(3.4.1967, Göyçay r-nunun Alpout k. – 26.1.1994, Xocavənd r-nu) – Birinci Qarabağ müharibəsi şəhidi.

Orta məktəbi bitirəndən sonra Sumqayıtda Texniki Peşə Məktəbində oxuyub, sonra isə 3 saylı Evtikmə kombinatında əmək fəaliyyətinə başlayıb. İlk hərbi xidmətini Xabarovskda keçib. Sonra vətənə qayıdaraq əmək fəaliyyətini davam etdirib. 1993 ildə Milli Orduya çağırılıb. Muğanlı, Kuropatkino k. uğrunda gedən ağır döyüşlərdə iştirak edib. 1994 ilin yanvarında Kuropatkino k.-də mühasirəyə düşərək şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(3.4.1973, Göyçay r-nunun Bəydövül k. – 23.9.1993, Ağdərə r-nu ərazisində) – Birinci Qarabağ müharibəsi şəhidi.

Uşaq yaşlarında ailəsilə birgə Sumqayıt ş. köçüb. Burada orta məktəbi bitirəndən sonra 1988-91 illərdə Sumqayıt ş. 7 saylı Texniki Peşə Məktəbində qaynaqçı peşəsinə yiyələnib və bir müddət “Qafqazelektromontaj” idarəsində öz peşəsi üzrə əmək fəaliyyəti ilə məşğul olub. 1992 ilin aprel ayında hərbi xidmətə çağırılan R.Kərimov Daxili Qoşunların Gəncə ş.-də yerləşən “N” saylı hərbi hissəsinin sıravi hərbi qulluqçusu kimi xidmətə başlayıb. Bir qədər sonra isə Ağdam və Ağdərə r-nunun bir sıra yaşayış məntəqələri uğrunda gedən döyüşlərdə fəal iştirak edib. R.Kərimov 1993 ilin sentyabrında xidməti döyüş tapşırığını yerinə yetirərkən şəhidlik zirvəsinə yüksəlib. Sumqayıt ş. Şəhidlər xiyabanında dəfn olunub.

Məlumat V.Abdullayevdən alınıb.

(13.10.1971, Göyçay ş. – 17.4.1994, Tərtər r-nu) – Birinci Qarabağ müharibəsi şəhidi.

Orta məktəbi bitirəndən sonra 1989 ildə AzPİ-nin (indiki Texniki Universitet) Mexanika fakültəsinə daxil olub. Elə həmin il də hərbi xidmətə yola düşüb. RF-nin Orenburq ş.-də hərbi xidmət keçib. 1992 ilin avqustunda, I Qarabağ müharibəsinin ən qızğın vaxtlarında S.Kərimov cəbhə bölgəsinə yollanıb. Əvvəlcə kəşfiyyat bölməsində xidmətə başlayıb. Çıldıran, Dovşanlı, Vəngli və s. kəndlər uğrunda gedən döyüşlərdə yaxından iştirak edib, Umudlu, Aterk k.-lərinin və Sərsəng su hövzəsinin alınmasında böyük rəşadət göstərib.

(21.5.1955, Göyçay r-nu) – rəssam, fəxri mədəniyyət işçisi (2018).

1973 ildə Göyçay ş. 7 saylı orta məktəbi bitirib. 1974 ildə Ə.Əzimzadə adına Azərb. Dövlət Rəssamlıq Məktəbinin Bədii tərtibat fakültəsinə daxil olub. 1975-77 illər ərzində hərbi xidmətdə olub. Hərbi xidməti bitirdikdən sonra təhsilini davam etdirib. 1981 ildə təhsilini bitirdikdən sonra Göyçay r-n Mədəniyyət şöbəsinin nəzdində olan rəssamlıq emalatxanasında baş rəssam kimi fəaliyyət göstərib. R-nun bütün tərtibat işləri həmin emalatxanada icra olunub. 2001 ildən Azərb. Reklamçılar İttifaqının üzvüdür. 2004 ildə Azərb. Dövlət Akademik Milli Dram Teatrının dekor sexində dekorçu rəssam kimi fəaliyyətə başlayıb. 2011 ildən dekor sexinin rəisi vəzifəsində çalışır. 2018 ildə Fəxri mədəniyyət işçisi adına layiq görülüb.

Məlumat T.Kərimovdan alınıb.

(3.8.1981, Göyçay ş.) – filoloq alim, filologiya ü.f.d. (2013), dos. (2019).

1998 ildə Göyçay ş. M.Füzuli adına 6 saylı orta məktəbi bitirdikdən sonra N.Tusi adına ADPU-nun Filologiya fakültəsinə daxil olub, 2002 ildə bakalavriat səviyyəsini, 2004 ildə magistraturanı fərqlənmə diplomu ilə bitirib. Həmin ildən ADPU-nun Azərb. dilçiliyi kafedrasında müəllim kimi fəaliyyətə başlayıb, 2009 ildə baş müəllim, 2019 ildə isə Azərb. dilçiliyi kafedrasının dos.-i elmi vəzifəsinə seçilib. 2007 ildə AMEA-nın Nəsimi adına Dilçilik İnstitutunun dissertanturasına daxil olub, 2013 ildə “Göyçay rayonu toponimlərinin linqvistik təhlili” mövzusunda dissertasiya işini müdafiə edərək filologiya üzrə f.d. elmi adını alıb. Hazırda AMEA-nın Nəsimi adına Dilçilik İnstitutunun elmlər doktoru proqramı üzrə “Azərbaycan toponimlərində arxaik apelyativlik” mövzusunda dissertasiyası üzərində çalışır.

(26.9.1959, Göyçay ş.) – folklorşünas alim, filologiya ü.f.d.

BDU-nun Filologiya fakültəsini bitirib (1982). 1986-2002 illərdə Göyçay ş. 7 saylı məktəbdə müəllim, 2002 ildən AMEA-nın Folklor İnstitutunda elmi işçi, eyni zamanda beynəlxalq (COPERNİCUS) indeksli “Dədə Qorqud” elmi-ədəbi toplusunda ədəbi işçi kimi çalışıb. Hazırda aparıcı elmi işçidir. Kərimova 2008-12 illərdə Azərb. Turizm və Menecment Universitetində müəllim kimi fəaliyyət göstərib. O, Azərb. folklorşünaslığının müxtəlif sahələrinə aid çoxsaylı elmi araşdırmaların müəllifidir. Bunlar alimin beynəlxalq elmi konfranslarda etdiyi çıxışlarda, beynəlxalq elmi jurnallarda nəşr olunan məqalələrdə və “Folklor mətnlərinin tərtibi məsələləri” monoqrafiyasında öz əksini tapıb. Kərimova 2020 ildə Koreya Ədəbi Tərcümə İnstitutunun təklifi ilə Koreya ədəbiyyatının başqa dillərə ən yaxşı tərcüməsinə görə “Qran Pri” mükafatı uğrunda müsabiqədə Azərb. üzrə ekspert olmuşdur.

Məlumat V.Abdullayevdən alınıb.

İnqilabdan əvvəlki Rusiyada aşağı kilsə təşkilatı tabeliyində ibtidai məktəb. XI əsrdə yaranmışdır. Rusiyada 1885 ildə 5517, 1905 ildə 42696 Kilsə-məhəllə məktəbi olmuşdur. İnqilabdan əvvəl Bakıda, Yelizavetpolda (indiki Gəncə), Şamaxı, Quba, Lənkəran və Göyçay qəz.-da da Kilsə-məhəllə məktəbi olmuşdur. Təkcə 1902 ildə Yelizavetpol qub.-nda 9 Kilsə-məhəllə məktəbi (252 şagird, o cümlədən 75 qız) fəaliyyət göstərmişdir. Böyük Oktyabr sosialist inqilabından sonra ləğv edilmişdir.

Mənbə: ASE. 10 cilddə, V cild, Bakı, 1981, s. 370.

(29.11.1965, Göyçay r-nu – 3.10.1991, Ağdam ş.) – Azərb. Resp.-nın Milli Qəhrəmanı (1992).

1972 ildə ailəsi ilə birgə Rusiyanın Krasnodar vilayətinə köçmüş, 5 ildən sonra Bakıya qayıtmışdır.

1981 ildə Bakı ş.-nin Nizami r-nundakı 229 saylı tam orta məktəbə daxil olmuşdur. 1982 ilə kimi “Azərittifaq”ın reklam istehsalat kombinatında çalışmışdır. 1983-85 illərdə Sovet Ordusu sıralarında xidmət etmişdir. 1987 ildə Qırmızı Bayraqlı Dəniz Donanmasının 109 saylı miçmanlar və praporşiklər məktəbinə daxil olmuşdur. 1990 ildə DİN xüsusi təyinatlı polis bölməsinə qəbul olunmuş, bir çox döyüş bölgələrində iştirak etmiş və qəhrəmanlığı ilə fərqlənmişdir.

(10.10.1972, Göyçay ş. – 18.1.1993, Ağdərə r-nu) – Birinci Qarabağ müharibəsi zamanı itkin düşüb.

1989 ildə Göyçay r-n 3 saylı orta məktəbi bitirdikdən sonra Göyçay peşə məktəbinin sürücülük ixtisasına daxil olub. 1991 ilin yanvar ayında hərbi qulluğa çağırılıb. 1992 ilin dekabr ayınadək Nasosnıda yerləşən aviasiya hərbi hissəsində hərbi qulluqda olub. 1993 ilin yanvar ayında Şəmkir ş.-də yerləşən hərbi hissəyə göndərilib. 25 yanvar 1993 ildə Ağdərə r-nu Vəng k. ətrafında gedən döyüşlər zamanı itkin düşüb. Göyçay r-n məhkəməsinin 2009 il tarixli qətnaməsinə əsasən ona şəhid statusu verilib.

Tarixi Azərb. ərazisinin şm.-da geniş yayılmış qəbir tiplərindən olub, Mil-Qarabağ, Şirvan düzlərində və dağətəyi bölgələrdə, Kür çayı sahillərində qeydə alınmışdır. Küplərdə dəfnetmə adəti e.ə. I minilliyin ikinci yarısında başlanmış, eramızın 8 əsrinə qədər davam etmişdir.