(19.3.1949, Kürdəmir ş.) – tanınmış riyaziyyatçı alim, riyaziyyat e.d., prof.(2000).

1966 ildə Göyçay ş. 1 saylı onbirillik məktəbi bitirib. 1966-71 illərdə BDU-da təhsil alıb və həmin universitetin magistraturasını bitirib. 1971-72 illərdə Azərb. EA-nın Riyaziyyat və Mexanika İnstitutunda işləyib. 1972 ilin noyabr ayında Moskva Dövlət Energetika İnstitutunun (MEİ) aspiranturasına daxil olub.

(6.1.1958, Göyçay r-nu) – dövlət məmuru.

1975 ildə Göyçay ş. 3 saylı orta məktəbi fərqlənmə attestatı ilə bitirib. 1980 ildə Azərb. Pedaqoji İnstitutunun Tarix fakültəsinə qəbul olunub. 1985 ildə universiteti qırmızı diplomla bitirib. 1988-92 illərdə Moskva Ümumittifaq Hüquq Akademiyasında təhsil alıb. Nərimanov r-n Komsomol Komitəsində, Nəsimi r-n İcra Hakimiyyətində müxtəlif vəzifələrdə işləyib. 1993–2003 illərdə Ədliyyə Nazirliyində dövlət notariusu kimi fəaliyyət göstərib. 2003 ildən etibarən Ədliyyə Nazirliyinin Qeydiyyat və Notariat Baş idarəsinin rəisinin müavini və Notariat idarəsinin rəisi vəzifəsində çalışır. Çalışdığı dövr ərzində Nazirlik tərəfindən müxtəlif mükafatlarla təltif olunub. 2018 ildə Ədliyyə Nazirliyinin 100 ilik yubileyi ilə bağlı medalla təltif olunub. 20 noyabr 2012 ildə Azərb. Resp.-nın Prezidenti İlham Əliyev tərəfindən “Dövlət qulluğunda fərqlənməyə görə” medalı ilə təltif olunub.

Məlumat M.Soltanovdan alınıb.

(11.11.1952, Göyçay ş.) – həkim-stomatoloq, tibb elmləri ü.f.d. (2002), dos. (2020), SSRİ tibb əlaçısı (1989), Ali dərəcəli həkim (1996).

1970 ildə Göyçay r-nu 1 saylı tam orta məktəbi, 1975 ildə ATU-nu bitirib. 1980-91 illərdə Yüngül Sənaye Nazirliyinin sanatoriya profilaktoriyasında həkim-stomatoloq və baş həkimin müavini işləyib. 1984 ildə Ə.Əliyev adına Həkimlərin Təkmilləşdirilməsi İnstitutunun terapevtik stomatologiya kafedrasında elmi araşdırmalarla bərabər, assistent kimi çalışıb. 1992 ildən 1996 ilin avqust ayına qədər könüllü olaraq AR MN-in “231” saylı H/H-də aparıcı həkim (Birinci Qarabağ müharibəsi dövründə könüllü hərbi xidmətetmə), 1996–2015 illərdə Resp. Uşaq Stomatoloji Mərkəzinin baş həkimi vəzifəsində çalışıb. 2015-22 illərdə 1 saylı Uşaq Stomatoloji Poliklinikasında baş həkim olub. 2015 ildən ADPU-nun Fiziologiya kafedrasıda pedaqoji fəaliyyətlə məşğuldur. 18 elmi məqalənin, 7 tezisin, 7 dərsliklər və tədris vəsaitin müəllifidir. 2022 ildə “Tərəqqi” medalı ilə təltif olunub.

Məlumat R.Soltanovdan alınıb.

İttifaq Sovetinə hər 300 min əhaliyə bir millət vəkili seçilirdi, Millətlər Sovetinə isə hər İttifaq Resp.-dan 32 millət vəkili, hər MR-dən 11 millət vəkili, hər muxtar vilayətdən beş millət vəkili və hər milli bölgədən bir deputat seçilirdi.

Deputatlar 4 il müddətinə gizli səsvermə ilə və birbaşa seçkilərlə seçilirdilər. SSRİ Ali Sovetinin deputatı hər bir vətəndaş (23 yaşa çatmış) seçilə bilirdi. İttifaq və Millətlər Soveti deputatları bərabər sayda idi.

Əhmədli Südabə Əsgər qızı (10.4.1962, Göyçay ş.) – yazıçı-jurnalist-publisist, Prezident mükafatçısı (2009), AYB-nin (2004) və AJB-nin (1999) üzvü.

1982 ildə ADPU-nun Filologiya fakültəsini bitirib. Bir müddət Göyçay ş. 7 saylı tam orta məktəbdə Azərbaycan dili və ədəbiyyatı müəllimi işləyib. Eyni zamanda r-da çıxan “Yeni həyat” qəzetinin əməkdaşı və r-n Gənc Müəllimlər Şurasının sədri olub. 1996 ildən Bakıda “Hürriyyət”, “525-ci qəzet”, “Respublika”, “Ekspress” qəzetlərində köşə yazarı kimi fəaliyyət göstərib. Yüzlərlə publisistik məqalələri, dəyərli şəxsiyyətlərdən götürdüyü müsahibələri, mənəviyyatla bağlı yazıları oxucular tərəfindən yüksək bəyənilib. 2003-05 ilə qədər Azərb. Dövlət Radiosunda “Qərib axşamlar” proqramında ssenarist-redaktor kimi həm Azərb.-da, həm də dünyanın müxtəlif yerlərində yaşayan soydaşlarımızın həyatı haqqında verilişlər hazırlayıb. 2005-10 illərdə İctimai Televiziyanın Ədəbi Verilişlər redaksiyasında ssenarist-redaktor kimi ədəbi verilişlər hazırlayıb.

(27.1.1980, Göyçay ş.) – AR SQ-nin NATO-nun Strateji Komandanlığında milli hərbi nümayəndəsi, polkovnik.-leytenant.

Orta məktəbi başa vurduqdan sonra Türkiyə Quru Qoşunları Hərbi Liseyini və Ali Hərbi Məktəbini (1995–2003) bitirib. Bundan sonra Motoatıcı Məktəbi (Türkiyə, 2003-04), bir sıra kursları, o cümlədən “Gənc zabitlər üçün qərargah kursu”nu (Litva, 2006), “Komanda qərargah kursu”nu (Estoniya, 2008), “Taborun qərargah rəisi kursu”nu (Azərb., 2010), “Tabor komandiri kursu”nu (Azərb., 2011) bitirmiş, ABŞ Hərbi Akademiyasında (2014) kurs keçmişdir. Nəhayət, 2014 ildə ABŞ-ın Mərkəzi Miçiqan Universitetində “İnzibati idarəetmə” ixtisası üzrə magistr dərəcəsi alıb. Şükürov Azərb. Ordusunda motoatıcı taqım komandiri (2004-06), motoatıcı bölük komandiri (2006-08), motoatıcı briqadanın əməliyyat bölmə rəisinin baş köməkçisi (2008-10), taborun qərargah rəisi (2010-12), tabor komandirinin müavini (2012-14), Müdafiə Nazirliyi Beynəlxalq Hərbi Əməkdaşlıq İdarəsinin Standartlaşdırma, Təlim və Treninq bölməsinin baş zabiti (2015-16), həmin bölmənin rəisi (2016) vəzifəsində çalışıb.

(11.1910, Göyçay qəz. Qarabaqqal k. – 23.9.1978, Göyçay ş.) – Əməkdar həkim (1957).

1927 ildə Gəncə Pedaqoji İnstitutunun Riyaziyyat fakültəsini bitirib. 1931-38 illərdə təyinatla Qəbələ r-nunun Vəndam k. məktəbində riyaziyyat müəllimi işləyib. Lakin tibb sahəsinə böyük marağı Süleymanovu bu sahədə təhsilini davam etdirməyə həvəsləndirib və o, 1938-42 illərdə ADU-nun (indiki BDU) nəzdində Tibb fakültəsində təhsil alıb. Təyinatla Ucar r-nunun Qazıqumlaq k.-nə göndərilib. Onun fəaliyyətə başlaması ovaxtkı SSRİ-nin ən ağır müharibə dövrünə təsadüf edirdi. Bu dövrdə vərəm və malyariya xəstəlikləri baş alıb getməkdə idi. Kənd cavanları müharibədə olduğundan Süleymanov kənd əhalisinə keyfiyyətli tibbi yardım göstərmək üçün özünün şəxsi səyi və yaşlıların köməyi ilə k. xəstəxanasını inşa etdirib. Çox keçmədən onu yüksək təşkilatçılıq və tibbi təcrübəsini nəzərə alaraq Göyçay r-nuna həkim-fiziatr kimi dəvət edirlər. Süleymanov eyni zamanda Göyçay Hərbi Komissarlığında həkim-ekspert kimi çalışmış və həmin vaxtlarda malyariyaya qarşı başlanan “Göyçay hərəkatı”nın fəal iştirakçısı olmuşdur.

(1907, Göyçay ş. – 25.5.1985, Moskva ş.) – konstruktor

Məşhur memar Zivər bəy Əhmədbəyovun bacısı oğludur. 1930 ildə Moskva ş.-də Texniki Universiteti bitirib həyatını ömürlük bu şəhərlə bağlayıb. O burada özünü təcrübəli və savadlı konstruktor kimi göstərib, 1940 illərin əvvəllərində o dövrün ən yaxşı avtomobili olan “Pobeda”nın mühərrikini təkmilləşdirib, buna görə ali dövlət mükafatı olan “Stalin” mükafatına layiq görülüb. Ona Kremlə yaxın məsafədə yerləşən Qorki küçəsində mənzil bağışlayıblar. A.Süleymanov Moskva ş.-də dəfn olunub.

Məlumat ailəsindən alınıb.

(14.12.1914 – 20.6.1972, Göyçay ş.) – pedaqoq.

ADU-nun (indiki BDU) Tarix fakültəsini fərqlənmə diplomu ilə bitirib. Böyük Vətən müharibəsinin iştirakçısı olub. Müharibədən sonra Göyçay Pedaqoji Texnikumunun direktoru, texnikum Şamaxı ş. köçürüləndən sonra isə ömrünün sonuna kimi Göyçay ş. 2 saylı orta məktəbin direktoru vəzifəsində çalışıb. Süleymanov Pedaqoji Texnikumda işləyərkən məşhur şairlərimiz Ə.Kərimin, İ.Coşqunun, Xalq şairi M.Yaqubun və görkəmli ziyalı, AVCİYA-nın prezidenti E.Süleymanovun müəllimi olub. Ə.Kərim “Həyat eşqi” şeirini müəllimi Süleymanova həsr edib.

Məlumat ailəsindən alınıb.

(21.6.1940, Göyçay r-nunun Hacalı k.-) – ictimai-siyasi xadim, millət vəkili (2010-20), Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti.

1953 ildə Hacalı kənd 7 illik məktəbini bitirib, 1953-58 illərdə Göyçay Pedaqoji texnikumunda təhsil alıb. Pedaqoji texnikumu bitirdikdən sonra 1958-61 illərdə Göyçay r-n Çaxırlı kənd məktəbində müəllim
işləyib. 1961-66 illərdə Azərb. Dövlət Teatr İnstitutunun mədəni-maarif fakültəsində təhsilini davam etdirmiş, eyni zamanda, Bakının 7 və 25 saylı orta məktəblərində pedaqoji fəaliyyətlə məşğul olmuşdur.