(20.10.1920, Göyçay qəz. – 27.3.1994) – Azərb. SSR-in Əməkdar mədəniyyət işçisi (1976).

1939 ildə hərbi xidmətə yollanıb. Fin və Böyük Vətən müharibəsinin iştirakçısı olub. Böyük Vətən müharibəsində ağır döyüşlərdə iştirak etdiyi zaman 2 dəfə qəlpə yarası alıb. Leninqrad blokadasının iştirakçısı olub. Döyüş zamanı göstərdiyi şücaətə görə “Vətən müharibəsi” ordeni, “Almaniya üzərində qələbəyə”, “Leninqradın müdafiəsinə”, “Döyüş xidmətlərinə”, “Almaniya üzərində qələbəyə görə” orden və medallarla təltif olunub.

(8.4.1958 – 3.3.2021, Bakı ş.) – texnika ü.f.d., dos.

AzPİ-ni (indiki Azərb. Texniki Universiteti) “Avtomobillər və avtomobil təsərrüfatı” ixtisası üzrə bitirib (1980). 1983 ildə bitirdiyi institutun aspiranturasına qəbul olub. 1986 ildə aspiranturanı bitirdikdən sonra “Avtomobillər və avtomobil təsərrüfatı” kafedrasında işə qəbul olub. Həmin kafedrada baş müəllim, kafedra müdiri, dekan müavini və dekan vəzifələrində çalışıb. Son illərdə Bakı Mühəndislik Universitetində “Magistratura və aspirantura” şöbəsinin müdiri vəzifəsində işləyib. Məmmədovun Azərb.-da avtomobil nəqliyyatı sahəsi üzrə bir neçə kitabı işıq üzü görüb. O həm də avtomobil nəqliyyatı sahəsi üzrə elmi-praktik tədqiqatlarla məşğul olub. Bakı ş.-də şəhər nəqliyyatının yaxşılaşdırılmasının tədqiqatı işində daxili qaydada mütəxəssis kimi iştirak edib. Bakı ş.-də avtomobil nəqliyyatı ilə bağlı yol-nəqliyyat hadisələrinin statistik emalı, təhlili, şəhər yollarının həndəsi parametrləri, hərəkətin təşkili və yol hərəkətinin təhlükəsizliyi ilə bağlı tədqiqatların aparılması ilə məşğul olub. Bu məsələlərlə bağlı bir neçə xarici ölkədə, o cümlədən Türkiyədə, Almaniyada və Fransada olub.

Məlumat ailəsindən alınıb.

(10.8.1998, Göyçay r-nunun Yeniarx k. – 17.10.2020, Tərtər-Ağdərə istiqamətində) – Vətən müharibəsi şəhidi.

2016-17 ildə Sumqayıtda hərbi xidmət keçmiş, 2020 ildə yenidən MAHHXHQ əsgəri rütbəsində Orduda xidmətə başlamışdır. Suqovuşan və Tərtər döyüşlərində iştirak etmişdir. 29.9.2020 ildə Suqovuşan ərazisində şəhid olmuşdur. Mingəçevir ş.-də dəfn edilib.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021), “Cəsur döyüşçü” (24.6.2021) medalları, 3-cü dərəcəli “Vətənə xidmətə görə” ordeni (5.11.2022) ilə təltif edilmişdir.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(26.3.1973, Göyçay r-nunun Çərəkə k. – 7.3.1993, Ağdam r-nu) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra 106 saylı Texniki Peşə Məktəbində təhsilini davam etdirib. 1992 ilin sonunda torpaqlarımızın müdafiəsi üçün Ağdam bölgəsinə yola düşüb. Manik və digər k.-lər uğrunda döyüşlərdə fəal iştirak edib. S.Məmmədov 1993 ilin martında şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(2.1.1973, Göyçay r-nunun Çayarxı k. – 9.2.1994, Füzuli r-nu) – Birinci Qarabağ müharibəsi şəhidi.

Orta təhsilini başa vurandan sonra şəhər 58 saylı Texniki Peşə Məktəbində tikinti ustası peşəsinə yiyələnib. 1991 ilin noyabr ayında əsgəri xidmətə çağırılıb. 1993 ilin noyabrında yenidən döyüş bölgəsinə yollanır. O, Füzuli r-nunun Seyidəhmədli k. uğrunda gedən döyüşlərdə şəhid olub. Doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(15.3.1975, Göyçay r-nunun İnçə k. – 22.7.1993, Ağdərə r-nu) – Birinci Qarabağ müharibəsi şəhidi.

1993 ilin aprelində hərbi xidmətə çağırılıb. Əvvəlcə Ağdərə r-nu istiqamətində gedən döyüşlərdə iştirak edir. 1993 ilin iyulunda isə Tərtər r-nunun Levonarx (indiki Göyarx) k. uğrunda gedən döyüşlərdə şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(27.7.2000, Bakı ş. Sabunçu r-nu. – 21.10.2020, Xocavənd istiqamətində) – Vətən müharibəsi şəhidi.

14.1.2020 il tarixdə həqiqi hərbi xidmətə çağırılmışdır. 21 oktyabr 2020 il tarixdə Xocavənd istiqamətində gedən döyüşlərdə qəhrəmancasına şəhid olmuşdur. Ölümündən sonra Azərb. Resp. Prezidentinin Sərəncamı ilə “Vətən uğrunda” (15.12.2020) və “Xocavəndin azad olunmasına görə” (24.6.2021) medalları ilə təltif edilmişdir.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1932, Göyçay ş.) – dövlət xadimi, SSRİ Ali Sovetinin deputatı (1988-91), Gəncə ş. Xalq Deputatları Sovetinin sədri.

Göyçay ş. 4 saylı orta məktəbi bitirdikdən sonra Azərb. Sənaye İnstitutuna qəbul olub, 1954 ildə həmin institutu bitirərək təyinatla Sumqayıt Alüminium zavoduna işləməyə göndərilib. 1959 ildən həmin zavodun baş mexaniki təyin olunub. 1962 ildə Gəncədə tikilən Alüminium zavodunun avadanlıqla təchiz edilməsində xidməti olub. 1967 ildə Azərb.-da yaradılan xüsusi Tikinti-Quraşdırma İdarəsinin müdiri, 1970 ildə isə Gəncədəki İttifaq əhəmiyyətli Alüminium zavodunun direktoru vəzifəsinə təyin olunub. 1977 ildə Gəncə ş. Xalq Deputatları Sovetinin sədri seçilib və üç ilə yaxın bu vəzifədə işləyib. 1980-88 illərdə Əlvan Metalların Emalı zavodunda direktor işləyib.

(3.3.1975, Göyçay r-nunun Kürdşaban k. – 23.5.1994, Ağdərə r-nu) – Birinci Qarabağ müharibəsi şəhidi.

Orta məktəbi bitirəndən sonra bir müddət kolxozda çalışıb. 1993 ilin aprelində hərbi xidmətə çağırılıb. Ağdam – Tərtər istiqamətində döyüşlərdə iştirak edib. Güllücə, Şotlanlı k. uğrunda gedən döyüşlərdə böyük şücaət göstərib. 1994 ilin mayında minaya düşərək şəhid olub. Doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(12.11.1994, Göyçay ş. – 3.11.2020, Şuşa r-nu) – Vətən müharibəsi şəhidi.

29 sentyabr 2020 il tarixdə qismən səfərbərlik üzrə hərbi xidmətə cəlb edilib, 4 noyabr 2020 il tarixdə Şuşa istiqamətində gedən döyüşlərdə şəhid olub. Göyçay Şəhidlər xiyabanında dəfn olunub.

Ölümündən sonra Azərb. Resp. Prezidentinin Sərəncamı ilə ”Vətən uğrunda” (15.12.2020), “Xocavəndin azad olunmasına görə” (25.12.2020), “Füzulinin azad olunmasına görə” (25.12.2020), “Şuşanın azad olunmasına görə” (24.6.2021) və “Cəsur döyüşçü” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.