(1926, Göyçay r-nunun Qarabaqqal k.-1995, Bakı ş.) – texnika elmləri doktoru (1961), professor.

1950 ildə “riyaziyyat” ixtisası üzrə ADU-nin fizika-riyaziyyat fakültəsini fərqlənmə ilə bitirib. 1951-53 illərdə akad. İ.M.Qubkin adına Moskva Neft-kimya və qaz sənayesi institutunun aspirantı olub. 1954 ildən AzETNÇİ-da boyük elmi işçi işləyib. 50-ci illərin ortalarında onun təşəbbüsü ilə, sonralar uzun müddət rəhbərlik etdiyi “Yeraltı hidrodinamika” laboratoriyası yaradılıb.

1954 ildə “Qazlaşdırılmış mayenin məsaməli mühitdə hərəkəti məsələlərinin hidrodinamiki tədqiqatları” mövzusunda namizədlik, 1961 ildə isə “Neft layının hidrodinamiki ünsürləri” mövzusunda doktorluq dissertasiyaları müdafiə edib. 1982 ildən onun elmi pedaqoji fəaliyyəti həmçinin AzPİ ilə də bağlı olub, burada o uzun müddət “Hidravlika və hidravlik maşınlar” kafedrasına rəhbərlik edib. H.P.Hüseynov tanınmış alim kimi layların yeraltı hidrodinamikasının və neft-qaz yataqlarının işlənilməsinin bir çox istiqamətləri ilə məşğul olub. Elmi tədqiqatlarının əsas sahəsi lay mayelərinin süzülməsi proseslərinin yeraltı hidrodinamikası məsələləri, neft və qaz yataqlarının layihə edilməsi və işlənilməsinin təhlilindən ibarət olub. H.P.Hüseynov 280-dən artıq elmi məqalənin və 3 monoqrafiyanın müəllifdir. 20 elmlər namizədi hazırlamışdır. Bir sıra medal və fəxri fərmanlarla mükafatlandırılıb

Əd.:

https://az.wikipedia.org/wiki/H%C3%BCmm%C9%99t_H%C3%BCseynov