(3.3.2003, Göyçay ş.) – idman ustası, taekvondo idman növü üzrə 5 qat Avropa çempionu.

Dünyanın bir sıra ölkələrində respublikamızı dəfələrlə uğurla təmsil edib. Avstriya, Türkiyə, Bolqarıstan, Ukrayna və Gürcüstanda keçirilən beynəlxalq və Avropa səviyyəli yarışlarda ilk yerləri qazanıb. Yunanıstanda Prezident kuboku uğrunda yarışın qalibi olub. Əldə etdiyi göstəricilərə uyğun olaraq 1-ci dan qara kəmərə sahib olub. Hazırda Azərb. Dövlət Bədən Tərbiyəsi və İdman Akademiyasında təhsilini davam etdirir.

Məlumat ailəsindən alınıb.

(16.8.1957, Göyçay ş.) – Azərb. Həmkarlar İttifaqları Konfederasiyası (AİHK) sədrinin müavini (2001), Əməkdar mədəniyyət işçisi (2015).

D.Bünyadzadə adına Azərb. Xalq Təsərrüfatı İnstitutunu (indiki ADİU) bitirib (1978). Ali təhsilini başa vurandan sonra 1978-99 illərdə SSRİ Dövlət material ehtiyatları Komitəsinin Azərb. məhəlli idarəsində (1990 ildən Azərb. Nazirlər Kabineti yanında Dövlət Material Ehtiyatları Komitəsi) böyük mühəndis, şöbə rəisi, komitə sədrinin birinci müavini, sədr əvəzi, Azərb. Qızıl Aypara Cəmiyyətinin Baş katibi vəzifələrində çalışıb. Alxasov AHİK.-in Məclis və İcraiyyə komitəsinin üzvüdür. Azərb. Resp. ictimai-siyasi həyatında və həmkarlar ittifaqlarının inkişafında xüsusi xidmətlərinə görə Azərb. Prezidentinin 2008 il 2 fevral tarixli sərəncamı ilə “Tərəqqi” medalı, Azərbaycan Həmkarlar İttifaqları Konfederasiyasının “100 illik Yubiley” medalı ilə təltif olunub.

Mənbə: http://old.ahik.org/articles/view/muavn

Anar Rəsul oğlu Rzayev (14.3.1938, Bakı ş.) – nasir, şair, dramaturq, tərcüməçi, ssenarist, Xalq yazıçısı (1998), AYB-nin sədri (1991).

Azərb.-ın görkəmli şairləri Rəsul Rzanın və Nigar Rəfibəylinin övladıdır. Anası şairə Nigar Rəfibəyli AXC-nin ilk səhiyyə naziri və Gəncə ş.-nin general-qubernatoru olan Xudadat bəy Rəfibəylinin qızıdır. Məşhur Rəfibəylilər nəslindən olan Nigar xanım 1913 il iyunun 29-da Gəncədə anadan olub. Ata tərəfdən babası Ələkbər bəy Rəfibəyli – el ağsaqqalı, maarifçi, Azərbaycanda ilk siyası partiya olan “Difai” Partiyasının yaradıcılarındandır. Ələkbər bəyin yeganə oğlu, Nigar xanımın atası Xudadat bəy ilk ali təhsilli cərrahlardandır. Xarkov Tibb Universitetini bitirdikdən sonra 17 il Gəncə xəstəxanasının baş həkimi və həkimlər cəmiyyətinin sədri vəzifəsində çalışıb. 1918 ildə Gəncədə müstəqil Azərb. Cümhuriyyəti qurulan zaman Xudadat bəy Rəfibəyli Fətəli xan Xoyskinin hökumətində ilk səhiyyə naziri olub, bir il sonra isə Gəncə general-qubernatoru vəzifəsinə təyin edilib. 1920 il aprel bolşevik çevrilişindən sonra həbs edilib, Gəncə üsyanının təşkilində ittiham edilərək güllələnib.

Cəfərov Aqil Abbas oğlu (1.9.1972, Göyçay ş.) – müəllim, şair-publisist, AYB və AJB-nin üzvü.

1989 ildə Nizami adına Göyçay ş. 7 saylı orta məktəbini bitirmişdir. 1989 ildə Göyçay MKS-də işləmişdir. A.Kəngərli 1995 ildə BDU-nun Kitabxanaçılıq, 2002 ildə Azərb. Müəllimlər İnstitutunun Tarix fakültəsini bitirmiş, kitabxançı-biblioqraf və tarix müəllimi ixtisasları almışdır. 1995–2000 illərdə “Press-exo”, “Xalq”, ’’Hürriyyət”, “Millət”, “Azad fikir”, “Hünər” qəzetlərində müxbir, şöbə müdiri, redaktor vəzifələrində işləmişdir. 2003-09 illərdə Nizami adına Göyçay ş. 7 saylı orta məktəbdə tarix müəllimi, 2009 ildən isə direktorun tərbiyə işləri üzrə müavini vəzifəsində işləyir. “Bir Allahın eşqinə” adlı ilk kitabı 2004 ildə çap olunmuşdur. “Məni çağır yuxuna”, ’’Yaxın və uzaq tarix”, “Mixaylonun silahdaşı”, “Qəm dünyası”, “Vaxtsız getdi gəncliyim” və s. adlı 12 kitabın müəllifidir.

(1930, Göyçay r-nunun Bəydövül k. – 1987, Göyçay ş.) – orijinal nağılçılığı və səliqəli ifa üslubuna görə özünəxas yaradıcılığa malik el sənətkarı.

Aşıq Cəbi Şirvanda, Muğanda, Dərbənddə sayılıb-seçilən aşıqlardan olub. Azərb.-la yanaşı, onu hətta Orta Asiya türkləri də çox seviblər. Aşıq Cəbi Orta Asiyada yaşayan yüzlərlə soydaşımızın toyunda öz saz-söz ifaları ilə iştirak edib. Aşığın zəngin şeir yaradıcılığı da olmuşdur. Lakin onun şeirlərindən çox az bir hissəsi gəlib bizə çatıb.

Mənbə: Q.Sayılov. “Şirvan aşıqlıq sənəti. Mənşəyi və durumu”. Mersin Akademi Yayınları, 2020.

(15.6.1947, Göyçay r-nunun Bığır k. – 4.1993) – geologiya-minerologiya ü.f.d.

1947 il iyunun 15-də Göyçay r-nunun Bığır k.-də anadan olub. Orta məktəbi bitirəndən sonra indiki BDU Geoloji coğrafiya fakültəsinə daxil olub. 1968 ildə həmin fakültəni bitirib geoloq ixtisasına yiyələnib. Sonra Azərb. EA Geologiya İnstitutunda lobarant, elmi işçi, baş elmi işçi vəzifələrində çalışıb. 1974-76 illərdə həmin institutun aspiranturasında təhsilini davam etdirib, daha sonra isə Xarkov Dövlət Universitetinin elmi şurasında dissertasiya müdafiə edərək geologiya-minerologiya elmləri namizədi alimlik dərəcəsi alıb. Ş.Aslanov 1993 ilin aprelində vəfat edib.

Material V.Abdullayevdən alınıb.

(15.7.1925, Göyçay ş. – 3.2.1994, Bakı) – Azərb. müğənnisi (lirik-dramatik tenor), pianoçu.

Azərb. SSR Xalq artisti (1967). Prof. (1972). Moskva Dövlət Konservatoriyasını (1949; K.N.İqumnovun sinfini) və onun aspiranturasını (1952; X.N.Fliyerin sinfini) bitirib.

Vokal üzrə A.V.Nejdanovadan dərs alıb. 1953-94 illərdə Azərb. Dövlət Opera və Balet Teatrının solisti olub.

(21.8.1927, Göyçay ş. – 30.11.2012, Bakı ş.) – skripkaçı, pedaqoq, Əməkdar artist (2007).

1945 ildə Azərb. Dövlət Konservatoriyasına qəbul olub, sonradan təhsilini Moskva Dövlət Konservatoriyasının skripka sinfi üzrə davam etdirib və 1952 ildə burada Dmitri Tsıqanovun skripka sinfini bitirib. 1952 ildən ömrünün sonunadək Azərb. Dövlət Konservatoriyasının “Simli alətlər” kafedrasında dərs demişdir. 1952-62 illərdə konservatoriyanın nəzdindəki musiqi məktəbinin direktoru olub.

Kərimov Cavad Mirəliəkbər oğlu (25.9.1943, Masallı r-nunun Qızılavar k. – 2006) – din xadimi. C.Kərimov 25.9.1943 ildə Masallı r-nunun Qızılavar k-nin “Dəlləkoba” (keçmiş Seyyidoba) məhəlləsində, ruhani ailəsində dünyaya göz açmışdır. Ulu babaları Lerik r-nunun Camanşeh k.-nin Seyyidlərindən olmuşdur, lakin repressiya zamanı Qızılavar k-nə köçürülmüşlər. Valideynləri – islam dini üzrə alim Kazımov Mirəliəkbər və Seyyidə Fizzə xanım Haşimilər nəslinə mənsub olmuşlar. İlk təhsilini “Dəlləkoba” ibtidai məktəbində almışdır. Ruhani elminə dərindən yiyələnməyi qarşısına məqsəd qoymuş və görkəmli alimlər olan molla Hüseyn Əli, molla Əli Fəttah, molla Şeyx Qüdrət, molla Əli Nağı, molla Cəbrayıl (qayınatası), repressiya qurbanı olmuş şeyx Hüseyn kimi şəxsiyyətlərdən fiqh, üsul və şəriət elmlərinə yiyələnmişdir.

Ayətullah Mirfazil ağa Mirtalıb oğlu (XIX əsrin 60 illərinin əvvəlləri, Şirvan ş. – 4.1942, Bakı ş.) – ötən əsrin əvvəllərində Göyçayın din xadimi.

Ayətullah Mirfazil ağa Mirtalıb oğlu xan ailəsində anadan olmuşdur. Mirfazil ağanın şəcərəsindən onun imam Museyi Kazım (r.a.) nəslindən olduğu aydın olur, yəni Əl-Musəvi seyidlərindən olduğu aydınlaşır. Mirfazil ağa ilk təhsilini Şamaxıda almış, sonra İraqın Nəcəfül-Əşrəf ş.-nə getmiş və orada 30 ilə qədər təhsil almışdır. Arada gedib 4 il Türkiyədə oxumuşdur. Təhsilini bitirib 1906 ildə vətənə qayıtmışdır. Nəcəfdə oxuyarkən ərəb qızı Raziyə xanımla evlənmişdir.