(1.3.1913, Göyçay ş. – 9.7.1985, Bakı ş.) – Əməkdar mühəndis.

Azərb. Kənd Təsərrüfatı İnstitutunu (1935) və Ukraynanın Melitopol ş. yerləşən Kənd Təsərrüfatı Akademiyasını (1937) bitirmişdir. Sonra Göyçayda yeni təşkil olunmuş Kənd Təsərrüfatının Mexanikləşdirilməsi və Elektrikləşdirilməsi Texnikumuna müəllim təyin olunmuşdur. Böyük Vətən müharibəsi başlayanda cəbhəyə yola düşmüş və Berlinə qədər şərəfli döyüş yolu keçmişdir. Mahmudov savadlı və bacarıqlı mühəndis kimi cəbhədə döyüş zamanı zədələnmiş texnikaların operativ surətdə təmir olunaraq yenidən istifadəyə verilməsində də özünü göstərmişdir. Müharibə bitdikdən 6 ay sonra Mahmudov Göyçaya qayıdır və burada öz peşəsini davam etdirir. Sonralar o, uzun müddət (1950-60) Göyçay Kənd Təsərrüfatının Mexanikləşdirilməsi və Elektrikləşdirilməsi Texnikumunun direktoru vəzifəsində çalışıb. Daha sonra Mahmudov r-da təzəcə açılmış maşın təmiri emalatxanasına müdir təyin olunmuşdur. O öz gərgin əməyi sayəsində bu emalatxananın böyük bir zavoda çevrilməsinə nail olmuş və 1966 ilədək bu zavodda direktor vəzifəsində çalışıb. Həmin ilin yanvarında Azərb. KTN-in dəvəti ilə o bu nazirliyin İxtiralar və səmərələşdirici təkliflər şöbəsinə müdir təyin olunub, ömrünün sonuna qədər bu vəzifədə çalışıb.

Məlumat ailəsindən alınıb.

(1.1.1947, Göyçay r-nunun Şahsoltanlı k.) – texnika e. n. (1970), dos.

1969 ildə orta məktəbi bitirib AzTU-nə daxil olur. 1970 ildə orada təhsilini başa vuran T.Mahmudov bir müddət sonra Moskvada dissertasiya müdafiə edərək texnika e.n. alimlik dərəcəsi alır. Hazırda Memarlıq və İnşaat Universitetinin dos.-dir. O, 1978-83 illərdə hazırkı Memarlıq və İnşaat Universitetində, 1985-88 illərdə Memarlıq və İnşaat Elmi-Texniki İnstitutunda inşaat elminin təşkili və inkişafı, tikinti sahəsində mühüm əhəmiyyətli elmi tədqiqat işlərinin aparılması ilə məşğul olub.

60-dək elmi əsər və kəşflərin müəllifidir. Yaponiyada, Portuqaliyada, Hindistanda və s. yerlərdə keçirilən elmi forumlarda iştirak edib. 1982 ildə Yaponiyanın Tokio Universitetində elmi məzuniyyətdə olub. İngilis, rus, yapon dillərində mükəmməl danışır.

Məlumat V. Abdullayevdən alınıb.

(31.10.1937, Göyçay ş. – 14.5.2018, Bakı ş.) – Əməkdar hüquqşünas (2006), Ədliyyə general-mayoru (1995).

Maqsudov ADU-nu (indiki BDU) bitirib (1962). Sonra təyinatla Azərb. Resp. Ali Məhkəməsinə göndərilib. Azərb. və rus dillərini mükəmməl bilən Maqsudov Ali Məhkəmədə tərcüməçi vəzifəsinə işə qəbul edilib. 1964 ildə prokurorluq sisteminə qəbul olunan Maqsudov Xətai r-n prokurorluğunun müstəntiqi təyin olunub. Daha sonra Azərb. Resp. Ali Soveti Rəyasət Heyətinin hüquq şöbəsində məsləhətçi və baş məsləhətçi vəzifələrində çalışıb (1966-73). Əzizbəyov r-nu Xalq Məhkəməsinin hakimi və sədri kimi fəaliyyət göstərib (1973-84). 1984 ildə əməkdə fərqlənməyə görə Azərb. Resp. Ədliyyə Nazirliyi tərəfindən Fəxri fərman ilə təltif olunub. Azərb. Resp. Ali Məhkəməsinin üzvü olub (1984). Ali Məhkəmənin sədr müavini, Hərbi Kollegiyanın sədri (1995), Azərb. Resp. Ali Məhkəməsinin hakimi (2000-10) vəzifələrində çalışıb.

Mənbə: https://azertag.az/xeber/Dunyasini_deyisen_edliyye_general_mayoru_Oqtay_Maqsudov_-1163517

(1920, Gəncə ş. – 1971, Göyçay ş.) – şair, səhiyyə işçisi, Böyük Vətən müharibəsi iştirakçısı, Dövlət Təhlükəsizlik Komitəsinin zabiti.

M.Mehdiyev əslən İrəvan şəhərindəndir. Əmisi Yusif Səbri İrəvan ş.-nin tanınmış ziyalılarından olub. XX əsrdə Azərb.-da nəşr olunan “Tuti”, “Babayi-Əmir” jurnallarında müntəzəm olaraq məqalələrlə çıxış edib.

1918 ildə Qərbi Azərb.-da ermənilər azərbaycanlılara qarşı soyqırımı törədəndə ailəsi Gəncə ş.-nə köçmüşdür. M.Mehdiyev körpə olarkən valideynləri vəfat etmiş, onu Bakıda yaşayan bibisi böyütmüşdür. 1939 ildə Bakı Tibb Məktəbinin əczaçılıq şöbəsini bitirdikdən sonra təyinatla Göyçaya gəlmiş, Göyçay r-n 66 №-li mərkəzi aptekdə işə başlamışdır. 1941 ilin iyul ayında könüllü olaraq cəbhəyə yollanmışdır. Bir neçə aydan sonra leytenant rütbəsi almışdır. O, 101-ci atıcılıq briqadasının tibbi-sanitar rotasının komandiri olmuşdur. 1942 ildə Rjev ş.-də ağır yaralanmış, sağaldıqdan sonra yenidən cəbhəyə qayıtmışdır. Cəbhədə göstərdiyi fədakarlığa görə 23.3.1944 ildə “Döyüş xidmətinə görə”, 9.6.1945 ildə isə “Almaniya üzərində qələbəyə görə” medalları ilə təltif edilmişdir.

(17.7.1954, Göyçay ş. – 5.11.2005, Bakı ş.) – RF-də Azərb. diasporunun fəal üzvlərindən və Azərb. hüquq-mühafizə orqanlarının tanınmış nümayəndələrindən biri, polis polkovniki.

İlk hərbi xidmətini keçdiyi Rusiyanın Ulyanovsk ş.-də milis məktəbini bitirəndən sonra milis orqanlarında fəaliyyətə başlayıb və kapitan rütbəsinədək yüksəlib. Həmin illərdə V.Məcidovun adı XX əsrin sonlarında Sovet rəhbərliyi tərəfindən həbs olunaraq Rusiyanın ucqar bölgələrinə aparılan və ən ağır maddələrlə cinayət işi açılan bir qrup soydaşımızın xilas olunması hadisəsi ilə daha çox şöhrət tapmışdı.

(5.10.1988, Göyçay r-nun Çərəcə k.) – şair, publisist, jurnalist, AYB-nin (2015) və AJB-nin üzvü (2013), Azərb. KİV İşçiləri Həmkarlar İttifaqının üzvü (2014).

Bakı Asiya Universitetində və Bakı Slavyan Universitetində ali təhsil alıb. İxtisasca filoloqdur. 2006-10 illərdə “Səs” qəzetində, 2012-15 illərdə Lent.az İnformasiya Agentliyində müxbir, 2015-16 illərdə Dini Qurumlarla İş üzrə Dövlət Komitəsinin (DQİDK) İctimaiyyətlə əlaqələr şöbəsində məsləhətçi vəzifələrində işləyib. 2016 ildən DQİDK.-da baş məsləhətçi vəzifəsində çalışır. 1998 ildən bədii yaradıcılıqla məşğuldur. “Dünyada sözüm qalar” (2005), “Heydər zirvəsindən başlanan yol” (2009), “Dərsliklər haqqında…” (2013. İ.Tumasla birgə), “Dini radikalizmlə mübarizə və gənclər: İmkanlar və perespektivlər” (2017. O.Maşayevlə birgə), “Seçilənlər” (2018), “Vətən sevgisi” (2019) kitablarının müəllifidir.

A.Məcidzadə Həsən bəy Zərdabi adına Cəmiyyətin fəxri üzvüdür (2007). “Qızıl Qələm” (2014) mükafatı laureatı və Prezident təqaüdçüsüdür (2017).

Məlumat A.Məmməddən alınıb.

(20.4.1932, Göyçay ş. – 9.4.2000, Göyçay ş.) – kənd təsərrüfatı mütəxəssisi, Əməkdar zootexnik (1974).

1950 ildə orta məktəbi, 1953 ildə Şamaxı Kənd Təsərrüfatı Texnikumunun Zoobaytarlıq şöbəsini bitirib. 1953-54 illərdə Göyçay MTS-də zootexnik işləyib. 1954-56 illərdə hərbi xidmətdə olub. 1956-65 illərdə KT Müfəttişliyində, Dövlət Damazlıq Stansiyasında, Tədarük Stansiyasında ixtisası üzrə işləyib. 1960-65 illərdə Azərb. KT İnstitutunda qiyabi yolla təhsilini davam etdirərək alim-zootexnik ixtisası alıb.

(1959, Göyçay ş.) – kimyaçı alim, kimya ü.f.d. (2009), dos. (2015).

1975 ildə Qəbələ ş. 1 saylı orta məktəbi bitirib. 1977 ildə ADU-ya (indiki BDU) daxil olub. ADU-nu bitirib (1982). Sonra Qəbələ ş. internat orta məktəbində kimya müəllimi kimi əmək fəaliyyətinə başlayıb. 1983-2001 illərdə müxtəlif təşkilatlarda əmək fəaliyyətini davam etdirib. 2001 ildən ADNA-da laborant, həmin ildən 2015 ilə qədər kiçik elmi işçi vəzifələrində çalışıb. 2015 ildən ADNSU-da Kimya və qeyri-üzvi maddələrin texnologiyası kafedrasının dos.-dir. Polibutadienin fosfoxlorlaşdırılması əsasında alınmış modifikatlarla bir sıra metalların sorbsiyasının tədqiqi ilə məşğul olub. Metalların sorbsiyası prosesləri üçün çoxfunksiyalı effektiv sorbentlərin sintezi məqsədilə PB-nin oksidləşmə fosfoxlorlaşması nəticəsində alınmış sorbentlərlə sistematik tədqiqatlar aparıb. A.Məlikova 1 metodik vəsait, 25 məqalə (onlardan 12-si beynəlxalq jurnallarda) və 9 tezisin müəllifidir.

Mənbə: http://fct.asoiu.edu.az/az/Department_Teachers_Single/2/65

(4.6.1980, Göyçay r-nunun Potu k.) – “Göyçay ensiklopediyası”nın elmi məsləhətçisi, jurnalist, ictimai fəal.

1985–1996 illərdə Mübariz Məmmədov adına Potu k. orta məktəbində orta təhsil alıb. 1996–2000 illərdə GDU-da ali təhsil alıb. 2000-01 illərdə Azərbaycan Silahlı Qüvvələrində hərbi xidmət keçib. 2001-02 illərdə Potu k. orta məktəbində müəllim vəzifəsində çalışıb.

(15.12.1927, Göyçay qəz. Kürdşaban k. – 12.1985, Bakı ş.) – filologiya e.d., prof.

Təhsilini Bakıda 190 saylı orta məktəbdə alıb. ADU-nun Şərqşünaslıq fakültəsinin fars bölməsini bitirib. Moskvada Qorki adına Dil və Ədəbiyyatı İnstitutunun aspiranturasında təhsil aldıqdan sonra dissertasiya müdafiə edib, filologiya elmləri namizədi alimlik dərəcəsinə yiyələnib. Daha sonra o, “Azərbaycan poeziyasının musiqi ilə qarşılıqlı əlaqəsi problemləri“ mövzusunda doktorluq dissertasiyasını müdafiə edib. A.Məmmədov 200-dən çox elmi-tədqiqat əsərinin müəllifidir.

Məlumat V. Abdullayevdən alınıb.