(29.12.1973, Göyçay r-nunun Ləkçıplaq k. – 15.4.1993, Laçın r-nu ərazisində) – Birinci Qarabağ müharibəsində itkin düşüb.
15.6.1992 ildə Göyçay RHK tərəfindən hərbi xidmətə çağırılıb, 1993 ilin aprelində Laçın r-nu ərazisində itkin düşmüşdür. Göyçay r-n məhkəməsinin 24.5.2007 il tarixli qətnaməsinə əsasən ona şəhid statusu verilib.
Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.
(7.8.1974, Göyçay r-nunun Cəyirli k. – 6.3.1994, Kəlbəcər r-nu) – Birinci Qarabağ müharibəsi şəhidi.
23.10.1993 ildə əsgər rütbəsində hərbi xidmətə çağırılıb, 6.3.1994 ildə şəhid olub, doğulduğu k.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(15.12.1909, Bakı yaxınlığındakı Əmircan k.-14.10.1974, Moskva; Əmircanda dəfn edilmişdir) – Azərb. rəssamı, müasir Azərb. boyakarlıq sənətində mənzərə janrının yaradıcılarından biri. Azərb. SSR xalq rəssamı (1963). Azərb. SSR Dövlət mükafatı laureatı (1972).
Azərb. Rəssamlıq Məktəbində (1927-31) və V.İ.Surikov ad. Moskva Dövlət Rəssamlıq İnstitutunda (1933-1940) təhsil almışdır. Təhsildən qayıtdıqdan sonra tarixi mövzular və tarixi şəxsiyyətlərin təsviri (“Babək üsyanı”, “Fətəli xan”, “Xəttat Mir Əli” və s.) yaradıcılığında əsas yer tutmuşdur. Müharibədən sonrakı illərdə o, mənzərə janrında daha bitkin əsərlər yaratmışdır. 1946-47 illərdə respublika bədii sərgilərində Abşeron etüdləri (“Buzovnada neft mədənləri”, “Əmircan” və s.) nümayiş etdirilmişdir. “Bakıda atəşfəşanlıq” (1947), “Qudyalçay sahili”, “Qudyalçay vadisi”, “Qızbənövşəyə gedən yol” (1953), “Doğma düzənliklər” (1955), “Yuxarı Daşaltı” (1955), “Yaşıl xalça”, “Cıdır düzü” (1957) və s. mənzərələrində tədricən rəng palitrasını zənginləşdirmiş, tablolarında koloritin dekorativliyinə nail olmuşdur.
(6.3.1964, Göyçay r-nunun Alıkənd k.) – Əməkdar mühəndis (2016).
İlk əmək fəaliyyətinə çilingər (1981) kimi başlayıb. 1989 ildə Azərb. İnşaat Mühəndisləri İnstitutunun (indiki AzMİU) Sənaye və mülki tikinti fakültəsini İnşaat mühəndisi ixtisası üzrə bitirib. Həmin ildən etibarən ölkənin ictimai-siyasi proseslərində fəal iştirak etməklə yanaşı, gənc mütəxəssis kimi neft sənayesində layihəçi mühəndisdən başlayaraq ardıcıl olaraq, aparıcı mühəndis, qrup rəhbəri, baş mütəxəssis, şöbə rəisi, Əməyin mühafizəsi və keyfiyyətə nəzarət xidmətinin rəisi kimi çalışıb. 2005-11 illərdə SOCAR-ın Təlim Tədris Sertifikatlaşdırma departamentinin direktoru işləyib, 2011 ildən etibarən SOCAR-ın Baş ofisinin İR Departamentinin rəisi kimi çalışır.
(18.2.1974, Göyçay r-nunun Çayarxı k. – 8.2.1993, Ağdərə r-nu Mehmanə k.) – Birinci Qarabağ müharibəsi şəhidi.
27.6.1992 ildə əsgər rütbəsində hərbi xidmətə çağırılıb, 8.2.1993 ildə şəhid olub. Doğulduğu k.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(26.8.1969, Göyçay r-nunun Mallı-Şıxlı k. – 15.1.1994, Ağdərə r-nu ərazisində) – Birinci Qarabağ müharibəsi şəhidi.
İlk hərbi xidmətini 1986 ildə RF-nin Primorsk diyarında keçib. 1988 ildə serjant rütbəsində geri qayıdıb. H.Bəkirov rayondakı 106 saylı Texniki Peşə Məktəbində təhsil alıb. 1991 ildə Bakıda “Xəzərneftflot”da əvvəlcə şagird, sonra isə motorçu işləyib. 1993 ilin mayında Milli Orduya çağırılıb. “N” hərbi hissəsində əvvəl taqım komandiri olub. H.Bəkirov topçu heyətinin koordinatoru olaraq Tərtər ətrafı döyüşlərdə xüsusi şücaət göstərib. 1994 ildə Ağdərədə şəhid olub. Göyçay Şəhidlər xiyabanında dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(3.12.1968, Göyçay r-nu Yenikənd k. – 9.2.1994, Füzuli r-nu) – Birinci Qarabağ müharibəsi şəhidi.
Kənd orta məktəbini bitirdikdən sonra Bakı Rabitə Texnikumunda təhsilini davam etdirib. İlk hərbi xidmətini Moskva ətrafında keçəndən sonra texnikumu bitirib, r-nun Məlikkənd, Çərəkə, Bığır k. rabitə şöbələrində çalışıb. Daha sonra torpaqlarımızın müdafiəsi üçün Göyçay könüllülər batalyonunun tərkibində “N” hərbi hissəsinə gedib. O, rabitəçi kimi Füzuli r-nunun Əhmədbəyli, Əbdürrəhmanlı, Şükürbəyli və s. kəndlər uğrunda gedən döyüşlərdə iştirak edib. 1994 ilin fevralında döyüşlərin birində şəhid olub. İki gün sonra isə doğulduğu kənddə dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(20.9.1934, Göyçay r-nunun Hacalıkənd k. – 24.9.2017, Bakı ş.) – Azərb. hidromelioratoru, kənd təsərrüfatı e.d. (2003), prof. (2014).
AzPİ-nin (indiki AzTU) Hidromeliorasiya fakültəsini hidrotexnika mühəndisi ixtisası üzrə bitirib (1957). Əmək fəaliyyətinə Baş Kür–Araz Sutinkinti İdarəsinin Göyçay r-nunda yerləşən 3 saylı Sutikintiquraşdırma İdarəsində usta kimi başlamışdır. Daha sonra fəaliyyətini Göyçay kənd təsərrüfatını mexanikləşdirmə və elektrikləşdirmə texnikumunda müəllim, metodist və qiyabi şöbə müdiri (1958-65) kimi davam etdirmişdir. 1965 ildə Azərb. Elmi Tədqiqat Hidrotexnika və Hidromeliorasiya İnstitutunun aspiranturasına daxil olmuş, Novoçerkassk Meliorasiya mühəndisləri İnstitutuna göndərilərək orada dünya şöhrətli akademik B.Şumakovun elmi rəhbərliyi ilə aspiranturanı tamamlamışdır. 1968-70 illərdə “AzETN və Mİ”-nin “Suvarma” və “Meliorasiya olunmuş torpaqların mənimsənilməsi” şöbələrində kiçik elmi işçi vəzifəsində çalışmış, 1973 ildə isə həmin şöbədə böyük elmi işçi vəzifəsinə təyin olunmuşdur.
Səmədov Bilal Kərim oğlu (1936, Zərdab r-nunun Çallı k. – 2004) – din xadimi.
Bilal Əfəndi ruhani ailəsində dünyaya gəlmişdir. İlk təhsilini həmin kənddə almışdır. İlk dini təhsilini isə atasından almışdır. Bilal Əfəndi ailəsi ilə birlikdə 1949 ildə Göyçay r-nunun Hacıağabəyli k.-nə gəlmiş və orada məskunlaşmışlar. Orta təhsilini də burada tamamlamışdır. 1954 ildə hərbi xidmətə getmişdir. Hərbi xidmətdən qayıtdıqdan sonra təhsilini davam etdirmək üçün 1960 ildə Özbəkistanın Səmərqənd ş.-nə getmiş və ali dini təhsilini Səmərqənd mədrəsəsində tamamlamışdır. Təhsilini bitirib vətəninə qayıdan Bilal Əfəndi uzun müddət – 1970 ildən 1988 ilə qədər Göyçay r-nu Cümə məscidinin imamı olmuşdur. Bilal Əfəndi 1999 ildə öz vəsaiti hesabına Göyçay r-nunun Hacıağabəyli k.-ində özünə məxsus torpaq sahəsində məscid tikdirmişdir. Bilal Əfəndi 2004 ildə vəfat etmişdir.
Mənbə: İ.Musayev. “Göyçay rayonundakı dini abidələr və tarixi şəxsiyyətlər”, Bakı, İpəkyolu, 2014, s. 95-96.
(9.1.1997, Göyçay r-nunun Ləkçıplaq k. – 17.10.2020, Suqovuşan istiqamətində) – Vətən müharibəsi şəhidi.
21 sentyabr 2020 il tarixdə hərbi təlimlərə cəlb edilib, 17 oktyabr 2020 ildə Suqovuşan istiqamətində gedən döyüşlərdə şəhid olub. Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə – Vətən müharibəsi şəhidi” (24.6.2021) və “Cəsur döyüşçü” (24.6.2021) medalları ilə təltif edilmişdir.
Mənbə: https://memorial.az/az/qehremanlarimiz/746
https://seferberlik.gov.az/az/military/battle/battlePersonDisability/100/1/20
