(10.12.1949, Göyçay ş.) – kimyaçı alim, kimya ü.f.d. (1986), dos. (2000).

V.İ.Lenin adına APİ-nin (indiki ADPU) Kimya fakültəsini fərqlənmə diplomu ilə bitirib (1970). 1970-72 illərdə Göyçay ş. 2 saylı məktəbdə kimya müəllimi işləyib. 1973-91 illərdə AMEA-nın Y.H.Məmmədəliyev adına Neft-Kimya Prosesləri İnstitutunda mühəndis, kiçik elmi işçi, sonra isə elmi işçi, 1991-93 illərdə Azərbaycan Texnologiya İnstitutunun Bakı filialında laboratoriya müdiri, 1993-2000 illərdə Bakı Əmtəəşünaslıq-Kommersiya İnstitutunda laboratoriya müdiri, assistent və dosent vəzifəsində çalışıb. Hazırda ADİU-nun Fizika və kimya kafedrasında çalışır.

Mənbə: https://unec.edu.az

(1914, Göyçay qəz. Mırtı k. – ?) – pedaqoq, Böyük Vətən müharibəsi iştirakçısı.

Şəki Pedaqoji Texnikumunu bitirdikdən sonra təhsilini ikiillik Müəllimlər İnstitutunda davam etdirmişdir. Əmək fəaliyyətinə 1933 ildə Şəkər k. natamam orta məktəbində başlamış, 1938-40 illərdə həmin məktəbin direktoru vəzifəsində çalışmışdır. 1940 ilin yanvarında Göyçay r-n Xalq Maarif şöbəsinə müfəttiş, həmin ilin dekabrında isə şöbənin müdiri vəzifəsinə irəli çəkilmişdir. Həsrətov Böyük Vətən müharibəsinin ilk aylarından cəbhəyə yola düşmüş, 1941 ilin sentyabrından 1945 ilin iyununa qədər ordu sıralarında komandir kimi xidmət etmişdir. Müharibədən baş leytenant rütbəsində tərxis olunduqdan sonra Göyçaya qayıtmışdır.

(1.7.1959, Göyçay ş.) – jurnalist-tədqiqatçı, sənətşünaslıq ü.f.d. (2007), AYB-nin (1995), AJB-nin üzvü (1987) və Azərb. Resp. Kinematoqrafçılar İttifaqının üzvü (2013), Əməkdar mədəniyyət işçisi (2016).

ADU-nun Jurnalistika fakültəsini fərqlənmə diplomu ilə bitirib (1985). Mülki və hərbi jurnalistika sahəsində fəaliyyət göstərib (1993–2007). “Bakı”, “Yeni fikir”, “Müstəqil qəzet”, “Ülfət” qəzetlərində, Dövlət Teleradio Verilişləri Şirkətində işləyib. “Azərbaycan ordusu” (1993-95) qəzetinin və “Hərbi Nəşriyyat”ın baş redaktoru (1995–2003) vəzifəsində çalışıb.

(4.4.1948, Göyçay ş.) – fizika-riyaziyyat e.d., prof.

BDU-nu bitirib. Əmək fəaliyyətinə 1970 ildə AMEA Kibernetika İnstitutunda kiçik elmi işçi kimi başlayan F.Hüseynov sonralar bu institutda və Moskva Dövlət Universitetində böyük elmi işçi kimi, habelə Bakı Dövlət Universitetinin Tətbiqi riyaziyyat və Orta Şərq Universitetinin Riyaziyyat fakültəsində, 1994–2013 illərdə Bilkent Universitetinin İqtisadiyyat fakültəsində çalışıb. 2013 ildən ADA-da işləyir.

Məlumat V.Abdullayevdən alınıb.

(21.6.1926, Göyçay r-nunun Qarabaqqal k. – 25.7.1995, Bakı ş.) – texnika e.d. (1961), prof. (1964).

1932-39 illərdə k. məktəbində təhsil alıb. 1939 ildə Göyçay Pedaqoji Texnikumuna daxil olub və oranı bitirdikdən sonra müharibə dövründə müəllimlik fəaliyyətinə başlayıb. 1945 ildə Azərb. Dövlət Universitetinin (indiki BDU) Fizika-riyaziyyat fakültəsinə qəbul olub və oranı 1950 ildə “riyaziyyat” ixtisası üzrə fərqlənmə ilə bitirib. 1950-53 illərdə akad. İ.M.Qubkin adına Moskva Neft-Kimya və Qaz Sənayesi İnstitutunun aspiranturasında təhsil alıb. 1954 ildə alim B.N.Şelkaçevin rəhbərliyi altında “Qazlı mayelərin məsaməli mühitdə hərəkəti məsələlərin hidrodinamik tədqiqatları” mövzusunda namizədlik dissertasiya işini müdafiə edib. H.Hüseynov həmin ildə AzNQSDETLİ-də böyük elmi işçi kimi fəaliyyətə başlayıb. Onun təşəbbüsü ilə 50 illərin ortalarında resp.-da ilk dəfə bu institutda yeraltı hidrodinamika laboratoriyası yaradılıb.

(12.6.1940, Göyçay ş. – 21.2.2019, Bakı ş.) – riyaziyyatçı, riyaziyyat e.d. (1999), prof. (2009), AMEA-nın müxbir üzvü (2007).

ADU-nun Mexanika-riyaziyyat fakültəsini bitirib (1964). M.Lomonosov adına MDU-nun aspirantı (1964-67) və həmin universitetin doktorantı (1991-94) olub. Hüseynov H.Zərdabi adına Gəncə Pedaqoji İnstitutunda müəllim, baş müəllim, dekan müavini vəzifələrində çalışıb (1972-79), Ç.İldırım adına Politexnik İnstitutunun Gəncə filialında müəllim, dos., “Ali riyaziyyat” kafedrasının müdiri vəzifələrində işləyib (1979-90). Alim AMEA Riyaziyyat və Mexanika İnstitutunun böyük elmi işçi, aparıcı elmi işçi, baş elmi işçi, “Funksional analiz” şöbəsinin müdiri işləyib (1990-2002). Hüseynov M.Lomonosov adına MDU-nun funksional analiz məktəbinin yetirməsidir. Onun elmi rəhbəri prof. Q.Şilov olub.

(1.1.1967, Göyçay r-nunun Qarabaqqal k.) – iqtisadçı alim, iqtisad ü.f.d. (2008), dos. (2011).

SDU-nun Kimya istehsalının maşın və aparatları fakültəsini “Mühəndis-mexanik” ixtisası üzrə bitirib (1992). M.Hüseynova 1992–2005 illərdə SDU-nun Standartlaşdırma və sertifikatlaşdırma kafedrasında assistent, 2005 ildən isə SDU-nun “Tədris Metodiki” şöbəsində istehsalat təcrübə rəhbəri vəzifəsində çalışıb. 2008 ildə Az.ETKTİ və Texnlologiya İnstitutunda “Yeni iqtisadi sistemdə aqroemal bazarının inkişafı və idarə edilməsinin təkmilləşdirilməsi” mövzusunda namizədlik dissertasiyasını müdafiə edib. 2009 ilin sentyabr ayının 10-dan hal-hazıra kimi SDU Biznesin təşkili və idarə edilməsi kafedrasında baş müəllim vəzifəsində çalışır. M.Hüseynovanın tədqiqatları əsasən aqroemal sahələrinin inkişafı, ərzaq məhsullarının ekoloji təhlükəsizliyi, aqroemal sahələrinin idarə olunması və inteqrasiyası məsələlərinə həsr olunub. 2,9 çap vərəqi həcmində 7 elmi məqalənin müəllifidir.

Məlumat V.Abdullayevdən alınıb.

(1948, Göyçay r-nunun Potu k.) – deputat.

Əmək fəaliyyətinə 1963 ildə Kalinin adına təsərrüfatda başlamışdır. Azərb. Dövlət Kənd Təsərrüfatı İnstitutunu bitirmib. (1981). Azərb. SSR Ali Sovetinin (9-10 çağırış) deputatı, Ali Sovetin Mənzil-kommunal Təsərrüfatı və məişət xidməti komissiyasının üzvü, Azərb. KP MK.-nın üzvü olub.

Mənbə: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 183.

(1.1.1975, Göyçay ş.) – iqtisadçı alim, iqtisad ü.f.d. (2009), dos. (2017).

1991 ildə Azərb. Texnologiya İnstitutuna daxil olub, 1996 ildə Bakı Dövlət Əmtəəşünaslıq Kommersiya İnstitutunun “Qeyri-ərzaq malları əmtəəşünaslığı” ixtisasını fərqlənmə diplomu ilə bitirib. 1996–2001 illərdə bitirdiyi institutda laborant, baş laborant, müəllim və baş müəllim vəzifələrində işləyib. 2002-13 illərdə UNEC-in İqtisadi nəzəriyyə kafedrasında baş müəllim, 2013-15 illərdə həmin kafedrada, 2015-17 illərdə UNEC-in Nəzəri və praktik iqtisadiyyat kafedrasında işləyib, 2017 ildən bu günə qədər isə UNEC-in Rus İqtisad Məktəbinin İqtisadiyyat kafedrasının dosenti və həmin kafedrada “İqtisadiyyat” ixtisasının rəhbəri vəzifəsində çalışır. 41 çap vərəqi həcmində 26 elmi əsərin müəllifidir. Ş.Hüseynova 2008 ildə “Müxtəlif təsərrüfat formaları şəraitində ixtisaslı kadr hazırlığı və hazırlıq sistemlərinin təkmilləşdirilməsi” mövzusunda dissertasiya işi müdafiə edib.

Əsgərov İbrahim Məhəmməd oğlu, (12.11.1936, Göyçay r-nunun Alıkənd k. – 24.2.2007) – şair və jurnalist, AYB-nin üzvü (1980), Əməkdar mədəniyyət işçisi (2006).

1953 ildə Göyçay ş.-də orta məktəbi bitirdikdən sonra ADU-nun (indiki BDU) Filologiya fakültəsində təhsil alıb (1953-58). Əmək fəaliyyətinə qəzetdə müxbir kimi başlayıb. Sonra Azərb. Dövlət Nəşriyyatında redaktor, “Mədəni ticarət” (“Za kulturnuyu torqovlyu”) qəzetində baş redaktor, Azərb. Televiziya və Radio Verilişləri Şirkətində redaktor, şöbə müdiri, baş redaktor kimi vəzifələrdə çalışıb. 1983–2007 illərdə baş redaktor müavini vəzifəsində fəaliyyət göstərib. Azərb. Dövlət Radiosunda 40 ilə yaxın müddətdə fəaliyyət göstərmiş İ.Göyçaylının milli radionun formalaşmasında xüsusi xidmətləri olub.