(11.12.1955, Göyçay r-nunun Bığır k.) – tarixçi alim, tarix ü.f.d. (1992), dos. (2008).

ADU-nun (hazırda BDU) Tarix fakültəsini bitirib. 1980-93 illərdə ADU-nun “Yeni və ən yeni tarix” kafedrasında laborant, baş laborant, müəllim kimi çalışıb. 1993-94 illərdə Azərb. Resp. Nazirlər Kabineti yanında Xarici Turizm Şurasının “Turizm işinin təşkili və xidmət” şöbəsinin müdiri, 1994–2001 illərdə Azərb. Resp. Xarici Turizm Şurası nəzdindəki “Azərtur” turizm müəssisəsində “Xarici turizmin təşkili” şöbəsinin rəisi, 2001-03 illərdə Azərb. Turizm Sənayesinin İnkişafı İttifaqında aparıcı mütəxəssis kimi fəaliyyət göstərib. 2003-06 illərdə Bakı Bədən Tərbiyəsi və Turizm Kollecində çalışıb. Uzun müddət ATMU-da “Turizm biznesi” kafedrasının müdiri və həmin kafedranın dosenti vəzifəsini tutub. Hazırda həmin universitetin “Turizm və qonaqpərvərlik” fakültəsinin dekanıdır. B.Bilalov Azərb.-da turizmin inkişafına yönəlmiş bir sıra layihələrin hazırlanmasında iştirak edib.

(1910–1944) – Böyük Vətən müharibəsi iştirakçısı.

Göyçay RHK.-dan оrduya çağırılıb. Starşina. Маcarıstan Resp.-da dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 485.

(15.7.1933, Göyçay ş. – 27.8.1996, Bakı ş.) – texnika ü.f.d. (1967).

Bakı texnoloji maşınqayırma texnikumunu fərqlənmə ilə bitirib, Leytenant Şmidt adına (indiki Səttarxan adına) zavodda konstruktor, usta, sex rəisi, növbə rəisi işləyib. 1953-56 illərdə İsmayıllı r. İvanovka kənd MTS-in rəhbəri olub. 1956 ildə doğma zavoda qayıdıb. 1962 ildə M.Əzizbəyov adına Azərb. Neft və Kimya İnstitutunun (indiki Azərb. Dövlət Neft və Sənaye Universiteti) Neft-mexanika fakültəsini bitirib həmin zavodda ştanqa sexinin rəisi işləyib. 1976-82 illərdə Neft və Kimya İnstitutunda kafedra müdiri olub, 1962 ildə isə institutun xalq nəzarəti təşkilatının sədri seçilib. 1986-92 illərdə “Mühəndis qrafikası” fakültəsinin rəhbəri olub.

Məlumat V.Abdullayevdən alınıb.

(1927, Göyçay ş. – 2001, AFR) – pedaqoq, SSRİ Maarif əlaçısı (1976), Azərb. SSR Əməkdar müəllimi (1978).

Orta məktəbi bitirəndən sonra Göyçay pedaqoji məktəbinə daxil olub. Burada təhsilini başa vurub gənc riyaziyyat müəllimi kimi İvanovka k. məktəbinə təyinat alıb.

(24.12.1923, Lənkəran qəz., Astara ş. – 21.2.1997, Bakı ş.) – şərqşünas, Sovet İttifaqı Qəhrəmanı (1945), AMEA-nın həqiqi üzvü, tarix e.d. (1964), prof. (1965), Dövlət Mükafatı laureatı, Əməkdar elm xadimi (1982), Göyçay ş. Fəxri vətəndaşı.

Z.Bünyadov Bibi-Heybət alim-şeyxləri nəslindən olmuş atası Musa Bünyadovun sayəsində hələ uşaqlıqdan ərəb dilini öyrənmiş və Quranı oxumağa başlamışdı. Uşaqlıqda ciddi tərbiyə alan Bünyadov ailədə altı uşaqdan ən böyüyü idi. Atası xidməti işi ilə əlaqədar olaraq Göyçaya göndərildiyinə görə Bünyadov orta məktəb illərini Göyçayda keçirmişdi. 1939 ildə indiki Göyçay ş. 3 saylı orta məktəbi bitirdikdən sonra, o, təyyarəçilik məktəbinə daxil olmaq məqsədilə Bakıya gedib. Lakin tibb komissiyasından keçə bilmədiyindən yaşına iki il əlavə edib S.Orconikidze adına Bakı Piyadalar Məktəbində təhsilini davam etdirib. 1941 ilin mayında hərbi məktəbi leytenant rütbəsində əlaçı diplomu ilə bitirib.

(1974, Göyçay r -nunun Potu k.) – pedaqoq, fizika-riyaziyyat ü.f.d (2001)

BDU-nun Fizika fakültəsini fərqlənmə diplomu ilə bitirib (1996). Bürcəliyev 1997 ildə BDU-nun əyani aspiranturasına daxil olmuş və 2000 ildə nəzəri və riyazi fizika ixtisası üzrə “Dərin qeyri-elastiki elektron-proton, proton-proton toqquşmasında spik effektlərinin kvantoxromodinamik tədqiqi” mövzusunda dissertasiya işini müdafiə etmişdir. 2001 ildə Ali Attestasiya Komissiyasının qərarı ilə fizika-riyaziyyat e.n. dərəcəsi almışdır. 2001-02 illərdə Göyçay ş. 2 saylı orta məktəbdə müəllim işləmişdir. 2002 ildən isə şəhər 7 saylı orta məktəbdə fizika müəllimi olaraq çalışır. Bürcəliyev 2010 ilin sentyabr ayından Göyçay RTŞ-də aparıcı məsləhətçi işləmişdir. 2015 ilin iyul ayında 2-ci dərəcəli dövlət qulluqçusu ixtisas dərəcəsi almışdır.

2015-22 illərdə Göyçay RTŞ-nin müdir müavini vəzifəsini icra edib. 2022 ildə Mərkəzi Aran Regional Təhsil İdarəsi (MARTİ) Göyçay bölməsinə sektor müdiri təyin olunmuşdur. Hazırda MARTİ Ucar bölməsinin sektor müdiridir.

Mənbə: A.Kəngərli. “Bir məktəbin tarixi”. Bakı, 2018.

(1909, Göyçay qəz. – 24.1.1945) – Böyük Vətən müharibəsi iştirakçısı.

1942 ildə Göyçay RHK.-dan оrduya çağırılıb. Sıravi əsgər, avtomatçı. Macarıstan Resp.-nın Sekeşfexerbar ş.-də dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 526.

(1917, Göyçay qəz. – 1944) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Sıravi əsgər, avtomatçı. Latviya Resp.-nın Dobele r-nunda dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 539.

(17.1.1937, Ağsu r-nunun Pirhəsənli k. – 14.9.2019, Göyçay ş.) – pedaqoq, Əməkdar müəllim (2005).

Orta təhsilini Göyçay r-nunun Alpout və Ləkçıplaq k.-lərində almışdır. APİ-nin (indiki ADPU) Fizika-istehsalat fakültəsini bitirib (1961). Sonra təyinatla Göyçay RTŞ-yə göndərilmişdir. 1961-63 illərdə Göyçay ş. 2 saylı orta məktəbdə istehsalat təlimi üzrə direktor müavini və fizika müəllimi işləmişdir. 1963 ildə 2 saylı orta məktəb natamam orta məktəbə çevrildiyi üçün Göyçay ş. 9 saylı orta məktəbə fizika müəllimi təyin olunmuş, 1966 ilə kimi həmin məktəbdə müəllimlik fəaliyyətini davam etdirmişdir. 1966 ildə Göyçay ş. 7 saylı orta məktəbə fizika müəllimi təyin olunmuş, 2011 ilə kimi həmin məktəbdə müəllim işləmişdir.

(28.1.1971, Göyçay r-nunun Çərəkə k. – 16.2.1994, Ağdam r-nunun Sarıcalı k.) – Birinci Qarabağ müharibəsi şəhidi.

Çərəkə k. orta məktəbində səkkizinci sinfi bitirdikdən sonra 106 saylı Texniki- Peşə Məktəbində təhsilini davam etdirib. Sonra RF-nin Kursk vilayətində əsgəri xidmət keçib. 1992 ilin avqustunda Milli Ordunun tərkibində vətənin müdafiəsinə yollanıb. O, Mərzili, Novruzlu, Bağbanlar, Saybalı, Pirzallı kəndləri, Habelə Fərrux dağında gedən döyüşlərdə fəal iştirak edib. 1994 il fevralın 16-da Ağdam r-nunun Sarıcalı k. uğrunda gedən döyüşlərdə şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.