(5.1928, Göyçay ş. – 5.2016, Bakı ş.) – tibb ü.f.d. (1966), dos. (1969).

Orta təhsilini 1944 ildə başa vurduqdan sonra Fatimat xanım Azərb. Dövlət Tibb İnstitutunun Müalicə-profilaktika fakültəsinə daxil olub, 1949 ildə ali məktəbi müvəffəqiyyətlə bitirərək anadan olduğu Göyçay r-nunda həkim kimi fəliyyətə başlayıb. Beş il müddətində təcrübi təbabət sahəsində çalışaraq klinik təcrübə toplayıb və 1955 ildə Azərb. Dövlət Tibb İnstitutunun Daxili xəstəliklərin propedevtikası kafedrasının ordinaturasına daxil olub.

Məmmədov Adil Vəli oğlu (13.1.1954, Göyçay r-nu Yenikənd k.) – şair-publisist, pedaqoq, Əməkdar müəllim (2011), AYB-nin üzvü (2022).

APİ-nin Filologiya fakültəsini bitirib (1975). Sonra təyinatla Göyçay r-n Xalq Maarif Şöbəsinə göndərilib. 1975-76 illərdə Göyçay r-nunun Alxasava k. natamam orta, 1976-86 illərdə Göyçay r-nunun Qarabağlar k. orta məktəblərində müəllim kimi fəaliyyətini davam etdirib. Daha sonra Göyçay r-n Təhsil şöbəsində inspektor (1986-88) və Nizami adına Göyçay ş. 7 saylı tam orta məktəbində direktor vəzifəsində çalışıb (1988–2018). 2018 ildən “Göyçay” qəzetinin redaktoru vəzifəsində çalışır. 1978-82 illərdə Azərb. EA Nizami adına Ədəbiyyat İnstitutunun aspiranturasında (qiyabi) oxuyub. Təhsil sahəsindəki uğurlarına görə Azərb. Resp. maarif nazirinin əmri ilə ona “Müəllim-metodist” (1983), resp. təhsil nazirinin əmri ilə “Ali kateqoriyalı müəllim” (1995) adı verilib. Azərb. Resp. təhsil nazirinin qərarı ilə “Azərbaycan SSR Xalq Maarifi əlaçısı” nişanı ilə təltif edilib. Resp. pedaqoji mühazirələrində oxuduğu dərinməzmunlu və maraqlı mühazirəsinə görə Fəxri fərman almışdır.

(1920, Göyçay qəz. Çaxırlı k. – 1944) – Böyük Vətən müharibəsi iştirakçısı.

Göyçay RHK.-dan оrduya çağırılıb. Sıravi əsgər. Маcarıstan Resp.-sının Vaqs ş.-də dəfn olunub.

Mənbə: Azərbaycan Respublikası Xatirə kitabı. 20 cilddə, VII cild, Bakı, 2007, s. 379.

(1912, Göyçаy qəz. – 25.11.1944) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Polşa Resp.-sının Olşak Starşi k.-də dəfn olunub.

Mənbə: Azərbaycan Respublikası Xatirə kitabı. 20 cilddə, VII cild, Bakı, 2007, s. 381.

(6.6.1996, Göyçay r-nunun Çaxırlı k. – 24.10.2020, Füzuli r-nu ərazisində) – Vətən müharibəsi şəhidi.

Bakı ş. Nərimanov r-nunda yaşayıb. Adilov 2014 ildə Səfərbərlik və Hərbi Xidmətə Çağırış üzrə Dövlət Xidmətinin Nərimanov r-n Hərbi Komissarlığından hərbi xidmətə çağırılıb. Azərb. Silahlı Qüvvələrinin sıralarında, “N” saylı hərbi hissədə müddətli həqiqi hərbi xidmət edib.

(14.2.1894, Göyçay ş. – 6.2.1961, Bakı ş.) – hüquqşünas.

Aşqabad gimnaziyasını və İmperator Moskva Universitetinin Hüquq fakültəsini bitirib. AXC dönəmində o, müxtəlif vəzifələrdə çalışıb. 12 sentyabr 1918 ildə – hələ Bakı alınmazdan əvvəl vəkil köməkçisi Ağabəyov Ədliyyə Nəzarətinin (Nazirliyinin) əmri ilə Şamaxı Sülh Bölməsinin sülh hakimi (xırda mülki və cinayət işlərinə baxan hakim) təyin edilib. Ədliyyə naziri əvəzinin həmin günkü 467 saylı əmri ilə həmin vəzifədə qalmaqla Göyçay Sülh Bölməsinə və Göyçay 1 və 2-ci istintaq sahələrinə müdirlik etməyə ezam olunub. 14 sentyabrda verilmiş və ədliyyə naziri əvəzinin təsdiqlədiyi 474 saylı əmrlə İvanovka sülh və istintaq sahələrinə müdirlik etmək də ona həvalə olunub. Sentyabr ayında o, AXC-nin ədliyyə nazirinə raport yazaraq Göyçay istintaq sahələrində mövcud olan dəhşətli durumu – Göyçay Sülh Bölməsinin arxivinin darmadağın edildiyini, 300 köhnə işin tamamilə itdiyini, yalnız 3-4 mülki iş qaldığını təsvir edib.

(15.3.1865, Göyçay ş. – 9.10.1944, Lvov ş.) – görkəmli şərqşünas-alim, AXC-nin DİN nazirinin müavini (1918–1919), general-mayor.

Bakı Real Gimnaziyasını bitirdikdən sonra hərbi peşənin sirlərinə daha mükəmməl yiyələnmək üçün əvvəlcə Konstantin Piyada Qoşun Məktəbində, sonra isə Sankt-Peterburqda Mixaylovski Artilleriya Məktəbində təhsilini uğurla davam etdirən, hətta sonuncu tədris ocağında ekstern imtahan verib 4 illik təhsilini bir ildə başa vuran Sadıq bəy 1887 ildə leytenant rütbəsi ilə Zaqafqaziya Hərbi Dairəsində xidmətə başlayır. Orada çalışdığı 10 il ərzində bir çox döyüşlərin fəal iştirakçısı olur. Onun hərbi sahədəki peşəkarlığı, müdafiə və hücum taktikalarına mükəmməl bələdçiliyi, ağırlıq və təmkinlik, igidlik və mətinlik kimi yüksək mənəvi keyfiyyətləri ən məşhur ordu komandanlarını belə heyrətdə qoyurdu. Təsadüfi deyil ki, o, təcrübəli hərbiçi kimi Rusiyanın Xarici İşlər İdarəsində işləməyə dəvət olunur.

(1.3.1967, İsmayıllı r-nu – 16.6.1992, Tərtər istiqamətində) – Birinci Qarabağ müharibəsi şəhidi.

Göyçay ş. 2 saylı məktəbində oxuyub. Orta təhsilini Bakıda Naxçıvanski adına Hərbi təmayüllü ixtisaslaşdırılmış məktəbdə tamamlamışdır. 3 il orada oxuduqdan sonra əsgəri xidmətə çağırılıb, Murmanskda qulluq edib. Hərbi xidmətdən tərxis olunduqdan sonra Bakıdakı 10 saylı Peşə Texniki Məktəbində sənət öyrənib. Bakıda 3 saylı Evtikmə Kombinatında əmək fəaliyyətinə başlayıb, ailə qurub.

(12.11.1974, Göyçay ş. – 18.6.1996) – Birinci Qarabağ müharibəsi şəhidi.

Mənbə: T.Məhəmmədqızı. Göyçayın Qarabağ sevdalıları. Bakı, 2021, “Avropa” nəşriyyatı, s. 27.

(14.9.1973, Göyçay r-nunun Qarayazı k. – 10.1.1994, Füzuli r-nu ərazisində) – Birinci Qarabağ müharibəsi şəhidi.

1992 ilin iyulunda Milli Orduya çağırılıb. Üç ay təlim məşqlərindən sonra Ağdam cəbhəsində, “N” saylı hərbi hissənin xüsusi təyinatlı dəstəsində döyüşlərdə yaxından iştirak edib. 1992 ilin oktyabrından 1993 ilin iyununa qədər Naxçıvanın Sədərək r-nunda xidmət edib. Sonra yenidən Ağdama qayıdaraq Bala Novruzlu, Yusifcanlı k., eləcə də Füzuli r-nunun Əhmədbəyli, Kürdmahmudlu, Bala Bəhmənli, Böyük Bəhmənli, Aşağı və Yuxarı Alıxanlı k. uğrunda gedən döyüşlərdə müstəsna igidlik göstərib. Kürdmahmudlu k. ətrafında baş vermiş döyüşlərdə şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.