(25.12.1937, Göyçay r-nunun Potu k.) – Azәrb. genetiki, biologiya e.d. (1990), prof. (2012).

ADU-nu bitirib (1961). Azәrb. SSR EA Genetika vә Seleksiya İnstitutunda kiçik elmi işçi (1963), 1982 ildәn hәmin institutda laboratoriya müdiridir. Elmi fәaliyyәti bitkilәrin stres amillәrinә davamlılığının vә heterozis hadisәsinin molekulyar-genetik әsaslarının öyrәnilmәsinә hәsr edilib. Heterozis bitki hibridlәrinin somatik hüceyrәlәrindә DNT-nin miqdarının artması faktını ilk dәfә R.Əliyev aşkar edib. O, 1993–2003 illәrdә Türkiyә universitetlәrindә pedaqoji fәaliyyәtlә mәşğul olub. 204 elmi әsәrin, o cümlәdәn 3 monoqrafiya vә 2 ixtiranın müәllifidir. Elmi kadrların hazırlanmasında xidmәti var.

(5.9.1975, Göyçay ş. – 25.4.1994) – Birinci Qarabağ müharibəsi şəhidi.

Orta məktəbin səkkizinci sinfini bitirdikdən sonra təhsilini Göyçay ş. 106 saylı Texniki Peşə Məktəbində davam etdirib. Daha sonra hərbi xidmətə çağırılıb və döyüş bölgəsinə yollanıb. 1994 il aprelin 25-də ağır döyüşlərdə şəhid olub və Potu k. qəbiristanlığında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.3.1938, Göyçay r-nunun Qaraməryəm k.) – kimyaçı alim, texnika ü.f.d.

BDU-nun Kimya fakültəsinini Neft kimyası ixtisası üzrə bitirib. “Dizel yanacaqları üçün tüstüyə qarşı aşqarların alınması” mövzusunda namizədlik dissertasiyası müdafiə edib. AMEA akad. M.F.Nağıyev adına Kataliz və Qeyri-üzvi Kimya İnstitutunun aparıcı elmi işçisidir.

Mənbə: https://science.gov.az/az/forms/doktora-filosofii-instituta-kataliza-i-neorganicheskoy-himii/1803

(10.1.1936, Göyçay ş.) – Azәrb. fiziki, fizika-riyaziyyat e.d. (1975), prof. (1986).

Göyçay ş. 3 saylı orta məktəbində təhsil alıb, N.Tusi adına ADPU-nun Fizika-riyaziyyat fakültəsini bitirib (1959). 1959 ildə Azərb. EA Fizika institutunda laborant kimi əmək fəaliyyətinə başlayıb. 1960 ildə ixtisasını artırmaq üçün bir il müddətinə Moskva “Fizika problemləri” institutuna ezam olunub. 1962-65 illərdə Leninqradda (indiki Sankt-Peterburq) SSRİ Yarımkeçiricilər İnstitutunun aspirantı olub və namizədlik dissertasiyası müdafiə edərək Azərb. EA Fizika İnstitutunda fəaliyyətini davam etdirib. 1975 ildə doktorluq dissertasiyasını müdafiə edib. 1979 ildə laboratoriya müdiri, 1983-2000 illərdə Fizika İnstitutunun Kriogen bölməsinin rəhbəri vəzifələrində çalışıb. 1986 ildə prof. elmi adına layiq görülüb. 20 namizədlik, 2 doktorluq dissertasiyasının rəhbəri olub. 200-dən artıq elmi əsərin, 15 müəlliflik şəhadətnaməsinin sahibidir.

Mənbə: Azərbaycan Milli Ensiklopediyası: VIII cild, “Azərbaycan Milli Ensiklopediyası Elmi Mərkəzi” nəşriyyatı, Bakı, 2019;

http:/ ensiklopediya.gov.az /az/terms/18811/20

(5.6.1964, Göyçay r-nunun Qarabağlar k. – 13.1.1994, Füzuli r-nu ərazisində) – Birinci Qarabağ müharibəsi şəhidi.

Orta məktəbi bitirərək 106 saylı Texniki Peşə Məktəbinə daxil olub. 3 il sonra 1982 ildə əsgəri xidmətə çağırılıb.1984 ildə Penza ş. Dəmiryolu Texnikumuna daxil olub. Təhsilini tamamladıqdan sonra burada işə düzəlib. Qarabağ savaşı başlayanda Azərb.-na qayıdıb, 1993 ilin oktyabrında könüllü olaraq cəbhəyə gedib. Burada göstərdiyi hünər və şücaətə görə ona leytenant rütbəsi verilib. Ş.Əliyev 3 dəfə ağır döyüşlərdə iştirak edib. Onun rəhbərlik etdiyi döyüşçülər Horadizdə, Aşağı Seyidəhmədlidə düşmənə sarsıdıcı zərbələr endirib. 1994 ildə döyüş ağır yaralanıb. Onu həyata qaytarmaq mümkün olmayıb. Göyçay Şəhidlər xiyabanında dəfn olunub.

Mənbə: Azərb. Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(29.5.1968, Göyçay ş. – 1.10.1992, Ağdam r-nu Fərrux dağı ətrafında) – Birinci Qarabağ müharibəsi şəhidi.

Orta məktəbi bitirdikdən sonra ADNA-ya qəbul olub. II kursda oxuyarkən hərbi xidmətə çağırılıb. Hərbi xidmətini Novqorod və Krasnodar ş.-də yerinə yetirib. 1992 ilin iyununda könüllü olaraq cəbhəyə yollanıb. Həmin ilin oktyabrında ağır döyüşlərin birində şəhid olub. V.Əliyev Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1921, Göyçay qəz. – 19.1.1945) – Böyük Vətən müharibəsi iştirakçısı.

1942 ildə Göyçay RHK.-dan оrduya çağırılıb. Serjant. 375-ci аtıcı diviziyanın 1245-ci аtıcı alayında bölmə komandiri olub. Çеxiya Rеsp.-dа dəfn еdilib.

Mənbə: Azərbaycan Respublikası Xatirə kitabı. 20 cilddə, IV cild, Bakı, 2004, s.166.

(8.3.1988, Göyçay ş.) – sosioloq alim, sosiologiya ü.f.d. (2017).

Azərb. Dillər Universitetini Koreya dili – ingilis dili tərcümə ixtisası üzrə bitirib (2009). 2010-13 illərdə Koreya Resp.-nın təqaüd proqramı ilə Koreyanın Koreyaşünaslıq Akademiyasında sosiologiya ixtisası üzrə magistratura təhsili alıb. Daha sonra həmin akademiyada sosiologiya ixtisası üzrə doktorantura pilləsinə qəbul olunub və burada müdafiəni başa vuraraq sosiologiya ü.f.d. dərəcəsini alıb. Bu müddət ərzində müxtəlif qurumlarda tərcüməçi, Koreya dili müəllimi və elmi araşdırmaçı olaraq fəaliyyət göstərib. 2008-10 illərdə SEBA-da (Seul–Bakı Koreya–Azərb. mədəniyyət mübadiləsi assosiasiyası) tərcüməçi və Koreya dili müəllimi olaraq çalışıb. Koreyaşünaslıq Akademiyasında həyata keçirilən bir çox proyektlərdə assistent elmi araşdırmaçı olaraq fəaliyyət göstərmiş, Koreyanın Mirae 2080 sosial-korporasiya şirkətində araşdırmaçı işləmişdir. 2017 ilin sentyabr ayından Azərb. Dillər Universiteti nəzdindəki Koreya Mədəniyyət Mərkəzində baş mütəxəssisdir və koreyaşünaslıq üzrə elmi fəalliyyətini davam etdirir.

Mənbə: A.Kəngərli. “Bir məktəbin tarixi”. Bakı. 2018.

(26.8.1964, Bakı ş.) – Azərbaycanın ictimai-siyasi xadimi, Azərbaycan Respublikasının birinci xanımı, I vitse-prezidenti, Heydər Əliyev Fondunun prezidenti.

1981 ildə Bakı ş. 23 saylı orta məktəbi qızıl medalla bitirərək N.Nərimanov adına Azərbaycan Dövlət Tibb İnstitutunun Müalicə-profilaktika fakültəsinə daxil olmuşdur. 1988 ildə İ.M.Seçenov adına Birinci Moskva Dövlət Tibb İnstitutunu fərqlənmə diplomu ilə bitirmişdir. 1988-90 illərdə İ.M.Seçenov adına Birinci Moskva Tibb İnstitutunda “Göz xəstəlikləri” ixtisası üzrə kliniki ordinatura keçmişdir. 1990-95 illərdə Moskvada Elmi Tədqiqat Göz Xəstəlikləri İnstitutunda işləmişdir.

(29.8.1985, Göyçay ş.) – Azərb. Resp.-nın Avstriya Resp.-dakı Səfirliyinin 2-ci katibi.

Z.Əlizadə orta təhsilini 1992–2002 illərdə 91 saylı orta məktəbdə alıb. 2002-06 illərdə BDU-nun Beynəlxalq Əlaqələr fakültəsinin bakalavr pilləsində ali təhsil alıb. 2006-08 illərdə isə BDU-nun Beynəlxalq Əlaqələr fakültəsinin magistr pilləsində (qırmızı diplomla), 2009-10 illərdə isə C.Koreya Resp.-nın Koreya Universitetinin Beynəlxalq Əməkdaşlıq və İnkişaf fakültəsinin magistr pilləsində təhsil alıb.