(3.11.1997, Göyçay r-nunun Potu k. – 28.9.2020, Daşkəsən r-nu) – Vətən müharibəsi şəhidi.

Həqiqi hərbi xidmətini bitirdikdən sonra 7.12.2019 il tarixdə N saylı hərbi hissədə MAHHXHQ vəzifəsində xidmətə başlayıb. 28 sentyabr 2020 il tarixdə Kəlbəcər istiqamətində gedən döyüşlərdə şəhid olub. Doğulduğu k.-də dəfn olunub.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “İgidliyə görə” (18.12.2020) və “Kəlbəcərin azad olunmasına görə” (29.12.2020) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(17.2.1971, Göyçay r-nunun Bığır k. – 19.11.1992, Zəngilan r-nunun Qazançı k.) – Birinci Qarabağ müharibəsi şəhidi.

1989 ildə Bığır k. 2 saylı orta məktəbini bitirəndən sonra 106 saylı TPM-ə qəbul olunub. 1992 il sentyabrın 7-də hərbi xidmətə yollanıb və noyabr ayında növbəti döyüş zamanı şəhidlik zirvəsinə ucalıb. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(13.1.1971, Göyçay r-nunun Bığır k. – 5.2.1993) – Birinci Qarabağ müharibəsi şəhidi.

Mənbə: T.Məhəmmədqızı. “Göyçayın Qarabağ sevdalıları”. Bakı, 2021, “Avropa” nəşriyyatı, s. 26.

(22.1.1974, Göyçay r-nunun Bığır k. – 16.6.1993, Ağdam r-nu) – Birinci Qarabağ müharibəsində itkin düşüb.

22.6.1992 il tarixdə əsgər rütbəsində hərbi xidmətə çağırılıb. 16.6.1993 il tarixdə itkin düşüb. Göyçay r-n məhkəməsinin 2002 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(12.7.2001, Göyçay r-nunun Çərəkə k. – 6.10.2020, Füzuli r-nu) – Vətən müharibəsi şəhidi.

16.7.2019 il tarixdə həqiqi hərbi xidmətə çağırılıb. 6 oktyabr 2020 il tarixdə Füzuli r-nu istiqamətində gedən döyüşlərdə şəhid olub. Doğulduğu k.-də dəfn olunub.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Füzulinin azad olunmasına görə” (25.12.2020) və “İgidliyə görə” (18.12.2020) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(20.3.1982, Göyçay r-nunun Bığır k.) – yunan-Roma güləş növü üzrə Azərb. çempionu, Əməkdar məşqçi (2015).

ADBTİA-nı bitirib (2004). Daha sonra hərbi xidmət müddətində hərbçilər arasında Azərb. çempionu adına layiq görülüb. O, Azərb. yığma komandası tərkibində bir sıra dövlətlərdə, o cümlədən Fransa, Rusiya, Türkiyə, İran, Özbəkistan və Gürcüstanda keçirilən nüfuzlu yarışlarda ölkəmizi uğurla təmsil edib. 2008 ildən məşqçiliklə məşğul olan Şirinov bu sahədə fəaliyyət göstərdiyi müddətdə böyük uğurlara imza atıb. Onun yetirmələri arasında Azərb. çempionu, Yeniyetmələrin Olimpiya Oyunlarında ikinci yerin sahibi, habelə beynəlxalq turnirlərin qalibi və mükafatçısı adına layiq görülən xeyli idmançı yer alıb. Şirinov 2016 ildən Göyçay Güləş Məktəbinin direktorudur.

Məlumat N.Şirinovdan alınıb.

(2.11.1966, Göyçay ş. – 10.1.1994, Füzuli r-nunun Aşağı Əbdürrəhmanlı k.) – Birinci Qarabağ müharibəsi şəhidi.

İlk hərbi xidmətini Əfqanıstanda keçəndən sonra Göyçay Şirə Emalı Zavodunda çalışıb. 1991 ilin yayında cəbhəyə yollanan T.Şirinov Çıldıran, Drambon, Baqauz, Ağdərə ətrafındakı döyüşlərdə iştirak edib. Bu döyüşlərdə ayağından yaralanıb və qısa müddətə müalicə alandan sonra 1993 ilin dekabrında Füzuli r-nunun Əbdürrəhmanlı k.-də gedən döyüşlərə qatılıb. 1994 ilin yanvarında həmin ərazidə gedən döyüşlərdə ürək və baş nahiyəsindən yaralanaraq şəhidlik zirvəsinə ucalıb. Göyçay Şəhidlər xiyabanında dəfn olunub.

Mənbə: Azərb. Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

or., mür. Azərb.-da düzənlik. Kür-Araz ovalığının Kür çayından sol tərəfdə, Mingəçevir su anbarı ilə Xəzər dənizi arasında yerləşən hissəsidir. Şirvan düzündə Əli Bayramlı, Hacıqabul, Kürdəmir, Göyçay, Ucar, Ağdaş, r-nları yerləşir. Keçmişdə Şirvan adı altında Azərb.-ın bütün şərq hissəsi, yəni Şirvan düzü, Qobustan, Abşeron yarımadası və Şimal-Şərqi Azərb. nəzərdə tutulurdu. Hazırda isə “Şirvan“ anlayışı Şirvan düzü, Ağsu, Şamaxı r-nlarını əhatə edir. Düz Şirvan əyalətinin adı ilə adlanmışdır. Şirvan – tarixi ərazi vahidi kimi Kür çayı ilə Şabran, Xəzər dənizi ilə Qəbələ arasındakı ərazidən ibarətdir. Orta əsr mənbələrində ölkə də adlanmışdır. İlk dəfə VII əsr erməni mənbələrində Albaniyada Sasani mərzbanlarının idarə etdiyi 11 əyalətdən birinin də Şirvan olması göstərilmişdir. Şirvanşahlar dövləti Şirvan ərazisində yaranmışdı. Şirvanşahlar dövlətinə son qoyan (1538) Səfəvilərin yaratdıqları inzibati ərazi vahidlərindən biri də Şirvan bəylərbəyliyi idi. XVIII əsrin ortalarında yaranmış xanlıqlardan biri Şirvan ərazisini əhatə edən Şamaxı xanlığı olmuşdur.

oyk., sadə. Azərb. Resp. Göyçay r-nunun Məlikkənd i.ə.v.-də kənd. Şirvan düzündədir. Əsli Şıxbəydir. Şıxıbəy kəndin əsasını qoymuş ailələrin başçısının adı olmuşdur. 2009 ilin siyahıyaalınmasına əsasən kənddə 518 nəfər əhali yaşayır.

Mənbə: “Azərbaycan toponimlərinin ensiklopedik lüğəti”. II cild, Bakı, “Şərq-Qərb”, 2007, s. 216;

AR əhalisinin siyahıyaalınması. AR Dövlət Statistika Komitəsi. Bakı, 2010, s. 629.

(10.2.1972, Göyçay r-nunun Ləkçıplaq k. – 15.2.1994) – Birinci Qarabağ müharibəsi şəhidi.

Mənbə: T.Məhəmmədqızı. “Göyçayın Qarabağ sevdalıları”. Bakı, 2021, “Avropa” nəşriyyatı, s. 31.