(25.2.1957, Göyçay r-nunun Ləkçıplaq k.) – gəmiçilik sahəsində mütəxəssis.

Bakı Dəniz Yolları məktəbini gəmi sürücülüyü ixtisası üzrə bitirib (1977) və Xəzər Dəniz Gəmiçiliyinin üzücü heyətində matros kimi əmək fəaliyyətinə başlayıb. 1979-85 illərdə Odessa Ali Dəniz Mühəndisləri İnstitutunda eyni ixtusas üzrə qiyabi təhsil alıb. 1978-86 illərdə kapitanın 3-cü və 2-ci köməkçisi vəzifələrində çalışıb. 1986 ilin aprelində Gəmiçilik Aparatının Kommersiya şöbəsində mühəndis vəzifəsinə keçirilib. 1990 ildən Gəmiçilikdə Xarici iqtisadi əlaqələr və kommersiya işləri xidmətində xidmət rəisinin müavini, 1992 ildən isə xidmət rəisi vəzifələrində çalışıb.

(26.11.1954, Göyçay r-nunun Qarabaqqal k.) – hüquq elmləri ü.f.d. (2003), ədliyyə müşaviri.

1961 ildə Göyçay r-nunun Qarabaqqal k. orta məktəbinə daxil olub, 1972 ildə Bakı ş.-dəki 190 saylı orta məktəbi bitirib. 1980 ildə Azərb İnşaat-Mühəndisləri İnstitutunu bitirərək inşaatçı-mühəndis ixtisasına, 1998 ildə isə Azərb. Beynəlxalq Universitetini bitirərək hüquqşünas ixtisasına yiyələnib. 2003 ildə BDU-da “Məhkəmə tikinti-texniki ekspertizasının hüquqi və elmi-metodik əsasları” mövzusu üzrə dissertasiya müdafiə edərək hüquq elmləri ü.f.d. alimlik dərəcəsi alıb.

(1953, Bakı ş.) – virusoloq, tibb e.d. (1991), prof. (1998), RF Tibb Elmləri Akademiyasının akademiki (2004), Azərb. Əməkdar həkimi (2011).

Özbəkistan səhiyyəsinin tanınmış nümayəndələrindən biri olan həmyerlimiz Qiyas Məmmədovun oğludur. ATU-nun Müalicə profilaktikası fakültəsini bitirib (1976). Sonra SSRİ Tibb Elmləri Akademiyasının Elmi-Tədqiqat Poliomielit və Virus Ensefaliti İnstitutunun aspirantı olub (1980-84). Müsabiqə əsasında Azərb. Resp. Səhiyyə Nazirliyinin Elmi-Tədqiqat Radiologiya və Onkologiya İnstitutunun eksperimental terapiya laboratoriyasının müdiri (1985-88) və eksperimental terapiya şöbəsinin müdiri (1988-90) vəzifəsini icra edib. Hazırda Azərb. Resp. Milli Onkologiya Mərkəzi baş direktorunun elmi işlər üzrə müavinidir.

(12.1.1937, Bakı ş.) – Əməkdar elm xadimi, geologiya-mineralogiya e.d. (1992), prof. (1993), AMEA-nın müxbir üzvü (2001), AMEA-nın həqiqi üzvü (2014).

P.Məmmədov 1959 ildə AZNKİ-ni (indiki ADNSU) mühəndis-geofizik ixtisası üzrə fərqlənmə diplomu ilə bitirib. P.Məmmədov əmək fəaliyyətinə 1959 ildə Azərb. Neftçıxarma üzrə Elmi-Tədqiqat İnstitutunda texnik.-operator vəzifəsindən başlayaraq 1965 ilə qədər ardıcıl olaraq böyük radiotexnik, mühəndis-geofizik, böyük mühəndis vəzifələrində işləyib. P.Məmmədov 1958-66 illərdə keçmiş ÜİET Geofizika İnstitutunun Azərb. filialında böyük mühəndis, elmi işci vəzifələrində işləmişdir. O, 1968 ildən ADNSU-nun Geofizik kəşfiyyat üsulları kafedrasında assistent, dos., prof., kafedra müdiri, elmi işlər üzrə prorektor, rektor işləyib, hazırda kafedra müdiri vəzifəsində çalışır.

(1.5.1916, Göyçay qəz. Роtu k. – 14.6.1966, Daşkənd, Özbəkistan SSR) – həkim, Özbəkistan SSR Ali Sovetinin deputatı (1964).

1932-34 illərdə Bakı Pedaqoji Texnikumunda, 1934-38 illərdə isə Sosial-İqtisad İnstitutunun Hüquq fakültəsində təhsil alıb. İnstitutu bitirəndən sonra 1943 ildə Bakı ş. Vəkillər Kollegiyasının üzvü seçilib. Sonralar qardaşının siyasi repressiyaya uğraması ilə əlaqədar Aşqabad ş. köçüb. 1948 ildə burada Tibb İnstitutunun Müalicə fakültəsini bitirib və 1948-51 illərdə Həsənqulu r-n, 1951-55 illərdə Nebitdağ, 1955-56 illərdə Cərco ş. səhiyyə şöbələrinin müdiri vəzifəsində çalışıb. Özbəkistan Respublikası rəhbərliyinin və SSRİ Səhiyyə Nazirliyinin yüksək mükafatını alıb.

(20.10.1920, Göyçay qəz. – 27.3.1994) – Azərb. SSR-in Əməkdar mədəniyyət işçisi (1976).

1939 ildə hərbi xidmətə yollanıb. Fin və Böyük Vətən müharibəsinin iştirakçısı olub. Böyük Vətən müharibəsində ağır döyüşlərdə iştirak etdiyi zaman 2 dəfə qəlpə yarası alıb. Leninqrad blokadasının iştirakçısı olub. Döyüş zamanı göstərdiyi şücaətə görə “Vətən müharibəsi” ordeni, “Almaniya üzərində qələbəyə”, “Leninqradın müdafiəsinə”, “Döyüş xidmətlərinə”, “Almaniya üzərində qələbəyə görə” orden və medallarla təltif olunub.

(8.4.1958 – 3.3.2021, Bakı ş.) – texnika ü.f.d., dos.

AzPİ-ni (indiki Azərb. Texniki Universiteti) “Avtomobillər və avtomobil təsərrüfatı” ixtisası üzrə bitirib (1980). 1983 ildə bitirdiyi institutun aspiranturasına qəbul olub. 1986 ildə aspiranturanı bitirdikdən sonra “Avtomobillər və avtomobil təsərrüfatı” kafedrasında işə qəbul olub. Həmin kafedrada baş müəllim, kafedra müdiri, dekan müavini və dekan vəzifələrində çalışıb. Son illərdə Bakı Mühəndislik Universitetində “Magistratura və aspirantura” şöbəsinin müdiri vəzifəsində işləyib. Məmmədovun Azərb.-da avtomobil nəqliyyatı sahəsi üzrə bir neçə kitabı işıq üzü görüb. O həm də avtomobil nəqliyyatı sahəsi üzrə elmi-praktik tədqiqatlarla məşğul olub. Bakı ş.-də şəhər nəqliyyatının yaxşılaşdırılmasının tədqiqatı işində daxili qaydada mütəxəssis kimi iştirak edib. Bakı ş.-də avtomobil nəqliyyatı ilə bağlı yol-nəqliyyat hadisələrinin statistik emalı, təhlili, şəhər yollarının həndəsi parametrləri, hərəkətin təşkili və yol hərəkətinin təhlükəsizliyi ilə bağlı tədqiqatların aparılması ilə məşğul olub. Bu məsələlərlə bağlı bir neçə xarici ölkədə, o cümlədən Türkiyədə, Almaniyada və Fransada olub.

Məlumat ailəsindən alınıb.

(22.1.1952, Göyçay r-nunun Mırtı k.) – bioloq alim, biologiya ü.f.d., dos.

ADU-nu (indiki BDU) bitirib (1974). Hazırda AMEA-nın A.İ.Qarayev adına Fiziologiya İnstitutunun “Ontogenezin fiziologiyası” laboratoriyasında aparıcı elmi işçi vəzifəsində çalışır.

Əsərləri:

Биоэлектрическая активность мозга плодов кролика от деятельности пережатия пуповины;

Embrigenezdə ürəyin funksional aktivliyinin formalaşması.

Mənbə: https://science.gov.az

(22.11.1981, Göyçay ş.) – fizioloq, biologiya ü.f.d.

ADPU-nu bitirib (2003). AMEA-nın A.İ.Qarayev adına Fiziologiya İnstitutunda böyük elmi işçi vəzifəsində çalışır. “Postnatal ontogenezdə beynin müxtəlif strukturlarında transaminaza qrup fermentlərinin fəallığına prenatal hipokineziyanın təsiri” mövzusunda namizədlik dissertasiyası müdafiə edib.

Əsərləri:

Влияние гипокинезии в предплодный период пренатального развития на активность трансаминазных ферментов в различных структурах головного мозга крысят определенного возраста;

Ağ siçovulların baş beyin strukturlarında transaminaza qrup fermentlərinin fəallığına prenatal stresin uzaq təsir effektləri.

Mənbə: https://science.gov.az

(12.11.1956, Göyçay r-nunun Kürdşaban k.) – geoloq alim, geologiya-minerologiya ü.f.d. (2004), dos. (2008).

Orta məktəbi bitirdikdən sonra ADU-nun (indiki BDU) Geoloji coğrafiya fakültəsinin geologiya şöbəsinə daxil olub və 1979 ildə oranı fərqlənmə diplomu ilə bitirib. Əmək fəaliyyətinə də elə həmin ildə Azərb. Resp. Geologiya İdarəsinin (indiki Ekologiya və Təbii Sərvətlər Nazirliyi) Kiçik Qafqaz geoloji kəşfiyyat ekspedisiyasında texnik geoloq kimi başlayıb. 1980-99 illərdə AR Meliorasiya və Su Təsərrüfatı Komitəsinin (indiki Açıq Səhmdar Cəmiyyəti) “Azdövsutəslayihə” İnstitutunun Mühəndis geologiyası və hidrogeologiya şöbəsində böyük və aparıcı mühəndis kimi fəaliyyət göstərib. Sonralar universitetin “Faydalı qazıntılar” muzeyində baş laborant, Ümumi geologiya və hidrogeologiya kafedrasında laboratoriya müdiri, Hidrogeologiya və mühəndis geologiyası kafedrasında baş müəllim kimi çalışıb.