(13.5.1939, Göyçay r-nunun Bığır k. – 1.9.2010, Bakı ş.) – həkim, tibb ü.f.d.

1946-56 illərdə Göyçay ş. orta məktəbdə təhsil alıb və məktəbi qızıl medalla bitirib. Həmin ildə Azərb. Dövlət Tibb İnstitutuna Müalicə işi fakültəsinə daxil olub. Həmin institutu fərqlənmə diplomu ilə bitirib və “Ümumi Cərrahiyə” kafedrasında assistent kimi fəaliyyətə başlayıb. İşlədiyi müddətdə “Tibb elmləri namizədi” dərəcəsinə yiyələnib və dosent vəzifəsində çalışıb. V.Rüstəmov 43 il “Semaşko” adına Təcili Tibbi yardım xəstəxanasında işləyib. Çoxsaylı tibbi nəşrlərin və məqalələrin müəllifi olub.

Məlumat ailəsindən alınıb.

Lətifbəyov Rza bəy (? – ?) – pedaqoq, yazıçı.

Şəki ş.-də üsuli-cədid məktəbində, Batumda Anxazi məktəbində, Gəncə Ruhani Seminariyasında (1906-09), Göyçayda müsəlman cəmiyyətinin “İqbal” məktəbində (1910), Hacı Zeynalabdin Tağıyevin fabrik məktəbində (1910-14) və rus-Azərbaycan (rus-müsəlman) məktəbində (1915-20) Azərbaycan dilindən və şəriətdən dərs demişdir.

Rza Zaki XX əsrin əvvəllərində bədii yaradıcılıqla məşğul olmuş, “Zavallı Cavad” (1912), “Fədayi-eşq” (1912), “Koroğlu” (1913) romanlarını, “Sultan Ədbülhəmidin xəli” (1913) pyesini yazıb nəşr etdirmişdir. Azərbaycanın istiqlal yazıçısı Seyid Hüseyn Rza Zakinin nəsr əsərlərinin ideya-bədii cəhətdən zəifliyini, xüsusilə Avropa məişətinin Azərb. adət-ənənəsi kimi təsvir olunmasını, xalq ədəbiyyatı nümunələrinin bəsit əksini kəskin surətdə tənqid etmişdir.

(4.2.1949, Göyçay r-nunun Alpout k – 12.5.2018, Gəncə ş.) – texniki e.d. (1992).

Ziyalı ailəsində anadan olub. 1956 ildə Alpout k. məktəbində 1-ci sinfə gedib. Bir müddət orada oxuduqdan sonra 1967 ildən təhsilini Sumqayıt ş. 4 saylı Fəhlə gənclər orta məktəbində davam etdirib, oranın tam kursunu əla qiymətlərlə bitirib. 1967 ildə AzPİ-yə daxil olmuş, 1972 ildə İstilik və qaz təchizatı utilizasiyası fakültəsini bitirmişdir.

Sonradan Gəncə Dövlət Texnologiya İnstitutunda kafedra müdiri və dekan müavini vəzifəsində işləməyə başlayıb. Bu institutda işlədiyi müddətdə 21 ixtiranın və bir neçə elmi kitabın müəllifi olub. 1987 ildə texniki e.n. adına layiq görülüb. 1992 il avqustun 10-da Moskva ş.-nə gedərək Kosıgin adına İnstitutda doktorluq dissertasiyasını müdafiə edib, həmin ildə e.d. adına layiq görülüb.

Məlumat A.Rzayevin həyat yoldaşından alınıb.

(9.6.1964, Bakı ş.) – İctimai xadim, yazıçı-jurnalist, rəssam, Fövqəladə və Səlahiyyətli Səfir, AYB-nin, AJB-nin, Azərb. Rəssamlar İttifaqının üzvü.

1981 ildə Bakı ş. 7 saylı orta məktəbi bitirərək ADU-nun (indiki BDU) Şərqşünaslıq fakültəsinin ərəb filologiyası şöbəsinə daxil olub, 1987 ildə fərqlənmə diploma ilə məzun olub. 1984-85 illərdə SSRİ Müdafiə Nazirliyinin xətti ilə Liviya Ərəb Xalq Cəmahiriyyəsində ərəb dili tərcüməçisi vəzifəsində işləyib.1987 ilin avqust-dekabr aylarında Azərb. SSR EA-nın Tarix İnstitutunda başlaborant işləyib.

(6.3.1972, Bakı ş.) – yazıçı-publisist

1979-90 illərdə Bakıda Bülbül adına orta ixtisas musiqi məktəbində təhsil alıb. 1990-95 illərdə BDU-nun Şərqşünaslıq fakültəsinin türk bölümündə oxuyub, buranı qırmızı diplomla bitirib. 1996 ildən əmək fəaliyyətinə başlayıb. ANS şirkətlər qrupuna daxil olan ANS-Pressdə redaktor (1996-97), İmair şirkətində reklam üzrə mütəxəssis (1998–2002) işləyib. 2002-04 illərdə ANS-Pressin Prezidenti və “El” jurnalının baş redaktoru vəzifələrində çalışıb. 2006-07 illərdə AR Mədəniyyət və Turzim Nazirliyinin Nəşriyyat, reklam işinin təşkili və informasiya şöbəsində işləyib, 2007 ildən həmin nazirliyin təsis etdiyi “Pəncərə (mədəniyyətə baxış)” jurnalının baş redaktoru vəzifəsində işləməyə başlayıb.

(14.1.1966, Göyçay r-nunun Qaraməryəm k. – 28.1.1994, Ağdərə r-nu) – Birinci Qarabağ müharibəsi şəhidi.

Saabov k. orta məktəbində səkkizinci sinfi bitirdikdən sonra Texniki Peşə Məktəbində traktorçu peşəsinə yiyələnib. İlk hərbi xidmətdən sonra bir müddət əmək fəaliyyəti ilə məşğul olan Saabov 1993 ilin aprelində Milli Orduya çağırılıb. O, əvvəl Bakıya, sonra Tərtərə aparılır. Tərtər, Ağdərə, Murovdağ ətrafında gedən ağır döyüşlərdə fəal iştirak edib. Ağdərə r-nu ərazisində başından aldığı yaradan şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

Əhmədov Sabir Xasay oğlu (12.5.1950, Göyçay r-nunun Bəydövül k. – 7.2.2005, Bakı ş.) – şair, yazıçı-ssenarist, AYB-nin üzvü (1988).

Kənd orta məktəbini bitirib. Əmək fəaliyyətinə doğma kənd məktəbində pioner baş dəstə rəhbəri kimi başlamışdır (1967-69). ADU-nun (indiki BDU) Tarix fakültəsində təhsil alıb (1974). Təyinatla İsmayıllı r-nu Qalıncaq k. orta məktəbində tarix müəllimi işləmişdir (1974-76). Sonra C.Cabbarlı adına “Azərbaycanfilm” kinostudiyasinda ssenarist (1977-79), Göyçay r-nunun orta məktəb müəllimi (1981-84) olmuşdur. H.Ərəblinski adına Sumqayıt Dövlət Dram Teatrında ədəbi hissə müdiri, AYB-də məsləhətçi, həmçinin müxtəlif mətbuat orqanlarında işləyib. Tələbəlik illərindən ədəbi fəaliyyətə başlayıb. Onun ssenarisi əsasında “Papaq” (“Evlənmək istəyirəm”) bədii fılmi çəkilib. Şeirləri və digər yazıları “Azərbaycan”, “Ulduz”, “Qobustan” jurnallarında, “Ədəbiyyat” qəzetində və digər mətbuat orqanlarında çap olunub. “Üz tutduğum adamlar” (1986), “Ağlayan divarlar” (2003) şeirlər kitabının və “Yüz böyük türk” tərcümə kitabının müəllifidir. Bir çox şeirləri rus dilinə tərcümə edilib. Azərb. Teatr Xadimləri İttifaqının və Azərb. Kinematoqrafçılar İttifaqının üzvü olub.

Mənbə: T.Əhmədov. “Azərbaycan yazıçıları (XX–XXI yüzillikdə). Ensiklopedik məlumat kitabı.”, Bakı, “Nurlar”, 2011, s. 799.

(8.9.1971, Göyçay r-nunun Qarabaqqal k. – 23.3.1993, Qubadlı r-nu) – Birinci Qarabağ müharibəsi şəhidi.

İlk hərbi xidmətini RF-nin Krasnoyarsk vilayətində, sonra isə Almaniyada keçib. Burada tank ordusu hissəsində hərbi texnikanın sirlərinə yiyələnib. Hərbi xidməti başa vurandan sonra vətənə qayıdıb. 1992 ildə cəbhəyə yollanıb. Qubadlı r-nunun Yazıdüzü k.-də gedən döyüşlərdə iştirak edib. 1993 ilin martında Seytaz k. uğrunda gedən döyüşdə snayper gülləsindən aldığı ağır yaralardan həyatını itirib. Doğulduğu k.-də dəfn olunub.

Məlumat ailəsindən alınıb.

(12.9.1955, Göyçay ş.) – iqtisadçı alim, iqtisad ü.f.d. (1992), dos.

D.Bünyadzadə adına Azərb. Xalq Təsərrüfatı İnstitutunun Ümumiqtisad fakültəsinin Siyasi iqtisad ixtisasını fərqlənmə diplomu ilə bitirib (1978). 1978-81 illərdə Gəncə Politexnik Texnikumunda, 1981-95 illərdə Azərb. Kənd Təsərrüfatı İnstitutunda siyasi iqtisad müəllimi vəzifəsində işləyib. 1996–2000 illərdə Bakı Dövlət Əmtəəşünaslıq-Kommersiya İnstitutunun “İqtisad elmləri” kafedrasının, 2000-04 illərdə isə ADİU-nun “Ümumiqtisad” kafedrasının müdiri vəzifəsində çalışıb. 2004-05 illərdə Biznes inzibatçılığı fakültəsində dekan müavini, 2005 ildən Maliyyə-2 fakültəsində dekan müavini vəzifəsində çalışıb. Hazırda “Nəzəri və praktiki iqtisadiyyat” kafedrasının dos.-dir. 50-dən çox müxtəlif səpkili elmi əsərin müəllifidir.

(5.7.1958, Göyçay ş.) – tarix ü.f.d., dos.

1980 ildə ADU-nu bitirib. “Şuşa ş.-nin tarixi (XIX–XX əsrin əvvəlləri)” mövzusunda namizədlik dissertasiyası müdafiə edərək tarix üzrə f.d. elmi dərəcəsinə və dos. elmi adına yiyələnib. Həmçinin Azərb. tarixşünaslığının ayrı-ayrı dövrlərinə, o cümlədən XIX əsrin II yarısında Göyçay qəz.-nın demoqrafik durumuna və Göyçay tarixinin mənbəşünaslığına dair (1867–1917) elmi araşdırmalar aparıb. Hazırda AMEA A.A.Bakıxanov adına Tarix İnstitutunda aparıcı elmi işçi vəzifəsində çalışır.

Mənbə: https://science.gov.az/az/forms/doktora-filosofii-instituta-istorii/3027