(25.8.1986, Göyçay ş.) – rəssam, Almaniya Beynəlxalq Ədəbiyyat, İncəsənət və Kommunikasiya Akademiyasının həqiqi üzvü (2022), Şimali Amerika YB-nin üzvü, Azərb. Rəssamlar İttifaqının üzvü (2020).

UNEC-də Dünya İqtisadiyyatında İnformasiya Texnologiyaları ixtisası üzrə təhsil alıb (2007). İqtisadiyyat və kompüter proqramları üzrə elmi bilgilərə malikdir. Sonrakı fəaliyyətini rəssam kimi davam etdirib. Əsasən portretlər, kompozisiya əsasında portretlər və tarixi mövzulara aid rəsm əsərləri üzərində çalışan Əliyev bir çox resp. və beynəlxalq sərgilərdə və müsabiqələrdə iştirak edib. Dünyanın 30-dan çox dövlətində, o cümlədən ABŞ, Türkiyə, Pakistan, Rusiya, İtaliya, Almaniya, Fransa, İngiltərə, Hollandiya, Norveç, Yunanıstan, Macarıstan, Hindistan, İndoneziya, Avstraliya, Braziliya, Suriya, Əlcəzair və s. ölkələrdə keçirilən beynəlxaq sərgi, müsabiqə və forumlarda iştirak edərək uğurlar qazanıb, diplomlara, fəxri fərmanlara, sertifikatlara, mükafatlara və təltiflərə layiq görülüb.

(28.12.1953, Göyçay ş.) – sovet və Azərb. rəssamı, SSRİ Rəssamlar İttifaqının (1988), Azərb. Rəssamlar İttifaqının (1988) və Avrasiya Rəssamlar İttifaqının (2022) üzvü.

Bakı ş.-də orta məktəbi bitirəndən sonra 84 saylı Rəssamlıq Məktəbində “Metalın bədii emalı” ixtisası üzrə təhsil alıb. 1977 ildən Azərb. Resp. Bədii Fondunda çalışıb. Daha sonra APİ-nin Bədii qrafika fakültəsini bitirib (1987). R.Əliyevin əsərləri MDB-də, həmçinin Almaniya, ABŞ, BƏƏ və Böyük Britaniyada çoxsaylı sərgilərdə nümayiş olunub. Onun bəzi əsərləri Azərb. Mədəniyyət və Turizm Nazirliyinin, Azərb. Dövlət Rəsm Qalereyasının, Azərb. Xalça Muzeyinin kolleksiyalarında, Beynəlxalq Valyuta Fondunda, digər nüfuzlu məclislərdə və şəxsi kolleksiyalarda, o cümlədən Corc Sorosun şəxsi kolleksiyasında saxlanır. R.Əliyevin əsərləri beş fərdi sərgidə (Azərbaycanda və Lüksemburqda) və on yeddi kollektiv sərgidə (Qazaxıstan, Çin, Belçika, Fransa, Özbəkistan və s.) nümayiş etdirilib. R.Əliyevin yaradıcılığı rəngkarlıqda olduğu kimi, oymada da fərdi koloritə malikdir. Вurada xalq ənənələri və dərin məzmunlu dolğunluq bir-birini tamamlayır.

Məlumat V.Abdullayevdən alınıb.

(25.12.1937, Göyçay r-nunun Potu k.) – Azәrb. genetiki, biologiya e.d. (1990), prof. (2012).

ADU-nu bitirib (1961). Azәrb. SSR EA Genetika vә Seleksiya İnstitutunda kiçik elmi işçi (1963), 1982 ildәn hәmin institutda laboratoriya müdiridir. Elmi fәaliyyәti bitkilәrin stres amillәrinә davamlılığının vә heterozis hadisәsinin molekulyar-genetik әsaslarının öyrәnilmәsinә hәsr edilib. Heterozis bitki hibridlәrinin somatik hüceyrәlәrindә DNT-nin miqdarının artması faktını ilk dәfә R.Əliyev aşkar edib. O, 1993–2003 illәrdә Türkiyә universitetlәrindә pedaqoji fәaliyyәtlә mәşğul olub. 204 elmi әsәrin, o cümlәdәn 3 monoqrafiya vә 2 ixtiranın müәllifidir. Elmi kadrların hazırlanmasında xidmәti var.

(1.3.1938, Göyçay r-nunun Qaraməryəm k.) – kimyaçı alim, texnika ü.f.d.

BDU-nun Kimya fakültəsinini Neft kimyası ixtisası üzrə bitirib. “Dizel yanacaqları üçün tüstüyə qarşı aşqarların alınması” mövzusunda namizədlik dissertasiyası müdafiə edib. AMEA akad. M.F.Nağıyev adına Kataliz və Qeyri-üzvi Kimya İnstitutunun aparıcı elmi işçisidir.

Mənbə: https://science.gov.az/az/forms/doktora-filosofii-instituta-kataliza-i-neorganicheskoy-himii/1803

(10.1.1936, Göyçay ş.) – Azәrb. fiziki, fizika-riyaziyyat e.d. (1975), prof. (1986).

Göyçay ş. 3 saylı orta məktəbində təhsil alıb, N.Tusi adına ADPU-nun Fizika-riyaziyyat fakültəsini bitirib (1959). 1959 ildə Azərb. EA Fizika institutunda laborant kimi əmək fəaliyyətinə başlayıb. 1960 ildə ixtisasını artırmaq üçün bir il müddətinə Moskva “Fizika problemləri” institutuna ezam olunub. 1962-65 illərdə Leninqradda (indiki Sankt-Peterburq) SSRİ Yarımkeçiricilər İnstitutunun aspirantı olub və namizədlik dissertasiyası müdafiə edərək Azərb. EA Fizika İnstitutunda fəaliyyətini davam etdirib. 1975 ildə doktorluq dissertasiyasını müdafiə edib. 1979 ildə laboratoriya müdiri, 1983-2000 illərdə Fizika İnstitutunun Kriogen bölməsinin rəhbəri vəzifələrində çalışıb. 1986 ildə prof. elmi adına layiq görülüb. 20 namizədlik, 2 doktorluq dissertasiyasının rəhbəri olub. 200-dən artıq elmi əsərin, 15 müəlliflik şəhadətnaməsinin sahibidir.

Mənbə: Azərbaycan Milli Ensiklopediyası: VIII cild, “Azərbaycan Milli Ensiklopediyası Elmi Mərkəzi” nəşriyyatı, Bakı, 2019;

http:/ ensiklopediya.gov.az /az/terms/18811/20

(8.3.1988, Göyçay ş.) – sosioloq alim, sosiologiya ü.f.d. (2017).

Azərb. Dillər Universitetini Koreya dili – ingilis dili tərcümə ixtisası üzrə bitirib (2009). 2010-13 illərdə Koreya Resp.-nın təqaüd proqramı ilə Koreyanın Koreyaşünaslıq Akademiyasında sosiologiya ixtisası üzrə magistratura təhsili alıb. Daha sonra həmin akademiyada sosiologiya ixtisası üzrə doktorantura pilləsinə qəbul olunub və burada müdafiəni başa vuraraq sosiologiya ü.f.d. dərəcəsini alıb. Bu müddət ərzində müxtəlif qurumlarda tərcüməçi, Koreya dili müəllimi və elmi araşdırmaçı olaraq fəaliyyət göstərib. 2008-10 illərdə SEBA-da (Seul–Bakı Koreya–Azərb. mədəniyyət mübadiləsi assosiasiyası) tərcüməçi və Koreya dili müəllimi olaraq çalışıb. Koreyaşünaslıq Akademiyasında həyata keçirilən bir çox proyektlərdə assistent elmi araşdırmaçı olaraq fəaliyyət göstərmiş, Koreyanın Mirae 2080 sosial-korporasiya şirkətində araşdırmaçı işləmişdir. 2017 ilin sentyabr ayından Azərb. Dillər Universiteti nəzdindəki Koreya Mədəniyyət Mərkəzində baş mütəxəssisdir və koreyaşünaslıq üzrə elmi fəalliyyətini davam etdirir.

Mənbə: A.Kəngərli. “Bir məktəbin tarixi”. Bakı. 2018.

(28.2.1946, Göyçay ş.) – fizika-riyaziyyat e.n, dos.

28 fevral 1946 ildə Göyçay ş.-də anadan olub. 1962 ildə Göyçay ş. 1 saylı orta məktəbi qızıl medalla bitirib. 1962-67 illərdə ADU-nun Mexanika-riyaziyyat fakültəsində təhsil alıb və oranı fərqlənmə diplomu ilə bitirib. 1967 ildən bu günə qədər BDU-nun Riyazi fizika tənlikləri kafedrasında çalışır. Fizika-riyaziyyat elmləri namizədi, dosentdir. 28 elmi məqalənin və 2 metodik vəsaitin müəllifidir. Dəfələrlə beynəlxalq konfrans və simpoziumlarda iştirak edib.

Məlumat V.Abdullayevdən alınıb.

Nəcəfov Ətraf Alməmməd oğlu (10.7.1956, Göyçay r-nunun Çərəkə k.) – şair-publisist, AYB-nin üzvü (1996).

1973 ildə Göyçay r-nunun Çərəkə k. orta məktəbini bitirib. 1973 ildə Bakı soyuducu zavodunda fəhlə işləyib. 1974 ildə Ucar 122 saylı Texniki Peşə Məktəbində traktorçu peşəsi üzrə təhsil alıb. 1975-77 illərdə hərbi xidmətdə olub. O, 1978-83 illərdə M.F.Axundov adına Azərb. Pedaqoji Dillər İnstitutunun (indiki Bakı Slavyan Universiteti) qiyabi şöbəsində təhsil alaraq rus dili və ədəbiyyatı müəllimi ixtisasına yiyələnib. 1978-2004 illərdə Göyçay r-nunun Çərəkə k. orta məktəbində ibtidai hərbi hazırlıq rəhbəri, rus dili müəllimi və direktorun təlim-tərbiyə işi üzrə müavini vəzifəsində işləyib. 2004 ildə xidməti pensiyaya çıxıb.

(5.2.1985, Göyçay r-nunun İnçə k.) – riyaziyyatçı alim, riyaziyyat ü.f.d. (2014), dos. (2019).

BDU-nun Tətbiqi riyaziyyat və kibernetika fakültəsini bitirib (2006). BDU-nun Tətbiqi riyaziyyat və kibernetika fakültəsinin “Ehtimal nəzəriyyəsi və riyazi statistika” ixtisası üzrə magistratura pilləsini “Fərqlənmə” diplomu ilə bitirib (2008). Sonra təhsilini AMEA Riyaziyyat və Mexanika İnstitutunun doktoranturasıda davam etdirib (2008-11). 2012-13 illərdə BDU-da müəllim, 2013-19 illərdə Azərb. Universitetində, 2018 ildən isə Bakı Avrasiya Universitetində baş müəllim, 2019 ildən isə Bakı Qızlar Universitetində dos. kimi fəaliyyət göstərib. 2013 ildə “Markov zəncirinin trayektoriyaları ilə təsvir olunan təsadüfi dolaşmalar üçün bəzi qeyri-xətti sərhəd məsələlərinin tədqiqi” mövzusunda dissertasiya işini müdafiə edərək riyaziyyat ü.f.d. elmi dərəcəsini alıb. Hazırda ADBTİA-nın baş müəllimidir. Əsas tədqiqat sahəsi: “Təsadüfi dolaşmalar, Kütləvi xidmət sistemləri, Təsadüfi proseslər üçün sərhəd məsələləri, statistik modelləşdirmə”dir.

(1.11.1953, Göyçay r-nunun Yalman k.) – rəssam, sənətşünaslıq e.d. (2004), professor (2017), Əməkdar incəsənət xadimi (2014), Azərb. Rəssamlar İttifaqının və YUNESKO Rəssamlar İttifaqının üzvü.

Orta məktəbi bitirdikdən sonra Ə.Əzimzadə adına Azərbaycan Dövlət Rəssamlıq Məktəbinə daxil olub. Oranı fərqlənmə diplomu ilə bitirəndən sonra təhsilini Azərb. Dövlət Pedaqoji Universitetinin Bədii qrafika fakültəsində davam etdirib. 1983 ildə təyinatla Təhsil Nazirliyində metodist vəzifəsində çalışmağa başlayıb. O, Azərb. Rəssamlar İttifaqının nəzdində H.Z.Tağıyev adına təsviri sənət üzrə “Uşaq Xalq Universiteti”ni yaradıb. R.Əzizov “Azərbaycan pioneri” qəzetində bununla bağlı rəsm studiyası açıb. 1992 ildən ailəliklə İstanbula köçüb.