(12.7.1956, Göyçay ş.) – mədəniyyət xadimi, Əməkdar artist (2000).

ADMİU-nun Dram və kino aktyorluğu fakültəsini bitirib (1979). 1979–2000 illərdə Azərb. Dövlət Gənc Tamaşaçılar Teatrında aktyor (1979–2000), Azərb. Resp. Mədəniyyət və Turizm Nazirliyi İncəsənət baş idarəsində (hazırda incəsənət şöbəsi) aparıcı mütəxəssis, baş mütəxəssis və baş məsləhətçi (2000-06), Azərb. Dövlət Gənc Tamaşaçılar Teatrının direktoru (2006-18) və Sumqayıt Dövlət Dram teatrının direktoru (2018-22) vəzifəsində çalışıb.

(1969, Göyçay r-nunun Ləkçıplaq k.) – neft-qaz sənayesi sahəsində tanınmış mütəxəssis, texnika e.d. (1993), dos. (2013).

ADNA-nın (indiki ADNSU) “Qaz-neft mədən” fakültəsini bitirib (1993) və təyinatla AMEA-nın Dərin Neft və Qaz Yataqları Problemləri İnstitutunda (indiki Neft və Qaz İnstitutu) çalışmağa başlayıb. Burada işlədiyi müddətdə kiçik elmi işçidən şöbə müdiri vəzifəsinə qədər yüksəlmişdir. Hal-hazırda ARDNŞ-nin (SOCAR) “Birgə işlənilən yataqlar üzrə məlumatlar bazası və modelləşdirmə” şöbəsinin rəis müavini vəzifəsində, həmçinin əvəzçilik üzrə ADNSU-nun “Neft qaz mühəndisliyi” kafedrasında çalışır. “Karbohidrogen və qeyri-karbohidrogen qazların iştirakı ilə kondensatın buxarlanmasının tədqiqi” mövzusunda namizədlik, “Karbohidrogen yataqlarının son işlənmə mərhələsinin nəzəri əsasları və tətbiqi aspektləri, onların komponentveriminin artırılması üsullarının təkmilləşdirilməsi” mövzusunda doktorluq dissertasiyaları müdafiə edərək texnika e.d. elmi dərəcəsi alıb.

(9.2.1997, Göyçay r-nunun Qaraxıdır k. – 29.11.2020, Füzuli–Xocavənd istiqamətində) – Vətən müharibəsi şəhidi.

29 sentyabr 2020 il tarixdə qismən səfərbərlik üzrə hərbi xidmətə cəlb edilib. 29 noyabr 2020 il tarixdə Füzuli–Xocavənd istiqamətində gedən döyüşlərdə şəhid olub. Mırtı k. qəbiristanlığında dəfn edilib.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Xocavəndin azad olunmasına görə” (25.12.2020) və “Füzulinin azad olunmasına görə” (24.6.2021) medalları ilə təltif edilib.

Mənbə: https://memorial.az/az/qehremanlarimiz/1473

(1.11.1969, Göyçay r-nunun Potu k. – 15.8.1992, Füzuli r-nu ərazisində) – Birinci Qarabağ müharibəsi şəhidi.

1986 ildə Göyçay Kənd Təsərrüfatının Mexanikləşdirilməsi və Elektrikləşdirilməsi Texnikumuna (indiki Göyçay Dövlət İdarəetmə və Texnologiya Kolleci) daxil olub. Cəmi bir il sonra hərbi xidmətə çağırılıb. Sankt-Peterburq və Murmansk ş.-də xidmət edib. 1991 ildə texnikumu bitirən Şəmsi bir müddət sonra İnşaat kooperativində işə düzəlir. 1992 ilin martında könüllü olaraq Qarabağ cəbhəsinə yola düşür. O, bir çox döyüşlərdə iştirak edir. İlk ağır döyüşünü isə Goranboy ətrafında – Gülüstan və Sarısu k. keçirir. May–avqust ayları ərzində Xocavənd r-nunun bir sıra yerlərində, Füzuli r-nunun Qızıltala, Kuropatkino, Divanalılar, Üryandağ, Qırmızı Bazar, Yuxarı və Aşağı Veysəlli k. şərəfli döyüş yolu keçib. Avqust ayının 15-də son dəfə Yuxarı Veysəlli k. gedən ağır döyüşlərdə düşmənin atdığı mərmilər onların zirehli transportyorunu sıradan çıxarır. Yoldaşları ağır zədə alır. Şəmsi isə başından aldığı ağır yara nəticəsində həlak olur. Səhəri gün Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.4.1972, Göyçay r-nunun Qızılağac k. – 26.2.1994, Kəlbəcər r-nu ərazisində) – Birinci Qarabağ müharibəsində itkin düşüb.

İlk hərbi xidmətini başa vurandan sonra bir müddət əmək fəaliyyəti ilə məşğul olub. 8.1.1993 ildə əsgər rütbəsində vətənin müdafiəsinə yollanıb, 26.2.1994 ildə döyüşlərin birində itkin düşüb. Göyçay r-n məhkəməsinin 20.9.2007 il tarixli qətnaməsi ilə ona şəhid statusu verilib.

Məlumat ailəsindən alınıb.

(5.4.1955, Göyçay ş.) – kimyaçı alim, kimya ü.f.d. (1990), dos.

ADNA-nın (indiki Azərbaycan Dövlət Neft və Sənaye Universiteti) Kimya texnologiyası fakültəsini bitirib (1977). Ali məktəbi bitirdikdən sonra AMEA-nın Aşqarlar Kimyası İnstitutunun “Mühərrik yağlarında polimer aşqarlar” laboratoriyasında əmək fəaliyyətinə başlayıb. Eyni zamanda, akad. Ə.Quliyevin və kimya ü.f.d. M.Ağayevanın rəhbərliyi altında elmi işini davam etdirərək  “Alfa-olefin oliqomerləri əsasında çoxfunksiyalı aşqarlar” mövzusunda dissertasiya müdafiə edib və kimya e.n. alimlik dərəcəsi alıb. 150-dək elmi əsərin müəllifidir. Hazırda AMEA Aşqarlar Kimyası İnstitutunun aparıcı elmi işçisidir.

(25.4.1981, Göyçay ş.) – texnika ü.f.d. (2017).

BDU-nun Fizika fakültəsini bitirib (2002). 2002-07 illərdə orta məktəbdə fizika müəllimi kimi fəaliyyət göstərib. 2006 ildə BDU-nun Fizika fakültəsinin magistratura pilləsini bitirib. 2011-16 illərdə AzTU-nun İstilik və soyuqluq texnikası kafedrasında baş müəllim vəzifəsində çalışıb. 2017 ildə kafedranın adı dəyişdirilərək “İstilik energetikası”, 2019 ildə isə “Hidravlika və istilik texnikası” adlandırılıb. R.Həmidova hazırda bu kafedrada baş müəllim vəzifəsində çalışır. O, 38 elmi məqalə və 1 metodik vəsaitin müəllifidir.

Mənbə: http://aztu.edu.az/azp/rqamidova81.prof/info

(?.1916, Göyçay qəz. Bığır k.  – ?, Bakı ş.) – dilçi alim, filologiya ü.f.d. (1960), dos. (1969).

1939 ildə ADU-nun Filologiya fakültəsinə daxil olub. 1942 ildə ordu sıralarına yola düşüb. Müharibədən sonra Bakıya dönən T.Həmzəyev təhsilini davam etdirir. 1948 ildə ali məktəbi bitirib Azərb. SSR EA Dil və Ədəbiyyat İnstitutunda elmi işçi vəzifəsinə qəbul olunur. 1950 ildə dil ixtisası üzrə elmi təhsilini davam etdirmək üçün aspiranturaya daxil olub. 1953 ildə aspiranturanı bitirib akademiya sistemində işə qəbul olunan həmyerlimiz 1955 ildə Nizami adına Dil və Ədəbiyyat İnstitutunda kiçik elmi işçi kimi fəaliyyətə başlayır. 1966 ildə Ədəbiyyat və Dilçilik İnstitutunda böyük elmi işçi, 1969 ildən isə M.F.Axundov adına APİ-nin Müasir Azərb. dili kafedrasında dos. kimi fəaliyyət göstərir. 1973 ildə Azərb. Dövlət Xarici Dillər İnstitutunda həmin kafedranın dosenti olur. Tanınmış alim 1977 ildən ömrünün sonuna kimi ADU-nun “Azərbaycan dilinin metodikası” kafedrasında fəaliyyət göstərib.

Məlumat V.Abdullayevdən alınıb.

(16.4.1920 – 10.9.1988, Göyçay ş.) – pedaqoq, Əməkdar müəllim (1972), Xalq maarifi əlaçısı, pedaqogika ü.f.d. (1964).

1934-36 illərdə Göyçay Pedaqoji Texnikumunda təhsil alandan sonra ş. 3 saylı məktəbdə müəllim kimi fəaliyyətə başlayır. 1937 ildə Lenin adına APİ-nun Coğrafiya fakültəsinə daxil olur. 1941 ildə Böyük Vətən müharibəsi başlayanda könüllü olaraq cəbhəyə yollanır. 1945 ilin sonlarında bir sıra orden və medallarla ordudan tərxis olunaraq vətənə qayıdır, vaxtilə müəllimlik etdiyi məktəbə bu dəfə direktor təyin olunur. 1964 ildə “Orta məktəbdə şagird kollektivinin təşkili və tərbiyəsi” mövzusunda dissertasiya müdafiə edərək pedaqoji e.n. adına layiq görülür. Həsənov sonrakı illərdə r-n Xalq maarifi şöbəsinin müdiri (1973-75), Göyçay ş. 2 saylı məktəbin direktoru və həmin məktəbdə müəllim (1975-83) vəzifəsində çalışıb. 1983 ildə yenidən ş. 3 saylı məktəbə direktor təyin olunan Həsənov bu vəzifədə 2 il çalışandan sonra fəaliyyətini həmin məktəbdə müəllim kimi davam etdirib və ömrünün sonuna qədər burada pedaqoji fəaliyyətlə məşğul olub.

Məlumat V.Abdullayevdən alınıb.

(19.11.1999, Göyçay r-nunun Birinci Ərəbcəbirli k. – 17.11.2020, Tərtər-Ağdərə istiqamətində) – Vətən müharibəsi şəhidi.

29 sentyabr 2020 il tarixdə qismən səfərbərlik üzrə hərbi xidmətə cəlb edilmiş, 17 noyabr 2020 il tarixdə Suqovuşan istiqamətində gedən döyüşlərdə şəhid olmuşdur. Göyçay Şəhidlər xiyabanında dəfn edilib.