə: “Ozan-aşıq ensiklopediyası”. 2 cilddə, Aşıqlar Birliyi, “Gənclik” nəşriyyatı, II cild, Bakı, 2020, s. 69.

(6.3.1972, Bakı ş.) – yazıçı-publisist

1979-90 illərdə Bakıda Bülbül adına orta ixtisas musiqi məktəbində təhsil alıb. 1990-95 illərdə BDU-nun Şərqşünaslıq fakültəsinin türk bölümündə oxuyub, buranı qırmızı diplomla bitirib. 1996 ildən əmək fəaliyyətinə başlayıb. ANS şirkətlər qrupuna daxil olan ANS-Pressdə redaktor (1996-97), İmair şirkətində reklam üzrə mütəxəssis (1998–2002) işləyib. 2002-04 illərdə ANS-Pressin Prezidenti və “El” jurnalının baş redaktoru vəzifələrində çalışıb. 2006-07 illərdə AR Mədəniyyət və Turzim Nazirliyinin Nəşriyyat, reklam işinin təşkili və informasiya şöbəsində işləyib, 2007 ildən həmin nazirliyin təsis etdiyi “Pəncərə (mədəniyyətə baxış)” jurnalının baş redaktoru vəzifəsində işləməyə başlayıb.

Əhmədov Sabir Xasay oğlu (12.5.1950, Göyçay r-nunun Bəydövül k. – 7.2.2005, Bakı ş.) – şair, yazıçı-ssenarist, AYB-nin üzvü (1988).

Kənd orta məktəbini bitirib. Əmək fəaliyyətinə doğma kənd məktəbində pioner baş dəstə rəhbəri kimi başlamışdır (1967-69). ADU-nun (indiki BDU) Tarix fakültəsində təhsil alıb (1974). Təyinatla İsmayıllı r-nu Qalıncaq k. orta məktəbində tarix müəllimi işləmişdir (1974-76). Sonra C.Cabbarlı adına “Azərbaycanfilm” kinostudiyasinda ssenarist (1977-79), Göyçay r-nunun orta məktəb müəllimi (1981-84) olmuşdur. H.Ərəblinski adına Sumqayıt Dövlət Dram Teatrında ədəbi hissə müdiri, AYB-də məsləhətçi, həmçinin müxtəlif mətbuat orqanlarında işləyib. Tələbəlik illərindən ədəbi fəaliyyətə başlayıb. Onun ssenarisi əsasında “Papaq” (“Evlənmək istəyirəm”) bədii fılmi çəkilib. Şeirləri və digər yazıları “Azərbaycan”, “Ulduz”, “Qobustan” jurnallarında, “Ədəbiyyat” qəzetində və digər mətbuat orqanlarında çap olunub. “Üz tutduğum adamlar” (1986), “Ağlayan divarlar” (2003) şeirlər kitabının və “Yüz böyük türk” tərcümə kitabının müəllifidir. Bir çox şeirləri rus dilinə tərcümə edilib. Azərb. Teatr Xadimləri İttifaqının və Azərb. Kinematoqrafçılar İttifaqının üzvü olub.

Mənbə: T.Əhmədov. “Azərbaycan yazıçıları (XX–XXI yüzillikdə). Ensiklopedik məlumat kitabı.”, Bakı, “Nurlar”, 2011, s. 799.

Əhmədli Südabə Əsgər qızı (10.4.1962, Göyçay ş.) – yazıçı-jurnalist-publisist, Prezident mükafatçısı (2009), AYB-nin (2004) və AJB-nin (1999) üzvü.

1982 ildə ADPU-nun Filologiya fakültəsini bitirib. Bir müddət Göyçay ş. 7 saylı tam orta məktəbdə Azərbaycan dili və ədəbiyyatı müəllimi işləyib. Eyni zamanda r-da çıxan “Yeni həyat” qəzetinin əməkdaşı və r-n Gənc Müəllimlər Şurasının sədri olub. 1996 ildən Bakıda “Hürriyyət”, “525-ci qəzet”, “Respublika”, “Ekspress” qəzetlərində köşə yazarı kimi fəaliyyət göstərib. Yüzlərlə publisistik məqalələri, dəyərli şəxsiyyətlərdən götürdüyü müsahibələri, mənəviyyatla bağlı yazıları oxucular tərəfindən yüksək bəyənilib. 2003-05 ilə qədər Azərb. Dövlət Radiosunda “Qərib axşamlar” proqramında ssenarist-redaktor kimi həm Azərb.-da, həm də dünyanın müxtəlif yerlərində yaşayan soydaşlarımızın həyatı haqqında verilişlər hazırlayıb. 2005-10 illərdə İctimai Televiziyanın Ədəbi Verilişlər redaksiyasında ssenarist-redaktor kimi ədəbi verilişlər hazırlayıb.

(1951, Göyçay ş.) – Əməkdar müəllim (1990), AJB-nin üzvü.

BDU-nun Tarix fakültəsini qiyabi (1975), sonra isə Pedaqoji Kadrların İxtisasartırma və Yenidənhazırlama İnstitutunun İqtisadiyyat fakültəsini (1996) bitirib. 1971-73 illərdə Göyçay ş. 7 saylı orta məktəbində müəllim işləyib. 1973-78 illərdə Göyçay r-n Komsomol Komitəsinin məktəblər üzrə katibi, II katibi, 1978-96 illərdə Göyçay r-n 1 saylı orta məktəbində müəllim, 1998–2016 illərdə APKİA və YHİ-da metodist, Azərb. Müəllimlər İnstitutunda metodist, kabinet müdiri, “Təhsildə araşdırmalar və innovasiyalar” Mərkəzində metodist işləyib. 2016 ildən “Pedaqoji təhsilin problemləri” elmi tədqiqat laboratoriyasında kiçik elmi işçi vəzifəsində çalışır. SSRİ Təhsil Nazirliyinin “Krupskaya medalı”na layiq görülüb, Ak. M.Mehdizadə mükafatı laureatı olub, eyni zamanda, “XXI əsrin tanınmış maarifçisi” beynəlxalq diplomunu alıb, “VEKTOR” Elmi Mərkəzi mükafat komissiyasının qərarı ilə “Azərbaycanın tanınmış maarifçiləri” beynəlxalq layihəsinin qalibi olub. Çoxsaylı əsərlərin və elmi məqalələrin müəllifidir. Hazırda ADPU Elmi Tədqiqat Mərkəzinin elmi işçisidir.

Məlumat A.Kəngərlidən alınıb.