(22.3.1932, Göyçay r-nunun Alpout k. – 2.4.2014, Göyçay r-nunun Alpout k.) –kənd təsərrüfatı işçisi.

İlk təhsilini 1939 ildə Göyçay r-nunun Alpout k. 7-illik məktəbində alıb. 1946 ildə həmin məktəbi bitirib. Məktəbi bitirdikdən sonra kənd kolxozunda əmək fəaliyyətinə başlayıb.

1950-53 illərdə hərbi xidmətdə olub. Hərbi xidmətdən qayıtdıqdan sonra kolxozda əmək fəaliyyətini davam etdirib. Həmin dövrdə kolxozda işləməklə yanaşı, 1966-69 ildə Alpout k. 10-illik məktəbinin nəzdində açılan gecə kursunda 10-illik təhsilini başa vurmuşdur. Moskvada, Kremldə 1969 il 25-27 noyabr tarixlərində keçirilən Üçüncü Ümumittifaq Kolxozçular Qurultayında Göyçay ş. üzrə nümayəndə olub. Əmək fəaliyyəti dövründə göstərdiyi xidmətlərə görə SSRİ Ali Soveti Rəyasət Heyəti adından 31 mart 1970 il tarixli “Vladimir İliç Leninin anadan olmasının 100 illiyi münasibətilə” yubiley medalı, Həmkarlar İttifaqının MK adından “1978 ilin Sosialist Yarışının qalibi” medalı, 19 noyabr 1975 ildə “Doqquzuncu beşilliyin zərbəçisi” döş nişanı ilə təltif edilib. 22 may 1989 ildə İkinci dərəcəli suvarma ustası adına layiq görülüb.

Məlumat ailəsindən alınıb.

(1924–1944) – Böyük Vətən müharibəsi iştirakçısı.

Göyçay RHK.-dan оrduya çağırılıb. Serjant. Macarıstan Resp.-sının Uqra kəndindən c.-da dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 258.

(15.8.1967, Göyçay r. Ulaşlı Şıxlı k. – 25.4.1994, Tapqaraqoyunlu k.) – Birinci Qarabağ müharibəsi şəhidi.

İlk hərbi xidmətini Rusiyanın Krasnoyarsk ş.-də keçib. Sonra Azərb. İnşaat Mühəndisləri İnstitutuna (indiki Memarlıq və İnşaat İnstitutu) daxil olub. İnstitutu bitirəndən sonra torpaqlarımızın müdafiəsi üçün cəbhə bölgəsinə yola düşüb. Goranboy r-nu ətrafında gedən ağır döyüşlərin birində şəhid olub və doğma kəndində dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.4.1973, Göyçay r-nunun Çərəkə k. – 27.6.1992, Ağdərə r-nu) – Birinci Qarabağ müharibəsi şəhidi.

Kənd orta məktəbini bitirdikdən sonra 106 saylı Texniki Peşə Məktəbində traktorçu-maşinist peşəsinə yiyələnib. 1992 ilin martında cəbhəyə yola düşüb. Bir sıra döyüşlərdə igidlik göstərib. Onun son döyüş yeri Tərtər cəbhəsi olub. 1992 ilin iyun ayında bu istiqamətdə gedən ağır döyüşdə şəhid olub. O, Göyçay ş. Şəhidlər xiyabanında dəfn olunub. Vaxtilə təhsil aldığı Çərəkə k. məktəbi şəhidin adını daşıyır.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(22.6.2001, Göyçay r-nunun Birinci Ərəbcəbirli k. – 1.10.2020, Tərtər-Ağdərə istiqamətində) – Vətən müharibəsi şəhidi.

Orta məktəbi bitirdikdən sonra Göyçay Peşə Liseyinə daxil olub, onun adına olan məzun diplomu ailəsinə təhvil verilib.

3.7.2019 il tarixdə həqiqi hərbi xidmətə çağırılıb. 2020 il oktyabrın 1-də Tərtər-Ağdərə istiqamətində hərbi əməliyyatlar zamanı düşmən mərmisinin partlaması nəticəsində qəlpə yarası alıb və şəhid olub. Göyçay Şəhidlər xiyabanında dəfn olunub.

(8.3.1959, Göyçay ş.) – iqtisadçı alim, iqtisad ü.f.d. (1993), dos. (2001).

1976-80 illərdə Azərb. Dövlət Xalq Təsərrüfatı İnstitutunda təhsil alıb və oranı fərqlənmə diplomu ilə bitirərək iqtisadçı ixtisasına yiyələnib. Azərb. Dövlət Xalq Təsərrüfatı İnstitutunu (indiki ADİU) fərqlənmə diplomu ilə bitirib (1980). 1980-89 illərdə Azərb. Dövlət Plan Komitəsi yanında Elmi-Tədqiqat İqtisadiyyat İnstitutunda iqtisadçı vəzifəsindən baş elmi işçi vəzifəsinə qədər yüksəlib. 1989-92 illərdə Azərb. Dövlət Plan Komitəsində, Azərb. Dövlət İqtisadiyyat və Planlaşdırma və Azərb. Dövlət İqtisadiyyat Komitəsində baş mütəxəssis, bölmə və şöbə müdiri vəzifələrində çalışıb. 1994 ildən ADİU-nun Qiymət və qiymətləndirmə kafedrasında çalışır. Beynəlxalq və respublika elmi-praktiki konfranslarında, elmi konqres və seminarlarda məruzələrlə çıxış edib, yerli və xarici mətbuat səhifələrində elmi məqalələr dərc etdirib. Qiymətin əmələ gəlməsi və qiymətləndirməyə aid 2 dərsliyin, 2 dərs vəsaitinin, 30-a qədər elmi məqalənin, çoxlu sayda proqram və metodiki göstərişlərin müəllifidir.

(14.7.1976, Göyçay r-nunun Müskürlü k. – 8.8.1997) – Qarabağ müharibəsi şəhidi.

27.10.1994 ildə əsgər rütbəsində hərbi xidmətə çağırılıb, 8.8.1997 ildə şəhid olub, Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1920, Göyçay qəz. – 1943) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Sıravi əsgər. Ukrayna Resp. Xarkov vilayətinin 194-cü km-də dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2003, s. 102.

(27.2.1970, Göyçay r-nunun Mırtı k. – 9.1.1994, Füzuli r-nu ərazisində) – Birinci Qarabağ müharibəsində itkin düşüb.

1.2.1993 ildə Göyçay RHK tərəfindən hərbi xidmətə çağırılıb, 1994 ilin yanvarında Füzuli r-nunun Şükürbəyli k. ərazisində itkin düşüb. Göyçay r-n məhkəməsinin 2007 il tarixli qətnaməsinə əsasən ona şəhid statusu verilib.

Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.

(1913–1943) – Böyük Vətən müharibəsi iştirakçısı.

Göyçay RHK.-dan оrduya çağırılıb. Starşina. Donetsk vilayətinin Stepanovka kəndində dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 361.