(27.4.1947, Göycay ş.) – Azərb. Resp. Dövlət Neft Şirkətinin “Neftqazelmitədqiqatlayihə” İnstitutunun aparıcı elmi işçisi, texnika e.d. (2018), prof.

AZNKİ-nin Neftmexanika fakültəsini bitirib (1969). 1969-72 illərdə layların ayrı-ayrılıqda və eyni zamanda istismarı üzrə Xüsusi Konstruksiya Bürosunda ikinci dərəcəli konstruktor vəzifəsində çalışıb. 1972 ildə müsabiqə yolu ilə M.Əzizbəyov adına AZNKİ-nin Nəzəri Mexanika kafedrasında işə başlayıb və 1998 ilədək həmin kafedrada assistent, baş müəllim və dos. vəzifələrində çalışıb. Abbasov 1989 ildə Мoskva Dövlət Тexniki Universitetində “Maşınların, cihazların və aparatların dinamikası, möhkəmliyi” ixtisası üzrə “Boru kəmərinin və mayenin dinamikasını nəzərə alaraq pakerlərin hermetiklik qabilliyyətinin artırılması metodlarının işlənməsi” mövzusunda namizədlik dissertasiyasını müdafiə edərək texnika ü.f.d. alimlik dərəcəsi alıb.

20.6.1942, Göyçay r-nunun Qaraman k. – 29.7.2020, Bakı ş.) – pedaqoq, pedaqogika ü.f.d. (1981), dos. (1990).

1950-57 illərdə Qaraman k. natamam orta məktəbini başa vurub, 1960 ildə Ləkçıplaq k. orta məktəbini bitirib. V.İ.Lenin adına APİ-nin (indiki ADPU) ibtidai təhsilin Pedaqogikası və metodikası fakültəsini bitirib (1964). 1964-70 illərdə İsmayıllı r-nunun Qalıncaq və Qubaxəlilli k. orta məktəblərində müəllim və təlim-tərbiyə işləri üzrə direktor müavini vəzifəsində çalışıb. 1970-71 illərdə Azərb. Müəllimlərin Təkmilləşdirilməsi İnstitutunda metodist, 1971-84 illərdə AR Maarif Nazirliyində metodist, inspektor, şöbə rəisi kimi fəaliyyət göstərib. 1974-77 illərdə APİ-nin Azərbaycan dili və onun tədrisi metodikası kafedrasının aspiranturasında oxuyub. A.Abdullayev 1981 il martın 9-da V.İ.Lenin adına APİ-nin filologiya üzrə ixtisaslaşdırılmış şurasında “Qiraət dərslərində bədii əsərlərin dili üzərində işin təşkili metodikası” mövzusunda dissertasiya müdafiə edərək pedaqogika ü.f.d. alimlik dərəcəsi alıb.

(2.2.1958, Göyçay ş.) – tarix ü.f.d. (1989), dos.(1996).

1980-85 illərdə Ağdaş Kənd Təsərrüfatı Texnikumunda müəllim və fənn komissiyasının sədri işləyib. BDU-nun Tarix fakültəsinin “Azərbaycanın qədim və orta əsrlər tarixi” kafedrasında laborant (1985), baş laborant (1987), müəllim (1990), baş müəllim (1993) vəzifələrində çalışıb. 1996 ildən həmin kafedranın dosentidir. 2004-06 illərdə “Azərbaycan tarixi (təbiət fakültələri üzrə)” kafedrasının müdir əvəzi vəzifəsində çalışıb. 2006 ildən həmin kafedranın müdiridir. “XIX əsrin birinci 30 illiyində Şimali Azərbaycanda aqrar siyasəti“ mövzusunda dissertasiya müdafiə edərək tarix elmləri namizədi alimlik dərəcəsi alıb. 170-dən çox elmi məqalənin, dərslik, proqram, dərs vəsaiti və kitabın müəllifidir.

(28.9.1935, Göyçay ş. – 7.11.2015, Bakı ş.) –  cərrah-onkoloq, tibb ü.f.d. (1972), Əməkdar həkim (2010), prof.

1959 ildə N.Nərimanov adına ATİ-nin Stomatologiya fakültəsini bitirib və Türkmənistana işə göndərilib. Bir müddət orada işlədikdən sonra iş yeri Özbəkistana dəyişilir və Termez ş.-də Surxandərya vilayət xəstəxanasında stomatoloq kimi fəaliyyətə başlayır. Orada beş il tibbi kadrların kəskin çatışmazlığı şəraitində çalışdıqdan sonra Abdullayev çənə-üz cərrahiyyəsinin bir çox incəliklərini mənimsəyir və bu sahədə təcrübəli mütəxəssis kimi formalaşır.

(15.8.1935, Göyçay r-nunun Qaraman k. – 26.12.2022, Bakı ş.) – filoloq alim, pedaqoq, qabaqcıl təhsil işçisi, prof. (1993), Əməkdar müəllim (2012).

Natamam orta təhsilini Qaraman k.-də yeddiillik məktəbdə alan N.Abdullayev 1950 ildə Göyçay Pedaqoji Texnikumuna daxil olmuş və 1954 ildə fərqlənmə diplomu ilə bitirmişdir. Elə həmin ildə APİ-nin (indiki ADPU) Tarix-filologiya fakültəsinə daxil olmuş, 1959 ildə ali təhsilini başa çatdırdıqdan sonra iki il Sumqayıt məktəblərində müəllim işləmişdir. 1962-65 illərdə APİ-də əyani aspirantura təhsilini başa vurub “Şagirdlərin orfoepik vərdişlərinin formalaşdırılması yolları” mövzusunda dissertasiya müdafiə edən Abdullayev həmin dövrdən Pedaqoji İnstitutun Azərbaycan dili və onun tədrisi metodikası kafedrasında işə başlamışdır. Müəllim, baş müəllim, dosent vəzifələrində çalışmış, 1993 ildən həmin kafedranın professoru işləmişdir.

(18.2.1932, Göyçay r-nunun Yenikənd k. – 28.6.1994, Bakı ş.) – diplomat.

ADU-nun (indiki BDU) Şərqşünaslıq fakültəsini fars dili ixtisası üzrə bitirib (1960). Sonra bir müddət müəllim işləyib və fars dilinin tədqiqi üzrə elmi işlə məşğul olub. 1966 ildən diplomatik işə keçmiş, SSRİ-nin əvvəlcə İrandakı, sonra isə Əfqanıstandakı səfirliyində III və II katib kimi məsul diplomatik vəzifələrdə çalışıb. Vətənə qayıtdıqdan sonra Abdullayev 1979-83 illərdə Azərb. SSR XİN-də protokol şöbəsinə başçılıq edib. 1983-91 illərdə SSRİ Nazirlər Kabinetinin Azərb. SSR üzrə dini işlər idarəsinin rəisi, 1991-94 illərdə isə Azərb. Resp. Nazirlər Kabinetinin Dini İşlər İdarəsinin rəisi vəzifəsində işləyib. Diplomatiya və dövlət qulluğunda səmərəli fəaliyyətinə görə orden və medallarla təltif edilib.

Məlumat ailəsindən alınıb.

6.10.1946 Göyçay r-nunun Məlikkənd k.) – pedaqogika ü.f.d., Əməkdar mədəniyyət işçisi (2015).

1953-64 illərdə Göyçay r-nunun Məlikkənd k. səkkizillik məktəbi və Göyçay ş. 1 saylı orta məktəbində təhsil alıb. 1965-70 illərdə ADU-nun Filologiya fakültəsində, 1973-75 illərdə Bakı ş. Partiya Komitəsi yanında Marksizm-Leninizm Universitetinin fəlsəfə şöbəsində təhsilini davam etdirib, 1977-87 illərdə Azərb. Elmi-Tədqiqat Pedaqoji Elmlər İnstitutunda (indiki Təhsil Problemləri İnstitutu) dissertantura təhsili alıb.

(26.9.1974 Bakı ş.) – pedaqogika ü.f.d. (2010), dos. (2018).

1981-91 illərdə N.Nərimanov r-nu 36 saylı orta məktəbdə təhsil alıb, həmin məktəbi gümüş medalla bitirib. 1991 ildə N.Tusi adına APİ-nin İbtidai təlim pedaqogikası və metodikası və musiqi fakültəsinə daxil olub, 1996 ildə həmin universiteti fərqlənmə diplomu ilə bitirib.

O, 1996-97 illərdə Bakı Ali Pedaqoji Qızlar Seminariyasının “Pedaqoji fənlər” kafedrasında laborant; 1997-99 illərdə Bakı Ali Pedaqoji Kadrların İxtisasının Artırılması və Yenidən Hazırlanması İnstitutunun “Rəhbər kadrların ixtisasının artırılması və yenidən hazırlanması” dekanlığının laborantı; 1998–2003 illərdə Yasamal r-nu 286 saylı məktəbdə ibtidai sinif və musiqi müəllimi kimi fəaliyyət göstərib. 2003 ildən ADPU-nun Azərb. dili və onun tədrisi texnologiyası kafedrasında müəllim, baş müəllim, dos. vəzifələrində çalışır.

(15.8.1966, Göyçay ş.) – filoloq alim, yazıçı-ədəbiyyatşünas, filologiya ü.f.d. (2007), dos. (2018), AYB-nin üzvü (2017), “Qızıl qələm” və “Vətənpərvər yazar” mükafatları laureatı.

Ədəbi yaradıcılığa Göyçayda orta məktəb illərində şeirlə başlamışdır. ADPU-nun Dil və ədəbiyyat fakültəsini bitirib (1987). “XX əsrin əvvəllərində Azərbaycan ədəbi-mədəni fikrində qərbçilik meyilləri” mövzusunda namizədlik dissertasiyası müdafiə etmişdir (2007). “Azərbaycan ədəbi fikrində qərbçilik meyilləri – XX əsrin əvvəlləri” (2014),  “Məhəmməd ağa Şahtaxtlı və Şərq” (2016), “M.Ə.Rəsulzadənin bədii yaradıcılığı” (2017), “Azərbaycan yazıçıları və Şərq” (2018), “Ədəbi düşüncələr” (2021) monoqrafiyalarının, “Sənsiz səninlə” (2007), “Ləmanlı günlərim” (2010), “Baharda düşən yarpaq” (2016), “Bir cüt çöyərçin” (2017), “Qırılıb tale güzgüsü” (2021), “Göyçayın Qarabağ sevdalıları” (2021) bədii-publisistik kitablarının müəllifidir.  

27.11.1949, Göyçay ş.) – Əməkdar həkim (1990).

N.Nərimanov adına ATİ-ni bitirib (1971). 1971-99 illərdə Göyçay r-n Gigiyena və Epidemiologiya Mərkəzində Sanitariya-gigiyena şöbəsinin müdiri, 1999–2022 illərdə Göyçay r-n Gigiyena və Epidemiologiya Mərkəzinin direktoru vəzifəsinə təyin olunub. Hazırda həmin vəzifədə çalışır. 1974–2018 illərdə səhiyyə işçiləri Həmkarlar İttifaqının Göyçay r-n şurasının sədri olub. SSRİ səhiyyə nazirinin 30 may 1986 il tarixli əmri ilə “SSRİ Səhiyyə əlaçısı” döş nişanı ilə, Azərb. Təbiəti Mühafizə Cəmiyyətinin 17 sentyabr 1985 il tarixli qərarı ilə “Təbiətin mühafizəsində fəal iştirakına görə” xatirə medalı ilə təltif edilib. Rayonda malyariya xəstəliyi, xüsusi təhlükəli yoluxucu xəstəliklər olan poliomelit, qara yara, difteriya və s. xəstəliklərin ləğv edilməsində aparılan yüksək səviyyəli profilaktik tədbirlərə görə Ümumdünya Səhiyyə Təşkilatının “Gümüş” döş nişanı, Avropa regional bürosunun, SSRİ və Azərb. Resp. səhiyyə nazirliklərinin fəxri fərmanları, sertifikatları ilə təltif edilib.

Məlumat A.Məmməddən alınıb.