Səmədov Əli (1870 – 1938, Göyçay r-nunun Bığır k.) – XX əvvəllərində Göyçayda yaşayıb fəaliyyət göstərmiş maarifpərvər ziyalı.

Türkiyədə mükəmməl təhsil alıb vətənə qayıdandan sonra 1900 ildə öz evində məktəb açır. Bu məktəbdə qızlar da təhsil alırdı. İlk vaxtlarda yalnız şəriət dərslərinin keçilməsi sonralar Əli Əfəndini qane etmir, o, qəza mərkəzinin və Bakı ş.-nin rəhbərlərinə müraciət edərək yeni tipli məktəbin açılmasına nail olur (1909). Əli Əfəndi əmisi, kənd yüzbaşısı Şərifin köməyi ilə məktəb üçün bina da tikdirir. Şəkidən, İsmayıllıdan buraya müəllimlər dəvət edir. 1914 ildə məktəbin ilk buraxılışı olur. Həmin illərin yetirmələri arasında sonralar Lenin ordeni almış N.İsmayılov, Ə.Əliyev, İ.Rəsulov kimi pedaqoqların adlarını çəkmək olar. Əli Əfəndi sonralar təhsilə getdikcə artan marağı görərək Xalq Komissarları Sovetinin sədri N.Nərimanova məktəb üçün yeni binanın tikilməsi məqsədilə müraciət edir. Müraciətə müsbət cavab verilir. 1924 ilin sonunda 6 sinif otağı və 2 yardımçı otaqdan ibarət yeni bina hazır olur. Əli Əfəndi kəndli balalarının maariflənməsi yolunda əvəzsiz xidmət göstərib.

Məlumat ailəsindən alınıb.

Kərimov Əli Paşa oğlu (18.3.1931, Göyçay ş. – 29.6.1969, Bakı ş.) – şair, tərcüməçi, AYB-nin üzvü (1954).

Əli Kərim 1948 ildə ADU-nun Filologiya fakültəsinə daxil olur, burada ehtiyacı olduğu yataqxana olmadığından Teatr İnstitutunun Teatrşünaslıq fakültəsinə keçir, III kursdan Moskvada, M.Qorki adına Dünya Ədəbiyyatı İnstitutunda təhsilini davam etdirir və 1955 ildə bu məşhur ədəbi təhsil ocağını fərqlənmə diplomu ilə bitirib Bakıya qayıdır, “Azərbaycan” jurnalının redaksiyasında şeir şöbəsinin müdiri vəzifəsində fəaliyyətə başlayır.

(11.5.1911, Göyçay qəz. Potu k. – 28.5.1997, Bakı ş.) – Azәrb. neftçi geoloqu, geologiya-mineralogiya e.d. (1963), prof. (1965), Azәrb. SSR Əmәkdar mühәndisi (1961), SSRİ-nin fәxri neftçisi (1971).

1929 ildə Göyçay Pedaqoji Texnikumunu bitirib Ağdaş r-nunun Kərikənd orta məktəbində müəllim kimi əmək fəaliyyətinə başlayıb. Bir ildən sonra komsomol təşkilatının göndərişi ilə ali təhsil almaq üçün Bakıya – M. Əzizbəyov adına Neft və Kimya İnstitutuna göndərilib. 1936 ildə Azərb. Sənaye İnstitutunu neft və qaz yataqları geologiyası və kəşfiyyatı üzrə mühəndis-geoloq ixtisası üzrə bitirib. Gənc geoloqun təyinatı Suraxanı rayonundakı “Kaqanoviç” NMİ-yə verilib və tezliklə baş geoloq vəzifəsinə təyin olunub.

(2.3.1963, Göyçay ş.) – jurnalist.

Orta məktəbi bitirəndən sonra bir müddət əmək fəaliyyəti ilə məşğul olub. Sonra BDU-nun Jurnalistika fakültəsində qiyabi təhsil alıb. 1987-90 illərdə R-n Komsomol Komitəsinin katibi vəzifəsində çalışıb. Daha sonra r-da nəşr olunan “Yeni həyat” (indiki “Göyçay”) qəzetində məktublar şöbəsinin müdiri və məsul katibi işləyib. Eyni zamanda, Göyçayda Qarabağa Xalq Yardımı Komitəsinin sədr müavini kimi fəaliyyətini davam etdirib. 1995 ildə ailəsi ilə birgə Sumqayıt ş.-nə köçən Əliyev yeni bir mətbuat orqanının – “Yeni era” qəzetinin əsasını qoyur və həmin qəzetin ilk baş redaktoru olur. 1997 ilin martında Milli Məclisin orqanı olan “Azərbaycan” qəzetinə dəvət olunur. Bir müddət qəzetdə məsul katibin müavini kimi çalışıb. 2009 ildən “Azərbaycan” qəzetinin şm. bölgəsi üzrə xüsusi müxbiri kimi fəaliyyətini davam etdirir. Onun “Azərbaycan”, “Qarabağ”, “Mədəniyyət” və s. qəzetlərdə şeirləri çap olunub, müxtəlif nəşrlərdə onlarla hekayəsi işıq üzü görüb. 2008 ildə “Talelərdə yaşayır” adlı ilk kitabı çap olunub. Azərb. Resp. Prezidentinin 2020 ildə imzaladığı Sərəncama uyğun olaraq A.Əliyev “Tərəqqi” medalı ilə təltif olunub.

Məlumat D.Quluoğludan alınıb.

(23.9.2001 il tarixdə Göyçay r-nunun Hacalıkənd k. – 7.11.2020, Xocavənd istiqamətində) – Vətən müharibəsi şəhidi.

4.10.2019 il tarixdə həqiqi hərbi xidmətə çağırılmışdır. 7 noyabr 2020 il tarixdə Xocavənd istiqamətində gedən döyüşlərdə şəhid olmuşdur. Doğulduğu k.-də dəfn edilib. Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020) və “Xocavəndin azad olunmasına görə” (25.12.2020) medalları ilə təltif edilmişdir.

Mənbə: http://goychay-ih.gov.az/az/news/sehid-aslan-eliyevin-ikinci-ildonumu-qeyd-olundu.html

(21.3.2002, Göyçay r-nunun Kürdşaban k. – 30.10.2020, Füzuli istiqamətində) – Vətən müharibəsi şəhidi.

5.5.2020 il tarixdə həqiqi hərbi xidmətə çağırılmışdır. 30 oktyabr 2020 il tarixdə Füzuli istiqamətində gedən döyüşlərdə şəhid olmuşdur. Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020) və “Füzulinin azad olunmasına görə” (25.12.2020) medalları ilə təltif edilmişdir.

Mənbə: https://shehidimiz.az/azər-əliyev/

(15.12.1939, Göyçay r.) – fizika-riyaziyyat ü.f.d., dos. (1997).

1957 ildə orta məktəbi, 1962 ildə isə ADU-nun Fizika fakültəsini bitirib. 1962-72 illərdə Bakı ş. Azərelektroişıq zavodunda mühəndis-texnoloq, 1972-80 illərdə Bakı ş. Elektron hesablayıcı maşınları zavodunda mühəndis-texnoloq, 1980-85 illərdə isə MEA-nın Kosmik Tədqiqatlar İnstitutunda çalışıb. 1985 ildən BDU-da işləyir. 1990 ildə “Aşqarların və elektron şualanmasının Tl İnS2-dəki faza keçidlərinə təsiri və onların yarımkeçirici xassələrlə qarşılıqlı əlaqəsi” mövzusunda namizədlik dissertasiyası müdafiə edib, fizika-riyaziyyat e.n. adına layiq görülüb. 1997 ildən dosentdir. Bir sıra beynəlxalq konfransların iştirakçısı olub.

Məlumat V.Abdullayevdən alınıb.

(10.2.2000, Göyçay r-nunun Potu k. – 6.10.2020, Cəbrayıl r-nu) – Vətən müharibəsi şəhidi.

Həqiqi hərbi xidmətini bitirdikdən sonra 13.4.2020 il tarixdə N saylı hərbi hissədə gizir vəzifəsində xidmətə başlayıb. 6 oktyabr 2020 il tarixdə Cəbrayıl istiqamətində gedən döyüşlərdə şəhid olmuşdur. Göyçay Şəhidlər xiyabanında dəfn olunub.

Ölümündən sonra Azərb. Resp. Ali Baş Komandanının sərəncamı ilə “Vətən uğrunda” (15.12.2020), “Cəsur döyüşçü” (24.6.2021), “Kəlbəcərin azad olunmasına görə” (24.6.2021), “Füzulinin azad olunmasına görə” (25.12.2020) və “Cəbrayılın azad olunmasına görə” (24.12.2020) medalları ilə təltif edilib.

Mənbə: https://memorial.az/az/qehremanlarimiz/306

(20.3.1951, Göyçay r-nunun Qarabağlar k.) – yazıçı, AYB-nin üzvü (2011), filologiya ü.f.d. (1987).

Əliyev orta təhsilini Göyçay ş. 4 saylı (indiki 9 saylı ) tam orta məktəbdə alıb, daha sonra o zamankı 6 saylı Kənd Peşə Məktəbində oxuyub. Həmin məktəb şəhər tipli 58 saylı Peşə Məktəbi olanda o burada komendant vəzifəsində çalışıb. Əliyev 1971-75 illərdə APİ-nin Filologiya fakültəsində əyani təhsil alıb. İnstitutu bitirdikdən sonra təyinatla Göyçay r-nunun Ulaşlı Şıxlı k. tam orta məktəbinə göndərilib. 1992 ilədək burada dil-ədəbiyyat müəllimi kimi çalışıb. Dərs yükü saxlanılmaqla onu r-n Təhsil Şöbəsində metodist vəzifəsinə işə qəbul ediblər. O burada çalışmaqla bərabər, şəhərdə fəaliyyət göstərən pedaqoji kollecdə və San-Marino Elmlər Akademiyası Mingəçevir filialının Göyçay şöbəsində dərs deyib.

(10.7.1970, Göyçay r-nunun Qarabağlar k. – 31.10.1994, Füzuli r.) – Birinci Qarabağ müharibəsi şəhidi.

1993 ildə könüllü olaraq torpaqlarımızın müdafiəsinə yollanıb. Həmin ilin noyabrından 1994 ilin mayına kimi Göyçay batalyonunda, sonra isə III motoatıcı batalyonda xidmət edib. Əli Ağdərə, Füzuli, Tərtər r-da döyüş yolu keçib. O, dəfələrlə mükafatlandırılıb, əla xidmətə görə çavuş rütbəsinə layiq görülüb. 1994 ilin oktyabrında Füzuli r-nunun Alxanlı k. ətrafında gedən döyüşlərdə şəhid olub və doğma kəndində dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.