(11.7.1996, Göyçay r-nunun Məlikkənd k. – 27.9.2020, Talış-Suqovuşan istiqamətində) –  Vətən müharibəsi şəhidi.

11.07.1996 il tarixdə Göyçay r-nu Məlikkənd kəndində anadan olub. 21 sentyabr 2020 il tarixdə hərbi təlimlərə cəlb edilmiş, 27 sentyabr 2020 il tarixdə Talış-Suqovuşan istiqamətində gedən döyüşlərdə şəhid olub. Doğulduğu k.-də dəfn edilib.

Ölümündən sonra Azərbaycan Respublikası Prezidentinin sərəncamı ilə “Vətən uğrunda” (15.12.2020) və “Laçının azad olunmasına görə” (29.12.2020) medalları ilə təltif edilib.

Mənbə: https://memorial.az/az/qehremanlarimiz/3118

(10.10.1975, Göyçay r-nunun İkinci Ərəbcəbirli k. – 19.1.1994, Füzuli r-nunun Aşağı Əbdürrrəhmanlı k.) – Birinci Qarabağ müharibəsi şəhidi.

Kənd səkkizillik orta məktəbdə təhsilini bitirdikdən sonra 58 saylı Texniki Peşə Məktəbində çilingər peşəsinə yiyələnib. 1993 ilin oktyabrında hərbi xidmətə çağırılıb. 1994 ilin yanvarında Füzuli uğrunda gedən döyüşlərdə şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1904, Göyçay qəz. Bığır k. – itkin düşüb) – Böyük Vətən müharibəsi iştirakçısı.

H.İbrahimov 1904 ildə Göyçay qəz.-nın Bığır k.-də anadan olub. İsmayıllı r-nunun Quşencə k.-də kənd sovetinin sədri işləyib. Böyük Vətən müharibəsi başlayanda Bığır k.-dəki Voroşilov adına kolxozun sədri təyin edilib. 1943 ilin dekabrında ön cəbhəyə göndərilib. 589-cu atıcı alayın 216-cı atıcı diviziyasının tərkibində Krımdan Polşaya qədər döyüş yolu keçib. Krım, Kiyev, Minsk, Litva, Polşa ərazilərində gedən döyüşlərdə qəhrəmanlıqla vuruşub. 1944 ilin mart ayında yaralanıb. 1944 il iyul ayının 24-27-də Litvanın Skaşipkis kəndi uğrunda gedən döyüşlərdə 2 düşmən snayperini məhv edib, kəşfiyyatdan qiymətli məlumatlarla geri dönüb, birinci olaraq kəndə daxil olub və düşmənin canlı qüvvəsini məhv edib. Bu şücaətinə görə 3-cü dərəcəli “Şöhrət” ordeni ilə təltif edilib. H.İbrahimov müharibənin sonlarında itkin düşüb.

Mənbə: M.Zülfüqarlı, “Göyçay tarixi”, Bakı, 2022, s. 207-208.

(23.12.1974, Özbəkistan Resp. Buxara vilayəti – 24.12.1993, Ağdam r-nunun Qaraqoyunlu k.) – Birinci Qarabağ müharibəsi şəhidi.

1980 illərin sonunda Özbəkistanda baş verən hadisələr zamanı digər Ahıska türkləri kimi, İsmayılın da ailəsi qaçqın düşərək Göyçayın Çaxırlı k.-nə pənah gətirib. İsmayıl 1992 ilin dekabrında Qarabağ döyüşlərində iştirak etmək üçün vətənin müdafiəsinə yola düşüb. Cəmi bir il sonra ağır döyüşlərin birində şəhid olub. O, Çaxırlı k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(20.4.1972, Göyçay r-nunun Çərəkə k. – 29.12.1992, Qazax r-nu) – Birinci Qarabağ müharibəsi şəhidi.

Kənd orta məktəbinin səkkizinci sinfini bitirdikdən sonra 106 saylı Texniki Peşə Məktəbində sürücü peşəsinə yiyələnib. İlk hərbi xidmətini RF-sının Sankt-Peterburq, Murmansk və Həştərxan vilayətlərində keçib. Sonra vətənə qayıdaraq 1992 ilin mayında könüllü olaraq cəbhə bölgəsinə yola düşüb. Burada bir çox döyüşlərdə fəal iştirak edib. O, 1992 ilin dekabrında Qazaxın Lələ k.-də gedən döyüşlərdə qəhrəmancasına şəhid olub. Doğma kəndində dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(18.3.1975, Göyçay ş. – 31.1.1994, Ağdərə r-nu) – Birinci Qarabağ müharibəsi şəhidi.

29.4.1993 ildə əsgər rütbəsində hərbi xidmətə çağırılıb, 31.1.1994 ildə şəhid olub, Göyçay ş.-də dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(14.11.1975, Göyçay r-nunun Cəyirli k. – 18.9.1994, Füzuli r-nu ərazisində) – Birinci Qarabağ müharibəsində itkin düşüb.

Göyçay RHK tərəfindən hərbi xidmətə çağırılıb. 1994 ilin sentyabrında Füzuli r-nunun Böyük Bəhmənli k.-i ərazisində itkin düşüb.

Məlumat ailəsindən alınıb.

(1.7.1970, Göyçay ş. – 22.3.1994, Füzuli r-nu) – Birinci Qarabağ müharibəsində itkin düşüb.

Azərb Resp. DİN XTPD-nin əməkdaşı. 1994 ilin martında Füzuli r-nunun Qaraxanbəyli k.-i ərazisində naməlum şəraitdə itkin düşüb.

Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.

(8.7.1974, Göyçay r-nunun Kürdəmiş k. – 31,8.1993, Füzuli r-nu ərazisində) – Birinci Qarabağ müharibəsində itkin düşüb.

Göyçay RHK tərəfindən hərbi xidmətə çağırılmışdır. 1993 ilin avqustunda Füzuli r-nunun Yuxarı Kürdmahmudlu k.-i ərazisində naməlum şəraitdə itkin düşmüşdür.

Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.

(25.9.1962, Göyçay r-nu – 20.1.1990, Bakı ş.) – 20 Yanvar şəhidi.

Birinci sinfə Göyçay ş. 1 saylı məktəbinə gedib. Bu məktəbdə səkkiz il təhsil aldıqdan sonra 1976 ildə Bakıya gəlib və 10 saylı ümumtəhsil Texniki Peşə Məktəbinə daxil olub. Bu məktəbdə o, qaynaqçı peşəsinə yiyələnib. Məktəbi bitirib r-na qayıtdıqdan sonra müəyyən fasilələrlə ayrı-ayrı idarələrdə işləyib, 1981 ildə əsgəri xidmətə yollanıb. O, Çitadan kiçik serjant rütbəsi ilə qayıdıb.