(Qalib Nuri Arif) (9.5.1970, Göyçay ş.) – şair, AYB-nin üzvü (2022).

Nuriyev 1976-84 illərdə Göyçay ş. 3 saylı beynəlmiləl orta məktəbdə oxumuşdur. 1984 ildə 8-ci sinfi bitirərərk Göyçay 106 saylı Peşə məktəbinə daxil olmuş, 1987 ildə həmin məktəbi fərqlənmə diplomu ilə bitirərək, imtahan vermədən Bakı Neft və Kimya Texnikumuna qəbul olmuşdur. 1988-91 illərdə hərbi xidmətdə olmuşdur. 1992 ildə AZNKİ-na daxil olmuş, 1997 ildə ali təhsilini başa vurmuşdur. İlk şeiri 1984 ildə “Azərbaycan pioneri” qəzetində çap olunmuşdur. 1985-90 illərdə “Yeni həyat” qəzetində şeirlərlə çıxış etmişdir. İlk kitabı olan “Atamın nəsihəti” 2004 ildə işıq üzü görmüşdür. 2012 ildə “Qızılgülün sirri” və “Xan qızı Natəvan” adlı əsərləri kitab halında nəşr olunmuşdur. 2022 ildə “Xan qızı Natəvan” əsərinin yenidən işlənmiş variantı və “Hikmət güzgüsü” kitabı çap olunmuşdur. AYB-nin VIII qurultayının iştirakçısıdır.

Məlumat A. Məmməddən alınıb.