(8.5.1975, Zərdab r-nunun Bəyimli k. – 14.2.1994, Füzuli r-nu) – Birinci Qarabağ müharibəsi şəhidi.

Göyçay r-nunun Potu k. orta məktəbində səkkizinci sinfi bitirdikdən sonra 106 saylı Texniki Peşə Məktəbində təhsilini davam etdirib. 1993 ilin oktyabrında əsgəri xidmətə çağırılıb. 1994 ilin yanvarında döyüş bölgəsinə yollanıb. O, Füzuli r-nunun Kərimbəyli k. və Horadiz ətrafında gedən döyüşlərdə igidlik göstərib. Fevral ayının 14-də bu istiqamətdə gedən döyüşlərdə şəhid olub və iki gün sonra Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.4.1948, Göyçay ş.) – fizika-riyaziyyat e.d., prof.

BDU-nu bitirib. Əmək fəaliyyətinə 1970 ildə AMEA Kibernetika İnstitutunda kiçik elmi işçi kimi başlayan F.Hüseynov sonralar bu institutda və Moskva Dövlət Universitetində böyük elmi işçi kimi, habelə Bakı Dövlət Universitetinin Tətbiqi riyaziyyat və Orta Şərq Universitetinin Riyaziyyat fakültəsində, 1994–2013 illərdə Bilkent Universitetinin İqtisadiyyat fakültəsində çalışıb. 2013 ildən ADA-da işləyir.

Məlumat V.Abdullayevdən alınıb.

(22.10.1974, Göyçay r-nunun Müskürlü k. – 20.1.1994, Füzuli r-nunun Alxanlı k.) – Birinci Qarabağ müharibəsi şəhidi.

1992 ilin avqustunda hərbi xidmətə çağırılan H.Hüseynov könüllü surətdə döyüş bölgəsinə yola düşüb. Füzuli bölgəsi istiqamətdə gedən döyüşlərdə tağım komandirinin müavini kimi  xüsusi fərqlənib. Döyüşlərin gərgin vaxtında qəfil baş verən mina partlayışı zamanı şəhid olub. Doğulduğu kənddə dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(21.6.1926, Göyçay r-nunun Qarabaqqal k. – 25.7.1995, Bakı ş.) – texnika e.d. (1961), prof. (1964).

1932-39 illərdə k. məktəbində təhsil alıb. 1939 ildə Göyçay Pedaqoji Texnikumuna daxil olub və oranı bitirdikdən sonra müharibə dövründə müəllimlik fəaliyyətinə başlayıb. 1945 ildə Azərb. Dövlət Universitetinin (indiki BDU) Fizika-riyaziyyat fakültəsinə qəbul olub və oranı 1950 ildə “riyaziyyat” ixtisası üzrə fərqlənmə ilə bitirib. 1950-53 illərdə akad. İ.M.Qubkin adına Moskva Neft-Kimya və Qaz Sənayesi İnstitutunun aspiranturasında təhsil alıb. 1954 ildə alim B.N.Şelkaçevin rəhbərliyi altında “Qazlı mayelərin məsaməli mühitdə hərəkəti məsələlərin hidrodinamik tədqiqatları” mövzusunda namizədlik dissertasiya işini müdafiə edib. H.Hüseynov həmin ildə AzNQSDETLİ-də böyük elmi işçi kimi fəaliyyətə başlayıb. Onun təşəbbüsü ilə 50 illərin ortalarında resp.-da ilk dəfə bu institutda yeraltı hidrodinamika laboratoriyası yaradılıb.

(8.9.2000, Göyçay r-nunun Qarayazı k. – 10.10.2020, Suqovuşan istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilmiş, 19 oktyabr 2020 il tarixdə Suqovuşan istiqamətində gedən döyüşlərdə şəhid olmuşdur. Doğulduğu k.-də dəfn edilib.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Laçının azad olunmasına görə” (29.12.2020) və “Suqovuşanın azad olunmasına görə” (5.11.2021) medalları ilə təltif edilib.

Mənbə: https://memorial.az/az/qehremanlarimiz/866

(27.1.1963, Göyçay ş. – 22.7.1992, Ağdam r-nu ərazisində) – Milli ordumuzun ilk zabitlərindən biri, Birinci Qarabağ müharibəsi şəhidi.

Orta təhsilini Göyçay ş. M.Füzuli adına 6 saylı tam orta məktəbdə alıb. İlk dəfə 1980-82 illərdə Rusiyanın Novosibirsk ş.-də hərbi xidmət keçib. Sonra Göyçaya qayıdır və avtoməktəbdə sürücülük peşəsinə yiyələnir. Hüseynov 1983 ildə Naxçıvanda 6 aylıq kurs keçərək leytenant rütbəsi alır. 1992 ildə döyüş bölgəsinə yollanır. Onun ilk döyüş yolu da elə həmin ilin aprel-may aylarında Göyçay özünümüdafiə dəstəsinin tərkibində, Dağlıq Qarabağda, Laçın və Qubadlı r-nları ərazisində hərbi əməliyyatlarda iştirak etməklə başlayıb. Mirağa Ağdərə, Naxçıvanik, Laçın, Goranboy və digər bölgələrdə döyüşüb. Naxçıvanik döyüşündə xüsusi şücaət göstərib. Ağdam r-nu ərazisində gedən döyüşlərdə şəhid olub. M.Hüseynov Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(12.6.1940, Göyçay ş. – 21.2.2019, Bakı ş.) – riyaziyyatçı, riyaziyyat e.d. (1999), prof. (2009), AMEA-nın müxbir üzvü (2007).

ADU-nun Mexanika-riyaziyyat fakültəsini bitirib (1964). M.Lomonosov adına MDU-nun aspirantı (1964-67) və həmin universitetin doktorantı (1991-94) olub. Hüseynov H.Zərdabi adına Gəncə Pedaqoji İnstitutunda müəllim, baş müəllim, dekan müavini vəzifələrində çalışıb (1972-79), Ç.İldırım adına Politexnik İnstitutunun Gəncə filialında müəllim, dos., “Ali riyaziyyat” kafedrasının müdiri vəzifələrində işləyib (1979-90). Alim AMEA Riyaziyyat və Mexanika İnstitutunun böyük elmi işçi, aparıcı elmi işçi, baş elmi işçi, “Funksional analiz” şöbəsinin müdiri işləyib (1990-2002). Hüseynov M.Lomonosov adına MDU-nun funksional analiz məktəbinin yetirməsidir. Onun elmi rəhbəri prof. Q.Şilov olub.

(11.7.1996, Göyçay r-nunun Məlikkənd k. – 27.9.2020, Talış-Suqovuşan istiqamətində) –  Vətən müharibəsi şəhidi.

11.07.1996 il tarixdə Göyçay r-nu Məlikkənd kəndində anadan olub. 21 sentyabr 2020 il tarixdə hərbi təlimlərə cəlb edilmiş, 27 sentyabr 2020 il tarixdə Talış-Suqovuşan istiqamətində gedən döyüşlərdə şəhid olub. Doğulduğu k.-də dəfn edilib.

Ölümündən sonra Azərbaycan Respublikası Prezidentinin sərəncamı ilə “Vətən uğrunda” (15.12.2020) və “Laçının azad olunmasına görə” (29.12.2020) medalları ilə təltif edilib.

Mənbə: https://memorial.az/az/qehremanlarimiz/3118

(1.1.1967, Göyçay r-nunun Qarabaqqal k.) – iqtisadçı alim, iqtisad ü.f.d. (2008), dos. (2011).

SDU-nun Kimya istehsalının maşın və aparatları fakültəsini “Mühəndis-mexanik” ixtisası üzrə bitirib (1992). M.Hüseynova 1992–2005 illərdə SDU-nun Standartlaşdırma və sertifikatlaşdırma kafedrasında assistent, 2005 ildən isə SDU-nun “Tədris Metodiki” şöbəsində istehsalat təcrübə rəhbəri vəzifəsində çalışıb. 2008 ildə Az.ETKTİ və Texnlologiya İnstitutunda “Yeni iqtisadi sistemdə aqroemal bazarının inkişafı və idarə edilməsinin təkmilləşdirilməsi” mövzusunda namizədlik dissertasiyasını müdafiə edib. 2009 ilin sentyabr ayının 10-dan hal-hazıra kimi SDU Biznesin təşkili və idarə edilməsi kafedrasında baş müəllim vəzifəsində çalışır. M.Hüseynovanın tədqiqatları əsasən aqroemal sahələrinin inkişafı, ərzaq məhsullarının ekoloji təhlükəsizliyi, aqroemal sahələrinin idarə olunması və inteqrasiyası məsələlərinə həsr olunub. 2,9 çap vərəqi həcmində 7 elmi məqalənin müəllifidir.

Məlumat V.Abdullayevdən alınıb.

(1948, Göyçay r-nunun Potu k.) – deputat.

Əmək fəaliyyətinə 1963 ildə Kalinin adına təsərrüfatda başlamışdır. Azərb. Dövlət Kənd Təsərrüfatı İnstitutunu bitirmib. (1981). Azərb. SSR Ali Sovetinin (9-10 çağırış) deputatı, Ali Sovetin Mənzil-kommunal Təsərrüfatı və məişət xidməti komissiyasının üzvü, Azərb. KP MK.-nın üzvü olub.

Mənbə: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 183.