(15.2.1973, Göyçay r-nunun İnçə k. – 8.9.1993, Ağdam r-nu) – Birinci Qarabağ müharibəsi şəhidi.

Kənd orta məktəbində səkkizillik təhsilini başa vuraraq Qaraməryəm k. 179 saylı Texniki Peşə Məktəbinə daxil olub. Buranı bitirdikdən sonra F.Hacıyev kolxozda əmək fəaliyyətinə başlayıb. 1992 ilin aprelində hərbi xidmətə çağırılan F.Hacıyev Daxili Qoşunların N saylı hərbi hissəsində xidmətə başlayıb. 1992 ilin iyununda döyüş bölgəsinə, Ağdam r-nuna yola düşüb. F.Hacıyevin ilk döyüşü Naxçıvanik (indiki Naxçıvanlı) k. uğrunda olub. Çavuş F.Hacıyev Naxçıvanik, Aranzəmin və Pircamal uğrunda gedən döyüşlərdə şücaət göstərib. Döyüşlərin birində ağır yaralanıb. Sağalandan sonra F.Hacıyev yenə döyüş bölgəsinə qayıdıb.

(18.6.1972, Göyçay r-nunun İnçə k. – 14.4.1994, Kəlbəcər r-nu ərazisində) – Birinci Qarabağ müharibəsində itkin düşüb.

Göyçay RHK tərəfindən hərbi xidmətə çağırılmışdır. 1994 ilin aprelində Kəlbəcər r-nu ərazisində Murovdağ istiqamətində naməlum şəraitdə itkin düşmüşdür.

Göyçay r-n məhkəməsinin 2009 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(10.3.1974, Göyçay r-nunun Mırtı k. – 31.8.1992, Ağdam r-nu) – Birinci Qarabağ müharibəsi şəhidi.

Orta məktəbi bitirdikdən sonra Mingəçevir ş. sürücülük peşəsinə yiyələnib. Daha sonra hərbi xidmətə yola düşüb. O, Ağdamın Xındırıstan k. ərazisində yerləşən batalyonda xidmət keçib. Çox keçmədən Mais Canyataq və Gülyataq k. uğrunda döyüşlərə girib. M.Hacıyev 1992 ilin avqustunda şəhidlik zirvəsinə ucalıb və doğulduğu kənddə torpağa tapşırılıb.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.12.1930, Göyçay r-nunun Üngütlü k. – 24.11.2004, Bakı ş.) – pedaqoq, coğrafiya ü.f.d. (1967), dos. (1979).

B.İ.Lenin adına APİ-nin coğrafiya fakültəsini bitirib (1954). 1954-60 illərdə Naxçıvan MR-in Ordubad ş.-nin orta məktəbində müəllim işləyib. 1960-75 illərdə APİ-nin Coğrafiya fakültəsində müəllim və dekan müavini vəzifəsində çalışıb. 1965-67 illərdə APİ-nin Coğrafiya kafedrasının aspiranturasında oxuyub. 1975–2004 illərdə ADU-da müəllim və dos. vəzifəsində çalışıb. Bir çox elmi məqalələrin müəllifidir.

Məlumat ailəsindən alınıb.

(?,1905, Göyçay ş. – ?,1994, Bakı ş.) – pedaqoq, pedaqogika ü.f.d. (1955), dos.

İnqilabdan əvvəl Göyçaydakı Rüşdiyyə məktəbində təhsil almış, sonra əmək fəaliyyətinə başlamışdır. O, Göyçay qəzasının Çayarxı k.-də məktəb təşkil etmişdir. O zamanlar üçün bu, çox mütərəqqi bir addım idi. M.Hacıyev 1924-27 illərdə APİ-də təhsilini davam etdirmiş, sonra Şəki Pedaqoji Texnikumunda dil-ədəbiyyat müəllimi kimi çalışmışdır. Daha sonra fəaliyyətini Göyçay Pedaqoji Texnikumunda davam etdirən M.Hacıyev 1937 ildə Bakı ş. köçmüşdür. O, müxtəlif ali təhsil ocaqlarında pedaqoji fəaliyyət göstərmişdir. Böyük Vətən müharibəsi illərində cəbhədə siyasi rəhbər kimi çalışmış M.Hacıyev müharibədən sonra fəaliyyətini davam etdirmişdir. O, ölməz Füzulinin tədqiqatçılarından biri olmuş, bu mövzuda dissertasiya müdafiə edərək pedaqoji e.n. alimlik dərəcəsi və dos. elmi adı almışdır. Onun Azərbaycan dili və metodikası üzrə bir çox elmi əsərləri çap olunmuşdur.

Məlumat V.Abdullayevdən alınıb.

(3.3.1965, Göyçay ş.) – güləşçi, Beynəlxalq dərəcəli hakim (2011), müəllim, məşqçi.

Hacıyev 1972-82 illərdə Göyçay ş. 3 saylı beynəlmiləl orta məktəbdə oxumuşdur. 1983-85 illərdə həqiqi hərbi xidmətdə olmuşdur. 1985-89 illərdə APİ-nin Hərbi hazırlıq və bədən tərbiyəsi fakültəsində təhsil almış və fərqlənmə diplomu ilə bitirmişdir. 1989 ildən akademik Z.Bünyadov adına Göyçay ş. 3 saylı beynəlmiləl tam orta məktəbdə fiziki tərbiyə müəllimi işləyir.

(5.10.1954, Göyçay ş.) – hüquq ü.f.d., millət vəkili (2010-2015).

1971 ildə orta məktəbi bitirib. 1971-76 illərdə ADU-nun Hüquq fakültəsində təhsil alıb. 1977 ildən Azərb. Resp. Ədliyyə Nazirliyinin VVAQ İdarəsində məsləhətçi, baş məsləhətçi, Qanunların Sistemləşdirilməsi və Qanun Layihələrinin Hazırlanması İdarəsində baş məsləhətçi, rəis müavini işləmişdir. 1988-91 illərdə respublika prokurorunun köməkçisi, respublika Nazirlər Soveti hüquq şöbəsinin müdiri, Prezident Aparatı Dövlət hüquq şöbəsinin müdiri və Azərb. Resp. Hüquq siyasəti üzrə dövlət müşaviri vəzifələrində çalışıb. On ikinci çağırış Azərbaycan Respublikası Ali Sovetinin, 2010 və 2015 illərdə  müvafiq olaraq IV və V çağırış Azərb. Resp. MM-nə 88 saylı Göyçay seçki dairəsindən millət vəkili seçilib.

(8.10.1950, Ucar r-nunun Lək k.) – iqtisad e.d. (1980), prof. (2004).

1966 ildə orta məktəbi bitirmiş və D.Bünyadzadə adına Azərb. Xalq Təsərrüfatı İnstitutuna daxil olmuşdur. 1970 ildə institutu bitirdikdən sonra təyinatla Azərb. Dövlət Plan Komitəsi yanında Elmi Tədqiqat İqtisadiyyat İnstitutuna iqtisadçı vəzifəsində işləməyə göndərilmişdir. 1971 ildə həmin institutun aspiranturasına qəbul olmuş və 1974 ildə təhsilini başa vurmuşdur. 1974 ilin noyabr ayından 1976 ilin fevral ayınadək Sovet Ordusu sıralarında hərbi xidmətdə olmuşdur. Hərbi xidmətdən qayıtdıqdan sonra 1981 ilə qədər həmin institutda kiçik elmi işçi, baş elmi işçi və bölmə müdiri vəzifələrində çalışmışdır.

(4.2.1991, Göyçay r-nunun Çayarxı k. – 25.10.2020, Füzuli r-nu) – Vətən müharibəsi şəhidi.

1997–2006 illərdə Çayarxı k. ümumi orta məktəbində 9 illik təhsil aldıqdan sonra rayondakı 106 saylı Peşə Məktəbinə daxil olub.

Əsgərliyini 2009-10 illərdə N saylı hərbi hissənin tank taborunda keçirmişdir. Evə gələrkən nümunəvi xidmətinə görə komandanlığın ona yazdığı Fəxri fərmanları, tərifnamələri də özü ilə gətirmişdi. Əsgəri xidmətdən qayıtdıqdan sonra isə Aznar zavodunda traktorçu işləyib.

(9.5.1920, Göyçay qəz. Bığır k. – 9.4.2002, Göyçay ş.) – müəllim, Böyük Vətən müharibəsi iştirakçısı, Fransa Müqavimət Hərəkatının üzvü, partizan dəstəsinin komandiri.

Hacıyev Bığır k. məktəbini bitirdikdən sonra 1937 ildə Göyçay Pedaqoji Texnikumuna daxil olmuş, 1939 ildə bitirmişdir. Bir neçə ay müəllim işlədikdən sonra 1939 ildə hərbi xidmətə çağırılmışdır. 1939-41 illərdə Tbilisi hərbi məktəbində oxumuş, leytenant rütbəsi almışdır. Böyük Vətən müharibəsi başlandıqda Sovet Ordusunun bir qrup hərbçisi ilə İrana göndərilmiş dir. Hacıyev 1942 ilin yazına kimi İranda xidmət etmişdir. Krım yarımadasında hərbi vəziyyət kəskin şəkildə pisləşdiyi üçün mobil dəstə ilə Simferopol şəhərinə göndərilmişdir. Göstərdiyi şücaətə görə komandanlıq tərəfindən ordenlə təltif olunmaq üçün təqdim edilmişdir.