(1982, Göyçay r-nunun Qaraxıdır k.) – həkim, tibb ü.f.d.

1982 ildə Göyçay r-nunun Qaraxıdır k.-də anadan olub. 2005i ildə ATU-nun Müalicə-profilaktika fakültəsini fərqlənmə diplomu ilə bitirib. 2005-06 illərdə Milli Onkologiya Mərkəzində internatura keçib. 2006-08 illərdə Milli Onkologiya Mərkəzində kliniki ordinaturada təhsilini davam etdirib. 2008-12 illərdə Türkiyə və Rusiyada uzunmüddətli ixtisasartırma kursları keçib. 2008 ildən Milli Onkologiya Mərkəzinin “Şüa terapiyası” şöbəsində və Uşaq klinikasında radiasion onkoloq vəzifəsində çalışır. 9 elmi nəşri çap olunub. Rus və ingilis dillərini bilir. 2016 ildə onkologiya sahəsinin inkişafında göstərdiyi fəaliyyətlərinə görə “Fəxri fərman”la təltif edilib, həmçinin “İlin həkimi – 2017” ali media mükafatına layiq görülüb.

Məlumat V.Abdullayevdən alınıb.

(23.4.1957, Göyçay r-nunun Qaraman k. – 2015, Bakı ş.) – pedaqoq alim, pedaqogika e.n. (1987), dos.

İ.Lenin adına APİ-nun Tarix fakültəsini bitirib (1979). Sonra Göyçay r-nunda müəllimlik edib. 1987 ildən ADPU-nun “Pedaqogika” kafedrasında müəllimlik edib. 2013 ildən Bakı Qızlar Universitetinin “Pedaqogika” kafedrasının müdiri təyin olunub. 40-dan artıq elmi əsərin, 3 monoqrafiya, 2 dərslik, 5 proqram və 2 metodik vəsaitin müəllifi idi. “Hacı Rəhim Əfəndi” kitabının həmmüəllifidir.

Məlumat V.Abdullayevdən alınıb.

(15.2.1975, Göyçay r-nunun Qarabaqqal k.–22.1.1996) – Birinci Qarabağ müharibəsi şəhidi.

E.Nəsirov 1981-89 illərdə Qarabaqqal k. tam orta məktəbində təhsil alıb. 1989 ildə Bakı İnşaat Texnikumuna daxil olub. 1994 ildə hərbi xidmətə çağırılıb. 1996 ildə Ağdam r-nunun Çəmənli k.-də gedən döyüşlərdə şəhid olub.

Məlumat ailəsindən alınıb.

(23.5.1968, Cəlilabad r-nunun Təzəkənd k.) – politoloq, siyasi şərhçi, Azərb. MM V (89 saylı Göyçay-Ağsu), VI (68 saylı Cəlilabad qəsəbə) çağırış deputatı, YAP Beynəlxalq əlaqələr komissiyasının katibi, siyasət ü.e.d. (2011), prof. (2012).

1989-94 illərdə BDU-nun Tarix fakültəsində təhsil alıb və oranı fərqlənmə diplomu ilə bitirib.

1992-94 illərdə Azərb. Dillər Universitetində ikiillik ingilis dili kursunda təhsil alıb və fərqlənmə sertifikatı ilə bitiribdir. 1995–2000 illərdə BDU-nun “Avropa və Amerika ölkələrinin yeni və müasir tarixi” kafedrasının dissertantı olub. 1995–2003 illərdə BDU-nun “Avropa və Amerika ölkələrinin yeni və müasir tarixi” kafedrasında çalışıb. 2001 ildə “Azərbaycan–ABŞ münasibətləri. 1991–1997-ci illər” mövzusunda dissertasiya işini müdafiə edərək tarix elmləri üzrə f.d. elmi dərəcəsi alıb. 2011 ildə “ABŞ və beynəlxalq terrorizm problemi” mövzusunda siyasi elmlər üzrə doktorluq dissertasiyasını müdafiə edib.

(1898, Göyçay qəz. Potu k. – 12.8.1943) – Böyük Vətən müharibəsi iştirakçısı.

Müharibədən əvvəl partiya və sovet fəaliyyəti ilə məşğul olub, Potu k. Kalinin adına kolxoza rəhbərlik edib. Göyçay RHK.-dan orduya çağırılıb (20.8.1941).

Məlumat V.Abdullayevdən alınıb.

(29.3.1971, Göyçay ş. – 21.4.1994, Ağdərə r-nu) – Birinci Qarabağ müharibəsi şəhidi.

1.7.1993 il tarixdə könüllü olaraq Milli Ordu sıralarına yazılıb. 21.4.1994 ildə şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.6.1947, Bakı ş.) – filoloq alim, ingilis dili və ədəbiyyatı üzrə mütəxəssis, Əməkdar müəllim (2011).

Azərb. Xarici Dillər İnstitutunu (indiki Azərb. Dillər Universiteti) ingilis dili müəllimi ixtisası üzrə fərqlənmə diplomu ilə bitirib (1970). 1970-91 illərdə həmin təhsil ocağında ingilis dili müəllimi kimi fəaliyyət göstərib, sonrakı fəaliyyətini isə Xəzər Universitetində davam etdirib. 1991 ildən həmin universitetdə Hazırlıq fakültəsinin dekanı, Elmi Şuranın üzvü, audio-video mərkəzin direktoru, “İngilis dili və ədəbiyyatı” departamentinin baş müəllimi kimi fəaliyyət göstərib. 1990-92 illərdə ADNA (indiki ADNSU) nəzdində Biznes Kollecində ingilis dili müəllimi kimi çalışıb. Elmi fəaliyyəti ilə əlaqədar dünyanın bir sıra ölkələrində, o cümlədən ABŞ-ın Los-Anceles və Böyük Britaniyanın Nottingem Trent Universitetlərində, Avstriyanın Zalsburq Təhsil və Mədəniyyət Mərkəzində çalışmış, müxtəlif konfranslarda və tədbirlərdə iştirak etmişdir. İngilis dili və ədəbiyyatının tədrisi metodikası ilə əlaqədar bir sıra beynəlxalq sertifikatlara layiq görülüb. 1999 ildən eyni zamanda Britaniya səfirliyinin Xarici Diplomatlarla İş Mərkəzində məsləhətçi kimi fəaliyyət göstərir. Əsas tədqiqat sahəsi: “İngilis ədəbiyyatı: Şekspir klassik və modern dövrdə”.

(12.8.1974, Göyçay ş. – 24.1.1994, Kəlbəcər r-nu) – Birinci Qarabağ müharibəsi şəhidi.

1992 ilin sentyabrında əsgəri xidmətə çağırılıb. O, Füzulinin Qarğabazar k. yüksəkliyi ətrafında, Cəbrayıl, Horadiz, Mincivan və Zəngilan istiqamətlərində gedən döyüşlərdə fəal iştirak edib. Horadizin işğalından sonra bir müddət döyüş bölgəsindən ayrılıb. 1994 ilin əvvəlində yenidən könüllü olaraq Murovdağa yollanıb. Yanvar ayının 24-də isə bu istiqamətdə gedən ağır döyüşlərdə şəhid olub. Göyçay Şəhidlər xıyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.11.1966, Göyçay r-nunun Mırtı k. – 26.2.1992, Xocalı ş.) – Birinci Qarabağ müharibəsi şəhidi.

Orta məktəbin səkkizinci sinfini bitirdikdən sonra Bakı Yüngül Sənaye Texnikumuna daxil olub. Daha sonra ilk hərbi xidmətini keçmək üçün RF-nin Murmansk vilayətinə yollanıb. 1988 ildə hərbi xidmətini başa vurub vətənə dönərək Xocalı Tikiş Fabrikində əmək fəaliyyətinə başlayıb. 1992 ildə Milli Qəhrəman T.Hüseynovun rəhbərlik etdiyi Xocalı könüllü müdafiə batalyonu tərkibində Vətənin müdafiəsinə qoşulub. Həmin il Xocalı döyüşləri zamanı həlak olub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

Qalib Nuri Arif (9.5.1970, Göyçay ş.) – şair, AYB-nin üzvü (2022).

Nuriyev 1976-84 illərdə Göyçay ş. 3 saylı beynəlmiləl orta məktəbində oxumuşdur. 1984 ildə 8-ci sinfi bitirərərk Göyçay 106 saylı Texniki Peşə Məktəbinə daxil olmuş, 1987 ildə həmin məktəbi fərqlənmə diplomu ilə bitirərək imtahan vermədən Bakı Neft və Kimya Texnikumuna qəbul olmuşdur. 1988-91 illərdə hərbi xidmətdə olmuşdur. 1992 ildə AZNKİ-yə daxil olmuş, 1997 ildə ali təhsilini başa vurmuşdur. İlk şeiri 1984 ildə “Azərbaycan pioneri” qəzetində çap olunmuşdur. 1985-90 illərdə “Yeni həyat” qəzetində şeirlərlə çıxış etmişdir. İlk kitabı olan “Atamın nəsihəti” 2004 ildə işıq üzü görmüşdür. 2012 ildə “Qızılgülün sirri” və “Xan qızı Natəvan” adlı əsərləri kitab halında nəşr olunmuşdur. 2022 ildə “Xan qızı Natəvan” əsərinin yenidən işlənmiş variantı və “Hikmət güzgüsü” kitabı çap olunmuşdur. AYB-nin VIII qurultayının iştirakçısıdır.

Məlumat A.Məmməddən alınıb.