(1953, Bakı ş.) – virusoloq, tibb e.d. (1991), prof. (1998), RF Tibb Elmləri Akademiyasının akademiki (2004), Azərb. Əməkdar həkimi (2011).

Özbəkistan səhiyyəsinin tanınmış nümayəndələrindən biri olan həmyerlimiz Qiyas Məmmədovun oğludur. ATU-nun Müalicə profilaktikası fakültəsini bitirib (1976). Sonra SSRİ Tibb Elmləri Akademiyasının Elmi-Tədqiqat Poliomielit və Virus Ensefaliti İnstitutunun aspirantı olub (1980-84). Müsabiqə əsasında Azərb. Resp. Səhiyyə Nazirliyinin Elmi-Tədqiqat Radiologiya və Onkologiya İnstitutunun eksperimental terapiya laboratoriyasının müdiri (1985-88) və eksperimental terapiya şöbəsinin müdiri (1988-90) vəzifəsini icra edib. Hazırda Azərb. Resp. Milli Onkologiya Mərkəzi baş direktorunun elmi işlər üzrə müavinidir.

(1.8.1973, Göyçay r-nunun Potu k. – 14.2.1994, Kəlbəcər r-nu) – Birinci Qarabağ müharibəsi şəhidi.

Orta məktəbin 9-cu sinfini bitirəndən sonra Göyçay ş. 106 saylı Texniki Peşə Məktəbində sürücülük peşəsinə yiyələnib. Bakı ş.-də ilk hərbi xidmətini keçəndən sonra 1993 ildə 701 saylı batalyonun tərkibində Kəlbəcər r-nu uğrunda gedən döyüşlərdə iştirak edib. Son döyüşü 1994 ilin fevralında Murovdağ ərazisində olub. Bu döyüşlər zamanı Məmmədov itkin düşüb. 2007 il martın 29-da ona şəhid statusu verilib.

Məlumat ailəsindən alınıb.

(1921, Göyçay ş. – 25.7.1959, Ucar r-nu) – Böyük Vətən müharibəsi iştirakçısı.

Göyçay hərbi komissarlığı tərəfindən orduya çağırılıb. P.Məmmədovun döyüş yolu Luqansk ş.-dən başlayaraq Krasnodar, Novorossiysk, Kerç, Krım, Moldova, Rumıniya, Macarıstan, Slovakiya, Polşanın Lyublin, Lodz, Zelenaya-Qura ş.-nə qədər davam edib. 3-cü motoatıcı batalyonun bölük komandıri kimi 27 noyabr 1942 il tarixdə RF-nin Şimali Osetiya Muxtar Resp.-nın paytaxtı Orconikidze ş. (hazırda Vladiqafqaz) uğrunda gedən döyüşlərdə qəhrəmancasına vuruşaraq ağır yaralanıb. Həmin döyüşdə göstərdiyi qəhrəmanlığa görə o, 10 aprel 1944 ildə “Döyüş xidmətlərinə görə” medalı ilə təltif olunub. 30 aprel 1944 ildə Sevastopol yaxınlığındakı Balaklava ş. uğrunda gedən döyüşlərdə xüsusi qəhrəmanlıq göstərib. Döyüşdə göstərdiyi qəhrəmanlığa görə “İgidliyə görə” medalı ilə təltif olunub. P.Məmmədovun qardaşı Məmmədov Novruz Zülfüqar oğlu 1942 ildə Göyçay hərbi komissarlığı tərəfindən döyüşən orduya göndərilib, 92-ci qvardiya alayının tərkibində döyüşüb, hərbi tibb işçisi olub, 1945 il 14 iyunda ordudan tərxis olunub.

Mənbə: Zülfüqarlı M.P., “Göyçay tarixi”, Bakı, 2022, s. 209-211.

(30.3.1994, Göyçay r-nunun Yeniarx k. – 2.10.2020, Tərtər-Ağdərə r-nu istiqamətində) – Vətən müharibəsi şəhidi.

Həqiqi hərbi xidmətini bitirdikdən sonra 13.5.2017 il tarixdə “N” saylı hərbi hissədə gizir vəzifəsində xidmətə başlayıb. 2 oktyabr 2020 il tarixdə Talış – Suqovuşan istiqamətində gedən döyüşlərdə şəhid olub. Doğma k.-də dəfn olunub.

Ölümündən sonra Azərb. Resp. Prezidentinin Sərəncamı ilə “Vətən uğrunda” (15.12.2020), “İgidliyə görə” (18.12.2020) və “Suqovuşanın azad olunmasına görə” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(12.1.1937, Bakı ş.) – Əməkdar elm xadimi, geologiya-mineralogiya e.d. (1992), prof. (1993), AMEA-nın müxbir üzvü (2001), AMEA-nın həqiqi üzvü (2014).

P.Məmmədov 1959 ildə AZNKİ-ni (indiki ADNSU) mühəndis-geofizik ixtisası üzrə fərqlənmə diplomu ilə bitirib. P.Məmmədov əmək fəaliyyətinə 1959 ildə Azərb. Neftçıxarma üzrə Elmi-Tədqiqat İnstitutunda texnik.-operator vəzifəsindən başlayaraq 1965 ilə qədər ardıcıl olaraq böyük radiotexnik, mühəndis-geofizik, böyük mühəndis vəzifələrində işləyib. P.Məmmədov 1958-66 illərdə keçmiş ÜİET Geofizika İnstitutunun Azərb. filialında böyük mühəndis, elmi işci vəzifələrində işləmişdir. O, 1968 ildən ADNSU-nun Geofizik kəşfiyyat üsulları kafedrasında assistent, dos., prof., kafedra müdiri, elmi işlər üzrə prorektor, rektor işləyib, hazırda kafedra müdiri vəzifəsində çalışır.

(25.1.1940, Göyçay r-nunun Alıkənd k. – 25.12.2008, Bakı ş.) – jurnalist, SSRİ Jurnalistlər İttifaqının üzvü (1972), Əməkdar jurnalist (1991).

Əmək fəaliyyətinə 1965 ildə “Azərbaycan gəncləri” qəzetində başlayıb. Daha sonra S.M.Kirov adına ADU-nun (indiki BDU) Jurnalistika fakültəsini bitirib (1969). 1978 ildən “Kommunist” qəzetində şöbə müdiri vəzifəsində çalışıb. 1992 ildən fəaliyyətini “Xalq qəzeti”ndə davam etdirən Məmmədov 1996 ildən ömrünün sonunadək “Respublika” qəzetində “Sosial problemlər” şöbəsinin müdiri vəzifəsində çalışıb. 1977 ildə “Qızıl qələm” mükafatı ilə təltif edilib.

(1.5.1916, Göyçay qəz. Роtu k. – 14.6.1966, Daşkənd, Özbəkistan SSR) – həkim, Özbəkistan SSR Ali Sovetinin deputatı (1964).

1932-34 illərdə Bakı Pedaqoji Texnikumunda, 1934-38 illərdə isə Sosial-İqtisad İnstitutunun Hüquq fakültəsində təhsil alıb. İnstitutu bitirəndən sonra 1943 ildə Bakı ş. Vəkillər Kollegiyasının üzvü seçilib. Sonralar qardaşının siyasi repressiyaya uğraması ilə əlaqədar Aşqabad ş. köçüb. 1948 ildə burada Tibb İnstitutunun Müalicə fakültəsini bitirib və 1948-51 illərdə Həsənqulu r-n, 1951-55 illərdə Nebitdağ, 1955-56 illərdə Cərco ş. səhiyyə şöbələrinin müdiri vəzifəsində çalışıb. Özbəkistan Respublikası rəhbərliyinin və SSRİ Səhiyyə Nazirliyinin yüksək mükafatını alıb.

(20.10.1920, Göyçay qəz. – 27.3.1994) – Azərb. SSR-in Əməkdar mədəniyyət işçisi (1976).

1939 ildə hərbi xidmətə yollanıb. Fin və Böyük Vətən müharibəsinin iştirakçısı olub. Böyük Vətən müharibəsində ağır döyüşlərdə iştirak etdiyi zaman 2 dəfə qəlpə yarası alıb. Leninqrad blokadasının iştirakçısı olub. Döyüş zamanı göstərdiyi şücaətə görə “Vətən müharibəsi” ordeni, “Almaniya üzərində qələbəyə”, “Leninqradın müdafiəsinə”, “Döyüş xidmətlərinə”, “Almaniya üzərində qələbəyə görə” orden və medallarla təltif olunub.

(8.4.1958 – 3.3.2021, Bakı ş.) – texnika ü.f.d., dos.

AzPİ-ni (indiki Azərb. Texniki Universiteti) “Avtomobillər və avtomobil təsərrüfatı” ixtisası üzrə bitirib (1980). 1983 ildə bitirdiyi institutun aspiranturasına qəbul olub. 1986 ildə aspiranturanı bitirdikdən sonra “Avtomobillər və avtomobil təsərrüfatı” kafedrasında işə qəbul olub. Həmin kafedrada baş müəllim, kafedra müdiri, dekan müavini və dekan vəzifələrində çalışıb. Son illərdə Bakı Mühəndislik Universitetində “Magistratura və aspirantura” şöbəsinin müdiri vəzifəsində işləyib. Məmmədovun Azərb.-da avtomobil nəqliyyatı sahəsi üzrə bir neçə kitabı işıq üzü görüb. O həm də avtomobil nəqliyyatı sahəsi üzrə elmi-praktik tədqiqatlarla məşğul olub. Bakı ş.-də şəhər nəqliyyatının yaxşılaşdırılmasının tədqiqatı işində daxili qaydada mütəxəssis kimi iştirak edib. Bakı ş.-də avtomobil nəqliyyatı ilə bağlı yol-nəqliyyat hadisələrinin statistik emalı, təhlili, şəhər yollarının həndəsi parametrləri, hərəkətin təşkili və yol hərəkətinin təhlükəsizliyi ilə bağlı tədqiqatların aparılması ilə məşğul olub. Bu məsələlərlə bağlı bir neçə xarici ölkədə, o cümlədən Türkiyədə, Almaniyada və Fransada olub.

Məlumat ailəsindən alınıb.

(10.8.1998, Göyçay r-nunun Yeniarx k. – 17.10.2020, Tərtər-Ağdərə istiqamətində) – Vətən müharibəsi şəhidi.

2016-17 ildə Sumqayıtda hərbi xidmət keçmiş, 2020 ildə yenidən MAHHXHQ əsgəri rütbəsində Orduda xidmətə başlamışdır. Suqovuşan və Tərtər döyüşlərində iştirak etmişdir. 29.9.2020 ildə Suqovuşan ərazisində şəhid olmuşdur. Mingəçevir ş.-də dəfn edilib.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021), “Cəsur döyüşçü” (24.6.2021) medalları, 3-cü dərəcəli “Vətənə xidmətə görə” ordeni (5.11.2022) ilə təltif edilmişdir.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.