(12.7.1956, Göyçay ş.) – mədəniyyət xadimi, Əməkdar artist (2000).

ADMİU-nun Dram və kino aktyorluğu fakültəsini bitirib (1979). 1979–2000 illərdə Azərb. Dövlət Gənc Tamaşaçılar Teatrında aktyor (1979–2000), Azərb. Resp. Mədəniyyət və Turizm Nazirliyi İncəsənət baş idarəsində (hazırda incəsənət şöbəsi) aparıcı mütəxəssis, baş mütəxəssis və baş məsləhətçi (2000-06), Azərb. Dövlət Gənc Tamaşaçılar Teatrının direktoru (2006-18) və Sumqayıt Dövlət Dram teatrının direktoru (2018-22) vəzifəsində çalışıb.

(1969, Göyçay r-nunun Ləkçıplaq k.) – neft-qaz sənayesi sahəsində tanınmış mütəxəssis, texnika e.d. (1993), dos. (2013).

ADNA-nın (indiki ADNSU) “Qaz-neft mədən” fakültəsini bitirib (1993) və təyinatla AMEA-nın Dərin Neft və Qaz Yataqları Problemləri İnstitutunda (indiki Neft və Qaz İnstitutu) çalışmağa başlayıb. Burada işlədiyi müddətdə kiçik elmi işçidən şöbə müdiri vəzifəsinə qədər yüksəlmişdir. Hal-hazırda ARDNŞ-nin (SOCAR) “Birgə işlənilən yataqlar üzrə məlumatlar bazası və modelləşdirmə” şöbəsinin rəis müavini vəzifəsində, həmçinin əvəzçilik üzrə ADNSU-nun “Neft qaz mühəndisliyi” kafedrasında çalışır. “Karbohidrogen və qeyri-karbohidrogen qazların iştirakı ilə kondensatın buxarlanmasının tədqiqi” mövzusunda namizədlik, “Karbohidrogen yataqlarının son işlənmə mərhələsinin nəzəri əsasları və tətbiqi aspektləri, onların komponentveriminin artırılması üsullarının təkmilləşdirilməsi” mövzusunda doktorluq dissertasiyaları müdafiə edərək texnika e.d. elmi dərəcəsi alıb.

(5.4.1955, Göyçay ş.) – kimyaçı alim, kimya ü.f.d. (1990), dos.

ADNA-nın (indiki Azərbaycan Dövlət Neft və Sənaye Universiteti) Kimya texnologiyası fakültəsini bitirib (1977). Ali məktəbi bitirdikdən sonra AMEA-nın Aşqarlar Kimyası İnstitutunun “Mühərrik yağlarında polimer aşqarlar” laboratoriyasında əmək fəaliyyətinə başlayıb. Eyni zamanda, akad. Ə.Quliyevin və kimya ü.f.d. M.Ağayevanın rəhbərliyi altında elmi işini davam etdirərək  “Alfa-olefin oliqomerləri əsasında çoxfunksiyalı aşqarlar” mövzusunda dissertasiya müdafiə edib və kimya e.n. alimlik dərəcəsi alıb. 150-dək elmi əsərin müəllifidir. Hazırda AMEA Aşqarlar Kimyası İnstitutunun aparıcı elmi işçisidir.

(25.4.1981, Göyçay ş.) – texnika ü.f.d. (2017).

BDU-nun Fizika fakültəsini bitirib (2002). 2002-07 illərdə orta məktəbdə fizika müəllimi kimi fəaliyyət göstərib. 2006 ildə BDU-nun Fizika fakültəsinin magistratura pilləsini bitirib. 2011-16 illərdə AzTU-nun İstilik və soyuqluq texnikası kafedrasında baş müəllim vəzifəsində çalışıb. 2017 ildə kafedranın adı dəyişdirilərək “İstilik energetikası”, 2019 ildə isə “Hidravlika və istilik texnikası” adlandırılıb. R.Həmidova hazırda bu kafedrada baş müəllim vəzifəsində çalışır. O, 38 elmi məqalə və 1 metodik vəsaitin müəllifidir.

Mənbə: http://aztu.edu.az/azp/rqamidova81.prof/info

(?.1916, Göyçay qəz. Bığır k.  – ?, Bakı ş.) – dilçi alim, filologiya ü.f.d. (1960), dos. (1969).

1939 ildə ADU-nun Filologiya fakültəsinə daxil olub. 1942 ildə ordu sıralarına yola düşüb. Müharibədən sonra Bakıya dönən T.Həmzəyev təhsilini davam etdirir. 1948 ildə ali məktəbi bitirib Azərb. SSR EA Dil və Ədəbiyyat İnstitutunda elmi işçi vəzifəsinə qəbul olunur. 1950 ildə dil ixtisası üzrə elmi təhsilini davam etdirmək üçün aspiranturaya daxil olub. 1953 ildə aspiranturanı bitirib akademiya sistemində işə qəbul olunan həmyerlimiz 1955 ildə Nizami adına Dil və Ədəbiyyat İnstitutunda kiçik elmi işçi kimi fəaliyyətə başlayır. 1966 ildə Ədəbiyyat və Dilçilik İnstitutunda böyük elmi işçi, 1969 ildən isə M.F.Axundov adına APİ-nin Müasir Azərb. dili kafedrasında dos. kimi fəaliyyət göstərir. 1973 ildə Azərb. Dövlət Xarici Dillər İnstitutunda həmin kafedranın dosenti olur. Tanınmış alim 1977 ildən ömrünün sonuna kimi ADU-nun “Azərbaycan dilinin metodikası” kafedrasında fəaliyyət göstərib.

Məlumat V.Abdullayevdən alınıb.

(1.4.1942, Göyçay r-nunun Potu k. – 12.7.2004 Göyçay ş.) – kənd təsərrüfatı mütəxəssisi.

1949 ildə Göyçay ş. 1 saylı orta məktəbdə təhsil almağa başlayıb, 1960 ildə orta təhsilini başa vurub. 1964 ildə AzPİ-nin Hidromeliorasiya fakültəsinə daxil olub. Ali təhsilini başa vurduqdan sonra 1969 ildə Göyçay r-n Suvarma Sistemləri İdarəsinə baş mühəndis vəzifəsinə təyin olunub. 1969-79 illər ərzində Göyçay r-n Suvarma Sistemləri İdarəsində müxtəlif vəzifələrdə çalışıb. Daha sonra 1979-89 illər ərzində Göyçay r-n Regional Təbiəti Mühafizə İdarəsində rəis vəzifəsində işləyib. S.Həsənov 1993-94 illər ərzində Əli Kərim adına kolxozun sədri vəzifəsində çalışıb. S.Həsənov 1969 ildə ilk əmək fəaliyyətinə başladığı Göyçay r-n Suvarma Sistemləri İdarəsinə 1994 ildə rəis təyin olunub. S.Həsənov 1999 ilədək müxtəlif idarə və təşkilatlarda rəhbər vəzifələrdə çalışıb.

Məlumat E.Məmmədlidən alınıb.

(18.8.1969, Göyçay ş.) – pedaqoq, filologiya ü.f.d. (2007).

N.Tusi adına APU-nun Filologiya fakültəsini Azərb. dili və ədəbiyyatı ixtisası üzrə bitirib (1992). Əmək fəaliyyətinə Bakı ş. Səbail r-nu 51 saylı məktəbdə günüuzadılmış qrup müəllimi kimi başlayıb, 1993 ildən isə Azərb. dili və ədəbiyyatı müəllimi kimi işləyib. 1996–2003 illərdə Səbail r-nu 91 saylı məktəbə öz ixtisası üzrə müəllim, daha sonra sinifdənxaric və məktəbdənkənar işlər üzrə direktor müavini vəzifəsində çalışıb. 2003-04 illərdə Bakı Ali Qızlar Seminariyasında Ədəbiyyat və jurnalistika kafedrasında baş müəllim, 2005 ildə isə Yasamal r-nu 199 saylı orta məktəbdə təlim-tərbiyə işləri üzrə direktor müavini vəzifəsində işləyib. “Azərbaycan ədəbiyyatında Qaçaq Kərəm obrazı” mövzusunda dissertasiya işinin müəllifidir. Həmin dissertasiya işi ilə əlaqədar olan elmi məqalələri tək Azərb.-da deyil, o cümlədən Gürcüstanda, Belarusda və qardaş Türkiyədə nəşr olunan dərgilərdə, jurnal və qəzetlərdə çap edilib. Bir çox mükafatlara, o cümlədən Azərb. Jurnalistləri Həmkarlar İttifaqının “Xalqın nüfuzlu ziyalısı” fəxri adına layiq görülüb. “Müəllim sözü” qəzetinin redaksiya şurasının üzvüdür. Azərb. Resp. Prezidenti yanında Bilik Fondunun Yasamal r-nu üzrə təyin olunmuş nümayəndəsi olub. 2005-20 illərdə Yasamal r-nu 53 saylı orta məktəbdə direktor vəzifəsində çalışıb.

“Xan qızı” və “Qızıl qələm” mükafatları ilə təltif olunub.

Mənbə: A.Kəngərli. “Bir məktəbin tarixi” kitabı. Bakı. 2018.

(1904, Göyçay qəz. Alpout k. – 1976, Bakı ş.) – ictimai xadim, iqtisad ü.f.d., dos.

Uşaq ikən ailəsi ilə birgə Şamaxı ş. köçüb. 1911-14 illərdə Şamaxı ş. Rus-tatar məktəbində, 1914-16 illərdə “Üxüvvət” məktəbində, 1916-17 illərdə ali ibtidai məktəbdə təhsil alıb. 1917 ildə ailə yenidən Alpout k.-nə qayıtdığına görə ali ibtidai məktəbi bitirə bilməyib. 1919-23 illərdə Müsüslü Dəmiryol sahəsində əmək fəaliyyəti göstərib. Sonra isə Bakıya gələrək Qala-Maştağa r-nunun Maştağa k. icraiyyə nümayəndəliyində iş icraçısı işləyib. 1923-29 illərdə Maştağa k. su nasos stansiyasında və elektrik stansiyasında çilingər, iş icraçısı, kənd klubunun müdiri və kənd təsərrüfatı anbarının müdiri işləyib. 1929 ilin mart ayında AK(b)P MK.-da işlər müdiri təyin olunur. Sonra partiyanın göstərişi ilə AK(b)P Qala-Maştağa r-n icraiyyə komitəsinə işə göndərilib və 1931 ilin yanvar-noyabr aylarında burada şöbə müdiri vəzifəsində çalışıb. 1931 ildə AK(b)P MK.-nın göndərişi ilə Azərb. Kommunist Universitetinin tədris şöbəsinin katibi təyin edilib. 1932 ildə təhsil almaq üçün Zaqafqaziya Xalq Komissarları Sovetinin İqtisadi-Tədqiqatlar İnstitutuna göndərilib. Həmin ilin sentyabrında Marksizm-leninizm İnstitutuna dəyişdirilib. İnstitutu 1937 ildə bitirərək Partiya Tarixi İnstitutuna elmi işçi göndərilib. 1938-40 illərdə partiya kurslarının direktoru olub.

(10.12.1949, Göyçay ş.) – kimyaçı alim, kimya ü.f.d. (1986), dos. (2000).

V.İ.Lenin adına APİ-nin (indiki ADPU) Kimya fakültəsini fərqlənmə diplomu ilə bitirib (1970). 1970-72 illərdə Göyçay ş. 2 saylı məktəbdə kimya müəllimi işləyib. 1973-91 illərdə AMEA-nın Y.H.Məmmədəliyev adına Neft-Kimya Prosesləri İnstitutunda mühəndis, kiçik elmi işçi, sonra isə elmi işçi, 1991-93 illərdə Azərbaycan Texnologiya İnstitutunun Bakı filialında laboratoriya müdiri, 1993-2000 illərdə Bakı Əmtəəşünaslıq-Kommersiya İnstitutunda laboratoriya müdiri, assistent və dosent vəzifəsində çalışıb. Hazırda ADİU-nun Fizika və kimya kafedrasında çalışır.

Mənbə: https://unec.edu.az

(1914, Göyçay qəz. Mırtı k. – ?) – pedaqoq, Böyük Vətən müharibəsi iştirakçısı.

Şəki Pedaqoji Texnikumunu bitirdikdən sonra təhsilini ikiillik Müəllimlər İnstitutunda davam etdirmişdir. Əmək fəaliyyətinə 1933 ildə Şəkər k. natamam orta məktəbində başlamış, 1938-40 illərdə həmin məktəbin direktoru vəzifəsində çalışmışdır. 1940 ilin yanvarında Göyçay r-n Xalq Maarif şöbəsinə müfəttiş, həmin ilin dekabrında isə şöbənin müdiri vəzifəsinə irəli çəkilmişdir. Həsrətov Böyük Vətən müharibəsinin ilk aylarından cəbhəyə yola düşmüş, 1941 ilin sentyabrından 1945 ilin iyununa qədər ordu sıralarında komandir kimi xidmət etmişdir. Müharibədən baş leytenant rütbəsində tərxis olunduqdan sonra Göyçaya qayıtmışdır.