(1939, Göyçay r-nunun Bığır k.-1993) – tanınmış alım, kimiyaçı, kimiya e.n.(1978)

Orta məktəbi Ağdaş r-da bitirəndən sonra 1958 ildə APİ-nin Kimya-biologiya fakültəsinə daxil olur və 1962 ildə institutu müvəffəqiyyətlə bitirib təyinatla Ağdaş r-nunun Qoşaqovaq k. orta məktəbində kimya-biologiya müəllimi işləyir. 1964 ildən Cavadov Azərb. EA Qeyri-üzvi və fiziki kimya institutunda kiçik elmi işçi və elmi işçi vəzifələrində çalışır. Azərb.-dakı təbii ehtiyatların fiziki-kimyəvi xüsusiyyətlərinin tədqiqi və onların texnikada, habelə istehsalatda tətbiqilə bağlı 45 elmi işin və 5 ixtiranın müəllifidir. 1978 ildə “Daşsalahlı dillərininfiziki-kimyəvi xüsusiyyətləri” adlı namizədlik dissertasiyasını AREA Qeyri-üzvi və fiziki kimya institutunda müvəffəqiyyətlə müdafiə edərək kimya e.n. alimlik dərəcəsi alır.

Mənbə: V.Abdullayev,  R.Quliyev. Çinarlı yurdun övladları (əlyazması hüququnda), s.22-23