Hümbətov İsgəndər Məmməd oğlu (31.8.1927, Göyçay ş. – 10.12.1996, Bakı ş.) – şair-dramaturq, AYB-nin üzvü (1954), Əməkdar incəsənət xadimi (1991).

M.Əliyev adına Teatr İnstitutunun Teatrşünaslıq fakültəsini bitirib (1949). “Mavzoleydə“ adlı ilk mətbu şeiri “Ədəbiyyat və incəsənət“ qəzetində çapdan çıxıb (1944). 1952-55 illərdə Moskvada M.Qorki adına Ədəbiyyat İnstitutunun poeziya şöbəsində təhsil alıb. 1962 ildən M.Qorki adına Azərb. Dövlət Gənc Tamaşaçılar Teatrında ədəbi hissə müdiri işləyib. Bəstəkar Şəfiqə Axundova 1972 ildə görkəmli yazıçı Süleyman Rəhimovun eyniadlı povesti əsasında İsgəndər Coşqunun librettosu üzrə “Gəlin qayası”  muğam-operasını yazmışdır. Şərqdə qadın bəstəkar tərəfindən yazılmış ilk opera olan bu əsərin premyerası 1974 ildə Opera Teatrında baş tutub.

(6.8.1939, Göyçay r-nunun Alıkənd k. – 4.9.1999, Bakı ş.) – Əməkdar jurnalist (1986).

1954-57 illərdə Göyçay Pedaqoji Texnikumunda oxuyub. 1957-60 illərdə Abşeron r-nunun Saray k. orta məktəbində coğrafiya müəllimi kimi çalışıb. Sonra BDU-nun Azərbaycan dili və ədəbiyyatı fakültəsini bitirib (1965). 1965-68 illərdə Ucar r-nunun Qazyan k. orta məktəbində Azərbaycan dili və ədəbiyyatı müəllimi işləyib. 1968-74 illərdə Göyçay r-n İcraiyyə Komitəsində təlimatçı, 1974-90 illərdə Göyçayda nəşr olunan “Yeni həyat” qəzetinin redaktoru, 1990-99 illərdə “Respublika” qəzetinin bölgə müxbiri vəzifələrində çalışıb. İslamov jurnalistika sahəsində səmərəli fəaliyyətinə görə AKP MK.-nın Fəxri fərmanları ilə də təltif olunub. “Qızıl qələm” mükafatı laureatıdır (1977).

Məlumat ailəsindən alınıb.

(1910–1963) – şair.

Göyçayda anadan olmuş, orada oxumuş, Gəncə Kənd Təsərrüfatı Texnikumunu bitirmiş, Ağdaş və Göyçay r-da işləmiş, təhsilini Gəncədəki Kənd Təsərrüfatı İnstitutunda davam etdirmişdir. İ.Soltan ədəbi fəaliyyətə 1935 ildən başlamış, şeirləri dövri mətbuatda çap olunmuş, 1940 ildə keçirilən poeziya müsabiqəsində “Gün doğdu” poeması mükafata layiq görülmüşdür. 1940 ildə çap olunmuş “Ağdərə yollarında” kitabı onun ilk şeirlər məcmuəsidir. Şair Böyük Vətən müharibəsi illərində hərbi müxbir kimi çalışmış, ordudan tərxis olunduqdan sonra redaksiyalarda, nəşriyyatlarda işləmişdir. İ.Soltan “Məhsəti”, “Pəri qala”, “Ana”, “Məhəbbət” adlı poemalarını, “Şirvan” mənzum pyesini yazmışdır. Şairin 1954 ildə “Xatirələr”, 1956 ildə “Gözəlçə”, 1961 ildə “Bizim həmyerli oğlan”, 1967 ildə “O, rəssam idi” adlı kitabları nəşr edilmişdir.

Mənbə: Ş.Süleymanlı “Azərbaycan ədəbiyyatı ensiklopediyası: ən qədim dövrlərdən 1920-ci ilədək: I cild”, Bakı, “Nağıl evi”, 2008, s. 353-354.

(5.9.1935, Göyçay ş. – 3.2.2022, Bakı ş.) – şair, publisist, AYB-nin üzvü (2006), “Qızıl qələm” mükafatı laureatı (1970).

Göyçay ş. 4 saylı oğlan orta məktəbini 1954 ildə bitirib. ADU-nun (indiki BDU) Filologiya fakültəsini Azərb. dili və ədəbiyyatı müəllimi ixtisası üzrə bitirib (1959). Tələbə ikən “Azərneftnəşr”də korrektor, eyni zamanda “Bakı” qəzetində ştatdankənar müxbir kimi fəaliyyət göstərib. Sonra Göyçay Musiqi Məktəbində müəllim (1960-67), “Neft daşları” qəzetinin redaktoru (1967-73), Bakıda Aşıq Ələsgər adına Resp. Xalq Yaradıcılığı Evində redaktor, Folklor şöbəsinin müdiri, direktor müavini (1973-78), Şamaxıda dərc olunan “Yeni Şirvan” qəzetinin redaktor müavini (1978-80), “Azərbaycan dəmiryolçusu” qəzetinin məsul katibi (1980-89), “Yeni fikir” qəzetinin məsul katibi (1989-93), “Müstəqil qəzet”in məsul katibi (1993-96) olub. 1996 ildən “Kirpi” satirik jurnalının bölgə müxbiri kimi fəaliyyətini davam etdirib. “Sevgilimə könül açdım” ilk mətbu şeirinə (1964) mahnı bəstələnmiş və həmin mahnı 50 ilə yaxındır ki, məşhur müğənnilərin repertuarına daxil edilib.

(5.10.1988, Göyçay r-nun Çərəcə k.) – şair, publisist, jurnalist, AYB-nin (2015) və AJB-nin üzvü (2013), Azərb. KİV İşçiləri Həmkarlar İttifaqının üzvü (2014).

Bakı Asiya Universitetində və Bakı Slavyan Universitetində ali təhsil alıb. İxtisasca filoloqdur. 2006-10 illərdə “Səs” qəzetində, 2012-15 illərdə Lent.az İnformasiya Agentliyində müxbir, 2015-16 illərdə Dini Qurumlarla İş üzrə Dövlət Komitəsinin (DQİDK) İctimaiyyətlə əlaqələr şöbəsində məsləhətçi vəzifələrində işləyib. 2016 ildən DQİDK.-da baş məsləhətçi vəzifəsində çalışır. 1998 ildən bədii yaradıcılıqla məşğuldur. “Dünyada sözüm qalar” (2005), “Heydər zirvəsindən başlanan yol” (2009), “Dərsliklər haqqında…” (2013. İ.Tumasla birgə), “Dini radikalizmlə mübarizə və gənclər: İmkanlar və perespektivlər” (2017. O.Maşayevlə birgə), “Seçilənlər” (2018), “Vətən sevgisi” (2019) kitablarının müəllifidir.

A.Məcidzadə Həsən bəy Zərdabi adına Cəmiyyətin fəxri üzvüdür (2007). “Qızıl Qələm” (2014) mükafatı laureatı və Prezident təqaüdçüsüdür (2017).

Məlumat A.Məmməddən alınıb.

(4.6.1980, Göyçay r-nunun Potu k.) – “Göyçay ensiklopediyası”nın elmi məsləhətçisi, jurnalist, ictimai fəal.

1985–1996 illərdə Mübariz Məmmədov adına Potu k. orta məktəbində orta təhsil alıb. 1996–2000 illərdə GDU-da ali təhsil alıb. 2000-01 illərdə Azərbaycan Silahlı Qüvvələrində hərbi xidmət keçib. 2001-02 illərdə Potu k. orta məktəbində müəllim vəzifəsində çalışıb.

(4.7.1940, Göyçay ş. – 27.11.2002) – şair, dramaturq, Əməkdar mədəniyyət işçisi.

ADİİ-ni bitirib. Məmmədov hələ kiçik yaşlarında şeir yazmağa böyük həvəs göstərib. 15 yaşında yazdığı “Ana” şeiri festivalda 1-ci yerə layiq görülüb. Qələmə aldığı minə yaxın şeiri, 20-dən artıq pyesi, qəzəlləri, rübailəri, poemaları müxtəlif illərdə dövri mətbuatda dərc olunub. Onun 1970-80 illərdə Azərb. teatrının inkişafında önəmli rol oynayan “Sirli dəyirman”, “Dəli dünya”, “Meşədə döyüş”, “Ayrılıq”, “Taleyin cəzası”, “Anasının gül balası”, “Ac qulağım, dinc qulağım”, “Ayrılmırıq, vəssalam”, “Tələ quran özü düşər”, “Təlxəyin nağılı”, “Ən ağır cəza” və s. pyesləri teatrsevənlərin yaxşı xatirindədir. Həmin pyeslərin ən böyük əhəmiyyəti ondan ibarətdir ki, onlar dünənimizi özündə əks etdirməklə bu günümüzdə də aktuallığını itirməyib.

(25.1.1940, Göyçay r-nunun Alıkənd k. – 25.12.2008, Bakı ş.) – jurnalist, SSRİ Jurnalistlər İttifaqının üzvü (1972), Əməkdar jurnalist (1991).

Əmək fəaliyyətinə 1965 ildə “Azərbaycan gəncləri” qəzetində başlayıb. Daha sonra S.M.Kirov adına ADU-nun (indiki BDU) Jurnalistika fakültəsini bitirib (1969). 1978 ildən “Kommunist” qəzetində şöbə müdiri vəzifəsində çalışıb. 1992 ildən fəaliyyətini “Xalq qəzeti”ndə davam etdirən Məmmədov 1996 ildən ömrünün sonunadək “Respublika” qəzetində “Sosial problemlər” şöbəsinin müdiri vəzifəsində çalışıb. 1977 ildə “Qızıl qələm” mükafatı ilə təltif edilib.

Məmmədov Namiq Hadi oğlu (4.7.1956, Göyçay ş.) – şair, filoloq, AYB-nin üzvü (2006).

1963 ildə birinci sinfə getmiş, 1973 ildə orta təhsilini başa vurmuşdur. 1973-78 illərdə AzPİ-nin Texnologiya mühəndisi fakültəsində təhsil almışdır. Gənc yaşlarından klassik ədəbiyyata, poeziyaya maraq göstərmiş, bir müddət şeirlər yazmışdır. İndiyədək iki kitabı çap olunmuşdur. Birinci kitab “Gördüm vəfasını 50 il ömrün” adlanır. Bu kitabda aşıq şeir formalarında – qoşma, təcnis, gəraylı və klassik üslubda yazdığı satirik qəzəlləri toplanmışdır.

Əfəndizadə Qafur Sədrəddin oğlu (22.5.1888, Göyçay qəz. Potu k. – 28.1.1944, Cizak vilayətində) – Azərb.-ın maarif xadimi, pedaqoq, yazıçı, AYB-nin üzvü (1934).

İlk təhsilini Potuda, dövrünün tanınmış ziyalılarından olan, Sədi Salis təxəllüsü ilə şeirlər yazan atası Sədrəddin Əfəndinin xüsusi məktəbində (1896–1905) almış, sonra Göyçay ş.-də İbrahim Həqqinin yeni üsul məktəbində (1905-08) oxumuşdur.