(5.4.1974, Göyçay ş. – 18.4.1994, Ağdam r-nunun Tacıbəyli k.) – Birinci Qarabağ müharibəsi şəhidi.

17.1.1994 ildə əsgər rütbəsində hərbi xidmətə çağırılıb, Göyçay ş.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(17.7.1954, Göyçay ş. – 5.11.2005, Bakı ş.) – RF-də Azərb. diasporunun fəal üzvlərindən və Azərb. hüquq-mühafizə orqanlarının tanınmış nümayəndələrindən biri, polis polkovniki.

İlk hərbi xidmətini keçdiyi Rusiyanın Ulyanovsk ş.-də milis məktəbini bitirəndən sonra milis orqanlarında fəaliyyətə başlayıb və kapitan rütbəsinədək yüksəlib. Həmin illərdə V.Məcidovun adı XX əsrin sonlarında Sovet rəhbərliyi tərəfindən həbs olunaraq Rusiyanın ucqar bölgələrinə aparılan və ən ağır maddələrlə cinayət işi açılan bir qrup soydaşımızın xilas olunması hadisəsi ilə daha çox şöhrət tapmışdı.

(5.10.1988, Göyçay r-nun Çərəcə k.) – şair, publisist, jurnalist, AYB-nin (2015) və AJB-nin üzvü (2013), Azərb. KİV İşçiləri Həmkarlar İttifaqının üzvü (2014).

Bakı Asiya Universitetində və Bakı Slavyan Universitetində ali təhsil alıb. İxtisasca filoloqdur. 2006-10 illərdə “Səs” qəzetində, 2012-15 illərdə Lent.az İnformasiya Agentliyində müxbir, 2015-16 illərdə Dini Qurumlarla İş üzrə Dövlət Komitəsinin (DQİDK) İctimaiyyətlə əlaqələr şöbəsində məsləhətçi vəzifələrində işləyib. 2016 ildən DQİDK.-da baş məsləhətçi vəzifəsində çalışır. 1998 ildən bədii yaradıcılıqla məşğuldur. “Dünyada sözüm qalar” (2005), “Heydər zirvəsindən başlanan yol” (2009), “Dərsliklər haqqında…” (2013. İ.Tumasla birgə), “Dini radikalizmlə mübarizə və gənclər: İmkanlar və perespektivlər” (2017. O.Maşayevlə birgə), “Seçilənlər” (2018), “Vətən sevgisi” (2019) kitablarının müəllifidir.

A.Məcidzadə Həsən bəy Zərdabi adına Cəmiyyətin fəxri üzvüdür (2007). “Qızıl Qələm” (2014) mükafatı laureatı və Prezident təqaüdçüsüdür (2017).

Məlumat A.Məmməddən alınıb.

(15.5.1973, Göyçay ş. – 3.8.1993, Qazax r-nu) – Birinci Qarabağ müharibəsi şəhidi.

Orta məktəbi bitirəndən sonra Göyçayda açılmış bir illik maliyyə-kredit kursunda oxuyub, sonra ilk hərbi xidmətini keçmək üçün Ukraynaya yola düşüb. Hərbi xidmətini başa vurub vətənə dönərək E.Məhərrəmov 1992 ilin iyun ayında könüllü olaraq Azərb. ordusunda xidmətə yollanıb. Azərb. ordusunda 707 saylı briqadanın tank əleyhinə artilleriya diviziyasında PDM komandiri kimi xidmət keçən həmyerlimiz Ağdərə, Ağdam, Gədəbəy, Qazax, Ağstafa, Tovuzun müdafiəsi uğrunda gedən döyüşlərin iştirakçısı olub, bu döyüşlərdə düşmənə layiqli cavab verib. Məhərrəmov 1993 ilin avqustunda qəhrəmancasına şəhid olub və Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(18.5.2001, Göyçay r-nunun Şəkər k. – 14.9.2020, Kəlbəcər r-nunun Alagöllər k.) – Qarabağ şəhidi.

Azərbaycan Universitetində təhsil alırdı. 2021 ilin noyabrında ali təhsilini dayandıraraq hərbi xidmətə yola düşüb. 2022 ilin sentyabrında Azərbaycan – Ermənistan dövlət sərhəddində – Kəlbəcər istiqamətində Ermənistan silahlı qüvvələrinin bölmələri tərəfindən törədilən təxribatın qarşısının alınması zamanı şəhidlik zirvəsinə ucalıb. Doğma k.-də torpağa tapşırılıb.

Azərb. Resp. Prezidenti İlham Əliyevin müvafiq Sərəncamına ilə E.Məhərrəmov üçüncü dərəcəli “Rəşadət” ordeni (5.11.2022) və “Vətən uğrunda” (5.11.2022) medalı ilə təltif olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(18.9.1973, Göyçay r-nunun Şahsoltanlı k. – 22.7.1993, Ağdam r-nunun Ağdamkənd k.) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra Qaraməryəm k. 179 saylı Texniki Peşə Məktəbində təhsilini davam etdirib. Sonra bir müddət kənddə əmək fəaliyyəti ilə məşğul olub. 1993 ilin aprelində cəbhə bölgəsinə yola düşüb. O, Ağdamda və Novruzlu k.-də gedən döyüşlərdə fəal iştirak edib. 22.7.1993 il tarixində həmin döyüşlər zamanı ekipaj üzvü olduğu tankın qayadan aşması nəticəsində qəhrəmancasına şəhid olub. Doğma k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(20.4.1932, Göyçay ş. – 9.4.2000, Göyçay ş.) – kənd təsərrüfatı mütəxəssisi, Əməkdar zootexnik (1974).

1950 ildə orta məktəbi, 1953 ildə Şamaxı Kənd Təsərrüfatı Texnikumunun Zoobaytarlıq şöbəsini bitirib. 1953-54 illərdə Göyçay MTS-də zootexnik işləyib. 1954-56 illərdə hərbi xidmətdə olub. 1956-65 illərdə KT Müfəttişliyində, Dövlət Damazlıq Stansiyasında, Tədarük Stansiyasında ixtisası üzrə işləyib. 1960-65 illərdə Azərb. KT İnstitutunda qiyabi yolla təhsilini davam etdirərək alim-zootexnik ixtisası alıb.

(1959, Göyçay ş.) – kimyaçı alim, kimya ü.f.d. (2009), dos. (2015).

1975 ildə Qəbələ ş. 1 saylı orta məktəbi bitirib. 1977 ildə ADU-ya (indiki BDU) daxil olub. ADU-nu bitirib (1982). Sonra Qəbələ ş. internat orta məktəbində kimya müəllimi kimi əmək fəaliyyətinə başlayıb. 1983-2001 illərdə müxtəlif təşkilatlarda əmək fəaliyyətini davam etdirib. 2001 ildən ADNA-da laborant, həmin ildən 2015 ilə qədər kiçik elmi işçi vəzifələrində çalışıb. 2015 ildən ADNSU-da Kimya və qeyri-üzvi maddələrin texnologiyası kafedrasının dos.-dir. Polibutadienin fosfoxlorlaşdırılması əsasında alınmış modifikatlarla bir sıra metalların sorbsiyasının tədqiqi ilə məşğul olub. Metalların sorbsiyası prosesləri üçün çoxfunksiyalı effektiv sorbentlərin sintezi məqsədilə PB-nin oksidləşmə fosfoxlorlaşması nəticəsində alınmış sorbentlərlə sistematik tədqiqatlar aparıb. A.Məlikova 1 metodik vəsait, 25 məqalə (onlardan 12-si beynəlxalq jurnallarda) və 9 tezisin müəllifidir.

Mənbə: http://fct.asoiu.edu.az/az/Department_Teachers_Single/2/65

(4.6.1980, Göyçay r-nunun Potu k.) – “Göyçay ensiklopediyası”nın elmi məsləhətçisi, jurnalist, ictimai fəal.

1985–1996 illərdə Mübariz Məmmədov adına Potu k. orta məktəbində orta təhsil alıb. 1996–2000 illərdə GDU-da ali təhsil alıb. 2000-01 illərdə Azərbaycan Silahlı Qüvvələrində hərbi xidmət keçib. 2001-02 illərdə Potu k. orta məktəbində müəllim vəzifəsində çalışıb.

(15.12.1927, Göyçay qəz. Kürdşaban k. – 12.1985, Bakı ş.) – filologiya e.d., prof.

Təhsilini Bakıda 190 saylı orta məktəbdə alıb. ADU-nun Şərqşünaslıq fakültəsinin fars bölməsini bitirib. Moskvada Qorki adına Dil və Ədəbiyyatı İnstitutunun aspiranturasında təhsil aldıqdan sonra dissertasiya müdafiə edib, filologiya elmləri namizədi alimlik dərəcəsinə yiyələnib. Daha sonra o, “Azərbaycan poeziyasının musiqi ilə qarşılıqlı əlaqəsi problemləri“ mövzusunda doktorluq dissertasiyasını müdafiə edib. A.Məmmədov 200-dən çox elmi-tədqiqat əsərinin müəllifidir.

Məlumat V. Abdullayevdən alınıb.