(20.3.1982, Göyçay r-nunun Bığır k.) – yunan-Roma güləş növü üzrə Azərb. çempionu, Əməkdar məşqçi (2015).

ADBTİA-nı bitirib (2004). Daha sonra hərbi xidmət müddətində hərbçilər arasında Azərb. çempionu adına layiq görülüb. O, Azərb. yığma komandası tərkibində bir sıra dövlətlərdə, o cümlədən Fransa, Rusiya, Türkiyə, İran, Özbəkistan və Gürcüstanda keçirilən nüfuzlu yarışlarda ölkəmizi uğurla təmsil edib. 2008 ildən məşqçiliklə məşğul olan Şirinov bu sahədə fəaliyyət göstərdiyi müddətdə böyük uğurlara imza atıb. Onun yetirmələri arasında Azərb. çempionu, Yeniyetmələrin Olimpiya Oyunlarında ikinci yerin sahibi, habelə beynəlxalq turnirlərin qalibi və mükafatçısı adına layiq görülən xeyli idmançı yer alıb. Şirinov 2016 ildən Göyçay Güləş Məktəbinin direktorudur.

Məlumat N.Şirinovdan alınıb.

(19.3.1949, Kürdəmir ş.) – tanınmış riyaziyyatçı alim, riyaziyyat e.d., prof.(2000).

1966 ildə Göyçay ş. 1 saylı onbirillik məktəbi bitirib. 1966-71 illərdə BDU-da təhsil alıb və həmin universitetin magistraturasını bitirib. 1971-72 illərdə Azərb. EA-nın Riyaziyyat və Mexanika İnstitutunda işləyib. 1972 ilin noyabr ayında Moskva Dövlət Energetika İnstitutunun (MEİ) aspiranturasına daxil olub.

(11.11.1952, Göyçay ş.) – həkim-stomatoloq, tibb elmləri ü.f.d. (2002), dos. (2020), SSRİ tibb əlaçısı (1989), Ali dərəcəli həkim (1996).

1970 ildə Göyçay r-nu 1 saylı tam orta məktəbi, 1975 ildə ATU-nu bitirib. 1980-91 illərdə Yüngül Sənaye Nazirliyinin sanatoriya profilaktoriyasında həkim-stomatoloq və baş həkimin müavini işləyib. 1984 ildə Ə.Əliyev adına Həkimlərin Təkmilləşdirilməsi İnstitutunun terapevtik stomatologiya kafedrasında elmi araşdırmalarla bərabər, assistent kimi çalışıb. 1992 ildən 1996 ilin avqust ayına qədər könüllü olaraq AR MN-in “231” saylı H/H-də aparıcı həkim (Birinci Qarabağ müharibəsi dövründə könüllü hərbi xidmətetmə), 1996–2015 illərdə Resp. Uşaq Stomatoloji Mərkəzinin baş həkimi vəzifəsində çalışıb. 2015-22 illərdə 1 saylı Uşaq Stomatoloji Poliklinikasında baş həkim olub. 2015 ildən ADPU-nun Fiziologiya kafedrasıda pedaqoji fəaliyyətlə məşğuldur. 18 elmi məqalənin, 7 tezisin, 7 dərsliklər və tədris vəsaitin müəllifidir. 2022 ildə “Tərəqqi” medalı ilə təltif olunub.

Məlumat R.Soltanovdan alınıb.

(27.1.1980, Göyçay ş.) – AR SQ-nin NATO-nun Strateji Komandanlığında milli hərbi nümayəndəsi, polkovnik.-leytenant.

Orta məktəbi başa vurduqdan sonra Türkiyə Quru Qoşunları Hərbi Liseyini və Ali Hərbi Məktəbini (1995–2003) bitirib. Bundan sonra Motoatıcı Məktəbi (Türkiyə, 2003-04), bir sıra kursları, o cümlədən “Gənc zabitlər üçün qərargah kursu”nu (Litva, 2006), “Komanda qərargah kursu”nu (Estoniya, 2008), “Taborun qərargah rəisi kursu”nu (Azərb., 2010), “Tabor komandiri kursu”nu (Azərb., 2011) bitirmiş, ABŞ Hərbi Akademiyasında (2014) kurs keçmişdir. Nəhayət, 2014 ildə ABŞ-ın Mərkəzi Miçiqan Universitetində “İnzibati idarəetmə” ixtisası üzrə magistr dərəcəsi alıb. Şükürov Azərb. Ordusunda motoatıcı taqım komandiri (2004-06), motoatıcı bölük komandiri (2006-08), motoatıcı briqadanın əməliyyat bölmə rəisinin baş köməkçisi (2008-10), taborun qərargah rəisi (2010-12), tabor komandirinin müavini (2012-14), Müdafiə Nazirliyi Beynəlxalq Hərbi Əməkdaşlıq İdarəsinin Standartlaşdırma, Təlim və Treninq bölməsinin baş zabiti (2015-16), həmin bölmənin rəisi (2016) vəzifəsində çalışıb.

(11.1910, Göyçay qəz. Qarabaqqal k. – 23.9.1978, Göyçay ş.) – Əməkdar həkim (1957).

1927 ildə Gəncə Pedaqoji İnstitutunun Riyaziyyat fakültəsini bitirib. 1931-38 illərdə təyinatla Qəbələ r-nunun Vəndam k. məktəbində riyaziyyat müəllimi işləyib. Lakin tibb sahəsinə böyük marağı Süleymanovu bu sahədə təhsilini davam etdirməyə həvəsləndirib və o, 1938-42 illərdə ADU-nun (indiki BDU) nəzdində Tibb fakültəsində təhsil alıb. Təyinatla Ucar r-nunun Qazıqumlaq k.-nə göndərilib. Onun fəaliyyətə başlaması ovaxtkı SSRİ-nin ən ağır müharibə dövrünə təsadüf edirdi. Bu dövrdə vərəm və malyariya xəstəlikləri baş alıb getməkdə idi. Kənd cavanları müharibədə olduğundan Süleymanov kənd əhalisinə keyfiyyətli tibbi yardım göstərmək üçün özünün şəxsi səyi və yaşlıların köməyi ilə k. xəstəxanasını inşa etdirib. Çox keçmədən onu yüksək təşkilatçılıq və tibbi təcrübəsini nəzərə alaraq Göyçay r-nuna həkim-fiziatr kimi dəvət edirlər. Süleymanov eyni zamanda Göyçay Hərbi Komissarlığında həkim-ekspert kimi çalışmış və həmin vaxtlarda malyariyaya qarşı başlanan “Göyçay hərəkatı”nın fəal iştirakçısı olmuşdur.

(1907, Göyçay ş. – 25.5.1985, Moskva ş.) – konstruktor

Məşhur memar Zivər bəy Əhmədbəyovun bacısı oğludur. 1930 ildə Moskva ş.-də Texniki Universiteti bitirib həyatını ömürlük bu şəhərlə bağlayıb. O burada özünü təcrübəli və savadlı konstruktor kimi göstərib, 1940 illərin əvvəllərində o dövrün ən yaxşı avtomobili olan “Pobeda”nın mühərrikini təkmilləşdirib, buna görə ali dövlət mükafatı olan “Stalin” mükafatına layiq görülüb. Ona Kremlə yaxın məsafədə yerləşən Qorki küçəsində mənzil bağışlayıblar. A.Süleymanov Moskva ş.-də dəfn olunub.

Məlumat ailəsindən alınıb.

(14.12.1914 – 20.6.1972, Göyçay ş.) – pedaqoq.

ADU-nun (indiki BDU) Tarix fakültəsini fərqlənmə diplomu ilə bitirib. Böyük Vətən müharibəsinin iştirakçısı olub. Müharibədən sonra Göyçay Pedaqoji Texnikumunun direktoru, texnikum Şamaxı ş. köçürüləndən sonra isə ömrünün sonuna kimi Göyçay ş. 2 saylı orta məktəbin direktoru vəzifəsində çalışıb. Süleymanov Pedaqoji Texnikumda işləyərkən məşhur şairlərimiz Ə.Kərimin, İ.Coşqunun, Xalq şairi M.Yaqubun və görkəmli ziyalı, AVCİYA-nın prezidenti E.Süleymanovun müəllimi olub. Ə.Kərim “Həyat eşqi” şeirini müəllimi Süleymanova həsr edib.

Məlumat ailəsindən alınıb.

(16.2.1972, Bakı ş.) – hüquqşünas, hüquq ü.f.d. (1998).

BDU-nun Hüquq fakültəsini bitirdikdən (1994) sonra AMEA-nın əyani aspiranturasına daxil olub. 1998 ildə Tbilisi Dövlət Universitetində “Hüquqdakı boşluqlar və kolliziyalar hüquqi münaqişələrin mənbəyi kimi” mövzusunda dissertasiya müdafiə edərək hüquq ü.f.d. elmi adı alıb. 1994 ildən pedaqoji fəaliyyətlə məşğul olub. Həmin il Bakı Ali Hərbi Dənizçilik Məktəbində və Ziya Universitetində fəaliyyətə başlayıb, sonradan fəaliyyətini Azərb. Universitetində və BDU-da davam etdirib. 1997 ildən AMEA İctimai-Siyasi Tədqiqatlar və İnformasiya İnstitutunda, 2002-06 illərdə Fəlsəfə və Siyasi-Hüquqi Tədqiqatlar İnstitutunda çalışıb.

(3.3.1935, Göyçay r-nu – 21.3.2001) – coğrafiya ü.f.d. (1965), dos. (1976).

1954 ildə əlaçı attestatı ilə imtahansız, ADPİ-nin Coğrafiya-biologiya fakültəsinə daxil olmuş və 1959 ildə həmin fakültəni bitirmişdir. 1959-62 illərdə Azərb. MEA Botanika İnstitutunda kiçik elmi işçi işləmiş, 1962 ildə BDU-nun Geoloji-coğrafiya fakültəsinin “Fiziki-coğrafiya” kafedrasında aspiranturaya daxil olmuşdur. 1965 ildə vaxtından əvvəl “Ceyrançöl-Acınohur öndağlığının təbii landşaftları” mövzusunda namizədlik dissertasiyası müdafiə etmişdir. Həmin ildən Azərb. MEA Coğrafiya İnstitutunda kiçik elmi işçi, sonralar da baş elmi işçi vəzifəsində işləmişdir.

(20.9.1936, Göyçay r-nunun Hacalıkənd k. – 10.12.1998, Bakı ş.) – yol-inşaat mühəndisi, texnika  ü.f.d.

N.Süleymanov orta məktəbi bitirdikdən sonra Azərb. Politexnik İnstitutuna daxil olub və 1959 ildə institutu bitirərək Göyçaya qayıdıb. Əmək fəaliyyətinə mühəndis kimi başlayıb. Əvvəl 3 saylı Yol İstismar İdarəsinin rəsisi vəzifəsinə irəli çəkilib, daha sonra 6 saylı Yol Tikinti Trestinə rəis təyin edilib. 1966-70 illərdə Bakı–Tbilisi yolunun tikintisində rəis vəzifəsində işləyib. 17 il Melorasiya və Su Təsərrüfatı Nazirliyində işləyib, nazir müavini vəzifəsinə qədər yüksəlib. Sonuncu iş yeri NK nəzdində Azərkəndsutəhcizat istehsalat birliyinini 1-ci vitse-prezidenti vəzifəsi olub.

Məlumat ailəsindən alınıb.