(1912, Göyçay qəz. Çaxırlı k. – 21.7.1944) – Böyük Vətən müharibəsi iştirakçısı.
Göyçay RHK.-dan оrduya çağırılıb. Sıravi əsgər. Belorus Respublikası Qrodno r-nunun Layski kəndində dəfn olunub.
Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 24-25.
(5.4.1934, Göyçay ş. – 28.4.1993 Göyçay ş.) – fizika ü.f.d.
1952-57 illərdə Lenin adına ADPİ-nin Fizika fakültəsində təhsil alıb. ADPİ-ni bitirdikdən sonra 1957-71 illərdə AMEA-nın Polimer Materialları İnstitutunda çalışıb və laboratoriya müdiri vəzifəsinədək yüksəlib. Həmin dövrdə əmək fəaliyyəti ilə yanaşı, müntəzəm şəkildə elmi işlərlə də məşğul olub.
A.Babayev fizika elmi üzrə dissertasiya müdafiə edərək fizika e.n. dərəcəsi alıb. 1971 ildə ailə vəziyyəti ilə əlaqədar öz xahişi ilə işindən azad olunaraq Göyçay ş.-nə qayıdıb. 1974 ildə Göyçay r-nunun Çaxırlı k. tam orta məktəbinə direktor təyin edilib, 1986 ilədək orada çalışıb. Direktor işlədiyi müddətdə onun səyi nəticəsində Göyçay r-nunun Çaxırlı k.-də böyük məktəb tikilib.
1986-93 illərdə Göyçay r-n Xalq təhsili şöbəsində çalışıb.
Məlumat A.Babayevdən alınıb.
(1925, Göyçay qəz. – 29.10.1943) – Böyük Vətən müharibəsi iştirakçısı.
1941 ildə Göyçay RHK.-dan оrduya çağırılıb. Sıravi əsgər. 113-cü atıcı diviziyası 1292-ci atıcı alayında xidmət edib. Ukrayna Resp. Kirovoqrad vilayətinin Pyatixatki r-nunda dəfn olunub.
Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 110.
(7.9.1956, Göyçay ş.) – polis polkovniki, sərbəst güləş üzrə SSRİ idman ustası.
Orta məktəbi bitirəndən sonra Almaniyada hərbi xidmət keçib. Hərbi xidmətdən sonra bir müddət Göyçay uşaq-gənclər idman məktəbində məşqçi işləyib. 1977 ildə Moskvaya köçüb və burada hüquq-mühafizə orqanlarında işə qəbul olunub. Eyni zamanda idman fəaliyyətini də davam etdirən R.Babayev 1979 ildə Moskva vilayət Pedaqoji İnstitutunun Fiziki tərbiyə fakültəsinə daxil olub. 1983 ildə yeniyetmələrin işi üzrə müfəttiş, 1986 ildə cinayət axtarışı üzrə əməliyyat müvəkkili, bir müddət sonra isə baş əməliyyat müvəkkili təyin olunub.
(24.1.1971, Göyçay r-nunun İnçə k. – 3.7.1992, Ağdərə r-nu ərazisində) – Birinci Qarabağ müharibəsi şəhidi.
İlk hərbi xidmətini Qazaxıstanın Baykonur ş.-də keçirib. 1990 ildə ordudan tərxis olunaraq vətənə qayıdır və az sonra torpaqlarımızın müdafiəsinə çağırılır. 1992 ildə cəbhə bölgəsinə yola düşüb. O, Tərtər, Ağdərə, Levanarx və Marquşavan k.-də gedən döyüşlərdə iştirak edib. 1992 iyulun 3-də Həsənqaya yüksəkliyi ətrafında gedən döyüşdə şəhid olub, ertəsi gün doğma kəndində dəfn edilib.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(1922, Göyçay qəz. Mollahacılı k.-29.4.1943) – Böyük Vətən müharibəsi iştirakçısı.
Qross-Lazaret həbs düşərgəsində həlak olub. Düşərgə №-si 16293.
Mənbə: “Azərbaycan Respublikası Xatirə kitabı”. 20 cilddə, III cild, Bakı, 2003, s. 22.
(16.4.1972, Göyçay r-nunun Qarabaqqal k. – 12.2.1994, Kəlbəcər r-nu ərazisində) – Birinci Qarabağ müharibəsində itkin düşüb.
6.10.1992 ildə Göyçay RHK tərəfindən hərbi xidmətə çağırılmışdır. 1994 ilin fevralında Kəlbəcər r-nunun Yanşaq k. ərazisində itkin düşüb. c
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(4.9.1973, Göyçay ş. – 10.1.1994, Füzuli r-nu ərazisində) – Birinci Qarabağ müharibəsində itkin düşüb.
13.4.1992 ildə Göyçay RHK tərəfindən hərbi xidmətə çağırılıb, 10.1.1994 ilində Füzuli r-nunun Bəhmənli k.-i ərazisində itkin düşmüşdür. 2007 ildə Göyçay r-on Məhkəməsinin qərarı ilə şəhid hesab olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(22.3.1932, Göyçay r-nunun Alpout k. – 2.4.2014, Göyçay r-nunun Alpout k.) –kənd təsərrüfatı işçisi.
İlk təhsilini 1939 ildə Göyçay r-nunun Alpout k. 7-illik məktəbində alıb. 1946 ildə həmin məktəbi bitirib. Məktəbi bitirdikdən sonra kənd kolxozunda əmək fəaliyyətinə başlayıb.
1950-53 illərdə hərbi xidmətdə olub. Hərbi xidmətdən qayıtdıqdan sonra kolxozda əmək fəaliyyətini davam etdirib. Həmin dövrdə kolxozda işləməklə yanaşı, 1966-69 ildə Alpout k. 10-illik məktəbinin nəzdində açılan gecə kursunda 10-illik təhsilini başa vurmuşdur. Moskvada, Kremldə 1969 il 25-27 noyabr tarixlərində keçirilən Üçüncü Ümumittifaq Kolxozçular Qurultayında Göyçay ş. üzrə nümayəndə olub. Əmək fəaliyyəti dövründə göstərdiyi xidmətlərə görə SSRİ Ali Soveti Rəyasət Heyəti adından 31 mart 1970 il tarixli “Vladimir İliç Leninin anadan olmasının 100 illiyi münasibətilə” yubiley medalı, Həmkarlar İttifaqının MK adından “1978 ilin Sosialist Yarışının qalibi” medalı, 19 noyabr 1975 ildə “Doqquzuncu beşilliyin zərbəçisi” döş nişanı ilə təltif edilib. 22 may 1989 ildə İkinci dərəcəli suvarma ustası adına layiq görülüb.
Məlumat ailəsindən alınıb.
(1924–1944) – Böyük Vətən müharibəsi iştirakçısı.
Göyçay RHK.-dan оrduya çağırılıb. Serjant. Macarıstan Resp.-sının Uqra kəndindən c.-da dəfn olunub.
Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 258.
