Göyçayın imkanlı şəxslərindən olan Həzrət bəy Ağazadə tərəfindən qızına cehizlik tikdirilib. Deyilənə görə, Həzrət bəyin Göyçay və Ucarda pambıq zavodları, çörək, kitab və ərzaq mağazaları vardı.
Hamam ona görə yeraltı adını alıb ki, abidənin əsas hissəsi 2 metr dərinlikdədir. Kvadrat formasında olan tikilinin ovalşəkilli üç böyük salonu var. Onlardan ikisi qadınlar, biri isə kişilər üçün idi. Hamamdan eyni vaxtda 70 nəfər istifadə edə bilirdi.
(7.5.1969, Göyçay r-nunun Qaraxıdır k.) – tarixçi alim, Beynəlxalq Nobel İnformasiya Akademiyasının üzvü (2015), tarix ü. f.d. (2004), AYB-nin üzvü (2008), Əməkdar müəllim (2006).
N.Tusi adına ADPU-nun Tarix–filologiya fakültəsini fərqlənmə diplomu ilə bitirib (1997). Həmin ildən pedaqoji fəaliyyət göstərir. Yəhyalı ölkədə üç dəfə (2001, 2003, 2008) ilin ən yaxşı müəllimi müsabiqələrində birincilik qazanmış yeganə müəllimdir. Yəhyalının bir sıra ədəbi əsərləri gürcü, eston, rus, ingilis dillərinə tərcümə olunub.
(1915, Göyçay qəz. Bığır k. – 1960) – Böyük Vətən müharibəsi iştirakçısı, AK(b)P Göyçay r-n Komitəsinin birinci katibi (1955-57).
Yoxsul kəndli ailəsində anadan olub. Valideynləri kənd təsərrüfatı ilə məşğul olub, Bığır k.-də “Stalin” adına kolxozda çalışıblar. H.Yəhyazadə 1924 ildə Bığır k.-də məktəbə gedib və 1930 ildə yeddiillik təhsilini başa vuraraq orta məktəbə daxil olub. 1934 ildə Göyçay Pedaqoji Texnikumunu bitirərək müəllim kimi fəaliyyətə başlayıb. 1935 ildə Müəllimlər İnstitutunda qiyabi təhsil alıb, 1938 ildə həmin institutu bitirib. 1934-41 illərdə Bağman, Bərgüşad və Bığır k.-lərində tam orta məktəblərdə tədris şöbəsinin müdiri vəzifəsində çalışıb.
(28.12.1920, Göyçay ş. – 18.3.1988, Bakı ş.) – iqtisad ü.f.d., dos.
Orta məktəbi bitirdikdən sonra Göyçay r. Pedaqoji Məktəbinə daxil olmuşdur. Təhsilini davam etdirmək üçün ADU-nun İqtisadiyyat fakültəsinə qəbul olub. 1950-88 illərdə D.Bünyadzadə adına Xalq Təsərrüfatı İnstitutunun (indiki ADİU) “Mühasibat uçotu və təsərrüfat fəaliyyətinin təhlili” kafedrasında dos. vəzifəsində çalışmışdır. Bir çox monoqrafiyaların və elmi məqalələrin müəllifi olmuşdur. İşlədiyi müddətdə, demək olar ki, Göyçay r-nun təsərrüfat və sənaye sahələrində işləyən əksər mühasib və iqtisadçıların yetişdirilməsində böyük rol oynamışdır.
Mənbə: Göyçay rayon MKS
(1914, Göyçay qəz. Çayarxı k. – 2.6.2000, Göyçay ş.) – həkim, 3-cü dərəcəli hərbi həkim (1942).
Yusifzadə 1927 ildə Göyçay ş. orta məktəbi bitirib. Nuxa (Şəki) pedaqoji məkəbinə daxil olmuş, 1931 ildə bitirərək müəllim ixtisası almışdır. 1931-32 illərdə Ucar r-nunun Müsüslü k. 7 illik məktəbində müəllim işləmişdir. 1933-34 illərdə Göyçay r-n torpaq şöbəsində təlimatçı vəzifəsində çalışmış, kəndlərdə savadsızlığın ləğvində fəal iştirak etmişdir.
hidr., mür. AR-ın Şirvan düzündə suvarma kanalı. 1958 ildə istifadəyə verilmişdir. Mingəçevir su anbarının Xanabad körfəzindən başlayıb, Kürün sol sahili boyunca uzanır, Ağsu çayınadək davam edir. Ağdaş, Göyçay, Ucar, Kürdəmir və Ağsu r-nlarının sahələrinin suvarılmasında istifadə edilir. Hidronimin ikinci komponenti Şirvan düzünün adını, birinci komponenti isə bu düzün kanala aid olan hissəsinin coğrafi mövqeyini bildirir. Kanalın uzunluğu 123,5 km, sərfi 78 kub m/san və onun üzərində müxtəlif təyinatlı 129 hidrotexniki qurğu tikilib. Ağdaş, Göyçay, Ucar, Kürdəmir və Ağsu r-nlarında 69 600 ha sahənin suvarılmasında istifadə edilir.
