(20.10.1920, Göyçay qəz. – 27.3.1994) – Azərb. SSR-in Əməkdar mədəniyyət işçisi (1976).

1939 ildə hərbi xidmətə yollanıb. Fin və Böyük Vətən müharibəsinin iştirakçısı olub. Böyük Vətən müharibəsində ağır döyüşlərdə iştirak etdiyi zaman 2 dəfə qəlpə yarası alıb. Leninqrad blokadasının iştirakçısı olub. Döyüş zamanı göstərdiyi şücaətə görə “Vətən müharibəsi” ordeni, “Almaniya üzərində qələbəyə”, “Leninqradın müdafiəsinə”, “Döyüş xidmətlərinə”, “Almaniya üzərində qələbəyə görə” orden və medallarla təltif olunub.

(8.4.1958 – 3.3.2021, Bakı ş.) – texnika ü.f.d., dos.

AzPİ-ni (indiki Azərb. Texniki Universiteti) “Avtomobillər və avtomobil təsərrüfatı” ixtisası üzrə bitirib (1980). 1983 ildə bitirdiyi institutun aspiranturasına qəbul olub. 1986 ildə aspiranturanı bitirdikdən sonra “Avtomobillər və avtomobil təsərrüfatı” kafedrasında işə qəbul olub. Həmin kafedrada baş müəllim, kafedra müdiri, dekan müavini və dekan vəzifələrində çalışıb. Son illərdə Bakı Mühəndislik Universitetində “Magistratura və aspirantura” şöbəsinin müdiri vəzifəsində işləyib. Məmmədovun Azərb.-da avtomobil nəqliyyatı sahəsi üzrə bir neçə kitabı işıq üzü görüb. O həm də avtomobil nəqliyyatı sahəsi üzrə elmi-praktik tədqiqatlarla məşğul olub. Bakı ş.-də şəhər nəqliyyatının yaxşılaşdırılmasının tədqiqatı işində daxili qaydada mütəxəssis kimi iştirak edib. Bakı ş.-də avtomobil nəqliyyatı ilə bağlı yol-nəqliyyat hadisələrinin statistik emalı, təhlili, şəhər yollarının həndəsi parametrləri, hərəkətin təşkili və yol hərəkətinin təhlükəsizliyi ilə bağlı tədqiqatların aparılması ilə məşğul olub. Bu məsələlərlə bağlı bir neçə xarici ölkədə, o cümlədən Türkiyədə, Almaniyada və Fransada olub.

Məlumat ailəsindən alınıb.

(1932, Göyçay ş.) – dövlət xadimi, SSRİ Ali Sovetinin deputatı (1988-91), Gəncə ş. Xalq Deputatları Sovetinin sədri.

Göyçay ş. 4 saylı orta məktəbi bitirdikdən sonra Azərb. Sənaye İnstitutuna qəbul olub, 1954 ildə həmin institutu bitirərək təyinatla Sumqayıt Alüminium zavoduna işləməyə göndərilib. 1959 ildən həmin zavodun baş mexaniki təyin olunub. 1962 ildə Gəncədə tikilən Alüminium zavodunun avadanlıqla təchiz edilməsində xidməti olub. 1967 ildə Azərb.-da yaradılan xüsusi Tikinti-Quraşdırma İdarəsinin müdiri, 1970 ildə isə Gəncədəki İttifaq əhəmiyyətli Alüminium zavodunun direktoru vəzifəsinə təyin olunub. 1977 ildə Gəncə ş. Xalq Deputatları Sovetinin sədri seçilib və üç ilə yaxın bu vəzifədə işləyib. 1980-88 illərdə Əlvan Metalların Emalı zavodunda direktor işləyib.

(22.1.1952, Göyçay r-nunun Mırtı k.) – bioloq alim, biologiya ü.f.d., dos.

ADU-nu (indiki BDU) bitirib (1974). Hazırda AMEA-nın A.İ.Qarayev adına Fiziologiya İnstitutunun “Ontogenezin fiziologiyası” laboratoriyasında aparıcı elmi işçi vəzifəsində çalışır.

Əsərləri:

Биоэлектрическая активность мозга плодов кролика от деятельности пережатия пуповины;

Embrigenezdə ürəyin funksional aktivliyinin formalaşması.

Mənbə: https://science.gov.az

(22.11.1981, Göyçay ş.) – fizioloq, biologiya ü.f.d.

ADPU-nu bitirib (2003). AMEA-nın A.İ.Qarayev adına Fiziologiya İnstitutunda böyük elmi işçi vəzifəsində çalışır. “Postnatal ontogenezdə beynin müxtəlif strukturlarında transaminaza qrup fermentlərinin fəallığına prenatal hipokineziyanın təsiri” mövzusunda namizədlik dissertasiyası müdafiə edib.

Əsərləri:

Влияние гипокинезии в предплодный период пренатального развития на активность трансаминазных ферментов в различных структурах головного мозга крысят определенного возраста;

Ağ siçovulların baş beyin strukturlarında transaminaza qrup fermentlərinin fəallığına prenatal stresin uzaq təsir effektləri.

Mənbə: https://science.gov.az

(12.11.1956, Göyçay r-nunun Kürdşaban k.) – geoloq alim, geologiya-minerologiya ü.f.d. (2004), dos. (2008).

Orta məktəbi bitirdikdən sonra ADU-nun (indiki BDU) Geoloji coğrafiya fakültəsinin geologiya şöbəsinə daxil olub və 1979 ildə oranı fərqlənmə diplomu ilə bitirib. Əmək fəaliyyətinə də elə həmin ildə Azərb. Resp. Geologiya İdarəsinin (indiki Ekologiya və Təbii Sərvətlər Nazirliyi) Kiçik Qafqaz geoloji kəşfiyyat ekspedisiyasında texnik geoloq kimi başlayıb. 1980-99 illərdə AR Meliorasiya və Su Təsərrüfatı Komitəsinin (indiki Açıq Səhmdar Cəmiyyəti) “Azdövsutəslayihə” İnstitutunun Mühəndis geologiyası və hidrogeologiya şöbəsində böyük və aparıcı mühəndis kimi fəaliyyət göstərib. Sonralar universitetin “Faydalı qazıntılar” muzeyində baş laborant, Ümumi geologiya və hidrogeologiya kafedrasında laboratoriya müdiri, Hidrogeologiya və mühəndis geologiyası kafedrasında baş müəllim kimi çalışıb.

(22.10.1979, Göyçay r-nunun Ulaşlı Şıxlı k.) – filoloq alim, filologiya ü.f.d. (2010).

1986-97 illərdə E.Seyidov adına Ulaşlı Şıxlı k. orta məktəbində təhsil alıb. 1997–2001 illərdə BDU-nun Filologiya fakültəsinin bakalavr pilləsində “Filologiya – Azərbaycan dili və ədəbiyyatı” ixtisası üzrə təhsil alıb və universiteti fərqlənmə diplomu ilə bitirib. 2001-03 illərdə BDU-nun magistratura pilləsində “Ədəbi tənqidin nəzəriyyəsi və tarixi” ixtisası üzrə təhsil alıb və universiteti fərqlənmə diplomu ilə bitirib. 2005-08 illərdə BDU-nun Azərbaycan ədəbiyyatı tarixi kafedrasının əyani doktorantı olub. 2010 ildə “Azərbaycan Cümhuriyyətinin bədii nəsrdə təcəssümü” mövzusunda dissertasiya müdafiə edib filologiya ü f.d. elmi dərəcəsi alıb.

(25.12.1957, Göyçay ş.) – filoloq, filologiya ü.f.d., dos.

N.Tusi adına APİ-nin Dil-ədəbiyyat fakültəsini bitirib (1979). AMEA Nizami adına Ədəbiyyat İnstitutunda “Cənubi Azərbaycan ədəbiyyatında Sabir ədəbi məktəbinin davamçıları” mövzusunda dissertasiya müdafiə edərək filologiya e.n. elmi dərəcəsi alıb. 20-dən artıq elmi məqalənin müəllifidir. Hazırda Azərb. Kooperasiya Universitetinin Fəlsəfə və psixologiya kafedrasının dosentidir. Fəlsəfə üzrə “Milli şüur və onun formalaşması problemləri” mövzusunda doktorluq dissertasiyası üzərində işləyir.

Mənbə: https://aku.edu.az/felsefekafedra

(28.2.1913, Göyçay ş. – 19.12.1990, Bakı ş.) – nasir, dramaturq, ssenarist, tərcüməçi, AYB-nin üzvü (1938), Azərb.-ın Xalq Yazıçısı (1987), Azərb. SSR Əməkdar incəsənət xadimi (1963).

Göyçayda ibtidai məktəbi bitirdikdən sonra Bakıda N.Nərimanov adına Sənaye Texnikumunda təhsil alıb (1926-31), eyni zamanda Azərb. Neft İnstitutunda iki il qiyabi təhsil alıb. Bakıda mexaniki zavodda energetika və elektrikləşdirmə idarəsində texnik, Azərb. Neft İnstitutu nəzdində Elmi-Tədqiqat İnstitutunda texnik.-elektrik işləyib (1931-34). Sonradan fəaliyyətini ədəbi yaradıcılığa həsr edən Məmmədxanlı Azərnəşrin bədii şöbəsində redaktor və tərcüməçi (1934-36), Moskvada Ali Kinematoqrafiya İnstitutunda müdavim (1936-38), “Azərbaycanfilm” kinostudiyasında ssenari şöbəsinin rəisi (1941-42), ssenari redaksiya heyətinin baş redaktoru (1946-64) işləmiş, İkinci Dünya müharibəsi dövründə cənub-qərb cəbhəsində “Qızıl Ordu” cəbhə qəzetinin Azərb. redaksiyasının xüsusi müxbiri olub. Sonra redaksiya ilə birlikdə Stalinqrada göndərilmişdir. 1942 ilin axırlarında bir qrup Azərb. yazıçısı ilə Şimali Qafqaz cəbhəsində 416-cı diviziyada olmuşdur. Bakıda Azərb. Radio Verilişləri Komitəsində redaktor kimi çalışmışdır. Yenidən Zaqafqaziya cəbhəsinə, oradan İrana hərbi xidmətə göndərilmişdir. Məmmədxanlı Təbrizdə nəşr olunan “Vətən yolunda” ordu qəzeti redaksiyasında xüsusi müxbir kimi çalışmış, ordudan tərxis ediləndən sonra “Azərbaycanfilm” kinostudiyasının ssenari redaksiya heyətinin baş redaktoru olmuşdur.

(1.7.1913, Göyçay qəz. – 23.3.1997, Göyçay ş.) – pedaqoq, Əməkdar müəllim.

Göyçay Pedaqoji məktəbini bitirib. 1972 ilədək Göyçay ş. 1 saylı orta məktəbdə, 1972-80 illərdə isə 8 saylı məktəbdə pedaqoji fəaliyyətini davam etdirib. Məmmədzadə Bakı ş.-də keçirilən Müəllimlərin VI qurultayında iştirak və çıxış edib.

Məlumat ailəsindən alınıb.