(1.4.1949, Göyçay r-nunun Ləkçıplaq k.) – iqtisad e.d. (1986), prof. (1989).

Orta məktəbi bitirəndən sonra D.Bünyadzadə adına Azərb. Xalq Təsərrüfatı İnstitutuna daxil olub. 1966-70 illərdə həmin institutda, 1970-73 illərdə isə Moskva Dövlət Universitetinin aspiranturasında təhsil alıb. 1973 ildə dissertasiya müdafiə edərək keçmiş SSRİ-də iqtisadiyyat üzrə ən gənc e.n. olub. Həmin ildən ADU-da fəaliyyətə başlayıb. 1984-86 illərdə Azərb. KP MK.-da çalışıb. 1986 ildə D.Bünyadzadə adına Azərb. Xalq Təsərrüfatı İnstitutunun rektoru təyin olunub. 1989-92 illərdə AzPİ-də prof., kafedra müdiri, 1992–2002 illərdə isə Azərb. Resp. Dövlət Antiinhisar siyasəti və Sahibkarlığa yardım komitəsinin sədri kimi fəaliyyət göstərib. 2002 ildən AzTU-da kafedra müdiri vəzifəsində çalışır. R.Quliyev Azərbaycan, rus, türk və alman dillərində nəşr olunmuş yüzdən artıq elmi əsərin müəllifidir.

Mənbə: http://goychay.cls.az/more/text/71505

(25.8.1950, Göyçay ş. – 13.2.1994, Füzuli r-nunun Horadiz qəs.) – Birinci Qarabağ müharibəsi şəhidi.

13 fevral 1994-cü ildə döyüş əməliyyatı zamanı həlak olub.

Mənbə: T.Məhəmmədqızı. Göyçayın Qarabağ sevdalıları. Bakı, 2021, “Avropa” nəşriyyatı, s. 26;

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.4.1974, Göyçay r-nunun Veysəlli k. – 14.12.1994, Ağdam r-nu) – Birinci Qarabağ müharibəsi şəhidi.

1992 ilin mayında hərbi xidmətə yola düşüb. Həmin ilin sentyabrından başlayaraq Laçın, Kəlbəcər və Ağdam ərazilərində gedən döyüşlərdə yaxından iştirak edib. 1994 ilin dekabrında mina partlayışı nəticəsində şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(24.1.1993, Göyçay ş.) – şahmatçı, qadınlar arasında şahmat ustalığına namizəd (2019), şahmat üzrə FİDE ustası (2022), Resp. dərəcəli hakim (2019).

Kiçik yaşlarından resp.-da keçirilən müxtəlif səviyyəli şahmat yarışlarında uğurla çıxış edib. Sonralar resp.-mızı müxtəlif dövlətlərdə keçirilən nüfuzlu yarışlarda dəfələrlə layiqincə təmsil edərək yüksək yerlər tutub. O cümlədən, Vyetnamda (2009), Bolqarıstanda (2010), İranda (2010) və Dubayda (2011) keçirilən dünya və Avropa çempionatlarını, 8-ci Beynəlxalq Şahmat Festivalını, beynəlxalq turniri bu sıraya daxil etmək olar. Hazırda S.Quliyeva Vüqar Həşimov Şahmat Akademiyasında dərs hissə müdiri və 3 saylı Resp. İxtisaslaşdırılmış Olimpiya Ehtiyatları Uşaq-Gənclər İdman-Şahmat məktəbində I dərəcəli məşqçi müəllimə kimi fəaliyyət göstərir.

Məlumat ailəsindən alınıb.

(29.9.1976, Göyçay ş.) – jurnalist.

Təhsilə 3 saylı Göyçay ş. məktəbində başlayıb. 1993 ildə Bakı ş. 43 saylı məktəb-lisey kompleksini bitirib. Ali təhsilini Azərb. Resp.-nın Prezidenti yanında Dövlət İdarəçilik Akademiyasında alıb. Politologiya üzrə magistr dərəcəsinə malikdir. 1993 ildən jurnalist fəaliyyətinə başlayıb. “Ayna-Zerkalo”, “New Baku post”, «Каспiй» qəzetlərində redaktor, müxtəlif TV layihələrdə müəllif və aparıcı, “ASAN Radio”da redaktor kimi vəzifələrdə çalışıb, xarici KİV-lərlə uzun müddət əməkdaşlıq edib. 2020 ildə “Tərəqqi” medalı ilə təltif edilib.Avrasiya Televiziya və Radio Akademiyasının, “Humay”, “Zərdabi” mükafatlarının laureatıdır.

2021 ildən Dövlət Turizm Agentliyi sədrinin müşaviridir.

Məlumat K.Quluzadədən alınıb.

(1790, Göyçay qəz. Məlikbalı k. – 1865) – Azərb. şairi, aşıq.

Mədrəsə təhsili almışdır. Aşıq şeiri üslubunda şeirlər yazmışdır. S.Mümtaz “El şairləri” kitabında Məlikballı Qurbanın qoşma, müxəmməs, təcnis və s. formalı şeirlərini vermişdir. F.Qasımzadə onu həm xalq şeiri, həm də klassik üslubda yazan sənətkar kimi təhlil etmişdir. XIX əsrdə xalq şeiri üslubunda yazıb-yaradan şairlər sırasında daha çox təhlil olunur. Şeirləri “Azərbaycan aşıqları və el şairləri” kitabında və digər toplularda verilmişdir. Onun məşhur “Vücudnamə”si aşıqlar arasında geniş yayılmışdır.

Mənbə: “Ozan-aşıq ensiklopediyası”. 2 cilddə, Aşıqlar Birliyi, “Gənclik” nəşriyyatı, II cild, Bakı, 2020, s. 69.

(11.8.1948, Göyçay ş.) – 3-cü dərəcəli dövlət müşaviri (2015).

Qurbanov 1966 ildə orta təhsilini, 1978 ildə BDU-nu bitirib. 1970 ilin mart ayında Kənd Təsərrüfatı Nazirliyində əmək fəaliyyətinə başlayıb. 1981–2015 illərdə Azərb. Resp. Nazirlər Kabinetində müxtəlif vəzifələrdə çalışıb. Bütövlükdə 45 illik əmək fəaliyyətinin 40 ildən artıq müddəti ərzində dövlət qulluğunda xidmət edib. 2016 ildən etibarən Azərb. Resp. Əmlak Məsələləri Dövlət Komitəsində, hazırda isə Azərb. Resp. İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Kadastr və Yerquruluşu Layihə Tədqiqat Mərkəzi MMC”də çalışır.

(27.4.1974, Göyçay ş. – 4.5.1994, Tərtər r-nunun Qırmızıkənd k.) – Birinci Qarabağ müharibəsi şəhidi.

Əsgər rütbəsində hərbi xidmətə çağırılıb. 4.5.1994 ildə şəhid olub. Göyçay ş. qəbiristanlığında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1924, Göyçay ş. – ?) – Böyük Vətən müharibəsi iştirakçısı.

Ə.Qurbanov 1924 ildə Göyçayda anadan olub. 1942 ildən döyüşən orduda qəhrəmanlıqlar göstərib. 77-ci atıcı diviziyanın 324-cü atıcı alayında xidmət edib. Ə.Qurbanov Sapun dağın zirvəsinə qələbə bayrağı sancıb. Döyüşlərdə göstərdiyi qəhrəmanlıqlara görə “Qırmızı Bayraq”, III dərəcəli “Şərəf” ordenləri və “İgidliyə görə” medalı ilə təltif olunub.

(1914, Göyçay qəz. Ulaşlı Şıxlı k. – 5.11.1967, Göçay ş.) – Böyük Vətən müharibəsində partizan hərəkatının fəal üzvlərindən biri, Mehdi Hüseynzadənin silahdaşı.

1941 ildə Göyçay Pedaqoji Məktəbini bitirdikdən sonra İsmayıllı r-nunun Kürdmaşı k.-də müəllim işləyib. 1942 ildə Göyçay r-n Hərbi Komissarlığından orduya çağırılıb və 31-ci atıcı diviziyasının tərkibində döyüşüb. Həmin ilin aprelində yaralanaraq almanlara əsir düşüb, iki ilə yaxın əsirlikdə olub. 1944 ilin fevralında Mehdi Hüseynzadə (Mixaylo) və Cavad Həkimli ilə əsirlikdən qaçaraq Yuqoslaviya partizanlarına qoşulub. Qurbanov 12 aprel 1944 ildə döyüşdə yaralanıb, göstərdiyi şücaətə görə ona Yuqoslaviyanın “Cəsarətə görə” medalı təqdim olunub. 1946 il sentyabrın 4-də ordu sıralarından tərxis olunan Qurbanov Ulaşlı Şıxlı k.-də kolxozda işləyib, daha sonra Göyçay elektrik paylayıcı idarəsinin kadrlar şöbəsində çalışıb.

Məlumat A.Kəngərlidən alınıb.