(20.3.1974, Göyçay r-nunun Qarayazı k. – 4.1.1994, Ağdərə r-nu) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra Qaraməryəm k. 179 saylı Texniki Peşə Məktəbində sürücülük peşəsinə yiyələnib. 1992 ilin avqustunda hərbi xidmətə çağırılıb. 1993 ilin aprelində isə döyüş bölgəsinə yollanıb. Ağdərə uğrunda gedən döyüşlərdə, Füzuli və Daşaltı əməliyyatlarında fəal iştirak edib. 1994 ilin yanvarında ağır döyüşlərdə qəhrəmancasına şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(27.10.1973, Göyçay r-nunun İnçə k. – 9.7.1992, Kəlbəcər r-nun Umudlu k.) – Birinci Qarabağ müharibəsi şəhidi.

Orta məktəbi bitirdikdən sonra Mingəçevir ş. sürücülük kursunda oxuyub. 1992 ilin martında hərbi xidmətə yola düşüb. Bir neçə aydan sonra döyüş bölgəsinə göndərilib. Kəlbəcərin Umudlu k.-də gedən qanlı döyüşlərin birində şəhid olub və doğma kəndində torpağa tapşırılıb.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(25.3.1958, Göyçay r-nunun Hacalıkənd k. – 16.8.1992, Ağdam r-nu ərazisində) – Birinci Qarabağ müharibəsi şəhidi.

Orta məktəbi bitirdikdən sonra Ukraynanın Dnepropetrovsk ş. gedib. Burada işləyərkən ermənilərin Xocalı ş.-də törətdiyi soyqırımı eşidib Azərb.-a qayıdır və “Qarabağ könüllüləri” dəstəsinə qoşularaq Şuşanın Nəbilər, Laçının Köhnəkənd, Ağdamın Gülablı k. gedən döyüşlərdə iştirak edir. Düşmənlə döyüşdə yaralanan Vahid yarasının tam sağalmasını gözləmədən yenidən hərbi hissəyə qayıdıb və döyüşlərə qatılıb. Ağdamda gedən döyüş zamanı düşmənin bir tankını məhv edib və qəhrəmancasına şəhid olub. Doğulduğu Hacalıkənd k. qəbiristanlığında dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.2.1946, Göyçay ş.) – fizika-riyaziyyat e.n, dos.

28 fevral 1946 ildə Göyçay ş.-də anadan olub. 1962 ildə Göyçay ş. 1 saylı orta məktəbi qızıl medalla bitirib. 1962-67 illərdə ADU-nun Mexanika-riyaziyyat fakültəsində təhsil alıb və oranı fərqlənmə diplomu ilə bitirib. 1967 ildən bu günə qədər BDU-nun Riyazi fizika tənlikləri kafedrasında çalışır. Fizika-riyaziyyat elmləri namizədi, dosentdir. 28 elmi məqalənin və 2 metodik vəsaitin müəllifidir. Dəfələrlə beynəlxalq konfrans və simpoziumlarda iştirak edib.

Məlumat V.Abdullayevdən alınıb.

(2.3.1974, Göyçay r-nunun Bəydövül k. – 3.3.1993, Laçın r-nu) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra 58 saylı Texniki Peşə Məktəbində təhsilini davam etdirib. 1992 ilin mayında könüllülər dəstəsi tərkibində torpaqlarımızın düşməndən müdafiəsinə yollanıb. O, əvvəlcə Qubadlı ərazisində, sonra isə Laçın r-nunun Güləbird k. ətrafında gedən döyüşlərdə fəal iştirak edib. Bu döyüşlərin birində ağır yaralananaraq Bakıdakı hərbi hospitala göndərilib. Həkimlərin səyinə baxmayaraq, 1993 ilin martında dünyasını dəyişib. Doğulduğu k.-də dəfnedilib. Oxuduğu orta məktəb hazırda onun adını daşıyır.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

Nəcəfov Ətraf Alməmməd oğlu (10.7.1956, Göyçay r-nunun Çərəkə k.) – şair-publisist, AYB-nin üzvü (1996).

1973 ildə Göyçay r-nunun Çərəkə k. orta məktəbini bitirib. 1973 ildə Bakı soyuducu zavodunda fəhlə işləyib. 1974 ildə Ucar 122 saylı Texniki Peşə Məktəbində traktorçu peşəsi üzrə təhsil alıb. 1975-77 illərdə hərbi xidmətdə olub. O, 1978-83 illərdə M.F.Axundov adına Azərb. Pedaqoji Dillər İnstitutunun (indiki Bakı Slavyan Universiteti) qiyabi şöbəsində təhsil alaraq rus dili və ədəbiyyatı müəllimi ixtisasına yiyələnib. 1978-2004 illərdə Göyçay r-nunun Çərəkə k. orta məktəbində ibtidai hərbi hazırlıq rəhbəri, rus dili müəllimi və direktorun təlim-tərbiyə işi üzrə müavini vəzifəsində işləyib. 2004 ildə xidməti pensiyaya çıxıb.

(21.12.1974, Göyçay ş. – 28.1.1994, Tərtər r-nu) – Birinci Qarabağ müharibəsində əsir düşüb.

13.4.1993 ildə əsgər rütbəsində hərbi xidmətə çağırılıb, 28 yanvar 1994 ildə Ağdərə r-nunun Akop Komari k. uğrunda gedən döyüşlərdə əsir götürülüb. Xankəndi ş.-də yerləşən 366 saylı alayın bazasında saxlanılıb.

Göyçay r-n məhkəməsinin 2007 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

E.Orucova. Bizi əsirlikdən qurtarın. Bakı, 2006, s. 218.

(10.5.1973, Ağdaş r-nunun Şəmsabad k. – 27.8.1993, Laçın r-nu ərazisində) – Birinci Qarabağ müharibəsi şəhidi.

Göyçay r-n Çərəkə k. orta məktəbində səkkizinci sinfi bitirdikdən sonra Göyçay ş. 106 saylı Texniki Peşə Məktəbində sürücülük peşəsinə yiyələnib. 1991 ildə hərbi xidmətə çağırılıb. O, Füzuli, Tərtər, Cəbrayıl bölgələri ətrafında gedən döyüşlərdə yaxından iştirak edib. 1993 ilin avqustunda Laçın r-nun Güləbird k. ətrafında şəhid olub və Göyçay r-nunun Çərəkə k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1921, Göyçаy qəz. İnçə k. – 5.5.1944) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Serjant. Belorus Resp.-sı Vitеbsk vil. Pоlоtsk r-nunun Qlimtinsk k.-də dəfn еdilib.

Mənbə: Azərbaycan Respublikası Xatirə kitabı. 20 cilddə, IV cild, Bakı, 2006, s. 404.

(22.2.1959, Göyçay r-nunun Potu k. – 8.10.1992, Laçın r-nu) – Birinci Qarabağ müharibəsi şəhidi.

Orta məktəbi bitirdikdən sonra bir müddət əmək fəaliyyəti ilə məşğul olub. Daha sonra Rusiya Federasiyasında ilk hərbi xidmətini başa vurub. 1992 ilin martında isə könüllü olaraq Milli Ordu sıralarına yazılır. Üç aylıq təlim məşqlərindən sonra Köhnəkənd, Böyük Kirs dağı uğrunda gedən döyüşlərdə iştirak edir. Goranboy əməliyyatında onun dəstəsi fərqlənir. Əmralılar və Kuropatkino k. reyd əməliyyatında iştirak edir.