(15.8.1966, Göyçay ş.) – filoloq alim, yazıçı-ədəbiyyatşünas, filologiya ü.f.d. (2007), dos. (2018), AYB-nin üzvü (2017), “Qızıl qələm” və “Vətənpərvər yazar” mükafatları laureatı.

Ədəbi yaradıcılığa Göyçayda orta məktəb illərində şeirlə başlamışdır. ADPU-nun Dil və ədəbiyyat fakültəsini bitirib (1987). “XX əsrin əvvəllərində Azərbaycan ədəbi-mədəni fikrində qərbçilik meyilləri” mövzusunda namizədlik dissertasiyası müdafiə etmişdir (2007). “Azərbaycan ədəbi fikrində qərbçilik meyilləri – XX əsrin əvvəlləri” (2014),  “Məhəmməd ağa Şahtaxtlı və Şərq” (2016), “M.Ə.Rəsulzadənin bədii yaradıcılığı” (2017), “Azərbaycan yazıçıları və Şərq” (2018), “Ədəbi düşüncələr” (2021) monoqrafiyalarının, “Sənsiz səninlə” (2007), “Ləmanlı günlərim” (2010), “Baharda düşən yarpaq” (2016), “Bir cüt çöyərçin” (2017), “Qırılıb tale güzgüsü” (2021), “Göyçayın Qarabağ sevdalıları” (2021) bədii-publisistik kitablarının müəllifidir.  

27.11.1949, Göyçay ş.) – Əməkdar həkim (1990).

N.Nərimanov adına ATİ-ni bitirib (1971). 1971-99 illərdə Göyçay r-n Gigiyena və Epidemiologiya Mərkəzində Sanitariya-gigiyena şöbəsinin müdiri, 1999–2022 illərdə Göyçay r-n Gigiyena və Epidemiologiya Mərkəzinin direktoru vəzifəsinə təyin olunub. Hazırda həmin vəzifədə çalışır. 1974–2018 illərdə səhiyyə işçiləri Həmkarlar İttifaqının Göyçay r-n şurasının sədri olub. SSRİ səhiyyə nazirinin 30 may 1986 il tarixli əmri ilə “SSRİ Səhiyyə əlaçısı” döş nişanı ilə, Azərb. Təbiəti Mühafizə Cəmiyyətinin 17 sentyabr 1985 il tarixli qərarı ilə “Təbiətin mühafizəsində fəal iştirakına görə” xatirə medalı ilə təltif edilib. Rayonda malyariya xəstəliyi, xüsusi təhlükəli yoluxucu xəstəliklər olan poliomelit, qara yara, difteriya və s. xəstəliklərin ləğv edilməsində aparılan yüksək səviyyəli profilaktik tədbirlərə görə Ümumdünya Səhiyyə Təşkilatının “Gümüş” döş nişanı, Avropa regional bürosunun, SSRİ və Azərb. Resp. səhiyyə nazirliklərinin fəxri fərmanları, sertifikatları ilə təltif edilib.

Məlumat A.Məmməddən alınıb.

İslamov Abil Yolçu oğlu (19.11.1958, Göyçay r-nunun Alıkənd k.) – şair, jurnalist, fotoreportyor, Azərbaycan Jurnalistlər Birliyinin üzvü (1993), AYB-nin üzvü (1998), Həsən bəy Zərdabi diplomu laureatı (2006), Prezident təqaüdçüsü (2020).

1966-70 illərdə Alıkənd k. məktəbində 4 illik ibtidai təhsil aldıqdan sonra Mırtı k. Q.Həsrətov adına orta məktəbdə təhsilini davam etdirmişdir. 1976 ildə həmin məktəbin 10-cu sinfini bitirdikdən sonra Bakıya gələrək əmək fəaliyyətinə başlayıb. Əmək fəaliyyətini davam etdirməklə, Bakı Maşınqayırma Texnikumunun “Metalların kəsməklə emalı” fakültəsini bitirib və texnik ixtisasına yiyələnib. Hərbi xidmətdən sonra (1977-79) təhsilini davam etdirmək üçün Ukraynanın Xarkov ş.-nə gedib və təhsilini Xarkov Kommunal Tikinti Mühəndisləri İnstitutunda davam etdirib (1982-86).

29.5.1932, Göyçay ş. – 15.8.2008, Bakı ş.) – ictimai xadim, Azərb. SSR Dövlət Təbiəti Mühafizə Komitəsinin ilk sədri.

Orta məktəbi bitirəndən sonra xüsusi seçimlə (qəbul imtahanları vermədən) Moskvaya oxumağa göndərilib və orada Moskva Kənd Təsərrüfatının Mexanikləşdirilməsi və Elektrikləşdirilməsi İnstitutunu mühəndis-mexanik ixtisası üzrə fərqlənmə diplomu ilə bitirb. 1958 ilin martında Azərb. Elmi-Tədqiqat Kənd Təsərrüfatının Mexanikləşdirilməsi və Elektrikləşdirilməsi İnstitutunun əyani aspiranturasına daxil olub və elmlər namizədi adı almaq üçün dissertasiya müdafiə edib. 5 elmi əsərin və ixtiranın müəllifidir. Adıgözəlov 1961 ilin dekabrından 1963 ilin sentyabrına qədər Azərb. KP Mərkəzi Komitəsində çalışıb. 1963 ilin sentyabrında Azərb. Həmkarlar İttifaqları Şurasının (AHİŞ) katibi, kənd təsərrüfatı həmkarlar ittifaqı təşkilatlarına rəhbərlik üzrə AHİŞ-in Bürosunun sədri, eyni zamanda kənd təsərrüfatı işçiləri və fəhlələri həmkarlar ittifaqı Resp. Komitəsinin sədri vəzifələrində çalışıb.

(5.1928, Göyçay ş. – 5.2016, Bakı ş.) – tibb ü.f.d. (1966), dos. (1969).

Orta təhsilini 1944 ildə başa vurduqdan sonra Fatimat xanım Azərb. Dövlət Tibb İnstitutunun Müalicə-profilaktika fakültəsinə daxil olub, 1949 ildə ali məktəbi müvəffəqiyyətlə bitirərək anadan olduğu Göyçay r-nunda həkim kimi fəliyyətə başlayıb. Beş il müddətində təcrübi təbabət sahəsində çalışaraq klinik təcrübə toplayıb və 1955 ildə Azərb. Dövlət Tibb İnstitutunun Daxili xəstəliklərin propedevtikası kafedrasının ordinaturasına daxil olub.

Məmmədov Adil Vəli oğlu (13.1.1954, Göyçay r-nu Yenikənd k.) – şair-publisist, pedaqoq, Əməkdar müəllim (2011), AYB-nin üzvü (2022).

APİ-nin Filologiya fakültəsini bitirib (1975). Sonra təyinatla Göyçay r-n Xalq Maarif Şöbəsinə göndərilib. 1975-76 illərdə Göyçay r-nunun Alxasava k. natamam orta, 1976-86 illərdə Göyçay r-nunun Qarabağlar k. orta məktəblərində müəllim kimi fəaliyyətini davam etdirib. Daha sonra Göyçay r-n Təhsil şöbəsində inspektor (1986-88) və Nizami adına Göyçay ş. 7 saylı tam orta məktəbində direktor vəzifəsində çalışıb (1988–2018). 2018 ildən “Göyçay” qəzetinin redaktoru vəzifəsində çalışır. 1978-82 illərdə Azərb. EA Nizami adına Ədəbiyyat İnstitutunun aspiranturasında (qiyabi) oxuyub. Təhsil sahəsindəki uğurlarına görə Azərb. Resp. maarif nazirinin əmri ilə ona “Müəllim-metodist” (1983), resp. təhsil nazirinin əmri ilə “Ali kateqoriyalı müəllim” (1995) adı verilib. Azərb. Resp. təhsil nazirinin qərarı ilə “Azərbaycan SSR Xalq Maarifi əlaçısı” nişanı ilə təltif edilib. Resp. pedaqoji mühazirələrində oxuduğu dərinməzmunlu və maraqlı mühazirəsinə görə Fəxri fərman almışdır.

(14.2.1894, Göyçay ş. – 6.2.1961, Bakı ş.) – hüquqşünas.

Aşqabad gimnaziyasını və İmperator Moskva Universitetinin Hüquq fakültəsini bitirib. AXC dönəmində o, müxtəlif vəzifələrdə çalışıb. 12 sentyabr 1918 ildə – hələ Bakı alınmazdan əvvəl vəkil köməkçisi Ağabəyov Ədliyyə Nəzarətinin (Nazirliyinin) əmri ilə Şamaxı Sülh Bölməsinin sülh hakimi (xırda mülki və cinayət işlərinə baxan hakim) təyin edilib. Ədliyyə naziri əvəzinin həmin günkü 467 saylı əmri ilə həmin vəzifədə qalmaqla Göyçay Sülh Bölməsinə və Göyçay 1 və 2-ci istintaq sahələrinə müdirlik etməyə ezam olunub. 14 sentyabrda verilmiş və ədliyyə naziri əvəzinin təsdiqlədiyi 474 saylı əmrlə İvanovka sülh və istintaq sahələrinə müdirlik etmək də ona həvalə olunub. Sentyabr ayında o, AXC-nin ədliyyə nazirinə raport yazaraq Göyçay istintaq sahələrində mövcud olan dəhşətli durumu – Göyçay Sülh Bölməsinin arxivinin darmadağın edildiyini, 300 köhnə işin tamamilə itdiyini, yalnız 3-4 mülki iş qaldığını təsvir edib.

(15.3.1865, Göyçay ş. – 9.10.1944, Lvov ş.) – görkəmli şərqşünas-alim, AXC-nin DİN nazirinin müavini (1918–1919), general-mayor.

Bakı Real Gimnaziyasını bitirdikdən sonra hərbi peşənin sirlərinə daha mükəmməl yiyələnmək üçün əvvəlcə Konstantin Piyada Qoşun Məktəbində, sonra isə Sankt-Peterburqda Mixaylovski Artilleriya Məktəbində təhsilini uğurla davam etdirən, hətta sonuncu tədris ocağında ekstern imtahan verib 4 illik təhsilini bir ildə başa vuran Sadıq bəy 1887 ildə leytenant rütbəsi ilə Zaqafqaziya Hərbi Dairəsində xidmətə başlayır. Orada çalışdığı 10 il ərzində bir çox döyüşlərin fəal iştirakçısı olur. Onun hərbi sahədəki peşəkarlığı, müdafiə və hücum taktikalarına mükəmməl bələdçiliyi, ağırlıq və təmkinlik, igidlik və mətinlik kimi yüksək mənəvi keyfiyyətləri ən məşhur ordu komandanlarını belə heyrətdə qoyurdu. Təsadüfi deyil ki, o, təcrübəli hərbiçi kimi Rusiyanın Xarici İşlər İdarəsində işləməyə dəvət olunur.

(1961) – Azərb. SSR Ali Sovetinin deputatı.

1977 ildən Göyçay rayonundakı “Leninqrad” üzümçülük təsərrüfatında işləmişdir. Azərbaycan SSR Ali Sovetinin (11-ci çağırış) deputatı, Ali Sovetin Xalq maarifi və elm komissiyasının üzvü olmuşdur.

Mənbə: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 27.

(12.3.1952, Göyçay r-nunun Çərəkə k. – 12.12.2020, Göyçay r-nunun Çərəkə k.) – pedaqoq, Əməkdar müəllim (2018).

Gəncə Dövlət Pedaqoji İnstitutunun Fizika fakültəsini bitirib (1973). 1973-86 illərdə Çərəkə k. orta məktəbində əvvəlcə müəllim, sonra isə direktorun təlim-tərbiyə işləri üzrə müavini vəzifəsində işləmişdir. 1986–2017 illərdə Çərəkə k. tam orta məktəbinin direktoru olmuşdur. Səmərəli fəaliyyətinə görə 2012 ildə ”Tərəqqi” medalı ilə təltif edilmişdir. Azərb. Resp. Prezidenti İ.Əliyevin sərəncamı ilə ona Resp.-nın “Əməkdar müəllim” fəxri adı verilmişdir.

Məlumat A.Məmməddən alınıb.