Həsən bəy Səlimbəy oğlu Məlikov (28.6.1837, Göyçay qəz. Zərdab k. – 28.11.1907, Bakı ş.) – Azərb. maarifçi-demokratı, təbiətşünas alim, pedaqoq, publisist. Azərb. mətbuatının banisi, AXC-nin yaranması ilə nəticələnən Milli siyasi dirçəliş ideyalarının formalaşmasında mühüm rol oynamış ictimai xadim.

Zərdabda mollaxanada, Şamaxı ş. məktəbində oxumuş, Tiflis birinci Şəhər Gimnaziyasını (1861), Moskva Universiteti Fizika-riyaziyyat fakültəsinin Təbiiyyat şöbəsini (1865) bitirmişdir.

Bir müddət Tiflisdə “Mərz palatası”nda, Bakı quberniya idarəsində, Quba ş. məhkəməsində işləmiş (1865-69), 1869 ildə Bakı Real gimnaziyasında təbiiyyat tarixi və riyaziyyat müəllimi təyin olunmuşdur.

Pirlər və ziyarətgahlar Azərb.-da qədim dini inanc yerlərindən biridir. Mədəniyyətimizin bu qədim nümunələrinə Azərb.-ın hər yerində olduğu kimi, Göyçay r-nunda da rast gəlmək mümkündür. Pirlərin və ziyarətgahların insanlar tərəfindən ziyarət olunması artıq ənənə şəklini almaqdadır.

Bu pir Qarabaqqal k.-ində, dağın döşündə k. qəbiristanlığının ərazisindədir. Bu pirin tarixi məlum deyil. Yerli sakinlərin inancına görə, yabanı nar ağacı dəri xəstəliklərini sağaldır. Ziyil piri adlandırılmasının səbəbi isə əllərində ziyil olan insanlar bu ağacın tikanı ilə yaranı dələr və həmin ağacın altına nəzir qoyarlar.

Mənbə: İ.Musayev. “Göyçay rayonundakı dini abidələr və tarixi şəxsiyyətlər”, Bakı, “İpəkyolu“, 2014, s. 112.

(19.8.1955, Göyçay ş.) – tarix e.d. (2018), prof. (2022)

1972 ildə 2 saylı Ucar ş. orta məktəbini fərqlənmə ilə bitirib və həmin il ADU-nun (hazırda BDU) Tarix fakültəsinə daxil olub. 1977-80 illərdə Dövlət təyinatı ilə Saatlı r-nu Nərimankənd orta məktəbində müəllim, 1980-81 illərdə Azərb. SSR EA Tarix İnstitutunda baş laborant, 1981-92 illərdə AZNKİ-nin Sumqayıt filialında əvvəlcə müəllim, sonra isə baş müəllim, 1992-93 illərdə Sumqayıt Şəhər İcra Hakimiyyəti başçısı aparatında humanitar məsələlər üzrə şöbə müdiri vəzifəsində, 1998–2000 illərdə BDU-da baş müəllim, 2000-01 illərdə Bakı Biznes Universitetində baş müəllim, “Magistratura şöbəsi”nin müdiri vəzifələrində çalışıb. 2017-20 illərdə ADPU-da “Azərbaycan tarixi” fənnini tədris edib.

(4.12.1958, Göyçay r-nunun Qaraxıdır k. – 17.8.1992, Füzuli r-nu Muğanlı k.) – Birinci Qarabağ müharibəsi şəhidi.

1974 ildə kənd orta məktəbinin səkkizinci sinfini bitirib Şamaxı Pedaqoji Texnikumuna daxil olub. Buranı bitirəndən sonra Göyçayın Ləkçıplaq k. orta məktəbində müəllimlik etməyə başlayıb. 1979 ildə hərbi xidmətə yola düşüb. Xidməti borcunu başa çatdırandan sonra işləmək üçün Tümen vilayətinə gedib. 1982 ildə vətənə qayıdan Z.Zülfüqarov iki il kolxozda əmək fəaliyyətini davam etdirib. 1984 ildə öz ixtisası üzrə Şəkər k. orta məktəbinə müəllim təyin olunub. Bir müddət sonra Göyçay Toxuculuq kombinatında usta köməkçisi kimi fəaliyyətini davam etdirib. 1992 ilin fevralında könüllü olaraq cəbhə bölgəsinə yola düşüb. Füzuli r-nunun Əmiralılar və Kuropatkino k. D.Əzizovun başçılıq etdiyi vzvodda reyd əməliyyatlarında iştirak edib. Ağır döyüşlərin birində şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.