(21.2.1929, Göyçay q-nın Müskürlü k.–?.9.1986, Bakı ş.) – Azərbaycan SSR-nin əməkdar inşaatçısı, Sosialist Əməyi Qəhrəmanı (1977).

Əmək fəaliyyətinə 1943 ildə Lenin adına kolxozda başlayıb. Daha sonra 1949 ildə Azərb. SSR Sənaye tikintisi Nazirliyinin 4 №-li trestinin 46 №-li tikinti idarəsində, kompleks briqadada suvaqçı kimi çalışmağa başlayan H.Rəsulov 1975 ildən həmin briqadanın briqadiri olur. Qısa vaxt ərzində H.Rəsulov qabaqcıl təcrübəni öz işinə tətbiq edən və yüksək məhsuldar, eyni zamanda yüksək keyfiyyətli əmək prinsipi ilə fəaliyyət göstərən bacarıqlı inşaatçı kimi şöhrət qazanır.

(15.1.1974, Göyçay r-nunun Mırtı k.-27.7.1992) – Birinci Qarabağ müharibəsi şəhidi.

Mənbə: T.Məhəmmədqızı. Göyçayın Qarabağ Sevdalıları. Bakı, 2021, “Avropa” nəşriyyatı, s.32

(1.4.1975,Göyçay r-nunun Üngütlü k.–25.7.1993, Ağdərə r-nu ərazisində) – Birinci Qarabağ müharibəsi şəhidi.

1993 ilin aprelində hərbi xidmətə yola düşüb. Bir müddət təlim məşqləri keçəndən sonra Goranboy r-nuna gəlib. Ağdərə r-nunun Çaylı k. uğrunda gedən döyüşlərdə qəhrəmancasına şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.11.1975, Göyçay r-nunun Çayarxı k.- 1.5.1994) – Birinci Qarabağ müharibəsi şəhidi.

Göyçay r-nunun Çayarxı k. dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

(28.9.1949, Göyçay ş.) – iqtisad elmləri doktoru (2010), professor (2014).

1949 il sentyabrın 28-də Göyçay ş. anadan olub. 1967 ildə Bakıdakı 189 saylı məktəbi bitirib indiki, Bakı Dövlət Universitetinə daxil olub. 1973 ildə həmin təhsil müəssisəsini tarix və cəmiyyətşünaslıq ixtisası üzrə bitirib. 1973-78 illərdə Moskva Dövlət Universitetinin iqtisadiyyat fakultəsinin aspirantı olub. 1978 ildən BDU-nin iqtisadi nəzəriyyə, 1998 ildən isə beynəlxalq iqtisadi əlaqələr kafedrasının dosenti olub. 2010 ildə “Milli iqtisadi mənafelər: ilkin şərtlər, məqsədlər və nail olma vəsaitləri“ mövzusunda doktorluq dissertasiyasını müdafiə edib. 2014 ildə professor elmi dərəcəsi alıb. Hazırda BDU Dünya iqtisadiyyatı kafedrasının müdiridir.

Mənbə: V.Abdullayev, R.Quliyev. Çinarlı yurdun övladları (əlyazması hüququnda), s.13-14

(18.6.1971, Göyçay ş.–27.3.1993, Kəlbəcər r–nu ərazisində) – Birinci Qarabağ müharibəsi şəhidi.

Orta məktəbi bitirərək 1986 ildə isə Göyçay Kənd Təsərrüfatının mexanikləşdirilməsi və elektrikləşdirilməsi texnikumuna (indiki Göyçay Dövlət İdarəetmə və texnologiya kolleci) daxil olub. İlk hərbi xidmətini Rusiya Federasiyasının Leninqrad (İndiki Sankt-Peterburq) ş.-də keçib. Sonra raport yazaraq erməni işğalçılarına qarşı vuruşmaq üçün vətənə qayıdıb. 1993 ilin martında Kəlbəcər-Laçın istiqamətində gedən ağır döyüşlərin birində qəhrəmancasına şəhid olub. Mart ayının 31-də isə r.-nun Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

(Lətifbəyov Rza bəy) (? – ?) – pedaqoq, yazıçı.

Şəki ş.-də üsuli-cədid məktəbində, Batumda Anxazi məktəbində, Gəncə Ruhani Seminariyasında (1906-09), Göyçayda müsəlman cəmiyyətinin “İqbal” məktəbində (1910), Hacı Zeynalabdin Tağıyevin fabrik məktəbində (1910-14) və rus-Azərbaycan (rus-müsəlman) məktəbində (1915-20) Azərbaycan dilindən və şəriətdən dərs demişdir.

(4.2.1949, Göyçay r-nunun Alpout k-12.5.2018, Gəncə ş.) – texniki e.d. (1992)

Ziyalı ailəsində anadan olub. 1956 il Alpout k. məktəbində 1-ci sinfə başlayıb. Bir müddət orada oxuduqdan sonra 1967 ildən təhsilini Sumqayıt ş. 4 saylı Fəhlə gənclər orta məktəbində davam etdirib, oranın tam kursunu əla qiymətlərlə bitirib. 1967 ildə AzPİ-ədaxil olmuş, 1972 ildə İstilik və Qaz təchizatı utilizasiyası fakültəsini bitirmişdir.

Sonradan Gəncə Dövlət Texnologiya İnstitutunda kafedra müdiri və dekan müavini vəzifəsində işləməyə başlayıb. Bu institutda işlədiyi müddətdə 21 ixtiranın və bir neçə elmi kitabların müəllifi olub. 1987 ildə texniki e.n. adına layiq görülüb. 1992 il avqustun 10-da Moskva ş.-nə gedərək Kosıgin adına İnstitutda doktorluq dissertasiyasını müdafiə edib, həmin ildə e.d. adına layiq görülüb.

Məlumat A.Rzayevin həyat yoldaşından alınmışdır.