oyk., mür. Azərb. Resp. Göyçay r-nunun Alpout i.ə.v.-də kənd. R-n mərkəzindən 48 km c.-ş.-də, Müsüslü d.y. st.-dan 8 km, Qaraməryəm-Müsüslü şose yolundan 5 km aralı, Şirvan düzündədir. Bəydəvil, Bədovil (1917), Bədövül (1961) variantlarında da işlənir. Bədo (Azərb. dilinlə 1. “qaçağan at”; 2. “pis iyli su”) və vil (yer, məkan, inzibati ərazinin bir hissəsi) sözlərindən düzəlib, “pis qoxulu suyu olan yer” mənasındadır. Azərb.-ın Şirvan zonasında yayılmış müalicəvi kükürdlü soyuq su obyektlərindən biri də kəndin ərazisində olduğu üçün belə adlanmışdır.

Mənbə: ASE. 10 cilddə, II cild, Bakı, 1978, s.139;

“Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s. 90.

Məscid 2001 ildə Küveyt dövləti İslam İrsinin Dirçəlişi Cəmiyyəti tərəfindən tikilmişdir. Məscid k.-in mərkəzinə yaxın ərazidə yolun sağında yerləşir. Məscid Hz. Fatimə (r.a.) adına Bəydövül kənd Cümə məscidi adlanır.

Binanın ümumi sahəsi 108 kv.m-dir. İbadət zalı (7 m x 12 m) 84 kv.m-dir. Bu zalın 2 ş.-də, 2 q.-də olmaqla 4 pəncərəsi, zala daxil olmaq üçün 2 giriş qapısı vardır. Giriş qapılarının önündə 2 m enində tac şəkilli sütunlarla bir-birinə bağlanmış məscid boyu uzanan eyvan vardır.

oyk., sadə. Azərb. Resp. Göyçay r-nunun eyniadlı i.ə.v.-də kənd. Yuxarı Şirvan kanalının sol sahilində, Şirvan düzündədir. 1917 və 1933 illərdə Buğur kimi qeydə alınıb. Tədqiqatçılara görə, Şamaxı r-nundakı Niyaldağın ətəyində yerləşən Buğurt qalası 1537 ildə dağıldıqdan sonra əhali köçüb indiki yerdə məskunlaşmışdır. Azərb. dilində və dialektlərində bığır “üçyaşar erkək dəvə”, buğur “kök, qüvvətli, güclü”; “birlik” mənalarında işlənir.

Mənbə: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s. 95.

Bığır k. r-nun tarixən ən qədim və ən böyük k.-lərindən biridir. Burada məskunlaşma X əsrə təsadüf edir. Bəzi tarixçilər isə insan təşəkkül tapdığı zamandan bəri burada yaşayış olduğunu deyirlər. Buranın əhalisinin Şamaxının Boğurt qalasından gəldiyini iddia edirlər. Q.Qeybullayevin fikrincə, Azərb.-ın türk toponimlərində elə coğrafi adlara rast gəlirik ki, izahı qədim türk dillərinə gedib çıxır. Yalnız qədim və müasir türk dilləri arasında aparılan paralel araşdırmalar imkan verir ki, bu adların-isimlərin qədim türk dilində olduğunu dəqiqləşdirək. Bığır k.-nin adı da bu cür adlardandır. “Buqur” sözü – donqar, əyri yamac, dağ döşü mənalarını verir. Bığır k.-nin adı məhz bu sözlə izah olunur. Bu fakt deməyə əsas verir ki, Bığır yaşayış məntəqəsinin salınması türk qəbilələrinin buraya yürüşünün ilkin mərhələsinə təsadüf edir.

Səmədov Bilal Kərim oğlu (1936, Zərdab r-nunun Çallı k. – 2004) – din xadimi.

Bilal Əfəndi ruhani ailəsində dünyaya gəlmişdir. İlk təhsilini həmin kənddə almışdır. İlk dini təhsilini isə atasından almışdır. Bilal Əfəndi ailəsi ilə birlikdə 1949 ildə Göyçay r-nunun Hacıağabəyli k.-nə gəlmiş və orada məskunlaşmışlar. Orta təhsilini də burada tamamlamışdır. 1954 ildə hərbi xidmətə getmişdir. Hərbi xidmətdən qayıtdıqdan sonra təhsilini davam etdirmək üçün 1960 ildə Özbəkistanın Səmərqənd ş.-nə getmiş və ali dini təhsilini Səmərqənd mədrəsəsində tamamlamışdır. Təhsilini bitirib vətəninə qayıdan Bilal Əfəndi uzun müddət – 1970 ildən 1988 ilə qədər Göyçay r-nu Cümə məscidinin imamı olmuşdur. Bilal Əfəndi 1999 ildə öz vəsaiti hesabına Göyçay r-nunun Hacıağabəyli k.-ində özünə məxsus torpaq sahəsində məscid tikdirmişdir. Bilal Əfəndi 2004 ildə vəfat etmişdir.

Mənbə: İ.Musayev. “Göyçay rayonundakı dini abidələr və tarixi şəxsiyyətlər”, Bakı, İpəkyolu, 2014, s. 95-96.

(9.1.1997, Göyçay r-nunun Ləkçıplaq k. – 17.10.2020, Suqovuşan istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilib, 17 oktyabr 2020 ildə Suqovuşan istiqamətində gedən döyüşlərdə şəhid olub. Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə – Vətən müharibəsi şəhidi” (24.6.2021) və “Cəsur döyüşçü” (24.6.2021) medalları ilə təltif edilmişdir.

Mənbə: https://memorial.az/az/qehremanlarimiz/746

https://seferberlik.gov.az/az/military/battle/battlePersonDisability/100/1/20

(11.12.1955, Göyçay r-nunun Bığır k.) – tarixçi alim, tarix ü.f.d. (1992), dos. (2008).

ADU-nun (hazırda BDU) Tarix fakültəsini bitirib. 1980-93 illərdə ADU-nun “Yeni və ən yeni tarix” kafedrasında laborant, baş laborant, müəllim kimi çalışıb. 1993-94 illərdə Azərb. Resp. Nazirlər Kabineti yanında Xarici Turizm Şurasının “Turizm işinin təşkili və xidmət” şöbəsinin müdiri, 1994–2001 illərdə Azərb. Resp. Xarici Turizm Şurası nəzdindəki “Azərtur” turizm müəssisəsində “Xarici turizmin təşkili” şöbəsinin rəisi, 2001-03 illərdə Azərb. Turizm Sənayesinin İnkişafı İttifaqında aparıcı mütəxəssis kimi fəaliyyət göstərib. 2003-06 illərdə Bakı Bədən Tərbiyəsi və Turizm Kollecində çalışıb. Uzun müddət ATMU-da “Turizm biznesi” kafedrasının müdiri və həmin kafedranın dosenti vəzifəsini tutub. Hazırda həmin universitetin “Turizm və qonaqpərvərlik” fakültəsinin dekanıdır. B.Bilalov Azərb.-da turizmin inkişafına yönəlmiş bir sıra layihələrin hazırlanmasında iştirak edib.

oyk., mür. Azərb. Resp. Göyçay r-nunun Şəhadət i.ə.v.-də kənd. R-n mərkəzindən 2 km q.-də, Bakı–Qazax avtomobil yolu kənarında, Bozdağ silsiləsinin ətəyindədir. Kəndin adı 1917 ildə Ərəb Cabirli, 1933 ildə Ərəb Cəbirli şəklində qeydə alınmışdır. Oykonimin ikinci komponenti Ərəbşamlı tayfasının XIX əsrdə 12 ailədən ibarət ərəbcəbirli tirəsinin adı ilə bağlıdır. Birinci komponent isə onu eyniadlı digər yaşayış məntəqəsindən ayırmağa xidmət edir. Etnotoponimdir. Əh. 2432 (2008); əkinçilik və heyvandarlıqla məşğuldur. Tam orta məktəb, kitabxana, tibb məntəqəsi var.

Mənbə: ASE. 10 cilddə, II cild, Bakı, 1978, s.184;

“Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s. 100;

http://ensiklopediya.gov.az/az/terms/1681/cild/16

(Qocaşen-Göyçay silsiləsi) – Azərb.-da dağ silsiləsi. Acınohur ön dağlığının (Böyük Qafqaz) c. hissəsi. Qanıx (Alazan) çayının mənsəb hissəsindən başlayaraq c.-ş. istiqamətində Girdiman çayınadək davam edir. Uz. təqr. 150 km, hünd. 700 m-ə qədərdir. B.s.-nə Qocaşen, Axar-Baxar, Arçandağ, Surxayxan silsilələri və Göyçay tirəsi daxildir. Neogen və Antropogen sistemlərinin gil, qum, qumdaşı, konqlomerat və s. süxurlarından təşkil olunmuşdur. Tikinti materialları var. Neft və qaz yataqları aşkar edilmişdir. B.s. Əlican, Türyan, Göyçay və Dəvəbatan çaylarının dərələri ilə kəsilmişdir.

(1910–1944) – Böyük Vətən müharibəsi iştirakçısı.

Göyçay RHK.-dan оrduya çağırılıb. Starşina. Маcarıstan Resp.-da dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 485.